متّی 19
19
طلاق دے بارے سوال
(رَلدا مِلدا حوالہ: مرقس 10:1-12)
1اَتے جیویں ای یِسُوع ایہ ڳالھیں سِکھا ݙِتیاں تاں صوبہ گلِیل کُوں چھوڑ کرائیں یَردن دے پار صوبہ یہُودیہ دی سرحدیں اِچ آ ڳیا۔ 2اَتے وَݙّی بھِیڑ اُوندے پِچھُوں ہَئی اَتے اُوں اُنہیں دے مریضیں کُوں اُتھاں شِفا ݙِتی۔ 3کُجھ فرِیسی آئے اَتے اُونکُوں پھساوَݨ کیتے پُچھݨ لڳے، ”کیا ایہ شرعاً جائز ہے جو مَرد اپݨی ذال کُوں کہیں وی وجہ کنُوں طلاق ݙے ݙیوے؟“
4یِسُوع جواب ݙِتا، ”کیا تُساں نَئیِں پڑھیا جو خالق شروع کنُوں اُنہیں کُوں مَرد اَتے تریمت بݨا کرائیں آکھیا،
5’مَرد اپݨے پیِوُ ماء کنُوں اَنجھ تھی کرائیں اپݨی ذال دے کٹھے رَہسی اَتے او ݙُوہائیں ہِک بدن ہوسِن۔‘
6بَس ہُݨ او ݙُو نَئیِں بلکہ ہِک بدن ہِن، اِیں کیتے خُدا جنہیں دا سَنڄوک بݨائے اِنسان اُنہیں دا نکھیڑا نہ پِیا کرے۔“
7فرِیسیئیں اُوں کنُوں پُچھیا، ”وَل موسیٰ کیوں حُکم ݙِتے،
’مَرد طلاق نامہ ݙے کرائیں اپݨی ذال کُوں چھوڑ سَڳدے؟‘“
8یِسُوع، اُنہیں کُوں جواب ݙِتا، ”موسیٰ تُہاکُوں اپݨی ذالیں کُوں طلاق ݙِیوَݨ دی اِجازت صرف تُہاݙی سخت دِلی دی وجہ کنُوں ݙِتی ہَئی پَر دُنیاں دے شروع کنُوں اِیویں کَینا ہا۔ 9مَیں تُہاکُوں اَہداں جو جیرھا اپݨی ذال کُوں زِناہ دے سِوا کہیں ٻَئی وجہ کنُوں طلاق ݙیوے اَتے ݙُوجھی تریمت کُوں پَرنیڄ گھِنے او اُوندے نال زِناہ کریندے۔“ 10ایہ سُݨ کرائیں شاگِردئیں اُونکُوں آکھیا، ”جے پَے اَتے ذال دا آپت اِچ اِیویں وَرتیڄݨ ہے تاں چَنڳاں ہے جو اِنسان نہ پَرنیڄے۔“ 11وَل یِسُوع، اُنہیں کُوں جواب ݙِتا، ”اِیں ڳالھ کُوں سارے قبول نَئیِں کر سڳدے پَر او جنہیں کُوں خُدا وَلّوں طاقت ݙِتی ڳئی ہووے۔ 12کیوں جو کُجھ ڄماندروں ہیجڑے ہوندِن اَتے کُجھ بعد اِچ بݨا ݙِتے ویندِن اَتے کُجھ لوک اَسمان دی بادشاہی کیتے نَئیِں پَرنیدے، اَتے جیرھا اِیویں کر سڳدے او کر گھِنے۔“
یِسُوع ٻالیں کُوں دُعا ݙیندِن
(رَلدا مِلدا حوالہ: مرقس 10:13-16؛ لُوقا 18:15-17)
13اِیندے بعد لوک اپݨے ٻالیں کُوں یِسُوع کولھ گھِن آئے، تاں جو او اُنہیں اُتے ہَتھ رکھ کرائیں دُعا ݙیوے پَر شاگِردئیں لوکیں کُوں دَڑکے ݙِتے۔ 14پَر یِسُوع آکھیا، ”ٻالیں کُوں میݙے کولھ آوَݨ ݙیو اَتے اِنہیں کُوں نہ ہَٹکو کیوں جو اَسمان دی بادشاہی اُنہیں کیتے ہے جیرھے اِنہیں ٻالیں وانگوں ہِن۔“ 15اَتے یِسُوع ٻالیں اُتے ہَتھ رکھ کرائیں دُعا ݙِتی تے اُتھوں چلیا ڳیا۔
ہِک دولتمند نوجوان
(رَلدا مِلدا حوالہ: مرقس 10:17-31؛ لُوقا 18:18-30)
16اَتے ݙیکھو ہِک واری ہِک بندہ یِسُوع کولھ آ کرائیں پُچھݨ لڳا، ”اَے اُستاد! مَیں کیرھا نیک کَم کراں جو مَیکُوں ہمیشاں دی حیاتی مِلے؟“ 17یِسُوع اُونکُوں جواب ݙِتا، ”تُوں مَیں کنُوں نیک کَم دا کیوں پُچھدئیں؟ نیک تاں صرف خُدا ای ہے پَر جے تُوں حیاتی چاہندیں تاں اُوندے حُکمیں اُتے عمل کر۔“ 18اُوں پُچھیا، ”کیرھے حُکمیں اُتے؟“ یِسُوع جواب ݙِتا، ”قتل نہ کر، زِناہ نہ کر، چوری نہ کر، کُوڑی گواہی نہ ݙے، 19اپݨی ماء اَتے پیِوُ دی عزت کر اَتے اپݨے ہمسائے نال اِیویں مُحبّت رکھ جیویں تُوں اپݨے آپ نال رکھیندیں۔“ 20اُوں نوجوان جواب ݙِتا، ”مَیں اِنہیں سارے حُکمیں اُتے عمل کیتے اَتے ہُݨ میݙے اِچ کیرھی ڳالھ دی کمی رہ ڳئی ہے؟“ 21یِسُوع اُونکُوں آکھیا، ”جے تُوں کامل تھِیوَن چاہندیں تاں وَنڄ اپݨی ساری مال مݙی ویچ اَتے غریبیں اِچ وَنݙا چھوڑ اَتے تَیکُوں اَسمان تے خزانہ مِلسی اَتے وَل آ کرائیں میݙے پِچھُوں تھی پو۔“
22پَر ایہ سُݨ کرائیں او نوجوان مونجھا تھی کرائیں چلیا ڳیا کیوں جو او ٻَہُوں مالدار ہا۔
23اَتے یِسُوع اپݨے شاگِردئیں کُوں آکھیا، ”مَیں تُہاکُوں سچّ اَہداں جو دولتمندیں دا اَسمان دی بادشاہی اِچ داخل تھِیوَن او کھا ہے۔ 24مَیں وَلا تُہاکُوں اَہداں جو دولتمند کیتے خُدا دی بادشاہی اِچ داخل تھِیوَن کنُوں کہیں اُٹھ دا سُوئی دے دُک اِچوں لَنگھ وَنڄن سُکھا ہے۔“ 25ایہ سُݨ کرائیں شاگِرد ٻَہُوں حیران تھئے اَتے پُچھݨ لڳے، تاں وَل کیرھے لوکیں کُوں چُھٹکارا مِل سڳدے؟ 26یِسُوع اُنہیں کُوں غور نال ݙیہدئیں ہوئیں آکھیا، ”ایہ اِنسانیں کنُوں تاں ممکن کَینی پَر خُدا سب کُجھ کر سڳدے۔“ 27اِیندے بعد پطرس پُچھیا، ”ݙیکھ اَساں تاں سب کُجھ چھوڑ کرائیں تیݙے پِچھُوں ٹُر پئے ہَیں تاں وَل ساکُوں کیا مِلسی؟“ 28یِسُوع اُنہیں کُوں آکھیا، ”مَیں تُہاکُوں سچّ اَہداں، جݙّاں نَویں دُنیاں اَؤسی تاں اِبنِآدم یعنی مَیں اپݨے شان آلے تخت اُتے ٻَہساں، اَتے تُساں جیرھے میݙی پیروی کرَݨ آلے ہِوے ٻارھاں تختیں اُتے ٻَہہ کرائیں بنی اِسرائیل دے ٻارھاں قبیلئیں دا اِنصاف کریسو۔ 29اَتے جَیں میݙے کیتے اپݨے گھریں، بِھرا یا بھیݨیں یا ماء پیِوُ یا ٻال یا رَڑھیں کُوں چھوڑ ݙِتے، اُونکُوں سو گُنا مِلسی اَتے او ہمیشاں دی حیاتی دے وارث بݨسِن۔ 30اَتے ٻَہُوں سارے لوک جیرھے ہُݨ اَڳوں اَڳوں ہِن، او پِچھُوں تھی ویسِن اَتے جیرھے پِچھُوں ہَن او اَڳوں وَدھ ویسِن۔“
Currently Selected:
متّی 19: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 19
19
طلاق دے بارے سوال
(رَلدا مِلدا حوالہ: مرقس 10:1-12)
1اَتے جیویں ای یِسُوع ایہ ڳالھیں سِکھا ݙِتیاں تاں صوبہ گلِیل کُوں چھوڑ کرائیں یَردن دے پار صوبہ یہُودیہ دی سرحدیں اِچ آ ڳیا۔ 2اَتے وَݙّی بھِیڑ اُوندے پِچھُوں ہَئی اَتے اُوں اُنہیں دے مریضیں کُوں اُتھاں شِفا ݙِتی۔ 3کُجھ فرِیسی آئے اَتے اُونکُوں پھساوَݨ کیتے پُچھݨ لڳے، ”کیا ایہ شرعاً جائز ہے جو مَرد اپݨی ذال کُوں کہیں وی وجہ کنُوں طلاق ݙے ݙیوے؟“
4یِسُوع جواب ݙِتا، ”کیا تُساں نَئیِں پڑھیا جو خالق شروع کنُوں اُنہیں کُوں مَرد اَتے تریمت بݨا کرائیں آکھیا،
5’مَرد اپݨے پیِوُ ماء کنُوں اَنجھ تھی کرائیں اپݨی ذال دے کٹھے رَہسی اَتے او ݙُوہائیں ہِک بدن ہوسِن۔‘
6بَس ہُݨ او ݙُو نَئیِں بلکہ ہِک بدن ہِن، اِیں کیتے خُدا جنہیں دا سَنڄوک بݨائے اِنسان اُنہیں دا نکھیڑا نہ پِیا کرے۔“
7فرِیسیئیں اُوں کنُوں پُچھیا، ”وَل موسیٰ کیوں حُکم ݙِتے،
’مَرد طلاق نامہ ݙے کرائیں اپݨی ذال کُوں چھوڑ سَڳدے؟‘“
8یِسُوع، اُنہیں کُوں جواب ݙِتا، ”موسیٰ تُہاکُوں اپݨی ذالیں کُوں طلاق ݙِیوَݨ دی اِجازت صرف تُہاݙی سخت دِلی دی وجہ کنُوں ݙِتی ہَئی پَر دُنیاں دے شروع کنُوں اِیویں کَینا ہا۔ 9مَیں تُہاکُوں اَہداں جو جیرھا اپݨی ذال کُوں زِناہ دے سِوا کہیں ٻَئی وجہ کنُوں طلاق ݙیوے اَتے ݙُوجھی تریمت کُوں پَرنیڄ گھِنے او اُوندے نال زِناہ کریندے۔“ 10ایہ سُݨ کرائیں شاگِردئیں اُونکُوں آکھیا، ”جے پَے اَتے ذال دا آپت اِچ اِیویں وَرتیڄݨ ہے تاں چَنڳاں ہے جو اِنسان نہ پَرنیڄے۔“ 11وَل یِسُوع، اُنہیں کُوں جواب ݙِتا، ”اِیں ڳالھ کُوں سارے قبول نَئیِں کر سڳدے پَر او جنہیں کُوں خُدا وَلّوں طاقت ݙِتی ڳئی ہووے۔ 12کیوں جو کُجھ ڄماندروں ہیجڑے ہوندِن اَتے کُجھ بعد اِچ بݨا ݙِتے ویندِن اَتے کُجھ لوک اَسمان دی بادشاہی کیتے نَئیِں پَرنیدے، اَتے جیرھا اِیویں کر سڳدے او کر گھِنے۔“
یِسُوع ٻالیں کُوں دُعا ݙیندِن
(رَلدا مِلدا حوالہ: مرقس 10:13-16؛ لُوقا 18:15-17)
13اِیندے بعد لوک اپݨے ٻالیں کُوں یِسُوع کولھ گھِن آئے، تاں جو او اُنہیں اُتے ہَتھ رکھ کرائیں دُعا ݙیوے پَر شاگِردئیں لوکیں کُوں دَڑکے ݙِتے۔ 14پَر یِسُوع آکھیا، ”ٻالیں کُوں میݙے کولھ آوَݨ ݙیو اَتے اِنہیں کُوں نہ ہَٹکو کیوں جو اَسمان دی بادشاہی اُنہیں کیتے ہے جیرھے اِنہیں ٻالیں وانگوں ہِن۔“ 15اَتے یِسُوع ٻالیں اُتے ہَتھ رکھ کرائیں دُعا ݙِتی تے اُتھوں چلیا ڳیا۔
ہِک دولتمند نوجوان
(رَلدا مِلدا حوالہ: مرقس 10:17-31؛ لُوقا 18:18-30)
16اَتے ݙیکھو ہِک واری ہِک بندہ یِسُوع کولھ آ کرائیں پُچھݨ لڳا، ”اَے اُستاد! مَیں کیرھا نیک کَم کراں جو مَیکُوں ہمیشاں دی حیاتی مِلے؟“ 17یِسُوع اُونکُوں جواب ݙِتا، ”تُوں مَیں کنُوں نیک کَم دا کیوں پُچھدئیں؟ نیک تاں صرف خُدا ای ہے پَر جے تُوں حیاتی چاہندیں تاں اُوندے حُکمیں اُتے عمل کر۔“ 18اُوں پُچھیا، ”کیرھے حُکمیں اُتے؟“ یِسُوع جواب ݙِتا، ”قتل نہ کر، زِناہ نہ کر، چوری نہ کر، کُوڑی گواہی نہ ݙے، 19اپݨی ماء اَتے پیِوُ دی عزت کر اَتے اپݨے ہمسائے نال اِیویں مُحبّت رکھ جیویں تُوں اپݨے آپ نال رکھیندیں۔“ 20اُوں نوجوان جواب ݙِتا، ”مَیں اِنہیں سارے حُکمیں اُتے عمل کیتے اَتے ہُݨ میݙے اِچ کیرھی ڳالھ دی کمی رہ ڳئی ہے؟“ 21یِسُوع اُونکُوں آکھیا، ”جے تُوں کامل تھِیوَن چاہندیں تاں وَنڄ اپݨی ساری مال مݙی ویچ اَتے غریبیں اِچ وَنݙا چھوڑ اَتے تَیکُوں اَسمان تے خزانہ مِلسی اَتے وَل آ کرائیں میݙے پِچھُوں تھی پو۔“
22پَر ایہ سُݨ کرائیں او نوجوان مونجھا تھی کرائیں چلیا ڳیا کیوں جو او ٻَہُوں مالدار ہا۔
23اَتے یِسُوع اپݨے شاگِردئیں کُوں آکھیا، ”مَیں تُہاکُوں سچّ اَہداں جو دولتمندیں دا اَسمان دی بادشاہی اِچ داخل تھِیوَن او کھا ہے۔ 24مَیں وَلا تُہاکُوں اَہداں جو دولتمند کیتے خُدا دی بادشاہی اِچ داخل تھِیوَن کنُوں کہیں اُٹھ دا سُوئی دے دُک اِچوں لَنگھ وَنڄن سُکھا ہے۔“ 25ایہ سُݨ کرائیں شاگِرد ٻَہُوں حیران تھئے اَتے پُچھݨ لڳے، تاں وَل کیرھے لوکیں کُوں چُھٹکارا مِل سڳدے؟ 26یِسُوع اُنہیں کُوں غور نال ݙیہدئیں ہوئیں آکھیا، ”ایہ اِنسانیں کنُوں تاں ممکن کَینی پَر خُدا سب کُجھ کر سڳدے۔“ 27اِیندے بعد پطرس پُچھیا، ”ݙیکھ اَساں تاں سب کُجھ چھوڑ کرائیں تیݙے پِچھُوں ٹُر پئے ہَیں تاں وَل ساکُوں کیا مِلسی؟“ 28یِسُوع اُنہیں کُوں آکھیا، ”مَیں تُہاکُوں سچّ اَہداں، جݙّاں نَویں دُنیاں اَؤسی تاں اِبنِآدم یعنی مَیں اپݨے شان آلے تخت اُتے ٻَہساں، اَتے تُساں جیرھے میݙی پیروی کرَݨ آلے ہِوے ٻارھاں تختیں اُتے ٻَہہ کرائیں بنی اِسرائیل دے ٻارھاں قبیلئیں دا اِنصاف کریسو۔ 29اَتے جَیں میݙے کیتے اپݨے گھریں، بِھرا یا بھیݨیں یا ماء پیِوُ یا ٻال یا رَڑھیں کُوں چھوڑ ݙِتے، اُونکُوں سو گُنا مِلسی اَتے او ہمیشاں دی حیاتی دے وارث بݨسِن۔ 30اَتے ٻَہُوں سارے لوک جیرھے ہُݨ اَڳوں اَڳوں ہِن، او پِچھُوں تھی ویسِن اَتے جیرھے پِچھُوں ہَن او اَڳوں وَدھ ویسِن۔“
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY