متّی 18
18
اَسمان دی بادشاہی اِچ وَݙّا کون ہے
(رَلدا مِلدا حوالہ: مرقس 9:33-37؛ لُوقا 9:46-48)
1اُوں ویلے شاگِرد یِسُوع دے کولھ آ کرائیں پُچھݨ لڳے، ”اَسمان دی بادشاہی اِچ سارئیں کنُوں وَݙّا کون ہوسی؟“ 2یِسُوع ہِک ٻال کُوں سَݙیا اَتے اُنہیں دے وِچالے کھڑا کر ݙِتا 3اَتے آکھیا، ”مَیں تُہاکُوں سچّ اَہداں، جے تُساں اپݨے بُرے کَمیں کُوں نہ چُھڑیسو اَتے ٻالیں وانگوں نہ بݨسو، او تَئیِں تُساں کݙاہیں وی اَسمان دی بادشاہی اِچ نَئیِں وَنڄ سڳدے۔ 4اِیویں جیرھا وی اپݨے آپ کُوں اِیں ٻال وانگوں نِکا بݨیسی اُوہو اَسمان دی بادشاہی اِچ وَݙّا ہوسی۔ 5اَتے جیرھا وی اِنہیں ٻالیں اِچوں کہیں ہِک کُوں میݙے ناں تے قبول کریندے او مَیکُوں قبول کریندے۔“
کہیں کُوں گمراہ کرَݨ دا انجام
(رَلدا مِلدا حوالہ: مرقس 9:42-48؛ لُوقا 17:1-2)
6پَر جیرھا کُوئی میݙے اُتے اِیمان گھِن آوَݨ آلے اِنہیں چھوٹئیں اِچوں کہیں کُوں گُمراہ کریندے اُوندے کیتے چَنڳاں ہے جو چکی دا وَݙّا پُڑ اُوندی ڳِچی اِچ لَڑکایا وَنڄے اَتے اُونکُوں سمُندر اِچ سَٹ ݙِتا وَنڄے۔ 7دُنیاں تے افسوس کیوں جو اِتھاں اِینجھیں شئیں ہِن جیرھیاں لوکیں کُوں گمراہ کریندِن۔ ایہ شئیں ہمیشاں ہوسِن پِیاں پَر اُوں بندے اُتے افسوس جَیندی وجہ کنُوں گُمراہ کرَݨ والی شئیں سامݨے آوَݨ۔ 8جے تیݙا ہَتھ یا پیر تَیکُوں گُمراہ کرے تاں تُوں اُونکُوں کَپ کرائیں بُھکا سَٹ؛ ݙُوہائیں ہَتھیں پیریں سمیت دوزخ دی بھاہ اِچ سَٹئیں وَنڄن کنُوں چَنڳاں ہے جو تُوں ٹُنڈا یا منڈا تھی کرائیں ہمیشاں دی حیاتی اِچ داخل تِھیویں۔ 9اَتے جے تیݙی اَکھ تَیکُوں گُمراہ کرے تاں تُوں اُونکُوں کڈھ کرائیں بُھکا سَٹ؛ ݙوہائیں اَکھیں نال دوزخ دی بھاہ اِچ بُھکا سَٹئیں وَنڄن کنُوں چَنڳاں ہے جو تُوں کاݨا تھی کرائیں ہمیشاں دی حیاتی اِچ داخل تِھیویں۔
رُلّی ہوئی بِھیݙ دی مثال
(رَلدا مِلدا حوالہ: لُوقا 15:3-7)
10”اِنہیں نِکیئیں اِچوں کہیں کُوں وی کَمتر نہ سمجھ گھِناہے کیوں جو مَیں تُہاکُوں اَہداں جو اَسمان اُتے اُنہیں دے فرِشتے ہر ویلے میݙے اَسمانی باپ دی حضوری اِچ کھڑے رَہندِن۔ 11#18:11 کیوں جو اِبنِ آدم یعنی مَیں رُلے ہوئیں کُوں ڳولݨ اَتے نجات ڈِیوَݨ آیا ہا۔ 12تُساں کیا سوچیندو جو سو بھیݙاں رکھݨ آلے کہیں بندے دی ہِک بھیݙ رُل وَنڄے تاں کیا او باقی وَدھانوے بِھیݙیں کُوں پہاڑیں اِچ کلھا چھوڑ کرائیں اُوں ہِک رُلّی ہوئی کُوں نہ ڳولیسی؟ 13اَتے مَیں تُہاکُوں سچّ اَہداں، جݙّاں او رُلّی ہوئی بھیݙ مِل پوسی تاں اُنہیں وَدھانوے کنُوں جیرھیاں رُلیاں کَینی، اِیں بِھیݙ دی ٻَہُوں خُشی منیسی۔ 14اِیویں ای تُہاݙا اَسمانی باپ، ایہ نَئیِں چاہندا جو اِنہیں نِکیئیں اِچوں ہِک وی رُل وَنڄے۔“
قصُور وار بِھرا دی مُعافی دا معاملہ
(رَلدا مِلدا حوالہ: لُوقا 17:3)
15”جے تیݙا بِھرا تیݙا قصُور کرے تاں اُوندے کولھ وَنڄ کرائیں اُونکُوں کلھا کر اَتے اُوندا قصُور اُونکُوں ݙسا جے او تیݙی ڳالھ مَن گھِنے تاں تَیں اپݨے بِھرا نال ملاپ کر گھِدے۔ 16پَر جے او تیݙی ڳالھ نہ سُݨے تاں ہِک یا ݙُو بندئیں کُوں اپݨے نال گھِن وَنڄ تاں جو تیݙی ہر ڳالھ دی ݙُو یا تَرائے بندے گواہی ݙیوِن۔ 17جے او اُنہیں دی ڳالھ وی نہ سُݨے تاں کلیسیا کُوں ݙسا ݙے اَتے جے او کلیسیا دی ڳالھ وی نہ سُݨے تاں تُوں اُونکُوں اِیویں سمجھ جیویں او غیر قوم اَتے مصُول گھِنݨ آلا ہے۔“
شاگِردئیں دا مزید اِختیار
18”مَیں تُہاکُوں سچّ اَہداں جیرھا کُجھ وی تُساں زمین اُتے ٻَدھیسو، اَسمان اُتے وی ٻَدھیڄ ویسی اَتے جو کُجھ زمین اُتے کُھلیسو اَسمان اُتے وی کُھل ویسی 19مَیں تُہاکُوں ایہ وی اَہداں جو تُہاݙے اِچوں ݙُو بندے زمین تے جیرھی ڳالھ کیتے جَینکُوں او چاہندِن راضی ہوسِن تاں میݙا اَسمانی باپ اُنہیں کیتے کر ݙیسی۔ 20کیوں جو جِتھاں وی ݙُو یا تَرائے بندے میݙے ناں تے کٹھے تھِیسن اُتھاں مَیں اُنہیں دے وِچالے ہوساں۔“
مُعاف نہ کرَݨ آلے نوکر دی مثال
21اِیندے بعد پطرس، یِسُوع کولھ آ کرائیں پُچھیا، ”اَے خُداوند! جے میݙا بِھرا میݙا کُوئی قصُور کرے تاں مَیں اُونکُوں چوکھی واری مُعاف کراں؟ کیا سَت واری؟“ 22یِسُوع اُونکُوں جواب ݙِتا، ”مَیں تَیکُوں سَت وار دا نَئیِں اَہدا بلکہ سَت وار مُعاف کرنا وی سَتر واری ہوئے۔ 23کیوں جو اَسمان دی بادشاہی اِیویں ہے جو ہِک بادشاہ ہا جیرھا اپݨے ٻاہنیئیں کنُوں حساب گھِنݨ چاہندا ہا۔ 24اَتے جݙّاں او حساب گھِنݨ لڳا تاں ہِک ٻاہنے کُوں اُوندے کولھ گھِن آئے جیرھا لَکھیں دا قرضائیں ہا۔ 25پَر اُوندے کولھ ݙِیوَݨ کیتے کُجھ نہ ہا اِیں کیتے مالک حُکم ݙِتا، ’اِینکُوں اَتے اِیندی ذال، ٻال اَتے اِیندے کولھ جیرھا کُجھ وی ہے، ویچ کرائیں لَہݨہ وصول کر گھِنو۔‘ 26اَتے ٻاہنا، مالک دے پیریں اِچ ڈھہہ پِیا، اَتے مِنّت کرَݨ لڳا، ’مَیکُوں مُہلت ݙے مَیں تیݙا سارا لَہݨہ لَہا ݙیساں۔‘ 27اُوں ٻاہنے دے مالک رَحم کیتا، اَتے اُونکُوں چھوڑ ݙِتا، اَتے اُوندا سارا لَہݨہ وی مُعاف کر ݙِتا۔ 28پَر جݙّاں اِیہو ٻاہنا ٻاہر آیا تاں اُونکُوں اپݨا ڄوٹیوال مِلیا، جَیں اُوندے کُجھ سَو چاندی دے سِکّے ݙِیوَݨے ہَن۔ اُوں اپݨے ڄوٹیوال ٻاہنے کُوں پکڑ گھِدا، اُوندی ڳِچی گُھٹی اَتے آکھیا، ’جیرھا کُجھ میݙا لَہݨہ ݙیوݨی، مَیکُوں ݙِے۔‘ 29اَتے اُوندا ڄوٹیوال ٻاہنا اُوندے پیریں اِچ ڈھہہ کرائیں اُوندی مِنّت کیتی اَتے آکھیا، ’مَیکُوں مُہلت ݙے مَیں تَیکُوں ݙے ݙیساں۔‘ 30پَر اُوں، اُوندی نہ سُݨی اَتے اُونکُوں جیل اِچ سَٹوا ݙِتا جو جے تَئیِں لَہݨہ نہ لَہا ݙیوے قید اِچ رَہوے۔ 31جݙّاں اُوندے ٻنہیں ڄوٹیوال ٻاہنیں ایہ ݙِٹھا تاں ٻَہُوں ݙُکھی تھئے اَتے وَنڄ کرائیں اپݨے مالک کُوں ایہ سارا حال ݙسا ݙِتا۔ 32اِیندے بعد مالک، اُوں ٻاہنے کُوں اپݨے کولھ سݙوا کرائیں آکھیا، ’اَے بےدید ٻاہنے! جݙّاں تَیں میݙی مِنّت کیتی تاں مَیں تیݙا سارا لَہݨہ تَیکُوں مُعاف کر ݙِتا۔ 33کیا تَیکُوں نہ چاہیدا ہا جو تُوں وی اپݨے ڄوٹیوال اُتے اِیویں رَحم کریندا جیویں مَیں تیݙے اُتے کیتا ہا؟‘ 34اَتے اُوندے مالک کُوں ٻَہُوں کاوڑ لڳی تاں اُونکُوں جیل دے حاکم دے سپُرد کر ݙِتا تاں جو او اُوں ویلے تَئیِں قید رَہوے جݙّاں تَئیِں او سارا لَہݨہ لَہا نہ ݙیوے۔“
35اَتے یِسُوع آکھیا، ”بَس میݙا اَسمانی باپ تُہاݙے اِچوں ہر ہِک نال اِیویں کریسی جے تُساں اپݨے بِھراویں کُوں دِل کنُوں مُعاف نہ کریسو۔“
Currently Selected:
متّی 18: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 18
18
اَسمان دی بادشاہی اِچ وَݙّا کون ہے
(رَلدا مِلدا حوالہ: مرقس 9:33-37؛ لُوقا 9:46-48)
1اُوں ویلے شاگِرد یِسُوع دے کولھ آ کرائیں پُچھݨ لڳے، ”اَسمان دی بادشاہی اِچ سارئیں کنُوں وَݙّا کون ہوسی؟“ 2یِسُوع ہِک ٻال کُوں سَݙیا اَتے اُنہیں دے وِچالے کھڑا کر ݙِتا 3اَتے آکھیا، ”مَیں تُہاکُوں سچّ اَہداں، جے تُساں اپݨے بُرے کَمیں کُوں نہ چُھڑیسو اَتے ٻالیں وانگوں نہ بݨسو، او تَئیِں تُساں کݙاہیں وی اَسمان دی بادشاہی اِچ نَئیِں وَنڄ سڳدے۔ 4اِیویں جیرھا وی اپݨے آپ کُوں اِیں ٻال وانگوں نِکا بݨیسی اُوہو اَسمان دی بادشاہی اِچ وَݙّا ہوسی۔ 5اَتے جیرھا وی اِنہیں ٻالیں اِچوں کہیں ہِک کُوں میݙے ناں تے قبول کریندے او مَیکُوں قبول کریندے۔“
کہیں کُوں گمراہ کرَݨ دا انجام
(رَلدا مِلدا حوالہ: مرقس 9:42-48؛ لُوقا 17:1-2)
6پَر جیرھا کُوئی میݙے اُتے اِیمان گھِن آوَݨ آلے اِنہیں چھوٹئیں اِچوں کہیں کُوں گُمراہ کریندے اُوندے کیتے چَنڳاں ہے جو چکی دا وَݙّا پُڑ اُوندی ڳِچی اِچ لَڑکایا وَنڄے اَتے اُونکُوں سمُندر اِچ سَٹ ݙِتا وَنڄے۔ 7دُنیاں تے افسوس کیوں جو اِتھاں اِینجھیں شئیں ہِن جیرھیاں لوکیں کُوں گمراہ کریندِن۔ ایہ شئیں ہمیشاں ہوسِن پِیاں پَر اُوں بندے اُتے افسوس جَیندی وجہ کنُوں گُمراہ کرَݨ والی شئیں سامݨے آوَݨ۔ 8جے تیݙا ہَتھ یا پیر تَیکُوں گُمراہ کرے تاں تُوں اُونکُوں کَپ کرائیں بُھکا سَٹ؛ ݙُوہائیں ہَتھیں پیریں سمیت دوزخ دی بھاہ اِچ سَٹئیں وَنڄن کنُوں چَنڳاں ہے جو تُوں ٹُنڈا یا منڈا تھی کرائیں ہمیشاں دی حیاتی اِچ داخل تِھیویں۔ 9اَتے جے تیݙی اَکھ تَیکُوں گُمراہ کرے تاں تُوں اُونکُوں کڈھ کرائیں بُھکا سَٹ؛ ݙوہائیں اَکھیں نال دوزخ دی بھاہ اِچ بُھکا سَٹئیں وَنڄن کنُوں چَنڳاں ہے جو تُوں کاݨا تھی کرائیں ہمیشاں دی حیاتی اِچ داخل تِھیویں۔
رُلّی ہوئی بِھیݙ دی مثال
(رَلدا مِلدا حوالہ: لُوقا 15:3-7)
10”اِنہیں نِکیئیں اِچوں کہیں کُوں وی کَمتر نہ سمجھ گھِناہے کیوں جو مَیں تُہاکُوں اَہداں جو اَسمان اُتے اُنہیں دے فرِشتے ہر ویلے میݙے اَسمانی باپ دی حضوری اِچ کھڑے رَہندِن۔ 11#18:11 کیوں جو اِبنِ آدم یعنی مَیں رُلے ہوئیں کُوں ڳولݨ اَتے نجات ڈِیوَݨ آیا ہا۔ 12تُساں کیا سوچیندو جو سو بھیݙاں رکھݨ آلے کہیں بندے دی ہِک بھیݙ رُل وَنڄے تاں کیا او باقی وَدھانوے بِھیݙیں کُوں پہاڑیں اِچ کلھا چھوڑ کرائیں اُوں ہِک رُلّی ہوئی کُوں نہ ڳولیسی؟ 13اَتے مَیں تُہاکُوں سچّ اَہداں، جݙّاں او رُلّی ہوئی بھیݙ مِل پوسی تاں اُنہیں وَدھانوے کنُوں جیرھیاں رُلیاں کَینی، اِیں بِھیݙ دی ٻَہُوں خُشی منیسی۔ 14اِیویں ای تُہاݙا اَسمانی باپ، ایہ نَئیِں چاہندا جو اِنہیں نِکیئیں اِچوں ہِک وی رُل وَنڄے۔“
قصُور وار بِھرا دی مُعافی دا معاملہ
(رَلدا مِلدا حوالہ: لُوقا 17:3)
15”جے تیݙا بِھرا تیݙا قصُور کرے تاں اُوندے کولھ وَنڄ کرائیں اُونکُوں کلھا کر اَتے اُوندا قصُور اُونکُوں ݙسا جے او تیݙی ڳالھ مَن گھِنے تاں تَیں اپݨے بِھرا نال ملاپ کر گھِدے۔ 16پَر جے او تیݙی ڳالھ نہ سُݨے تاں ہِک یا ݙُو بندئیں کُوں اپݨے نال گھِن وَنڄ تاں جو تیݙی ہر ڳالھ دی ݙُو یا تَرائے بندے گواہی ݙیوِن۔ 17جے او اُنہیں دی ڳالھ وی نہ سُݨے تاں کلیسیا کُوں ݙسا ݙے اَتے جے او کلیسیا دی ڳالھ وی نہ سُݨے تاں تُوں اُونکُوں اِیویں سمجھ جیویں او غیر قوم اَتے مصُول گھِنݨ آلا ہے۔“
شاگِردئیں دا مزید اِختیار
18”مَیں تُہاکُوں سچّ اَہداں جیرھا کُجھ وی تُساں زمین اُتے ٻَدھیسو، اَسمان اُتے وی ٻَدھیڄ ویسی اَتے جو کُجھ زمین اُتے کُھلیسو اَسمان اُتے وی کُھل ویسی 19مَیں تُہاکُوں ایہ وی اَہداں جو تُہاݙے اِچوں ݙُو بندے زمین تے جیرھی ڳالھ کیتے جَینکُوں او چاہندِن راضی ہوسِن تاں میݙا اَسمانی باپ اُنہیں کیتے کر ݙیسی۔ 20کیوں جو جِتھاں وی ݙُو یا تَرائے بندے میݙے ناں تے کٹھے تھِیسن اُتھاں مَیں اُنہیں دے وِچالے ہوساں۔“
مُعاف نہ کرَݨ آلے نوکر دی مثال
21اِیندے بعد پطرس، یِسُوع کولھ آ کرائیں پُچھیا، ”اَے خُداوند! جے میݙا بِھرا میݙا کُوئی قصُور کرے تاں مَیں اُونکُوں چوکھی واری مُعاف کراں؟ کیا سَت واری؟“ 22یِسُوع اُونکُوں جواب ݙِتا، ”مَیں تَیکُوں سَت وار دا نَئیِں اَہدا بلکہ سَت وار مُعاف کرنا وی سَتر واری ہوئے۔ 23کیوں جو اَسمان دی بادشاہی اِیویں ہے جو ہِک بادشاہ ہا جیرھا اپݨے ٻاہنیئیں کنُوں حساب گھِنݨ چاہندا ہا۔ 24اَتے جݙّاں او حساب گھِنݨ لڳا تاں ہِک ٻاہنے کُوں اُوندے کولھ گھِن آئے جیرھا لَکھیں دا قرضائیں ہا۔ 25پَر اُوندے کولھ ݙِیوَݨ کیتے کُجھ نہ ہا اِیں کیتے مالک حُکم ݙِتا، ’اِینکُوں اَتے اِیندی ذال، ٻال اَتے اِیندے کولھ جیرھا کُجھ وی ہے، ویچ کرائیں لَہݨہ وصول کر گھِنو۔‘ 26اَتے ٻاہنا، مالک دے پیریں اِچ ڈھہہ پِیا، اَتے مِنّت کرَݨ لڳا، ’مَیکُوں مُہلت ݙے مَیں تیݙا سارا لَہݨہ لَہا ݙیساں۔‘ 27اُوں ٻاہنے دے مالک رَحم کیتا، اَتے اُونکُوں چھوڑ ݙِتا، اَتے اُوندا سارا لَہݨہ وی مُعاف کر ݙِتا۔ 28پَر جݙّاں اِیہو ٻاہنا ٻاہر آیا تاں اُونکُوں اپݨا ڄوٹیوال مِلیا، جَیں اُوندے کُجھ سَو چاندی دے سِکّے ݙِیوَݨے ہَن۔ اُوں اپݨے ڄوٹیوال ٻاہنے کُوں پکڑ گھِدا، اُوندی ڳِچی گُھٹی اَتے آکھیا، ’جیرھا کُجھ میݙا لَہݨہ ݙیوݨی، مَیکُوں ݙِے۔‘ 29اَتے اُوندا ڄوٹیوال ٻاہنا اُوندے پیریں اِچ ڈھہہ کرائیں اُوندی مِنّت کیتی اَتے آکھیا، ’مَیکُوں مُہلت ݙے مَیں تَیکُوں ݙے ݙیساں۔‘ 30پَر اُوں، اُوندی نہ سُݨی اَتے اُونکُوں جیل اِچ سَٹوا ݙِتا جو جے تَئیِں لَہݨہ نہ لَہا ݙیوے قید اِچ رَہوے۔ 31جݙّاں اُوندے ٻنہیں ڄوٹیوال ٻاہنیں ایہ ݙِٹھا تاں ٻَہُوں ݙُکھی تھئے اَتے وَنڄ کرائیں اپݨے مالک کُوں ایہ سارا حال ݙسا ݙِتا۔ 32اِیندے بعد مالک، اُوں ٻاہنے کُوں اپݨے کولھ سݙوا کرائیں آکھیا، ’اَے بےدید ٻاہنے! جݙّاں تَیں میݙی مِنّت کیتی تاں مَیں تیݙا سارا لَہݨہ تَیکُوں مُعاف کر ݙِتا۔ 33کیا تَیکُوں نہ چاہیدا ہا جو تُوں وی اپݨے ڄوٹیوال اُتے اِیویں رَحم کریندا جیویں مَیں تیݙے اُتے کیتا ہا؟‘ 34اَتے اُوندے مالک کُوں ٻَہُوں کاوڑ لڳی تاں اُونکُوں جیل دے حاکم دے سپُرد کر ݙِتا تاں جو او اُوں ویلے تَئیِں قید رَہوے جݙّاں تَئیِں او سارا لَہݨہ لَہا نہ ݙیوے۔“
35اَتے یِسُوع آکھیا، ”بَس میݙا اَسمانی باپ تُہاݙے اِچوں ہر ہِک نال اِیویں کریسی جے تُساں اپݨے بِھراویں کُوں دِل کنُوں مُعاف نہ کریسو۔“
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY