Atos 6
6
Ca tora' tococwa wari' co quep xiho' nonon co howa nonon Jeju
1Ac i ma' ac i ma' nana. Ca mija mija tiquin' caca co howa nonon Jeju ma', ca mija mija tiquin' caca ma', aram aram mija pin ac caca na quem. Tomi' xirac ac xucucun na. Co tomi' nanain capijacocon oro grego ma', tomi' xirac ca' nonon co tomi' nanain capijacocon oro judeu ma', hebraico#6.1 Hebraico na wixinain capijacocon oro judeu. ma': Maxiram' mi' iri tata pain carawa ca cao' wa oro narima' co cono' ca' nanam waram taxicacam cwa' ne, maxiram' mi' hwara' ac tacacama na co tomi' nanain capijacocon oro judeu. Oro ca nari nuxut pain ca tomi' urut pain capijacocon oro grego cwa' iri nana ne, ji'am pin tata. Om ca maxiram' mi' tacacama pain carawa ca cao' wa ta nana pain ca tomi' xirac caca ma'.
2Na ra ac caca na oro apóstolo ma', co ma' 12 nana ma'. Tomi' cut in tomi' cut in pi' pin ac tococwa na oro co howa nonon Jeju. Tomi' xo' ac tococwa na: Warut pain ca apóstolo urut ca', mo xi maxiram' mi' pan urut cacam pain carawa ca cao' wa, om xi win xumu ac urut pain ca taramaja nuxut pain ca pijim' urut pain capijacon Iri' Jam. Om xi hohot ne. 3Je ca tomi' urut pahu' ca' xere ac tococwa na. Tora' 7 jujun co querec pin' wawa pain ca xuruxut xo' nucucun ma', je pain ca pe ho' mip cocon Tamataracon Iri' Jam ma', je pain ca xumu xo' caca ma' quem. Wahu' pan tatara co maxiram' mi' nanam pain carawa ca cao' wa ta ac urut cocon tara. 4Win xumu pan ac urut pain tara ca taramaja nuxut pain ca momon tomi' urut con Iri' Jam cwa', je pain ca momon pijim' urut pain capijacon ca', ac i ma' na ca tomi' tococwa ma'.
5Awi na ca tomi' nuhu' ta ac caca na co howa nonon Jeju. Xin ne xin ne pi' pin nana. Tora' ac tococwa na. Mo nana: Ma' na Estêvão ma'. Howa mip na Estêvão. Pe ho' mip non Tamataracon Iri' Jam quem. Ma' ac ca na Filipe con Prócoro con Nicanor con Timon con Pármenas con Nicolau ma' quem. Wari' nein Antioquia na Nicolau pane. Om paxi' na ca judeu ca pain cara pane, ane tomi' ha' taxipa' cain ca xirao' nucun Moisés ne. Win caca oro judeu ma'. 6Tora' iri tata ne, momon cwa' ta ac tococwa na oro apóstolo. Tomi' mi' ac tococwa na con Iri' Jam, quep quep ac tococwa na pain winacocon quem.
7Pijim' pijim' tiquin' ac cacain na capijacon Iri' Jam pane. Ca pijim' pijim' tiquin' caca ma', ca pijim' pijim' tiquin' caca ma', aram aram mija pin ac caca na oro wari' co taraju nanain capijacon Iri' Jam. Ma' mija hap nana co howa pin nonon Jeju pain Jerusalém ma'. Oro sacerdote ma' quem, ma' mija nana co howa pin nana quem.
Ca quep cocon Estêvão
8Quep xiho' tamana non Estêvão Iri' Jam pane. To' hwara' opa non, mi' non pain ca ara tamana wa carawa ca om ara taxi' ne ca wari' wa quem. Wa wa nonon oro wari' ma' quem. 9Ane ma' caca oro judeu co noc nonon ne. Taramaja mi' e' nonon oro tatirim pain cara pane. Aram aram to' witan ac tococwa na quem. Xirim ca cut in to xucucun ma', Xiricocon co Witan Nana ta na wixinain cocon oro wari'. Maqui' nanain oro xijein cidade ma', maqui' nanain Cirene je Alexandria, maqui' nanain oro xijein macarain Cilícia je pain Ásia quem. Noc nonon Estêvão. Tomi' xun e' ac caca na, tomi' in pin tomi' in pin ac cocon na quem. 10Ane quep xiho' con Estêvão Tamataracon Iri' Jam ne. Mi' hwara' non pain ca tomi' taxi' wa. Tomi' in pin xun paxi' nonon caram ma' co noc nonon ma'. Ane om ha' cocon ne. Hehe e' nana con.
11Je ca hwet tococwa oro xucucun ma' quem. Tomi' ac tococwa na: Pagar xut pahu', ma' ta tomi' mixein hwe con Estêvão ta xucucun. Tomi' ca' je con: Tomi' napat non Moisés Estêvão cwa', tomi' napat non Iri' Jam quem, taraju urut con pain ca tomi' napat nucun ta, ac i ma' jujun oro wari' con, ac i ma' na ca tomi' noc xa tococwa ma'. Ma ac caca na.
12Ac i ma' na ca ja' teretem tococwa oro wari' cocon oro taramaxicon nucucun oro judeu cocon oro co ca' na taxipa' nanain ca xirao' nucun Moisés ma'. Maji quep xun Estêvão ta ac caca na, mo hwet ac cocon na, quep ac cocon na, an mi' ac cocon na con oro taramaxicon pain ca cut in to nucucun pain ca Sinédrio caca ma'. 13Cut corom qui' ac tococwa co xina ximama' xi' nana cara ne. Tomi' ximama' ac caca na: Tama' tomi' napat a xira co cwa' ne ta. Tomi' napat nain cote ne xiricon Iri' Jam nexi' ca', tomi' napat nain ca xirao' nucun Moisés ma' quem. 14Taraju urut con pain ca tomi' napat ca quem. To' pa horohot pin tarain cote ne xiricon Iri' Jam Jeju cara pane, co maqui' nain Nazaré pane. Tomi' ni ca' tarain ca xirao' nucun Moisés ca tomi' ha' taxipa' iri' ca' quem, ac i ma' na ca tomi' napat ca co cwa' ta. Ac i ma' na ca tomi' mixein ximama' nucucun ma'.
15Noro noro pi' pin ac cocon Estêvão na oro wari' co xao to nanain i ma', pain ca cut in to xucucun oro taramaxicon ma'. Noro tamana nonon. Querec querec ac tocon jam co taramaja mi' non Iri' Jam ma' nonon tocon ma'.
Currently Selected:
Atos 6: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
Atos 6
6
Ca tora' tococwa wari' co quep xiho' nonon co howa nonon Jeju
1Ac i ma' ac i ma' nana. Ca mija mija tiquin' caca co howa nonon Jeju ma', ca mija mija tiquin' caca ma', aram aram mija pin ac caca na quem. Tomi' xirac ac xucucun na. Co tomi' nanain capijacocon oro grego ma', tomi' xirac ca' nonon co tomi' nanain capijacocon oro judeu ma', hebraico#6.1 Hebraico na wixinain capijacocon oro judeu. ma': Maxiram' mi' iri tata pain carawa ca cao' wa oro narima' co cono' ca' nanam waram taxicacam cwa' ne, maxiram' mi' hwara' ac tacacama na co tomi' nanain capijacocon oro judeu. Oro ca nari nuxut pain ca tomi' urut pain capijacocon oro grego cwa' iri nana ne, ji'am pin tata. Om ca maxiram' mi' tacacama pain carawa ca cao' wa ta nana pain ca tomi' xirac caca ma'.
2Na ra ac caca na oro apóstolo ma', co ma' 12 nana ma'. Tomi' cut in tomi' cut in pi' pin ac tococwa na oro co howa nonon Jeju. Tomi' xo' ac tococwa na: Warut pain ca apóstolo urut ca', mo xi maxiram' mi' pan urut cacam pain carawa ca cao' wa, om xi win xumu ac urut pain ca taramaja nuxut pain ca pijim' urut pain capijacon Iri' Jam. Om xi hohot ne. 3Je ca tomi' urut pahu' ca' xere ac tococwa na. Tora' 7 jujun co querec pin' wawa pain ca xuruxut xo' nucucun ma', je pain ca pe ho' mip cocon Tamataracon Iri' Jam ma', je pain ca xumu xo' caca ma' quem. Wahu' pan tatara co maxiram' mi' nanam pain carawa ca cao' wa ta ac urut cocon tara. 4Win xumu pan ac urut pain tara ca taramaja nuxut pain ca momon tomi' urut con Iri' Jam cwa', je pain ca momon pijim' urut pain capijacon ca', ac i ma' na ca tomi' tococwa ma'.
5Awi na ca tomi' nuhu' ta ac caca na co howa nonon Jeju. Xin ne xin ne pi' pin nana. Tora' ac tococwa na. Mo nana: Ma' na Estêvão ma'. Howa mip na Estêvão. Pe ho' mip non Tamataracon Iri' Jam quem. Ma' ac ca na Filipe con Prócoro con Nicanor con Timon con Pármenas con Nicolau ma' quem. Wari' nein Antioquia na Nicolau pane. Om paxi' na ca judeu ca pain cara pane, ane tomi' ha' taxipa' cain ca xirao' nucun Moisés ne. Win caca oro judeu ma'. 6Tora' iri tata ne, momon cwa' ta ac tococwa na oro apóstolo. Tomi' mi' ac tococwa na con Iri' Jam, quep quep ac tococwa na pain winacocon quem.
7Pijim' pijim' tiquin' ac cacain na capijacon Iri' Jam pane. Ca pijim' pijim' tiquin' caca ma', ca pijim' pijim' tiquin' caca ma', aram aram mija pin ac caca na oro wari' co taraju nanain capijacon Iri' Jam. Ma' mija hap nana co howa pin nonon Jeju pain Jerusalém ma'. Oro sacerdote ma' quem, ma' mija nana co howa pin nana quem.
Ca quep cocon Estêvão
8Quep xiho' tamana non Estêvão Iri' Jam pane. To' hwara' opa non, mi' non pain ca ara tamana wa carawa ca om ara taxi' ne ca wari' wa quem. Wa wa nonon oro wari' ma' quem. 9Ane ma' caca oro judeu co noc nonon ne. Taramaja mi' e' nonon oro tatirim pain cara pane. Aram aram to' witan ac tococwa na quem. Xirim ca cut in to xucucun ma', Xiricocon co Witan Nana ta na wixinain cocon oro wari'. Maqui' nanain oro xijein cidade ma', maqui' nanain Cirene je Alexandria, maqui' nanain oro xijein macarain Cilícia je pain Ásia quem. Noc nonon Estêvão. Tomi' xun e' ac caca na, tomi' in pin tomi' in pin ac cocon na quem. 10Ane quep xiho' con Estêvão Tamataracon Iri' Jam ne. Mi' hwara' non pain ca tomi' taxi' wa. Tomi' in pin xun paxi' nonon caram ma' co noc nonon ma'. Ane om ha' cocon ne. Hehe e' nana con.
11Je ca hwet tococwa oro xucucun ma' quem. Tomi' ac tococwa na: Pagar xut pahu', ma' ta tomi' mixein hwe con Estêvão ta xucucun. Tomi' ca' je con: Tomi' napat non Moisés Estêvão cwa', tomi' napat non Iri' Jam quem, taraju urut con pain ca tomi' napat nucun ta, ac i ma' jujun oro wari' con, ac i ma' na ca tomi' noc xa tococwa ma'. Ma ac caca na.
12Ac i ma' na ca ja' teretem tococwa oro wari' cocon oro taramaxicon nucucun oro judeu cocon oro co ca' na taxipa' nanain ca xirao' nucun Moisés ma'. Maji quep xun Estêvão ta ac caca na, mo hwet ac cocon na, quep ac cocon na, an mi' ac cocon na con oro taramaxicon pain ca cut in to nucucun pain ca Sinédrio caca ma'. 13Cut corom qui' ac tococwa co xina ximama' xi' nana cara ne. Tomi' ximama' ac caca na: Tama' tomi' napat a xira co cwa' ne ta. Tomi' napat nain cote ne xiricon Iri' Jam nexi' ca', tomi' napat nain ca xirao' nucun Moisés ma' quem. 14Taraju urut con pain ca tomi' napat ca quem. To' pa horohot pin tarain cote ne xiricon Iri' Jam Jeju cara pane, co maqui' nain Nazaré pane. Tomi' ni ca' tarain ca xirao' nucun Moisés ca tomi' ha' taxipa' iri' ca' quem, ac i ma' na ca tomi' napat ca co cwa' ta. Ac i ma' na ca tomi' mixein ximama' nucucun ma'.
15Noro noro pi' pin ac cocon Estêvão na oro wari' co xao to nanain i ma', pain ca cut in to xucucun oro taramaxicon ma'. Noro tamana nonon. Querec querec ac tocon jam co taramaja mi' non Iri' Jam ma' nonon tocon ma'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil