João 21
21
Ca hwet pa' caparut Jeju, je pain ca mi' caparut pain ca pa' tamana urut con hwam ma' quem
1Hwet pa' mami' ac caparut na Jeju pain cacarain cote ne com pain Tiberíades ma'. Ac i ca' na pain ca hwet pa' caparut pane. 2Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'#21.2 Co horoman pe na, je ca tomi' mao ne ca Dídimo wa ma'.. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.
3Pa' ta' hwam ina ta ac caparut na Simão Pedro.
Warut quem, hwet xut pum ta ac urut con na, mama' mama' pi' pin ac urut na, piri' to ac urut pain na mam' horoho wa ma'. Pa' towa xi' paxi' urut, ane om pa' camain' urut ne.
4Xec pin ta' iri na ne, om ca xec homa ne, xat pe ac cain na cacarain com Jeju. Wirico paxi' na. Ane om querec pin' urut con ne.
5Tomi' querec ac caparut na: Hwijima'. Pa' hwe quem ac caparut na.
Om na, om ca pa' camain' urut ta ac urut na.
6Xin mao jein pain xijein caxi ma', pain iri' cwerein mam' horoho nuhu' ma'. Cut ac hun tara ta ac caparut na.
Xin ac urut pain na. Mija na hwam ta. Om ca cuc na caparut pain ca cut piri' xut con pain mam' horoho nuxut.
7Wata' pain ca iri' win ma' ne capa' Jeju ca', querec pin' inon. Tomi' ac ton na Pedro: Taramaxicon nexi' na co ma' ta inon.
Taraju iri napa' Pedro ne, pe hap ac con na womicon co an pe ca ma', pocom hwet ac con na. 8Warut iri na ne, horoho hwet ac urut pain na cacarain. Cuc in qui' ac urut pain na caji wi con hwam pain com ma' quem. Xi to xipana ara urut ta. Ac ca 100 e' ne na metro nein ca to pira ca' urut pain cacarain. 9Hwerehwet ca' iri urut pain mam' horoho nuxut ma' ne, querec ac urut pain na wijimain xe ma'. Wara ma' na hwam co xain wa pain. Ma' na capam' quem.
10Cut paric e' jun hwam co pa' hwe ma' ac caparut na.
11Ma ac ca na Pedro, corom in hwet ac cain na mam' horoho nuxut ma', coc ororo ac cain na caji wi ca mam' pa' urut ma'. Coc ororo coc ororo hwet ac cain na cacarain com. Mija tamana na hwam ta. Ma' 153 na cote ca hwam. Mija paxi' na, ane om wein mao ne mam' pa' urut ne.
12Harahap je, cao' xi' e' ac caparut na Jeju. Hehe urut con Jeju quem. Om ca tomi' querec urut con pain ca cain' ca wari' ma quem urut con, om na. Xi querec pin' ara urut con ta. Taramaxicon nexi' cwa' ira urut, ac i ma' na ca coromicat nuxut.
13An ac cain na capam' Jeju, maxiram' mi' ac caparut pain na. Ac i ma' non hwam quem, maxiram' mi' ac caparut con na quem.
14Je win 3 pin ne ca hwet pa' caparut Jeju pain ca taxipa' urut con ca', pain ca e' mami' nucun pane.
Ca tomi' xo' con Pedro Jeju
15Pi' pin iri na ca cao' nuxut ne, tomi' querec ac con na Simão Pedro Jeju: Simão, panxica João. Om ca noc mapa'? Tomi' querec te tiquin' ca' mapa' cocon caram cwa' ra non.
E'e', taxi' mapa' pain ca om noc xim ca' Taramaxicon ne ac ca na.
Je ca tomi' xim ca': Querec wet roron oro wari' ne co an xiho' nanain wijimain ovelha ta ac con na.
16Tomi' querec mami' ac con na: Simão, panxica João. Om ca noc mapa' na ca tomi' querec mami' con ma'.
E'e', taxi' mapa' pain ca om noc xim ca' Taramaxicon ne ac ca na.
Je ca tomi' xim ca': Querec wet roron oro wari' ne co an xiho' nanain ovelha ta na pain ca tomi' mami' con ma'.
17Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'.
Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non.
Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non. 18Tomi' tomi' tiquin' ac con na: Pain ca xo' hwara' nem pane Pedro, ara xo' xijem, to pan mon womum, mao main ca mao ta' pan ma. Ane tomi' xim pain i ca' ne, tomi' iri'o' inem: Mara' pin iri ra ne, cut piri' ac main tara mum, pe pan ac quem con womum tara xucun wari', an mao ac quem tara quem. Noc inain ca mao wa paxi' ron, an mao ac quem tara ta na ca tomi' con ma'.
19Tomi' iri nain i ma' Jeju ne, tomi' mi' nain ca mi' pin ta' nucun Pedro. Ac i ma' tara ca mi' pin ta' nem ta non. Mi' pin iri ra ne, an hwet ac main tara ca awi tamana nucun Te Iri' Jam ta non quem.
Tomi' ac con na: Hap ra, ja' ja' cara ne ta ac con na.
20Noro in ac ca na Pedro. Querec ac capa' na pain ca ja' ja' toton ma'. Wata' co iri' win ma' ne ca Jeju quem. Wata' co xao pe ho' non Jeju pain ca cao' querec te nuxut pane, co joc tomi' non Jeju pain ca ma' co tomi' mi' xim nem cocon oro taramaxicon quem ton pane. 21Querec iri napa' Pedro ne, tomi' querec ac con na Jeju pata': Co ma' quem Taramaxicon ne? Ma' carawa ca ara ton non quem non pata'.
22Para tomi' querec mapa' con quem ac con na. Mo ta param ton pain ca wara mi' pin ca' capa' pain ca in qui' ta' ne ca'. Mo ta param ton pain ca in pa' ton pain ca e' e' wet nucun quem, je i ma' ira. Wum iri na ne, ja' ja' cara pan ne ta non.
23Tomi' hwet tomi' hwet xam' ac tococwa na oro wari' co ja' ja' nonon Jeju quem: Om ta mi' pin ca co ma' co iri' win ma' ne ca Jeju ta ca' nanapa'. Ane om tomi' ac i ma' ca Jeju pata' ne. Tomi' ca' e' na pain ca tomi' con Pedro: Para tomi' querec mapa' con quem non. Mo ta param ton pain ca wara mi' pin ca' capa' pain ca in qui' ta' ne ca'. Mo ta param ton pain ca in pa' ton quem, je i ma' ira ta non pata'.
Ca pi' pin ne ca xirao' ne
24Wata' pain ca taxipa' ton Jeju ca', tomi' hwet pan inuhu' pain oro ca ara ca Jeju pane. Xirao' pe mi' inuhu' pain quem. Taxi' urut pain ca tomi' iri'o' ta' ca' quem.
25Ma' ma' wet paxi' na oro xijein ca ara ca Jeju pane ira. Mo xi xirao' to xirao' to xam' xine pain oro livro ma'#21.25 Oro livro cocon hwanana pain cara pane, om ca an xiho' nein oro livro nexi' pain xocori ca'. An e' nanain tapari carawa, xirao' xirao' ac cacain na, joc top ac cacain na quem. Ac i ma' na livro nucucun hwanana pane., om xi na camain' ne pain ca an to mami' ac xine pain oro xijein cidade pain oro xijein macan'. Ac i ma' na ca coromicat ne ca' quem.
Je i ma'.
Currently Selected:
João 21: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
João 21
21
Ca hwet pa' caparut Jeju, je pain ca mi' caparut pain ca pa' tamana urut con hwam ma' quem
1Hwet pa' mami' ac caparut na Jeju pain cacarain cote ne com pain Tiberíades ma'. Ac i ca' na pain ca hwet pa' caparut pane. 2Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'#21.2 Co horoman pe na, je ca tomi' mao ne ca Dídimo wa ma'.. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.
3Pa' ta' hwam ina ta ac caparut na Simão Pedro.
Warut quem, hwet xut pum ta ac urut con na, mama' mama' pi' pin ac urut na, piri' to ac urut pain na mam' horoho wa ma'. Pa' towa xi' paxi' urut, ane om pa' camain' urut ne.
4Xec pin ta' iri na ne, om ca xec homa ne, xat pe ac cain na cacarain com Jeju. Wirico paxi' na. Ane om querec pin' urut con ne.
5Tomi' querec ac caparut na: Hwijima'. Pa' hwe quem ac caparut na.
Om na, om ca pa' camain' urut ta ac urut na.
6Xin mao jein pain xijein caxi ma', pain iri' cwerein mam' horoho nuhu' ma'. Cut ac hun tara ta ac caparut na.
Xin ac urut pain na. Mija na hwam ta. Om ca cuc na caparut pain ca cut piri' xut con pain mam' horoho nuxut.
7Wata' pain ca iri' win ma' ne capa' Jeju ca', querec pin' inon. Tomi' ac ton na Pedro: Taramaxicon nexi' na co ma' ta inon.
Taraju iri napa' Pedro ne, pe hap ac con na womicon co an pe ca ma', pocom hwet ac con na. 8Warut iri na ne, horoho hwet ac urut pain na cacarain. Cuc in qui' ac urut pain na caji wi con hwam pain com ma' quem. Xi to xipana ara urut ta. Ac ca 100 e' ne na metro nein ca to pira ca' urut pain cacarain. 9Hwerehwet ca' iri urut pain mam' horoho nuxut ma' ne, querec ac urut pain na wijimain xe ma'. Wara ma' na hwam co xain wa pain. Ma' na capam' quem.
10Cut paric e' jun hwam co pa' hwe ma' ac caparut na.
11Ma ac ca na Pedro, corom in hwet ac cain na mam' horoho nuxut ma', coc ororo ac cain na caji wi ca mam' pa' urut ma'. Coc ororo coc ororo hwet ac cain na cacarain com. Mija tamana na hwam ta. Ma' 153 na cote ca hwam. Mija paxi' na, ane om wein mao ne mam' pa' urut ne.
12Harahap je, cao' xi' e' ac caparut na Jeju. Hehe urut con Jeju quem. Om ca tomi' querec urut con pain ca cain' ca wari' ma quem urut con, om na. Xi querec pin' ara urut con ta. Taramaxicon nexi' cwa' ira urut, ac i ma' na ca coromicat nuxut.
13An ac cain na capam' Jeju, maxiram' mi' ac caparut pain na. Ac i ma' non hwam quem, maxiram' mi' ac caparut con na quem.
14Je win 3 pin ne ca hwet pa' caparut Jeju pain ca taxipa' urut con ca', pain ca e' mami' nucun pane.
Ca tomi' xo' con Pedro Jeju
15Pi' pin iri na ca cao' nuxut ne, tomi' querec ac con na Simão Pedro Jeju: Simão, panxica João. Om ca noc mapa'? Tomi' querec te tiquin' ca' mapa' cocon caram cwa' ra non.
E'e', taxi' mapa' pain ca om noc xim ca' Taramaxicon ne ac ca na.
Je ca tomi' xim ca': Querec wet roron oro wari' ne co an xiho' nanain wijimain ovelha ta ac con na.
16Tomi' querec mami' ac con na: Simão, panxica João. Om ca noc mapa' na ca tomi' querec mami' con ma'.
E'e', taxi' mapa' pain ca om noc xim ca' Taramaxicon ne ac ca na.
Je ca tomi' xim ca': Querec wet roron oro wari' ne co an xiho' nanain ovelha ta na pain ca tomi' mami' con ma'.
17Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'.
Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non.
Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non. 18Tomi' tomi' tiquin' ac con na: Pain ca xo' hwara' nem pane Pedro, ara xo' xijem, to pan mon womum, mao main ca mao ta' pan ma. Ane tomi' xim pain i ca' ne, tomi' iri'o' inem: Mara' pin iri ra ne, cut piri' ac main tara mum, pe pan ac quem con womum tara xucun wari', an mao ac quem tara quem. Noc inain ca mao wa paxi' ron, an mao ac quem tara ta na ca tomi' con ma'.
19Tomi' iri nain i ma' Jeju ne, tomi' mi' nain ca mi' pin ta' nucun Pedro. Ac i ma' tara ca mi' pin ta' nem ta non. Mi' pin iri ra ne, an hwet ac main tara ca awi tamana nucun Te Iri' Jam ta non quem.
Tomi' ac con na: Hap ra, ja' ja' cara ne ta ac con na.
20Noro in ac ca na Pedro. Querec ac capa' na pain ca ja' ja' toton ma'. Wata' co iri' win ma' ne ca Jeju quem. Wata' co xao pe ho' non Jeju pain ca cao' querec te nuxut pane, co joc tomi' non Jeju pain ca ma' co tomi' mi' xim nem cocon oro taramaxicon quem ton pane. 21Querec iri napa' Pedro ne, tomi' querec ac con na Jeju pata': Co ma' quem Taramaxicon ne? Ma' carawa ca ara ton non quem non pata'.
22Para tomi' querec mapa' con quem ac con na. Mo ta param ton pain ca wara mi' pin ca' capa' pain ca in qui' ta' ne ca'. Mo ta param ton pain ca in pa' ton pain ca e' e' wet nucun quem, je i ma' ira. Wum iri na ne, ja' ja' cara pan ne ta non.
23Tomi' hwet tomi' hwet xam' ac tococwa na oro wari' co ja' ja' nonon Jeju quem: Om ta mi' pin ca co ma' co iri' win ma' ne ca Jeju ta ca' nanapa'. Ane om tomi' ac i ma' ca Jeju pata' ne. Tomi' ca' e' na pain ca tomi' con Pedro: Para tomi' querec mapa' con quem non. Mo ta param ton pain ca wara mi' pin ca' capa' pain ca in qui' ta' ne ca'. Mo ta param ton pain ca in pa' ton quem, je i ma' ira ta non pata'.
Ca pi' pin ne ca xirao' ne
24Wata' pain ca taxipa' ton Jeju ca', tomi' hwet pan inuhu' pain oro ca ara ca Jeju pane. Xirao' pe mi' inuhu' pain quem. Taxi' urut pain ca tomi' iri'o' ta' ca' quem.
25Ma' ma' wet paxi' na oro xijein ca ara ca Jeju pane ira. Mo xi xirao' to xirao' to xam' xine pain oro livro ma'#21.25 Oro livro cocon hwanana pain cara pane, om ca an xiho' nein oro livro nexi' pain xocori ca'. An e' nanain tapari carawa, xirao' xirao' ac cacain na, joc top ac cacain na quem. Ac i ma' na livro nucucun hwanana pane., om xi na camain' ne pain ca an to mami' ac xine pain oro xijein cidade pain oro xijein macan'. Ac i ma' na ca coromicat ne ca' quem.
Je i ma'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil