S. Mat 16
16
Krie XVI.
1E kur u‐kjas𝑒n Farisénj𝑒t𝑒, e Saduts̆énj𝑒t𝑒, ts̆𝑒 e kseváli𝑒n, i lip𝑒n t’ i d𝑒ftoγj𝑒 ndô sinjaχ𝑒 ka kjíeγia.
2E aí u‐p𝑒rgjekj𝑒, e i θa: Mbrémanet θoni: Mot’ i mir𝑒, se kjíeγia u‐ngukj𝑒.
3E menatnet: Sot𝑒 mot’ i kekj𝑒, se ngúkjet𝑒 kjíeγia, as̆tú si vréχet𝑒. Ipókrit𝑒ra, dini t𝑒 njiχni fakjen e kjíeγi𝑒s: po sinjájet𝑒 e kjerónj𝑒vet ng𝑒 m𝑒nd’ i njiχni?
4J𝑒nía e lig𝑒 e kurv𝑒tore k𝑒rkón sinjâχ: e jatr𝑒 sinjaχ𝑒 ng𝑒 kat’ i jípet𝑒 asâγj𝑒, se po sinjaγi i Dz̆on𝑒s𝑒 profétit𝑒. E t𝑒 l𝑒net ts̆𝑒 i la, u‐nis𝑒.
5E si van𝑒 dis̆ípuj𝑒t’ e tîγj𝑒 mbatan𝑒, χarrúan t𝑒 mírri𝑒n búk𝑒t𝑒.
6E Dz̆esúi θa atire: V𝑒rreni, e rúχiχj𝑒 ka brumit e Farisénj𝑒vet eδé Saduts̆énj𝑒vet.
7E atá flísi𝑒n nd𝑒r ta, e θós̆i𝑒n: Se ng𝑒 múartim𝑒 búk𝑒t𝑒.
8E Dz̆esúi, ts̆𝑒 e nd𝑒lgói, θa: Ts̆𝑒 θoni nd𝑒r jû, njér𝑒z𝑒 me pak𝑒 bess𝑒, se ng𝑒 kini búk𝑒t𝑒?
9Si ng𝑒 nd𝑒lgoni, e ng𝑒 kuj𝑒toni pess𝑒 búk𝑒t’ e pess𝑒 míj𝑒vet, e sâ kufine ndzúart𝑒?
10E miδé s̆𝑒tat𝑒 búk𝑒t’ e katr𝑒 míj𝑒vet, e sâ s̆port𝑒 ndzúart𝑒?
11Si ng𝑒 nd𝑒lgoni, se ú ng𝑒 ju e θas̆𝑒 p𝑒r búk𝑒n𝑒: Rúχiχj𝑒 ka brumit e Farisénj𝑒vet, eδé Saduts̆énj𝑒vet?
12Aχiérra nd𝑒lgúan se ng𝑒 θa t𝑒 rúχes̆in ka brumit e búk𝑒s𝑒, se po ka m𝑒simi i Farisénj𝑒vet e i Saduts̆énj𝑒vet.
13E t𝑒 váturit Dz̆esúi te án𝑒t’ e Ts̆esarîs𝑒 t𝑒 F𝑒lípit𝑒, píeiti dis̆ípuj𝑒vet tîγj𝑒, tue θ𝑒n𝑒: Kus̆ θon𝑒 njérzit𝑒 se is̆t i Biri i njeríut𝑒?
14E atá θan𝑒: Tsa Dz̆uánin𝑒 Batist𝑒n, tjer𝑒 Elîn, e tjer𝑒 Dz̆eremîn, ô ndonjé t𝑒 profétravet.
15Θot atire: E jû kus̆ θoni se jam ú?
16E t𝑒 p𝑒rgjégjurit Simún Piétri, θa: Ti jê Kris̆ti, i biri i Per𝑒ndîs t𝑒 gjáγit𝑒.
17E p𝑒rgjégjurit Dz̆esúi, θa atîγje: I lumi ti, Simún Bar Joná: se tîj ng𝑒 t’ e sbloi mis̆t, e gjaku, se po Tata jim𝑒, ts̆𝑒 is̆t𝑒 te kjíeγiat𝑒.
18E ú t𝑒 θom𝑒, se ti jê Piétri, e mbi kt𝑒 gûr ka stis𝑒 klis̆𝑒n time, e díert’ e pís𝑒s𝑒 ng𝑒 kat’ e múnj𝑒n𝑒.
19E tîj ka jap𝑒 klíts̆et’ e mbretrîs t𝑒 kjíeγiavet. E k𝑒 liθ𝑒s̆ ti mbi δéun, ka jêt𝑒 líδur𝑒 eδé te kjíeγiat𝑒: e k𝑒 sgliθ𝑒s̆ ti mbi δéun, ka jêt𝑒 sglíδur𝑒 te kjíeγia.
20Aχiérra urδurói dis̆ípuj𝑒vet tîγj𝑒 t𝑒 mos θós̆i𝑒n njeríu se aí ê Kris̆ti.
21Ts̆𝑒 aχiérra zuri‐fiχ𝑒 Dz̆esúi t𝑒 d𝑒ftoγj𝑒 dis̆ípuj𝑒vet tîγj𝑒, se duχej t𝑒 vêγj𝑒 nd𝑒 Dz̆erusalém, e t𝑒 duroγj𝑒 disâ ka plékj𝑒t𝑒, e ka t𝑒 pár𝑒t’ e príftravet, e ka Skríbrat𝑒, e t’ is̆ vrâr𝑒, e mbi trî ditt𝑒 t𝑒 ngjaγej.
22E Piétri e χolkji m𝑒 njan𝑒, e zû t’ e kj𝑒rtoγj𝑒 tue θ𝑒n𝑒: Lipisu vet𝑒χên, Zot: mos e pats̆e gjiθ𝑒 k𝑒té.
23E aí t𝑒 pjerr𝑒t, θa Piétrit𝑒: Jets𝑒 prapa meje, satanás, ti m𝑒 jep𝑒 sk𝑒ndaχ: se ng𝑒 γojas𝑒 s̆𝑒rbíset’ e Per𝑒ndîs𝑒, se po ató t𝑒 njérz𝑒vet.
24Aχiérra Dz̆esúi θa dis̆ípuj𝑒vet tîγj𝑒: Nai ndonjé do vinj𝑒 pas meje, le t𝑒 mos njóχ𝑒nj𝑒 mê vet𝑒χên t𝑒 tîγj𝑒, le t𝑒 ngarkonj𝑒 krikjen e tîγj𝑒, e le t𝑒 mos m𝑒 lér𝑒nj𝑒 k𝑒mb𝑒.
25Se aí ts̆𝑒 t𝑒 dêt𝑒 t𝑒 s̆p𝑒tonj𝑒 gjeγ𝑒n e tîγj𝑒, kat’ e sbiér𝑒nj𝑒: e aí ts̆𝑒 t𝑒 sbiér𝑒nj𝑒 gjeγ𝑒n e tîγj𝑒 páj𝑒t𝑒 meje, kat’ e gjênj𝑒.
26Se ts̆𝑒 i v𝑒jén njeríut𝑒, n𝑒 aí múnd𝑒s̆it jet𝑒n e t𝑒r𝑒, e u‐d𝑒m𝑒toft𝑒 s̆pirtin e tîγj𝑒? Se ts̆𝑒 do t𝑒 jáp𝑒nj𝑒 njeríu p𝑒r pjes𝑒 t𝑒 s̆pírtit𝑒 tîγj𝑒?
27Andái i Biri i njeríut𝑒 kat𝑒 vinj𝑒 te l𝑒vdía e Tát𝑒s𝑒 tîγj𝑒 me éngj𝑒j𝑒t’ e tîγj𝑒: e aχiérra kat𝑒 pagúanj𝑒 nga njerî mbi t𝑒 bémat’ e tîγj𝑒.
28Me ftet𝑒 ju θom𝑒, jan𝑒 ts̆𝑒dó te k𝑒tá, ts̆𝑒 rrîn k𝑒tú, ts̆𝑒 ng𝑒 kat𝑒 ngjépsj𝑒n𝑒 mórtie, njera t𝑒 s̆óχ𝑒j𝑒n𝑒 t𝑒 Birin e njeríut𝑒, ts̆𝑒 vete te mbretría e tîγj𝑒.
Currently Selected:
S. Mat 16: AAE1868
Highlight
Share
Copy
Want to have your highlights saved across all your devices? Sign up or sign in
Përktheu nga greqishtja 1868.
