متّی 20
20
اَنگوریں دے باغ اَتے مَزدُوریں دی مثال
1”کیوں جو اَسمان دی بادشاہی اِیویں ہے جو ہِک باغ دا مالک ہا جیرھا اپݨے اَنگوریں دے باغ اِچ مَزدُوریں کُوں کَم تے کھڑاوَݨ کیتے سویل نال نِکلیا۔ 2اُوں مَزدوریں نال چاندی دا ہِک سِکّہ مَزدُوری مُکا کرائیں اُنہیں کُوں اپݨے اَنگوریں دے باغ اِچ کَم کیتے بھیڄ ݙِتا۔ 3اَتے نَوں وَڄے او ٻاہر ڳیا اَتے ٻنہیں مَزدُوریں کُوں نِکماں کھڑے ݙِٹھا۔ 4اَتے اُنہیں کُوں آکھیا، ’تُساں وی اَنگوریں دے باغ اِچ وَنڄو اَتے جیرھی تُہاݙی جائز مَزدُوری ٻݨسی مَیں تُہاکُوں ݙیساں۔‘ 5او لڳے ڳئے۔ ٻارھاں وَڄے اَتے وَل ترائے وڄَے او وَلا ٻاہر ڳیا اَتے وَلا اُونویں کیتا۔ 6وَل اَندازاً پنج وَڄے وَلا ٻاہر ڳیا اَتے ٻنہیں مَزدُوریں کُوں کھڑے ݙِٹھا اَتے اُنہیں کنُوں پُچھیا، ’تُساں کیوں سارا ݙینہہ نِکمے کھڑے رہ ڳئے ہِوے؟‘ 7اُنہیں وَلدا ݙِتا، ’ساکُوں کہیں کَم نَئیِں ݙِتا۔‘ اُوں اُنہیں کُوں آکھیا، ’تُساں وی اَنگوریں دے باغ اِچ کَم کرَݨ کیتے لڳے وَنڄو۔‘
8جݙّاں شام تھئی تاں باغ دے مالک اپݨے کاردار کُوں آکھیا، ’مَزدُوریں کُوں سَݙ کرائیں اُنہیں دی مَزدُوری ݙے چا، پہلے چھیکڑ اِچ آوَݨ آلئیں کُوں پِچھیں پہلے آوَݨ آلئیں کُوں۔‘ 9اَتے پنج وَڄے کَم کرَݨ آلے مَزدُوریں کُوں ہِک ہِک چاندی دا سِکّہ مَزدُوری مِل ڳئی۔ 10اَتے جیرھے سویلے آئے ہَن اُنہیں سوچیا جو ساکُوں زیادہ مِلسی پَر اُنہیں کُوں وی ہِک ہِک چاندی دا سِکّہ مِلیا۔ 11او مَزدُوری گھِن کرائیں مالک دے کولھ ڳئے اَتے اُونکُوں شکایت کرَݨ لڳے۔ 12جو ’چھیکڑ اِچ آوَݨ آلئیں صرف ہِک گھَنٹہ کَم کیتے اَتے اَساں جنہیں تتے ݙینہہ سارا کَم کیتے تَیں اِنہیں کُوں ساݙے برابر مَزدُوری ݙِتی ہے۔‘ 13مالک اُنہیں اِچوں ہِک کُوں سَݙ کرائیں پُچھیا، ’سنگتی! مَیں تیݙے نال کُوئی نااِنصافی نَئیِں پِیا کریندا، کیا مَیں تیݙے نال ہِک چاندی دا سِکّہ مَزدُوری نہ مُکائی ہَئی؟ 14اپݨی مَزدُوری چا اَتے لڳا وَنڄ، ایہ میݙی مرضی ہے جو جیرھی مَزدُوری مَیں تَیکُوں ݙِتی ہے اُوہو چھیکڑ اِچ آوَݨ آلئیں کُوں وی ݙیواں۔ 15کیا مَیکُوں اپݨا مال اپݨی مرضی نال خرچ کرَݨ دا اِختیار کَینی جو مَیں جیویں چاہواں کراں؟ یا مَیں سخی ہاں اِیں وجہ کنُوں تُوں میݙے مال اُتے اَکھ رکھی کھڑیں؟‘“
16اَتے یِسُوع آکھیا، ”اِیویں جیرھے چھیکڑی ہِن او پہلے تھی ویسِن اَتے جیرھے پہلے ہِن او چھیکڑی تھی ویسِن۔“
یِسُوع تریجھی واری اپݨے مَرݨ اَتے زندہ تھِیوَن بارے ݙسیندِن
(رَلدا مِلدا حوالہ: مرقس 10:32-34؛ لُوقا 18:31-34)
17اَتے شہر یروشلم دو ویندئیں ہوئیں یِسُوع اپݨے ٻارھاں خاص شاگِردئیں کُوں اَنجھ گھِن ڳیا اَتے اُنہیں کُوں آکھیا، 18”ݙیکھو، اَساں شہر یروشلم دو ویندے پئے ہَیں اَتے اُتھاں اِبنِآدم یعنی مَیکُوں وَݙّے مذہبی پیشوائیں اَتے شرع دے عالمیں دے حوالے کیتا ویسی اَتے او مَیکُوں جان کنُوں مار گھتݨ دا فتویٰ ݙیسِن۔ 19اَتے غیرقومیں دے حوالے کریسِن تاں جو میݙا مذاق بݨاوَݨ اَتے کوڑے مار کرائیں سُولی چڑھا ݙِیوَݨ پَر مَیں تریجھے ݙینہہ زندہ تھی ویساں۔“
ہِک ماء دی دَرخاست
(رَلدا مِلدا حوالہ: مرقس 10:35-45)
20اِیندے بعد زبدی دے پُتریں دی ماء اپݨے ݙُوہیں پُتریں دے کٹھے یِسُوع دے کولھ اَئی اَتے جُھک کرائیں ہِک دَرخاست کرَݨ لڳی۔ 21یِسُوع اُوں کنُوں پُچھیا، ”تُوں کیا چاہندیں؟“ اُوں آکھیا، ”مَیں چاہندی ہاں جو تُوں میݙے نال وعدہ کر جو جݙّاں تیݙی بادشاہی آوے تاں میݙا ہِک پُتر تیݙے سَڄے اَتے ݙُوجھا کھَٻے پاسے ٻَہوے۔“ 22یِسُوع اُوندے پُتریں کُوں جواب ݙِتا، ”تُساں نَئیِں ڄاݨدے جو کیا مَنگدے پئے ہِوے، جیرھا ݙُکھیں دا پیالہ مَیں پِیوَݨ آلا ہاں کیا تُساں پِی سڳدو؟“ اُنہیں آکھیا، ”جِیا پِی سَڳدوں۔“ 23یِسُوع اُنہیں کُوں آکھیا، ”تُساں میݙے ݙُکھیں دے پیالے اِچ شامِل تاں تھیسو پَر کَئیں کُوں اپݨے سَڄے یا کھَٻے ٻِلہاوَاں ایہ میݙے اِختیار اِچ کَینی پَر او جاہیں اُنھائیں کیتے ہِن جنہیں کیتے میݙے اَسمانی باپ تیار کیتن۔“ 24جیرھے ویلے باقی ݙاہ خاص شاگِردئیں ایہ ڳالھیں سُݨیاں تاں او اُنہیں ݙُوہیں بِھراویں نال کَوڑیڄ ڳئے۔ 25وَل یِسُوع اُنہیں سارئیں کُوں اپݨے کولھ سَݙ کرائیں آکھیا، ”تُساں ڄاݨدو جو غیر قومیں دے حاکم اپݨی رِعایا اُتے حُکم چلیندِن اَتے اُنہیں دے رِہنما اُنہیں اُتے رُعب جَھڑیندِن۔ 26پَر تُساں ہِک ٻئے نال اِیویں نہ کراہے پَر جیرھا وَݙّا ٻݨن چاہوے او ٻنہیں دا خادم ٻݨے۔ 27اَتے جیرھا تُہاݙے اِچوں اُچا مرتبہ چاہندے او تُہاݙا ٻاہنا ٻݨے۔ 28جیویں جو اِبنِآدم یعنی مَیں اِیں کیتے نَئیِں آیاں جو ٻئے میݙی خدمت کرَݨ پَر اِیں کیتے آیا جو مَیں ٻنہیں دی خدمت کراں اَتے اپݨی جان لوکیں کیتے فِدیے اِچ ݙیواں۔“
یِسُوع ݙُو اَندھئِیں کُوں دید ݙیندِن
(رَلدا مِلدا حوالہ: مرقس 10:46-52؛ لُوقا 18:35-43)
29اَتے جیرھے ویلے او شہر یریحو کنُوں ٻاہر نِکلدے پئے ہَن تاں ٻَہُوں وَݙّی بھِیڑ اُنہیں دے پِچھُوں ٹُر پَئی۔ 30یِسُوع جیرھے رَستے کنُوں ویندا پِیا ہا اُتھاں ݙُو اَندھے ٻیٹھے ہَن۔ جیرھے ویلے اُنہیں سُݨیا جو یِسُوع اُتھوں لَنگھدا پئے، تاں اُنہیں اُچیاں ہَکلاں مارݨ شروع کر ݙِتیاں، ”اَے خُداوند! داؤد دے پُتر، ساݙے اُتے رَحم کر۔“ 31پَر یِسُوع نال ویندی بھِیڑ اِچوں کُجھ لوکیں اُنہیں کُوں دَڑکے ݙتے جو چُپ کرو۔ پَر او ڈھیر اُچیاں ہَکلاں مار کرائیں آکھݨ لڳے، ”اَے خُداوند! داؤد دے پُتر، ساݙے اُتے رَحم کر۔“ 32یِسُوع ہَکلاں سُݨ کرائیں کھڑ ڳیا، اَتے اُنہیں کنُوں پُچھیا، ”تُساں کیا چاہندو جو مَیں تُہاݙے کیتے کراں؟“ 33اُنہیں جواب ݙِتا، اَے خُداوند! ”اَساں چاہندوں جو ساݙی دید وَل آوے۔“ 34یِسُوع کُوں اُنہیں اُتے ترس آیا اَتے اُوں اُنہیں دی اَکھیں اُتے ہَتھ رکھیا اَتے او ہُوں ویلے ݙیکھݨ لڳ پئے اَتے اُوندے پِچھُوں ٹُر پئے۔
Currently Selected:
متّی 20: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 20
20
اَنگوریں دے باغ اَتے مَزدُوریں دی مثال
1”کیوں جو اَسمان دی بادشاہی اِیویں ہے جو ہِک باغ دا مالک ہا جیرھا اپݨے اَنگوریں دے باغ اِچ مَزدُوریں کُوں کَم تے کھڑاوَݨ کیتے سویل نال نِکلیا۔ 2اُوں مَزدوریں نال چاندی دا ہِک سِکّہ مَزدُوری مُکا کرائیں اُنہیں کُوں اپݨے اَنگوریں دے باغ اِچ کَم کیتے بھیڄ ݙِتا۔ 3اَتے نَوں وَڄے او ٻاہر ڳیا اَتے ٻنہیں مَزدُوریں کُوں نِکماں کھڑے ݙِٹھا۔ 4اَتے اُنہیں کُوں آکھیا، ’تُساں وی اَنگوریں دے باغ اِچ وَنڄو اَتے جیرھی تُہاݙی جائز مَزدُوری ٻݨسی مَیں تُہاکُوں ݙیساں۔‘ 5او لڳے ڳئے۔ ٻارھاں وَڄے اَتے وَل ترائے وڄَے او وَلا ٻاہر ڳیا اَتے وَلا اُونویں کیتا۔ 6وَل اَندازاً پنج وَڄے وَلا ٻاہر ڳیا اَتے ٻنہیں مَزدُوریں کُوں کھڑے ݙِٹھا اَتے اُنہیں کنُوں پُچھیا، ’تُساں کیوں سارا ݙینہہ نِکمے کھڑے رہ ڳئے ہِوے؟‘ 7اُنہیں وَلدا ݙِتا، ’ساکُوں کہیں کَم نَئیِں ݙِتا۔‘ اُوں اُنہیں کُوں آکھیا، ’تُساں وی اَنگوریں دے باغ اِچ کَم کرَݨ کیتے لڳے وَنڄو۔‘
8جݙّاں شام تھئی تاں باغ دے مالک اپݨے کاردار کُوں آکھیا، ’مَزدُوریں کُوں سَݙ کرائیں اُنہیں دی مَزدُوری ݙے چا، پہلے چھیکڑ اِچ آوَݨ آلئیں کُوں پِچھیں پہلے آوَݨ آلئیں کُوں۔‘ 9اَتے پنج وَڄے کَم کرَݨ آلے مَزدُوریں کُوں ہِک ہِک چاندی دا سِکّہ مَزدُوری مِل ڳئی۔ 10اَتے جیرھے سویلے آئے ہَن اُنہیں سوچیا جو ساکُوں زیادہ مِلسی پَر اُنہیں کُوں وی ہِک ہِک چاندی دا سِکّہ مِلیا۔ 11او مَزدُوری گھِن کرائیں مالک دے کولھ ڳئے اَتے اُونکُوں شکایت کرَݨ لڳے۔ 12جو ’چھیکڑ اِچ آوَݨ آلئیں صرف ہِک گھَنٹہ کَم کیتے اَتے اَساں جنہیں تتے ݙینہہ سارا کَم کیتے تَیں اِنہیں کُوں ساݙے برابر مَزدُوری ݙِتی ہے۔‘ 13مالک اُنہیں اِچوں ہِک کُوں سَݙ کرائیں پُچھیا، ’سنگتی! مَیں تیݙے نال کُوئی نااِنصافی نَئیِں پِیا کریندا، کیا مَیں تیݙے نال ہِک چاندی دا سِکّہ مَزدُوری نہ مُکائی ہَئی؟ 14اپݨی مَزدُوری چا اَتے لڳا وَنڄ، ایہ میݙی مرضی ہے جو جیرھی مَزدُوری مَیں تَیکُوں ݙِتی ہے اُوہو چھیکڑ اِچ آوَݨ آلئیں کُوں وی ݙیواں۔ 15کیا مَیکُوں اپݨا مال اپݨی مرضی نال خرچ کرَݨ دا اِختیار کَینی جو مَیں جیویں چاہواں کراں؟ یا مَیں سخی ہاں اِیں وجہ کنُوں تُوں میݙے مال اُتے اَکھ رکھی کھڑیں؟‘“
16اَتے یِسُوع آکھیا، ”اِیویں جیرھے چھیکڑی ہِن او پہلے تھی ویسِن اَتے جیرھے پہلے ہِن او چھیکڑی تھی ویسِن۔“
یِسُوع تریجھی واری اپݨے مَرݨ اَتے زندہ تھِیوَن بارے ݙسیندِن
(رَلدا مِلدا حوالہ: مرقس 10:32-34؛ لُوقا 18:31-34)
17اَتے شہر یروشلم دو ویندئیں ہوئیں یِسُوع اپݨے ٻارھاں خاص شاگِردئیں کُوں اَنجھ گھِن ڳیا اَتے اُنہیں کُوں آکھیا، 18”ݙیکھو، اَساں شہر یروشلم دو ویندے پئے ہَیں اَتے اُتھاں اِبنِآدم یعنی مَیکُوں وَݙّے مذہبی پیشوائیں اَتے شرع دے عالمیں دے حوالے کیتا ویسی اَتے او مَیکُوں جان کنُوں مار گھتݨ دا فتویٰ ݙیسِن۔ 19اَتے غیرقومیں دے حوالے کریسِن تاں جو میݙا مذاق بݨاوَݨ اَتے کوڑے مار کرائیں سُولی چڑھا ݙِیوَݨ پَر مَیں تریجھے ݙینہہ زندہ تھی ویساں۔“
ہِک ماء دی دَرخاست
(رَلدا مِلدا حوالہ: مرقس 10:35-45)
20اِیندے بعد زبدی دے پُتریں دی ماء اپݨے ݙُوہیں پُتریں دے کٹھے یِسُوع دے کولھ اَئی اَتے جُھک کرائیں ہِک دَرخاست کرَݨ لڳی۔ 21یِسُوع اُوں کنُوں پُچھیا، ”تُوں کیا چاہندیں؟“ اُوں آکھیا، ”مَیں چاہندی ہاں جو تُوں میݙے نال وعدہ کر جو جݙّاں تیݙی بادشاہی آوے تاں میݙا ہِک پُتر تیݙے سَڄے اَتے ݙُوجھا کھَٻے پاسے ٻَہوے۔“ 22یِسُوع اُوندے پُتریں کُوں جواب ݙِتا، ”تُساں نَئیِں ڄاݨدے جو کیا مَنگدے پئے ہِوے، جیرھا ݙُکھیں دا پیالہ مَیں پِیوَݨ آلا ہاں کیا تُساں پِی سڳدو؟“ اُنہیں آکھیا، ”جِیا پِی سَڳدوں۔“ 23یِسُوع اُنہیں کُوں آکھیا، ”تُساں میݙے ݙُکھیں دے پیالے اِچ شامِل تاں تھیسو پَر کَئیں کُوں اپݨے سَڄے یا کھَٻے ٻِلہاوَاں ایہ میݙے اِختیار اِچ کَینی پَر او جاہیں اُنھائیں کیتے ہِن جنہیں کیتے میݙے اَسمانی باپ تیار کیتن۔“ 24جیرھے ویلے باقی ݙاہ خاص شاگِردئیں ایہ ڳالھیں سُݨیاں تاں او اُنہیں ݙُوہیں بِھراویں نال کَوڑیڄ ڳئے۔ 25وَل یِسُوع اُنہیں سارئیں کُوں اپݨے کولھ سَݙ کرائیں آکھیا، ”تُساں ڄاݨدو جو غیر قومیں دے حاکم اپݨی رِعایا اُتے حُکم چلیندِن اَتے اُنہیں دے رِہنما اُنہیں اُتے رُعب جَھڑیندِن۔ 26پَر تُساں ہِک ٻئے نال اِیویں نہ کراہے پَر جیرھا وَݙّا ٻݨن چاہوے او ٻنہیں دا خادم ٻݨے۔ 27اَتے جیرھا تُہاݙے اِچوں اُچا مرتبہ چاہندے او تُہاݙا ٻاہنا ٻݨے۔ 28جیویں جو اِبنِآدم یعنی مَیں اِیں کیتے نَئیِں آیاں جو ٻئے میݙی خدمت کرَݨ پَر اِیں کیتے آیا جو مَیں ٻنہیں دی خدمت کراں اَتے اپݨی جان لوکیں کیتے فِدیے اِچ ݙیواں۔“
یِسُوع ݙُو اَندھئِیں کُوں دید ݙیندِن
(رَلدا مِلدا حوالہ: مرقس 10:46-52؛ لُوقا 18:35-43)
29اَتے جیرھے ویلے او شہر یریحو کنُوں ٻاہر نِکلدے پئے ہَن تاں ٻَہُوں وَݙّی بھِیڑ اُنہیں دے پِچھُوں ٹُر پَئی۔ 30یِسُوع جیرھے رَستے کنُوں ویندا پِیا ہا اُتھاں ݙُو اَندھے ٻیٹھے ہَن۔ جیرھے ویلے اُنہیں سُݨیا جو یِسُوع اُتھوں لَنگھدا پئے، تاں اُنہیں اُچیاں ہَکلاں مارݨ شروع کر ݙِتیاں، ”اَے خُداوند! داؤد دے پُتر، ساݙے اُتے رَحم کر۔“ 31پَر یِسُوع نال ویندی بھِیڑ اِچوں کُجھ لوکیں اُنہیں کُوں دَڑکے ݙتے جو چُپ کرو۔ پَر او ڈھیر اُچیاں ہَکلاں مار کرائیں آکھݨ لڳے، ”اَے خُداوند! داؤد دے پُتر، ساݙے اُتے رَحم کر۔“ 32یِسُوع ہَکلاں سُݨ کرائیں کھڑ ڳیا، اَتے اُنہیں کنُوں پُچھیا، ”تُساں کیا چاہندو جو مَیں تُہاݙے کیتے کراں؟“ 33اُنہیں جواب ݙِتا، اَے خُداوند! ”اَساں چاہندوں جو ساݙی دید وَل آوے۔“ 34یِسُوع کُوں اُنہیں اُتے ترس آیا اَتے اُوں اُنہیں دی اَکھیں اُتے ہَتھ رکھیا اَتے او ہُوں ویلے ݙیکھݨ لڳ پئے اَتے اُوندے پِچھُوں ٹُر پئے۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY