Zaburi Sya Daud 18
18
Diligam te, Domine.
1Nikukolela lipyana:
Bambo, kukangamalila kwangu.
2Bambo liganga lya kutopela lyangu: na pene lilinga pangu, ni liganga lyakulama kwangu, yula yaninnkimbalile:
Kikopa kyangu, ni linyelo lya uyokosi wangu, na pakukwelela pangu.
3Yaninnkemelele Bambo, yula ayile wakulumbika:
Na yaniokoleke kwa wakuwipila wang u.
4Yanifinyanise migoyi ya kifwa:
Ni mikuka yangali kunogela yanilekalile woga.
5Migoyi ya pandu pa mahoka yanisyungutile:
Mitego ya kifwa yaniweni baho.
6Pakufinyikika nannkemalile Bambo, ni nanndilile Mlungu wangu:
Ayufwine kuhumila hekal yake njwawila yangu, nu kulila kwangu pa kyene kyake kwayingile mumakutu mwake.
7Nu nndima wanyukwinye na wakupwile:
Na fyakuyalila pasi fya fidunda fyakenyamwike kawili na fyanyukunyise ndawa awinite mwoyo.
8Lyakwelite lyosi mumbuno mwake:
Nu mwoto kuhuma pa nndomo wake walile: makenye gatinyike na gombe.
9Ayinamise kawili Kunani naselile:
Nu lwisi toto pasi pa nnjayo syake.
10Na akwelite pa kerub, na agulwike:
Ena, asayawike pa mapapatilo ga mpungo.
11Na aluwikite lwisi pakuyuwalila pake, fyakunnsyungutila ngati masakasa gake:
Lwisi lwa machi, na pakutupulika pa mafundi.
12Kuhuma pakumulika palongolo pake fyakutupulika fya lutalile:
Fula ya maganga na makenye ga mwoto.
13Bambo kawili aputite Kunani, na Yula wa Panani pene apelike njwawila yake:
Fula ya maganga na makenye ga mwoto.
14Napelike mahonga gake, nayambanise:
Ena, mbamba nyingi, nawasowese.
15Nayawonike mikolongo ya machi, na fila fyakutandakila pasi pa nndima wene wandu fyafunukukulike:
Kuhuma pa kulakala kwako, Bambo, kwa kuwula kwa mpungo wa mumbuno mwako.
16Apelike kuhumila panani, nanipinda:
Anifutiti kuhumila pa machi mingi.
17Anifuwule pa wakuniwipila wambafu:
Na kwa wala wakufyoma na nenga, ndawa wayile na makakala kulutila nenga.
18Wanilongolile pa ligono lya mpingusi wangu:
Koma Bambo ayile nnsindamiso wangu.
19Na anipisite pene kitando:
Anifuwile, ndawa aganite baho pa nenga.
20Bambo anikitile umu nikitila malinga:
Kwa kuwalala mawoko gangu anikilawusila.
21Ndawa nisilindalile ndila sya Bambo:
Na nawipite lepa kunndeka Mlungu wangu.
22Ndawa fyoha apaula fiyile palongolo pa nenga:
Ni fidumulano fyake nu kufiwika kutali pa nenga.
23Ni nayile wakumalakika pamo na yombe:
Ni nayilindalile kukotoka pa upulupulu wangu.
24Nu Bambo anikilawusile umu nikitila malinga:
Kwa kutandika mawoko gangu palongolo pa miho gake.
25Pamo na yula wa lukolo yawilase wa lukolo:
Na pamo nu mundu wakumalakika yawilase wakumalakika.
26Pamo nu yombe wakuwalalika, yawilase wakuwalala:
Pamo na yula wa mibidu mibidu yawilase wakubimbitasa.
27Ndawa wenga yauyokole nnsafi wakuseleseka:
Koma miho gakukweseka yaugagwise pasi.
28Ndawa wenga yaupambe nyali yangu:
Bambo Mlungu wangu yakite lwisi lwangu lulangalila.
29Ndawa kwa wenga nilidumila lipuga:
Na kwa Mlungu wangu nulugulukila lutango.
30Munu munu Mlungu, ndila yake yakumalakika:
Lila akita Bambo ligeseka nu mwoto; yombe kikopa kwa woha wala wakunnkimbalila.
31Ndawa naa Mlungu, koma Bambo:
Nu naa liganga, kunndeka Mlungu witu?
32Mlungu wakungunga muchiwuno numpelela:
Na anipelekela nndila yangu yakumalakika.
33Alinganisa njayo syangu ngati njayo sya huluku:
Na aniyimise munani pandu pa panani pangu.
34Ayigalisa figanja fyangu kuhomana ngondo:
Na mawoko gangu guyinamisa upindi wa nkuwa.
35Unipelekele kikopa kya uyokosi wako:
Ni kiwoko kyake kya kigosi kiniyilikise, nu kwiselesa kwako kunikita nankulungu.
36Ukite pandu pa kitando kwa mhindo wangu:
Ni njayo syangu syangatyelembuka.
37Yaniwakise wakuwipila wangu, na yaniwakolele:
Na wasikilauka mpaka yawahomeke.
38Yaniwaholose wasihotola kuyima:
Yawagwe pasi pa njayo syangu.
39Pakukita unikungile mukiwuno mpelela kwa kukokana ngondo:
Wafugamise wakunibelalela pasi pangu.
40Na wawapela wala wakuwipila wangu nngongo kwangu:
Niwalalise wala wakufyoma na nenga.
41Walilite, ni wangali wakuyokola:
Ena, kwa Bambo, koma na kuwahiga.
42Na nawaputite kutama ngati lufumbi palongolo pa mbepo:
Ngati matafwali pa chengo nawatagite kunja.
43Uniyokole pa mihalo ya nnsafi; uniwikite mutu wa mihuku:
Nnsafi gula nenga na kugumanya yagunihengele.
44Kuyufwanila likutu yawayufwe;
Waana wa kigene yawahange kwa nenga.
45Waana wa kigene yawafyote:
Na yawawuke kidigadile pandu pawe pene lutango.
46Alama Bambo, ni lilumbike liganga lyangu ngati kihomo kyene:
Na anyanyamulike Mlungu wa uyokosi wangu.
47Ena Mlungu wakunipela nenga kwikilausila lukongo:
Na ahangisa misafi kigulu pasi pa nenga.
48Aniyokole kwa wakuniwipila, ena, unitutawuse kuhuma pa wakuniyimalila:
Kwa mundu wa ulugu unifuwula.
49Na yanikuchengese pa mihuku, Bambo:
Na yaniliyimbile lihina lyako zabur.
50Wakukulisa uyokosi kwa mutwa wake:
Na wakukita lukolo kwa wakubakasika wake, kwa Daud na kwa mbeyu yake, kitamile mumu pela.
Currently Selected:
Zaburi Sya Daud 18: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
