Lucas 15
15
Ca pijim' joc mam' mi' tococwa pain ovelha ca pan' am
Mateus 18.12-14
1Wari' co cut in taxipa' nanain oro imposto ma', cocon oro xucucun wari' co caracat taxipa' nana ma' quem, cut in cut in pi' pin ac xucucun na pain ca taraju xun cocon Jeju ma', pain ca pijim' ta' ca ma'. 2Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'. 3Je ca pijim' joc mam' mi' tococwa pain wijimain ovelha ca pan' am.
4Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem. 5Mam' pin iri tarain ne, tomi' querec te tamana ac cain tara, an xin tapan ac cain tara pain tiquirimicon. 6In mao ac cain tara xiricon. Harahap je ac tococwa tara oro win ma' ca cocon oro xucucun co to ho' ja' pan nonon pain cidade nucun ma', tomi' ac tococwa tara: Tomi' querec te wi xijexi' e', xi mam' pin ara tain ovelha ne ca pan' am pane ta na ca tomi' tococwa ma'#15.6 Wari' co wina nain ovelha ma', co pirao' nain wijimain ovelha ca pan' am ma', an xiho' non Jeju. Wijimain ovelha ma' iri na ne, an xiho' non wari' co caracat quem. Mam' iri non co caracat Jeju ne, tomi' querec te tamana ac con na quem..
7Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.
Ca pijim' joc mam' mi' tococwa pain wijimain moeda ca pan' am
8Am ma' cama narima' ma', co ma' 10 nam moeda nein dracma ma' ac tococwa na#15.8 Dracma ma', je i ma' dinheiro nucucun oro grego pain cara pane. Wari' co taramaja mi' non xucun wari' ma', pain ca taramaja qui' cain iri' xo' xec, taramaja taramaja irawin pa' ac con na pain ca taramaja nucun ma', an xica' pe ac cain na dracma pain ca taramaja nucun.. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem. 9Mam' pin iri tarain ne, tomi' ac tacacama tara oro win ma' cama cacam oro xequequem co to ho' ja' pan nanam pain cidade nequem. Harahap je, tomi' querec te wi xijexi' e', xi mam' pin ara tain moeda ne ca pan' am pane ta ac tacacama tara#15.9 Narima' co pirao' nain moeda nein dracma ma', an xiho' non Jeju. Moeda nein dracma nequem ma' iri na ne, an xiho' non wari' co caracat quem. An xiho' nain ca pijim' nucun pain wijimain ovelha ma' quem. Pain ca tomi' querec te cama narima' co mam' nain moeda nequem ma', ac i ma' na ca tomi' querec te tamana ca Jeju pain ca mam' con co caracat ma' quem..
10Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.
Ca pijim' joc mam' mi' tococwa con panxica wari' co pan' am ma', con xucun panxica co pe ho' cara non cote ca quem
11Pijim' pijim' tiquin' ac tococwa na: Ma' na wari' co wanxi' pane. Ma' 2 nana mana panxica. 12Tomi' pan ac ca na panxica co xo' hwara'. Tomi' xim inem ta te non. Cut mi' ne pain caramajum ca wara tomi' an to mi' mapa' pane, wara cut mi' ne pain, pain ca om mi' pin querec ma ca' na ca tomi' con ma'. Na ra ac ca na, cut mi' ac tococwa pain caramaxicon na mana panxica.
13Om ca pain homa ne, mao tain xijein macan' pain pira ta ac ca na co xo' hwara' ma'. Vender pin iri nain oro caramaxicon ne, cut in cut in pi' pin ac cain na dinheiro nein, mao ac ca na quem. Wa' mao iri nain i cain ne, tamanain pe ac ca na, waraju pin ac cain na dinheiro nucun. 14Waraju waraju pi' pin iri nain dinheiro nucun ne, pe' tamana ac caca na oro wari' co to nanain i cain. Ximin pan ac ca na quem. 15Je ca hwet con wari' nein macan' ca pe pan ca ma'. Xiram pa' ne, pe ho' xim, taramaja mi' xim ta ac con na. Je i ma' ta ac ca na, mo hwet rain caji mijac ne cain, querec wet rain ta ac con na. 16Ximin na, xi pe' tamana ara ca ta. Cao' xitain caramaji mijac na ina me na. Ane om xiram pa' camain' cocon oro wari' ne.
17Aram aram coromicat xo' pin ac ca na. Querec pin' xucun pain ca tamanain nucun. Wa ina me ac xucun na. Ma' ma' pi' pin nonon carawa ca cao' wa oro wari' co taramaja mi' nonon te ta. Ma'am ca' nanain quem. Wata' iri na ne, mi' inain xocomu ta ac xucun na. 18In hwet ton te ta ac xucun na. Tomi' ton, caracat ina ta te, xi ari ara ton Iri' Jam pane ta, ari inem pane quem ac ton tara. 19Om ca hohot ne pain ca panxita' mami' mapa' ca'. Ac wari' co taramaja mi' mapa' pain xuru ta ne e', ac i ma' tara ca tomi' ton te ta ac xucun na. 20Hwet ho' ton ta ac ca na, mao ac ca na quem.
Wa' mao ta' iri na ne, querec pira ac con na cote ca. Xiram pa' tamana non panxica. Mo hwet ac con na, pe horoman tapan' ac con na, xup ac con na pain orocoxicon quem.
21Caracat ina ta te ac con na panxica. Caracat ina, xi ari ara ton Iri' Jam pane ta. Ari inem quem. Om ca hohot ne pain ca panxita' mami' mapa' ta non.
22Om na ta arain ac con na cote ca. Harahap je e' ac tococwa na co taramaja mi' e' nonon ma'. An qui' jun iri' wom ma', co awi tiquin' ca' non oro xucun wom pain xuru ca'. Pe jun con panxita' cwa' tata. Pe jun pain micon anel, pe jun pain caximacon caji caxim ma' quem ac tococwa na. 23An qui' ac hwein tara wijimain boi ca towe awi ma'. To' pa' pin ac hwein tara, xain ac hwein tara. Cao' querec te xi'. 24Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.
25Panxica co wara ma' ma' iri na ne, taramaja pe nain xitot. In mao tain xirim ta ac ca na. Hwet pin tain iri nain xirim ne, taraju ac cain na tamara', taraju nain ca tomi' querec te nequequem co pi' xirao' nana ma' quem. 26Merem qui' ac con na wari' co taramaja mi' e' nonon ma': Ma' carawa ca ara cacama quem non.
27Om na, in qui' na coxa' ma ta. To' pa' pin jein wijimain boi ca towe awi ma' naparut cote ma. Xi om ne ca in qui' xo' ara ca coxa' ma ta. Jain jain paxi' na pain i cain, ane awi pin ca pain xocori ca' ne na ca tomi' con ma'.
28Mana' tamana ac ca na cwaji' ca ma'. Om ca corom ra ha' ca. Hwet qui' ac ca na cote ca, tomi' mip ac con na: Corom ra corom ra paxi' non. 29Ane tomi' pan ca panxica ma' ne: Taraju wet ne e'! Mija na oro cawaxi' ca taramaja mi' xim ca'. Ac ca taramaja caca co taramaja mi' e' nenem cwa' ina pum. Om paxi' na ca ari camain' xim ta. Tama' tomi' ha' paxi' inem. Ane om mi' camain' mapa' pain carawa ca mam' cao' querec te wi ta' cocon oro win ma' ne ne. Mo xi mi' mapa' pain wijimain cabrito. Om ca mi' camain' mapa' pain. 30Panxima iri na ne, co mam' waraju nain dinheiro nein caramajum cacam oro caxicam narima' ma', in qui' iri na ne, to' pa' mi' ac mon na pain wijimain boi ca towe awi na ca tomi' con cote ca ma'.
31Om na ta arain ac con na cote ca. Wara pe ho' cara mapa', mene mene pi' pin main oro caramaju ca' quem. 32Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'#15.32 Wari' co wanxi' ma', an xiho' non Jeju. Panxica co pan' am ma', an xiho' non wari' co caracat. Xucun panxica co mana' non cote ca ma' iri na ne, co om tomi' querec te non coxa' ca pain ca in qui' nucun ma', wirico co an xiho' nonon oro fariseu co tomi' ximama' nonon Jeju pain ca tomi' querec te cocon oro caracat ma' quem.. Ac i ma' na ca pijim' tococwa pane.
Currently Selected:
Lucas 15: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
Lucas 15
15
Ca pijim' joc mam' mi' tococwa pain ovelha ca pan' am
Mateus 18.12-14
1Wari' co cut in taxipa' nanain oro imposto ma', cocon oro xucucun wari' co caracat taxipa' nana ma' quem, cut in cut in pi' pin ac xucucun na pain ca taraju xun cocon Jeju ma', pain ca pijim' ta' ca ma'. 2Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'. 3Je ca pijim' joc mam' mi' tococwa pain wijimain ovelha ca pan' am.
4Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem. 5Mam' pin iri tarain ne, tomi' querec te tamana ac cain tara, an xin tapan ac cain tara pain tiquirimicon. 6In mao ac cain tara xiricon. Harahap je ac tococwa tara oro win ma' ca cocon oro xucucun co to ho' ja' pan nonon pain cidade nucun ma', tomi' ac tococwa tara: Tomi' querec te wi xijexi' e', xi mam' pin ara tain ovelha ne ca pan' am pane ta na ca tomi' tococwa ma'#15.6 Wari' co wina nain ovelha ma', co pirao' nain wijimain ovelha ca pan' am ma', an xiho' non Jeju. Wijimain ovelha ma' iri na ne, an xiho' non wari' co caracat quem. Mam' iri non co caracat Jeju ne, tomi' querec te tamana ac con na quem..
7Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.
Ca pijim' joc mam' mi' tococwa pain wijimain moeda ca pan' am
8Am ma' cama narima' ma', co ma' 10 nam moeda nein dracma ma' ac tococwa na#15.8 Dracma ma', je i ma' dinheiro nucucun oro grego pain cara pane. Wari' co taramaja mi' non xucun wari' ma', pain ca taramaja qui' cain iri' xo' xec, taramaja taramaja irawin pa' ac con na pain ca taramaja nucun ma', an xica' pe ac cain na dracma pain ca taramaja nucun.. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem. 9Mam' pin iri tarain ne, tomi' ac tacacama tara oro win ma' cama cacam oro xequequem co to ho' ja' pan nanam pain cidade nequem. Harahap je, tomi' querec te wi xijexi' e', xi mam' pin ara tain moeda ne ca pan' am pane ta ac tacacama tara#15.9 Narima' co pirao' nain moeda nein dracma ma', an xiho' non Jeju. Moeda nein dracma nequem ma' iri na ne, an xiho' non wari' co caracat quem. An xiho' nain ca pijim' nucun pain wijimain ovelha ma' quem. Pain ca tomi' querec te cama narima' co mam' nain moeda nequem ma', ac i ma' na ca tomi' querec te tamana ca Jeju pain ca mam' con co caracat ma' quem..
10Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.
Ca pijim' joc mam' mi' tococwa con panxica wari' co pan' am ma', con xucun panxica co pe ho' cara non cote ca quem
11Pijim' pijim' tiquin' ac tococwa na: Ma' na wari' co wanxi' pane. Ma' 2 nana mana panxica. 12Tomi' pan ac ca na panxica co xo' hwara'. Tomi' xim inem ta te non. Cut mi' ne pain caramajum ca wara tomi' an to mi' mapa' pane, wara cut mi' ne pain, pain ca om mi' pin querec ma ca' na ca tomi' con ma'. Na ra ac ca na, cut mi' ac tococwa pain caramaxicon na mana panxica.
13Om ca pain homa ne, mao tain xijein macan' pain pira ta ac ca na co xo' hwara' ma'. Vender pin iri nain oro caramaxicon ne, cut in cut in pi' pin ac cain na dinheiro nein, mao ac ca na quem. Wa' mao iri nain i cain ne, tamanain pe ac ca na, waraju pin ac cain na dinheiro nucun. 14Waraju waraju pi' pin iri nain dinheiro nucun ne, pe' tamana ac caca na oro wari' co to nanain i cain. Ximin pan ac ca na quem. 15Je ca hwet con wari' nein macan' ca pe pan ca ma'. Xiram pa' ne, pe ho' xim, taramaja mi' xim ta ac con na. Je i ma' ta ac ca na, mo hwet rain caji mijac ne cain, querec wet rain ta ac con na. 16Ximin na, xi pe' tamana ara ca ta. Cao' xitain caramaji mijac na ina me na. Ane om xiram pa' camain' cocon oro wari' ne.
17Aram aram coromicat xo' pin ac ca na. Querec pin' xucun pain ca tamanain nucun. Wa ina me ac xucun na. Ma' ma' pi' pin nonon carawa ca cao' wa oro wari' co taramaja mi' nonon te ta. Ma'am ca' nanain quem. Wata' iri na ne, mi' inain xocomu ta ac xucun na. 18In hwet ton te ta ac xucun na. Tomi' ton, caracat ina ta te, xi ari ara ton Iri' Jam pane ta, ari inem pane quem ac ton tara. 19Om ca hohot ne pain ca panxita' mami' mapa' ca'. Ac wari' co taramaja mi' mapa' pain xuru ta ne e', ac i ma' tara ca tomi' ton te ta ac xucun na. 20Hwet ho' ton ta ac ca na, mao ac ca na quem.
Wa' mao ta' iri na ne, querec pira ac con na cote ca. Xiram pa' tamana non panxica. Mo hwet ac con na, pe horoman tapan' ac con na, xup ac con na pain orocoxicon quem.
21Caracat ina ta te ac con na panxica. Caracat ina, xi ari ara ton Iri' Jam pane ta. Ari inem quem. Om ca hohot ne pain ca panxita' mami' mapa' ta non.
22Om na ta arain ac con na cote ca. Harahap je e' ac tococwa na co taramaja mi' e' nonon ma'. An qui' jun iri' wom ma', co awi tiquin' ca' non oro xucun wom pain xuru ca'. Pe jun con panxita' cwa' tata. Pe jun pain micon anel, pe jun pain caximacon caji caxim ma' quem ac tococwa na. 23An qui' ac hwein tara wijimain boi ca towe awi ma'. To' pa' pin ac hwein tara, xain ac hwein tara. Cao' querec te xi'. 24Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.
25Panxica co wara ma' ma' iri na ne, taramaja pe nain xitot. In mao tain xirim ta ac ca na. Hwet pin tain iri nain xirim ne, taraju ac cain na tamara', taraju nain ca tomi' querec te nequequem co pi' xirao' nana ma' quem. 26Merem qui' ac con na wari' co taramaja mi' e' nonon ma': Ma' carawa ca ara cacama quem non.
27Om na, in qui' na coxa' ma ta. To' pa' pin jein wijimain boi ca towe awi ma' naparut cote ma. Xi om ne ca in qui' xo' ara ca coxa' ma ta. Jain jain paxi' na pain i cain, ane awi pin ca pain xocori ca' ne na ca tomi' con ma'.
28Mana' tamana ac ca na cwaji' ca ma'. Om ca corom ra ha' ca. Hwet qui' ac ca na cote ca, tomi' mip ac con na: Corom ra corom ra paxi' non. 29Ane tomi' pan ca panxica ma' ne: Taraju wet ne e'! Mija na oro cawaxi' ca taramaja mi' xim ca'. Ac ca taramaja caca co taramaja mi' e' nenem cwa' ina pum. Om paxi' na ca ari camain' xim ta. Tama' tomi' ha' paxi' inem. Ane om mi' camain' mapa' pain carawa ca mam' cao' querec te wi ta' cocon oro win ma' ne ne. Mo xi mi' mapa' pain wijimain cabrito. Om ca mi' camain' mapa' pain. 30Panxima iri na ne, co mam' waraju nain dinheiro nein caramajum cacam oro caxicam narima' ma', in qui' iri na ne, to' pa' mi' ac mon na pain wijimain boi ca towe awi na ca tomi' con cote ca ma'.
31Om na ta arain ac con na cote ca. Wara pe ho' cara mapa', mene mene pi' pin main oro caramaju ca' quem. 32Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'#15.32 Wari' co wanxi' ma', an xiho' non Jeju. Panxica co pan' am ma', an xiho' non wari' co caracat. Xucun panxica co mana' non cote ca ma' iri na ne, co om tomi' querec te non coxa' ca pain ca in qui' nucun ma', wirico co an xiho' nonon oro fariseu co tomi' ximama' nonon Jeju pain ca tomi' querec te cocon oro caracat ma' quem.. Ac i ma' na ca pijim' tococwa pane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil