Lucas 16
16
Ca pijim' joc mam' mi' tococwa con wari' co querec wet mixein nain caramaxicon taramaxicon
1Tomi' pan ac cocon na co taxipa' ca Jeju: Ma' na wari' co querec wet nain caramaxicon taramaxicon co caramaju. Aram aram maqui' ac ne na xec nein ca tomi' em' tocwa pain ca om taramaja xo' ca. Waraju nain caramajum ta nonon taramaxicon oro wari'. 2Hap ra ta ac con na, tomi' querec ac con na: Cain' cain' xima quem? Tomi' hwet nanapa' pain ca waraju main caramaju ca'! Cut qui' rain papel ca xirao' pe main oro ca taramaja nem pain dinheiro ne ma', pain ca waraju main oro caramaju ca'. Xi na ne pain ca querec wet mami' main caramaju ta non.
3Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun. 4Coromicat xo' ac ca na. Na xin ne ac ca na, taxi' pin inain carawa ca ara ta' ta' ca', ma' ta mija pin cacapa' oro wari' co xiram pa' xim nanapa' pain ca ximin ta' ta' ca'. Maqui' pin iri tara xec nein ca om taramaja mi' mami' ac ton taramaxicon ne cwa' ne, tomi' querec te ac cacapa' tara, pe ho' xut pain xuruxut ca' ac cacapa' tara, quep xiho' ac cacapa' tara quem na ca tomi' xucun ma'.
5Tomi' tomi' xam' ac tococwa na oro wari' co dever nonon taramaxicon nucun. Harahap je tata, tomi' querec ac con na co hwet cain' non ma': Ma' carawa ca dever mon taramaxicon ne quem non. 6Om na, dever 100 inon pain cote ne too nein homain winain oliva ac ca na.
Hap ra, je i ca' ca xirao' nein ca dever mon ca'. Xirao' ni rain, dever 50 inon pain cote ne too nein homain oliva ta rain con na ca tomi' con ma'.
7Tomi' querec ac con na xucun ma' quem: Wum quem? Ma' carawa ca dever mon taramaxicon ne quem non. Om na, dever 100 inon pain cote ne cotain trigo ta ac ca na.
Om na, je i ca' ca xirao' nein ca dever mon ca' ac con na. Xirao' ni rain, dever 80 inon pain cote ne cotain trigo ta rain con na ca tomi' con ma'.
8Taramaxicon nucun ma', taxi' pin iri non pain ca mixein ca ne pain ca waraju cain caramaxicon ma', he ac con na. In ac non quem. Om ca in ac con pain ca mixein nucun. In ac non pain ca ma' ne ximicon ma', pain ca wara coromicat an pe xo' nucun pain ca main quep xiho' tatarapa' oro win ma' ne pain ca aram aram ximin ta' ca ma' na ca pijim' tococwa ma'.
Tomi' ac tococwa na: Ac i ma' taxipa' nana oro wari' co om howa nonon Iri' Jam. Coromicat xo' tiquin' ca' nonon oro wari' co howa nana cwa', ma' tiquin' ca' nonon pain ca xumu wa pain ca wara coromicat an pe xo' taxi' nucucun ma', pain ca to' querec pin' cocon oro win ma' caca co aram aram quep xiho' xun nonon pain ca ximin nucucun ma'.
9Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.
10Wari' co taramaja xo' ma', co querec wet xo' nain wijimain carawa ma', taramaja xo' tara pain ca querec wet xo' cain cote ne carawa quem ac tococwa na. Wari' co om taramaja xo' ma' iri na ne, pain ca querec wet mixein cain wijimain carawa ma', om ta taramaja xo' ca pain ca querec wet mixein cain cote ne carawa ma' quem. 11Je ca tomi' xuhu' ca' ac tococwa na. Mo ta om howa ac xihwe pain ca querec wet hwein oro caramaji macan' ca', om ta querec wet jein iri' caramaju ta cuhu' Iri' Jam quem. 12Mo ta om howa ac xihwe pain ca querec wet hwein caramaxicocon oro win ma' nuhu' ma', om ta mi' xihwe pain carawa pain pawin cain quem. 13Wari' co taramaja ma', om ca taramaja mi' 2 ac cocon oro taramaxicon. Mo ta param con xucun, noc ac con tara xucun. Mo ta win xumu con xucun, tomi' napat ac con tara xucun. Je ca tomi' xuhu' ca': Om ca taramaja mi' ac hun Iri' Jam pain ca taramaja mi' taramaja mi' wet hwein dinheiro ta na ca tomi' tococwa ma'.
14Oro fariseu ma', co param nanain dinheiro ma', taraju nonon Jeju pain ca tomi' ac i ma' ca ma'. Tatam' ac cocon na, tomi' xirac nonon quem. 15Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.
16Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem. 17Ma' ma' wet na ca xirao' pe ca Moisés je oro ca xirao' to caca oro profeta quem. Pan' am paxi' tara nanawin pain macan' ca'. Ane om pan' am camain' ne ca xirao' nucun Moisés cocon oro profeta ne. Om ta pan' am camain' ne wijimain ca xirao' nein cocon ta.
18Je ca om na ne pain ca an ca xequem narima' wari' co an pe pin nam manacon ma'. Mo ta an cam xequem narima' ma', caracat ac ca tara. Wari' co an nam narima' co an pe pin nam quem, caracat ac ca tara quem na ca tomi' tococwa ma'.
Ca pijim' joc mam' mi' tococwa con Lázaro con wari' co caramaju
19Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem. 20Ma' na xucun wari' co an pe wa pain cacarain manain xiricon co caramaju ma' quem. Om non carawa. Lázaro na wixicon. Mija non oro caji nan quem. 21Cao' xita' na nain pawirinain caramaxicon ca cao' ca co ma' co caramaju ma' quem. Ximin na, maqui' maqui' na oromijac ma', xicot xicot ac cain na nonacon ma' quem.
22Aram aram maqui' ac ne na xec nein ca mi' pin nucun Lázaro ma'. An mao ac cocon na oro jam co taramaja mi' nonon Iri' Jam. O mi' nonon con Abraão cara pane. Aram aram mi' pin ac ca na co ma' co caramaju ma' quem. An corom pe ac xine na curucun pain manain pacun. 23Jain jain pe pan ac cain na cote ne xe quem. Mija na ca jain jain ca. Querec pira ac con na Abraão. Querec pira non Lázaro pain ca pe ho' con quem. 24Merem ac ca na: Xiram pa' ne ta jeo' Abraão. Tomi' mi' ne con Lázaro ma'. Xin cam rain tamain mum pain com ron ne con me, ara xio rain petehwet nucun ne con me. Xi jain jain tamana ara ta' pain xe ca' paxi' non.
25Ane tomi' in pin con Abraão ne: Om na ta arain. Mam' pe wet rain oro carawa ca hohot nem pain ca e' e' wet ma pain macan' pane. Tomi' querec te ma pain oro carawa ca awi ca param ma pane quem. Lázaro cwa' iri na ne, ximin na pane. Om ca ma' camain' con carawa ca awi. Ac i ma' paxi' hwe pain cara pane. Ane ja' tomi' querec te tocwa Lázaro pain i ca' ne. Wum iri na ne, jain jain tamana pan ma pain cote ne xe ma' ta. 26Om ca hwet ac quem Lázaro cwa', xi tac caho' ara capari' cote ne man ca om tawiri ma'. Wari' co hwet xim nuhu' pain i ma' parut, om ca hwet ac cuhu'. Wari' co hwet xim naparut pain i ca' pahu', om ca hwet ac caparut quem na ca tomi' con ma'.
27Jain jain ac ca na. Om na ta jeo' ac con na. Mao rain i cain ron pain xiricon te ta. 28Xi ma' ara caca xere ta. Ma' 5 nana. Wara tomi' xo' totoron, hu totoron, ma' ta om hwet cacapa' pain ca jain jain pe ta' ca', pain cote ne xe ca' na ca tomi' con ma'.
29Om na ta ac con na Abraão. Wara taraju nanain ca xirao' nucun Moisés pain ca xirao' nucucun oro profeta pane. Tomi' ha' ma' tatarain ca xirao' nucucun ne na.
30Om na ta jeo' Abraão ac ca na. Mo xi hwet cocon wari' co e' mami' ma', cwirin' pin ac caca xira ta na.
31Om na ta ac con na Abraão. Mo xi tomi' ha' cocon Moisés cocon oro profeta pane, je i ma' xira ca tomi' ha' cocon wari' co e' mami' paxi' ma' quem. Ane om tomi' ha' cocon Moisés cocon oro profeta ne. Om ta tomi' ha' cocon Lázaro quem na ca tomi' con ma'. Ac i ma' na ca pijim' joc mam' mi' tococwa con Lázaro con wari' co caramaju pane ta.
Currently Selected:
Lucas 16: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
Lucas 16
16
Ca pijim' joc mam' mi' tococwa con wari' co querec wet mixein nain caramaxicon taramaxicon
1Tomi' pan ac cocon na co taxipa' ca Jeju: Ma' na wari' co querec wet nain caramaxicon taramaxicon co caramaju. Aram aram maqui' ac ne na xec nein ca tomi' em' tocwa pain ca om taramaja xo' ca. Waraju nain caramajum ta nonon taramaxicon oro wari'. 2Hap ra ta ac con na, tomi' querec ac con na: Cain' cain' xima quem? Tomi' hwet nanapa' pain ca waraju main caramaju ca'! Cut qui' rain papel ca xirao' pe main oro ca taramaja nem pain dinheiro ne ma', pain ca waraju main oro caramaju ca'. Xi na ne pain ca querec wet mami' main caramaju ta non.
3Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun. 4Coromicat xo' ac ca na. Na xin ne ac ca na, taxi' pin inain carawa ca ara ta' ta' ca', ma' ta mija pin cacapa' oro wari' co xiram pa' xim nanapa' pain ca ximin ta' ta' ca'. Maqui' pin iri tara xec nein ca om taramaja mi' mami' ac ton taramaxicon ne cwa' ne, tomi' querec te ac cacapa' tara, pe ho' xut pain xuruxut ca' ac cacapa' tara, quep xiho' ac cacapa' tara quem na ca tomi' xucun ma'.
5Tomi' tomi' xam' ac tococwa na oro wari' co dever nonon taramaxicon nucun. Harahap je tata, tomi' querec ac con na co hwet cain' non ma': Ma' carawa ca dever mon taramaxicon ne quem non. 6Om na, dever 100 inon pain cote ne too nein homain winain oliva ac ca na.
Hap ra, je i ca' ca xirao' nein ca dever mon ca'. Xirao' ni rain, dever 50 inon pain cote ne too nein homain oliva ta rain con na ca tomi' con ma'.
7Tomi' querec ac con na xucun ma' quem: Wum quem? Ma' carawa ca dever mon taramaxicon ne quem non. Om na, dever 100 inon pain cote ne cotain trigo ta ac ca na.
Om na, je i ca' ca xirao' nein ca dever mon ca' ac con na. Xirao' ni rain, dever 80 inon pain cote ne cotain trigo ta rain con na ca tomi' con ma'.
8Taramaxicon nucun ma', taxi' pin iri non pain ca mixein ca ne pain ca waraju cain caramaxicon ma', he ac con na. In ac non quem. Om ca in ac con pain ca mixein nucun. In ac non pain ca ma' ne ximicon ma', pain ca wara coromicat an pe xo' nucun pain ca main quep xiho' tatarapa' oro win ma' ne pain ca aram aram ximin ta' ca ma' na ca pijim' tococwa ma'.
Tomi' ac tococwa na: Ac i ma' taxipa' nana oro wari' co om howa nonon Iri' Jam. Coromicat xo' tiquin' ca' nonon oro wari' co howa nana cwa', ma' tiquin' ca' nonon pain ca xumu wa pain ca wara coromicat an pe xo' taxi' nucucun ma', pain ca to' querec pin' cocon oro win ma' caca co aram aram quep xiho' xun nonon pain ca ximin nucucun ma'.
9Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.
10Wari' co taramaja xo' ma', co querec wet xo' nain wijimain carawa ma', taramaja xo' tara pain ca querec wet xo' cain cote ne carawa quem ac tococwa na. Wari' co om taramaja xo' ma' iri na ne, pain ca querec wet mixein cain wijimain carawa ma', om ta taramaja xo' ca pain ca querec wet mixein cain cote ne carawa ma' quem. 11Je ca tomi' xuhu' ca' ac tococwa na. Mo ta om howa ac xihwe pain ca querec wet hwein oro caramaji macan' ca', om ta querec wet jein iri' caramaju ta cuhu' Iri' Jam quem. 12Mo ta om howa ac xihwe pain ca querec wet hwein caramaxicocon oro win ma' nuhu' ma', om ta mi' xihwe pain carawa pain pawin cain quem. 13Wari' co taramaja ma', om ca taramaja mi' 2 ac cocon oro taramaxicon. Mo ta param con xucun, noc ac con tara xucun. Mo ta win xumu con xucun, tomi' napat ac con tara xucun. Je ca tomi' xuhu' ca': Om ca taramaja mi' ac hun Iri' Jam pain ca taramaja mi' taramaja mi' wet hwein dinheiro ta na ca tomi' tococwa ma'.
14Oro fariseu ma', co param nanain dinheiro ma', taraju nonon Jeju pain ca tomi' ac i ma' ca ma'. Tatam' ac cocon na, tomi' xirac nonon quem. 15Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.
16Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem. 17Ma' ma' wet na ca xirao' pe ca Moisés je oro ca xirao' to caca oro profeta quem. Pan' am paxi' tara nanawin pain macan' ca'. Ane om pan' am camain' ne ca xirao' nucun Moisés cocon oro profeta ne. Om ta pan' am camain' ne wijimain ca xirao' nein cocon ta.
18Je ca om na ne pain ca an ca xequem narima' wari' co an pe pin nam manacon ma'. Mo ta an cam xequem narima' ma', caracat ac ca tara. Wari' co an nam narima' co an pe pin nam quem, caracat ac ca tara quem na ca tomi' tococwa ma'.
Ca pijim' joc mam' mi' tococwa con Lázaro con wari' co caramaju
19Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem. 20Ma' na xucun wari' co an pe wa pain cacarain manain xiricon co caramaju ma' quem. Om non carawa. Lázaro na wixicon. Mija non oro caji nan quem. 21Cao' xita' na nain pawirinain caramaxicon ca cao' ca co ma' co caramaju ma' quem. Ximin na, maqui' maqui' na oromijac ma', xicot xicot ac cain na nonacon ma' quem.
22Aram aram maqui' ac ne na xec nein ca mi' pin nucun Lázaro ma'. An mao ac cocon na oro jam co taramaja mi' nonon Iri' Jam. O mi' nonon con Abraão cara pane. Aram aram mi' pin ac ca na co ma' co caramaju ma' quem. An corom pe ac xine na curucun pain manain pacun. 23Jain jain pe pan ac cain na cote ne xe quem. Mija na ca jain jain ca. Querec pira ac con na Abraão. Querec pira non Lázaro pain ca pe ho' con quem. 24Merem ac ca na: Xiram pa' ne ta jeo' Abraão. Tomi' mi' ne con Lázaro ma'. Xin cam rain tamain mum pain com ron ne con me, ara xio rain petehwet nucun ne con me. Xi jain jain tamana ara ta' pain xe ca' paxi' non.
25Ane tomi' in pin con Abraão ne: Om na ta arain. Mam' pe wet rain oro carawa ca hohot nem pain ca e' e' wet ma pain macan' pane. Tomi' querec te ma pain oro carawa ca awi ca param ma pane quem. Lázaro cwa' iri na ne, ximin na pane. Om ca ma' camain' con carawa ca awi. Ac i ma' paxi' hwe pain cara pane. Ane ja' tomi' querec te tocwa Lázaro pain i ca' ne. Wum iri na ne, jain jain tamana pan ma pain cote ne xe ma' ta. 26Om ca hwet ac quem Lázaro cwa', xi tac caho' ara capari' cote ne man ca om tawiri ma'. Wari' co hwet xim nuhu' pain i ma' parut, om ca hwet ac cuhu'. Wari' co hwet xim naparut pain i ca' pahu', om ca hwet ac caparut quem na ca tomi' con ma'.
27Jain jain ac ca na. Om na ta jeo' ac con na. Mao rain i cain ron pain xiricon te ta. 28Xi ma' ara caca xere ta. Ma' 5 nana. Wara tomi' xo' totoron, hu totoron, ma' ta om hwet cacapa' pain ca jain jain pe ta' ca', pain cote ne xe ca' na ca tomi' con ma'.
29Om na ta ac con na Abraão. Wara taraju nanain ca xirao' nucun Moisés pain ca xirao' nucucun oro profeta pane. Tomi' ha' ma' tatarain ca xirao' nucucun ne na.
30Om na ta jeo' Abraão ac ca na. Mo xi hwet cocon wari' co e' mami' ma', cwirin' pin ac caca xira ta na.
31Om na ta ac con na Abraão. Mo xi tomi' ha' cocon Moisés cocon oro profeta pane, je i ma' xira ca tomi' ha' cocon wari' co e' mami' paxi' ma' quem. Ane om tomi' ha' cocon Moisés cocon oro profeta ne. Om ta tomi' ha' cocon Lázaro quem na ca tomi' con ma'. Ac i ma' na ca pijim' joc mam' mi' tococwa con Lázaro con wari' co caramaju pane ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil