Mberaand 5

O kurcala le Aadama boo na Nowe

1Keeke refu safe le na kon ake na xa taan Aadama:

Ye Roog a sakna o kiin, a fi’aan ta nand fa Roog.#1:27-28 2Roog a saka o koor, a sak o tew, a barke a den, a ne a den o kiin ye da sakeena.#Mace 19:4; Mark 10:6

3Ye Aadama a jegna xa kiid teemeed fo xa kiid qarɓeen tadik a rima o ƥiy, ta nand fo ten, a ref nitaal um, soo ta ne’in Set. 4Cinj o rimel ole Set, Aadama a ñoowa xa kiid teemeed ɓetuu tadik, a jeg’a itam xa ƥiy xa koor fo xa ƥiy xa tew. 5Aadama a ñoowa fop oo fop xa kiid teemeed ɓetuu nahik fo xa kiid qarɓeen tadik, soo a xonkaa.

6Set a jega xa kiid teemeed fo xa kiid xa ƥetaq, soo a rim a Enos. 7Cinj o rimel ole Enos, Set a ñoowa xa kiid teemeed ɓetuu tadik fo xa kiid ɓetaa ƭaq, a jeg’a xa ƥiy xa koor fo xa ƥiy xa tew. 8Set a ñoowa fop oo fop xa kiid teemeed ɓetuu nahik fo xa kiid xarɓaxay fo xa kiid xa ƭaq, soo a xonkaa.

9Enos a jega xa kiid qarɓeen ɓetuu nahik, soo a rim a Kenaan. 10Cinj o rimel ole Kenaan, Enos a ñoowa xa kiid teemeed ɓetuu tadik fo xa kiid xarɓaxay fo xa kiid xa ƥetaq, a jeg’a xa ƥiy xa koor fo xa ƥiy xa tew. 11Enos a ñoowa fop oo fop xa kiid teemeed ɓetuu nahik fo xa kiid xa ƥetaq, soo a xonkaa.

12Kenaan a jega xa kiid qarɓeen ɓetuu ƭik, soo a rim a Mahalaleel. 13Cinj o rimel ole Mahalaleel, Kenaan a ñoowa xa kiid teemeed ɓetuu tadik fo xa kiid qarɓeen nahik, a jeg’a xa ƥiy xa koor fo xa ƥiy xa tew. 14Kenaan a ñoowa fop oo fop xa kiid teemeed ɓetuu nahik fo xa kiid xarɓaxay, soo a xonkaa.

15Mahalaleel a jega xa kiid qarɓeen ɓetuu fa leng fo xa kiid xa ƥetaq, soo a rim a Yered. 16Cinj o rimel ole Yered, Mahalaleel a ñoowa xa kiid teemeed ɓetuu tadik fo xa kiid qarɓeen tadik, a jeg’a xa ƥiy xa koor fo xa ƥiy xa tew. 17Mahalaleel a ñoowa fop oo fop xa kiid teemeed ɓetuu tadik fo xa kiid qarɓeen ɓetuu nahik fo xa kiid xa ƥetaq, soo a xonkaa.

18Yered a jega xa kiid teemeed fo xa kiid qarɓeen ɓetuu fa leng fo xa kiid xa ƭaq, soo a rim a Henok. 19Cinj o rimel ole Henok, Yered a ñoowa xa kiid teemeed ɓetuu tadik, a jeg’a xa ƥiy xa koor fo xa ƥiy xa tew. 20Yered a ñoowa fop oo fop xa kiid teemeed ɓetuu nahik fo xa kiid qarɓeen ɓetuu fa leng fo xa kiid xa ƭaq, soo a xonkaa.

21Henok a jega xa kiid qarɓeen ɓetuu fa leng fo xa kiid xa ƥetaq, soo a rim a Metuseela. 22Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew. 23Henok a ñoowa fop oo fop xa kiid teemeed tadik fo xa kiid qarɓeen ɓetuu fa leng fo xa kiid xa ƥetaq. 24Henok a ñaaƴa fa Roog, cinj kaaga, a naaga mes#5:24 a naaga mes Roog yoɗ’u a Henok, xon’ee nen wiin lakas we fop. yaam Roog a yoɗin.#Heb 11:5; Yud 14

25Metuseela a jega xa kiid teemeed fo xa kiid qarɓeen ɓetuu tadik fo xa kiid ɓetaa ƭaq, soo a rim a Lemek. 26Cinj o rimel ole Lemek, Metuseela a ñoowa xa kiid teemeed ɓetuu ƭik fo xa kiid qarɓeen ɓetuu tadik fo xa kiid xa ƭaq, a jeg’a xa ƥiy xa koor fo xa ƥiy xa tew. 27Metuseela a ñoowa fop oo fop xa kiid teemeed ɓetuu nahik fo xa kiid qarɓeen ɓetuu fa leng fo xa kiid ɓetaa nahaq, soo a xonkaa.

28Lemek a jega xa kiid teemeed fo xa kiid qarɓeen ɓetuu tadik fo xa kiid xa ƭaq, soo a rim o ƥiy o ngoor. 29A ne’aan Nowe, a lay ee: «Oxene na yaalkaa#5:29 yaalkaa Gon le Nowe kaa tekit «oxe na yaalaa». a in no coono ke, no calel ƭomu ke lanq ke o Yaal oxe a salooxna a ndoonna a in.» 30Cinj o rimel ole Nowe, Lemek a ñoowa xa kiid teemeed ƥetik fo xa kiid qarɓeen ɓetuu nahik fo xa kiid xa ƥetaq, a jeg’a xa ƥiy xa koor fo xa ƥiy xa tew. 31Lemek a ñoowa fop oo fop xa kiid teemeed ɓetuu ƭik fo xa kiid qarɓeen ɓetuu ƭik fo xa kiid ɓetaa ƭaq, soo a xonkaa.

32Nowe a jega xa kiid teemeed ƥetik, soo a rim a Seem, a doon a Xaam fa Yafet.

Currently Selected:

Mberaand 5: SRR23

Highlight

Copy