Zaburi Sya Daud 38
38
Domine, ne in furore.
1Bambo usinikilausa pa kuyambanisa mwoyo wako:
Haka pa kupyupa kwako usiniyambulisa.
2Ndawa makonga gako gayumalakila pa nenga;
Ni kiwoko kyako kiyumalakila pa nenga;
3Pangali payii tyetye pa nyama yangu ndawa ya kuwina mwoyo kwako:
Pangali kinofu pa mafupa gangu ndawa ya zambi yangu.
4Ndawa upulupulu wangu gunilutalile pa mutu wangu:
Ngati nsigo wakutopa sitopa kulutila nenga.
5Mawanga gangu ganunga na gakita mafila:
Ndawa ya kubimbitala kwangu.
6Nikwinyite nifugamise mumu:
Musi woha nigenda‐genda waluku:
7Ndawa fiwuno fyangu fimemite kupyupa:
Napangali payii tyetye pa nyama yangu.
8Nifwile wasi nu kukanyika:
Niwuwile ndawa ya kubomoka mwoyo wangu.
9Bambo, palongolo pako fyoha fyakugana fyangu:
Nukukuga kwangu nakufihika kwako.
10Mwoyo wangu gulipuka‐lipuka, makakala gangu ganilekite:
Muni muni lulangalila lwa miho gangu, lula kawili nakuya kwangu.
11Wakunigana na wakosi wangu wayima pakupatukana pa mtimbo wangu:
Na wapapipi nu nenga wamanya kuyima kutali.
12Na wala wawalondalonda umi wangu wanitegela mitego:
Na wala wawakisa kiwifu kyangu wajowa filugu, na wikanila pa fya kuchenjela musi woha.
13Nu nenga ngati mundu wakusiwa makutu, niyufwana lepe:
Ngati nakujowa nakudindulila pandomo pake.
14Ena, niyii ngati mundu nakuyufwana:
Na pangali fyakulakalila pandomo pake.
15Ndawa kwa wenga, Bambo, nilindikisa:
Wenga yaunihigile, Bambo Mlungu wangu.
16Ndawa nakite, Wasinihekelela:
Lwayo lwangu wona lulambuka, wakuga kunikanila.
17Ndawa nenga niwikike ngani kuchipila:
Ni kihoma kyangu kitamile palongolo pa nenga.
18Ndawa yanikokose upulupulu wangu:
Yaniholele zambi yangu.
19Na wakuwipila wangu walama na wanywilingana:
Na wingi wayile wakufyoma nu nenga wa waka.
20Wala kawili wakuwalipila fiwifu pandu pa finofu:
Wanitamila wamitumba, ndawa nikikisa kila kiyii kinofu.
21Usinileka, Bambo:
Mlungu wangu, usipatukana kutali nu nenga.
22Yumbatika kunitangatila:
Bambo uyokosi wangu.
Currently Selected:
Zaburi Sya Daud 38: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
