VPOM 50
50
1Housoeh las Yosep gas nyah uwus nyoqnho mas gop las ngaus zoh lyis bvlot tanh. 2Hauh thang lhyi Yosep gas nyah uwus lyis cheih xangh yah toh das xiklyis nyah jyeidwis mvcheih svra moq lyis vmingh dyei las hauh bang eq Yakop lyis cheih xangh tsain ba kat. 3Cheih xangh ba kat zis yah dvyhangteh, nyang lyis nyeici nyeih toh. Egutu bang eq Yakop gvng mas nyhetci nyeih top ngaus.
4Hau ngaus buisnyeis lai thang lhyi Yosep gas Pharao zau jens lyis khi lha taiq zis gas, Ngos namoq xikkhonh mas nyoqnho bos nghuot lyis gas, Pharao lyis heisoeh taiq dyei geh. 5Ngah uwus ngos lyis maukhi lha taiq toh zis gas, Ngos shei loh lo das. Khanan mau mas ngos ngah xiklyis kyungh toh dah lukkhyung mha ngos lyis nyhop aq, ge. Housoeh las ngos ngah uwus lyis loh yoh nyhop khoq das toeuh dyei aq, housoeh ngos doms los das ge, oen taiq dyei geh, ge.#Vpm 47.29-31
6Pharao gas, Loh aq, nah uwus nvng lyis maukhi nhang toh zis yah dvyhangteh nyang lyis loh nyhop aq, ge.
7Housoeh las Yosep gas nyah uwus lyis loh nyhop das ge loh. Pharao zau jens dvnganh, nyah yhen mha dah kuh bang, Egutu mau mas uhshe bang dvnganh eq, 8Yosep yhenbang dvnganh, nyah vmang vnoeuh moq, nyah uwus yhenbang nyang yah dvgeh loh. Nyamoq gas loshang jens, yvng shvbeq gaunyhauq phung lhyi kyingh Goshen mau mas toh khoq. 9Lhyingh eq, nyang ji bang eq nyang yah dvgeh loh las houka svsoh nyo dah moqphung nghuot.
10Yodan lvng yvm Atad dah thanjang jweh lyis nyamoq houmha nyhet nyeih top nyah uwus xiklyis kukxi lha kuknyingh shohthang thauh zainsmuh yah tsain kuk ngaus. 11Housoeh Atad dah thanjang mas tsain ngaus zis lyis Khanan bang nyvng lyis nyamoq gas, Hau ngaus zis gas Egutu jens mas svsoh kuh nyvng, ge. Housoeh las hauh joqyos lyis Abel Mizraim nyhink. Houka Yodan lvng yvm mas nghuot.
12Housoeh Yakop loloeu jens gas nyamoq uwus nyamoq lyis taiq tying toh zis yah dvyhangteh kuot. 13Nyah loloeu jens gas nyang lyis Khanan mau mas dvng loh las, Abraham nyah xiklyis lop-yos ge, Hiti dius Ephron jyank masyah pa eq cheq wis yoeus, Mamre xik Makpela pa mha dah lukkhyung mha nyang lyis nyhop.#Lgy 7.16 14Nyamoq uwus dye ba nyhop thang lhyi Yosep gas nyah vmang vnoeuh moq yahge nyah uwus bos nyhop loh bang dvnganh yah dvgeh Egutu pheh tauh e.
Yosep Nhaiqtaink
15Gvshih nyamoq uwus shei thang lhyi Yosep vmang vnoeuh moq gas, Yosep yang lyis hoeng lha, nyang yang kuot dah ma gis cho dvnganh yang lyis lvto phuk mvbeh, ge tsain chiq. 16Housoeh las nyamoq gas Yosep jyank mas loeuswons dvyuk nhang lha taiq zis gas, Nah uwus ma shei shih lyis tying toh. 17Houka, Nah vmang vnoeuh moq nvng lyis ma gis cho tsain kuot shuot dah yobos khyuot dyei aq, oen dung geh, ge. Housoeh las nah uwus dah Mangso dah jyeidwis jens lyis yobos khyuot dyei aq, ge. Housoeh tsain taiq los las Yosep ngaus nyeis.
18Vmang vnoeuh moq eq wvng las nyah xikkhonh mas gop las, Yoeuh aq, ngamoq nah jyeidwis jens nghuot, ge.
19Yosep gas, Vchiq goh, ngos gas Mangso dah gungsthaiq nghuot lhyeh. 20Namoq ngos lyis ma gis khyvlyis kuot laus eq, khvnyhik namoq nyvng zis yah dvyhangteh, dius nyoshoq kang dwis das xiklyis Mangso hauh yvlyis gis khyvlyis kuot. 21Housoeh las vgyuk goh; namoq yahge namoq lo jens lyis ngos nyhoeu nyeis das, ge nyamoq lyis nhaiqtaink las dang chau jis.
Yosep Shei
22Yosep gas nyah uwus yhenbang yah Egutu mas tsain nyeis. Yosep gas dvxo dvci jweh shoq nyeis. 23Ephraim dah lo, nyei, somh caiq jweh shoq Yosep nyvng khoq. Manase dah lo jens, Makir lo jens lyis eq Yosep xauh dyangh kat khoq. 24Yosep gas nyah vmang vnoeuh moq lyis, Ngos shei lo das; Mangso ka namoq lyis jyoengh lyih komh yoeuh das las, haih mau masyah namoq lyis Abraham, Isak, Yakop moq lyis maukhi lha dyei toh mau mas shwih loh das, ge taiq toh. 25Tsai nyang gas, Jyoengh namoq lyis Mangso lyih yoeuh uhlyis namoq ngah shohyau lyis hei mhayah yoh yoeus loh das, ge Israel jens lyis maukhi toh nhang.#Dyu 13.19; Yosh 24.32; Heb 11.22 26Yosep dvxo dvci zvn lyis shei. Nyah mvng lyis cheih xangh kat las Egutu mas koncaih yah toh.
Currently Selected:
VPOM 50: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
