Mark 1

Ja̰ Batis na beel ɗula

Mat 3.1-12; Ja̰ 1.19-28

1Nejo tɨ Jesu Krist Ndɨla ɓa̰ na beel tɨ Jaa Ndinimani lɔ ɗula. 2Kuna Esay Ndɨla na nebi kya̰ tɨ ər maktub hul, Ər ja: «Ndɨla ja ɓə: “Ən ɓə ən wo tɨ tomni, tomni tɨ əm kwi tɨ gɨ əm ul kaw”#1.2 Exo 23.20.» 3Wo gṵ cḛy tɨ tap hul ɓə: «Yḭ kaaw gɨ Baali ul ɓḭ ka lor tugla.#1.3 Esa 40.3» 4Gɨna, Ja̰ Batis wag, ər ka gɨ bi batɛm tɨ tab hul. Ər ja gɨ bi ɓə: «Yḭ nɨm i ɓijim lɔ. Yḭ ka batɛm la Ndɨla hul ɓə ɗina tɨ i ɓijim sul.» 5Bi tɨ Jude la bi tɨ lɔr nəgri sul tɨ Jerusalɛm la, a hina gun tɨ ər ndɔ, a jul a ɓijim lɔ tɨ bi ji la, ər ka gɨ a batɛm tɨ larɨm tɨ Jurdḛ hul. 6Ja̰ wur ngɔmi ne a ka na lɔgum ɓwḭ la krab ne a ka na war tɨ ər tuu, ər twi cər la nini nɨm la. 7Ər ɗo beel gɨ bi, ər ja ɓə: «Wo ne wo hina tɨ ən bəgri na dwari ɗəng ura ən. Ən lɛm goni ər kungu suwal cigri lo. 8Yin, ən ka gɨ bi batɛm na ndu lɛ yḭr, ər wo gɨ i batɛm kar na Lal Ɓari.»

Jesu na ər batɛm kar la ər sangni la

Mat 3.13-17; Luk 3.21-22

9Na ɗa̰y ne Jesu o̰ tɨ Najarɛt, lɔr tɨ Galile, ər hina. Gorne ər hina gɨna, Ja̰ ka ər batɛm tɨ larɨm tɨ Jurdḛ hul. 10Gorne ər wag tɨ ndu gɨna, ər ləg ndɨlasul təng la Lal jir tɨ ər sul kuna gugoli no̰#1.10 Esa 63.19. 11Tɨ gorne, wo na gṵ cḛy tɨ ndɨlasul ja ɓə: «Yim tɨ ən ɓa̰ ne ən ka əm kum nari. Ən ndula laar gun wo tɨ əm ndɔ.» 12Tɨ daamu, Ndɨla na Lal si na Jesu tɨ tab hul. 13Ər ti tɨ nin na ɗa̰y dugso la Sidan sang ər. Ər ti na yəm tɨ taa hul la malayka yar ər.

Jesu na cida lɔ ɗula

Mat 4.12-17; Luk 4.14-15

14Gorne a ɗo Ja̰ tɨ dangay gɨna, Jesu si tɨ Galile, ər ɗo beel tɨ Jaa Ndinimani gɨ bi. Ər ja ɓə: 15«Lula sul ne Ndɨla kay tɨ waan tudi tɨ bi sul tɨ ndog. Yḭ nɨm i ɓijim le yḭ ko Jaa Ndinimani hul.» 16Ɗa̰y paa Jesu si tɨ larɨm ɗəng tɨ Galile mu. Ər ləg Simo̰ la ər ɓun tɨ A̰dre ne a ɗo man tɨ larɨm ɓɔ hul kəysul ya̰ tɨ ndɛb. 17Jesu ja gɨ a: «I hina tɨ ən lɔ ən ɓə i duga bi tɨ biɓari taam.» 18Tɨ daamu a nɨm a məngɨ la a si tɨ ər lɔ. 19Gorne Jesu si ɓag ɓa̰ndḛni gɨna, ər ləg Jak la ər ɓun tɨ Ja̰ la. A tɨ Jebede na ɓimi. A ti tɨ kwa̰r hul, a wo məngɨ kaw. 20Tɨ daamu Jesu soon a la, a nɨm a kwa̰r la a ba tɨ Jebede na ər bi tɨ cida le a si na ər.

Jesu nen bi tɨ Kaparnom

Luk 4.31-37

21Jesu a na ər bi tɨ tomni a si tɨ Kapɛrnom. Ɗa̰y ɗay tɨ ɗa̰y tɨ saaw bɛ. Jesu si tɨ Juyb-a na li tɨ paa tina hul ər ɓla gɨ bi wa̰y. 22Ər wa̰y tɨ ɓla ɓɔr bi ji nari, kəysul ər wa̰y tɨ ɓla na dwari tɨ jak na bi tɨ gṵ hul ɓla maan. 23Tɨ Juyb-a na li tɨ paa tina hul ɗay ɓər paa ne lal ɓijim yeri ər sul ɗo gwar ɓə: 24«Jesu tɨ Najarɛt, kəyjo əm taam tɨ i ndɔ a? Pay əm hina tɨ i yunga a? Yim, ən una əm! Yim tɨ wo ndeeri tɨ Ndɨla maan.» 25Gorne Jesu laa jaa ne gɨna, ər meer ər na gṵ sɨgra: «Əm hoon əm mu la əm wag tɨ ɓər ne ndɔ.» 26Lal ɓijim dig ɓər ne la wag tɨ ər ndɔ na ngɔr ɗəng tɨ ər mu. 27Wa̰y ne ɓɔr bi gun ji, a ɓiri peer tɨ a daan: «Kəyjo ti kuna paa ne a? A ja ɓə: “Tɨ wa̰y ɓla ɓaani na dwari.” Ər meer lal ɓijim la a ka wa̰y ne ər hul taam.» 28Tɨ daamu, ər ndil cḛy tɨ lɔr nəgri tɨ Galile gun.

Jesu nen bi tɨ mway dɨbla

Mat 8.14-21; Luk 4.38-41

29Gorne a wag tɨ Juyb-a na li tɨ paa tina gɨna, Jesu la Jak la Ja̰ la, a si tɨ Simo̰ a na A̰dre a gə̰y. 30Simo̰ na mo̰ ley tɨ ko̰ygɨ hul. Ər ndula sila nari. Gorne Jesu hina gɨna, a ja gɨ Jesu ər jaa. 31Jesu kori tɨ ər ndɔ, ər do ər na daa la ər uma ər tɨ ndal. Tɨ daamu ndula sila nɨm ər la ər ɗolɔ tɨ gɨ a cida kar la. 32Na jeel, gorne lula tɨba gɨna, a hina gɨ Jesu na bi tɨ mo̰y gun, bi ne lal ɓijim par a. 33Bi gun tɨ lɔr hul taygɨ tɨ limu. 34Ər nen bi dɨbla ne mo̰y lɔ jak jak ka a. Ər kun lal ɓijim la ər kway gɨ a ja jaa la kəysul ya̰ una ər. 35Gaana na un lɔ cɔg, ɗang un ndoy lo, Jesu o̰ wag tɨ ər gə̰y ər si ɓag tɨ tab hul tɨ Ndɨla soon. 36Simo̰ a na ər peer a si ər taam. 37Gorne a ten ər gɨna a ja gɨ ər ɓə: «Bi gun wo əm taam.» 38Ər ja gɨ a: Ka i si tɨ un jak, tɨ lwərgɨ tɨ taal ən ɓə Ndɨla jaa beel ɗula tɨ pi la, kəysul tɨ ne jaa jo ən hina na. 39Jesu si tɨ lɔr nəgri sul tɨ Galile, ər ɗo beel tɨ Juyb-a na ləgɨ tɨ peer tina hul la ər kun lal ɓijim.

Jesu nen wo tɨ yo

Mat 8.1-4; Luk 5.12-16

40Tɨ un ne, wo tɨ yo hina tɨ Jesu ndɔ. Ər ka gɨ ər kɔgri la ər ha̰w ər ɗa̰y tɨ ər kwi ər ja gɨ ər ɓə: «Jo əm hul taam gɨna, ən ndula ɓə ndeeri.» 41Jesu ləg ər jindemni, ər wur ər daa ər do ər la ər ja gɨ ər: «M, ən taam. ka əm ndula ndeeri.» 42Tɨ daamu, yo nɨm ɓər ne la ər ndula ndeeri. 43Gɨna Jesu kun ər tɨ daa mu la ər naa gɨ ər gṵ sɨgra kuna ne: 44«Əm laa ɓari, ka gɨ wo jak in wa̰y ne lɔ jul lo. Əm si, əm ɓla əm ndula gɨ wo tɨ hima ɓina la əm hina na əm wa̰y tɨ nimni par tuna əm ndula ndeeri sul kuna Moys gṵ hul ɓla. Nejo bi ɓə una ɓə əm ndula ndeeri.» 45Lɛ gorne ɓər ne si gɨna, ər ja gɨ bi gun wa̰y ne wag tɨ ər sul na un un. Tɨ nejo, Jesu lɛm wur tɨ lɔr hul tɨ bi ji lo. Ər lor tɨ lɔr mu tɨ bayri tɨ tab hul la bi hina tɨ ər ndɔ na un gun.

Currently Selected:

Mark 1: nie

Highlight

Copy