Zaburi Sya Daud 40
40
Expectans expectavi.
1Kukumbatila nankumbatile Bambo:
Anifugamile, na ayufwine kulila kwangu.
2Anikwesite pa liwumba lya kuyogofya, pa lidupi lya mangatambo:
Na asiyimike njayo syangu pa liganga lya ukwa, awikile ngani mihindo yangu.
3Na apelike nyimbo yalimo pandomo pangu, kundumba Mlungu witu:
Wingi yawakiwone, na yawayogope, na yawamhuwalile Bambo.
4Wakuwatuka nngosi yula awika kuhuwalilo kyake pa Bambo:
Asibanga kwa wala wawanyuluka muni, haka kwa wala wawapatukila mageya.
5Fingi fila ukita Bambo Mlungu wangu fya kupambana fyako, na maholo gako gaga utilukila tenga:
Pangali wakugawika luwambo kwako; wona nagakokwise nu kujowa, gakangamala gasiwelengeka.
6Waganike lepe ni nyambiko yakudumula ni nyambiko ya usembe; ugadindwile makutu gangu:
Nyambiko yakukwela ni nyambiko ya zambi nakukotela.
7Leka nakite, Lola, nifike:
Pa kyakuwilingika kya kila kyakuwalangika kilembike kya nenga.
8Nigana kukita kuyitika kwako, Mlungu wangu:
Ena, torah lyako liyii mumu pagati pa mitima yangu.
9Niyenise ngati finofu kukita malinga kwa lipuga lingi:
Lola, yamikusiwalakisa milomo gangu, Bambo, amanya.
10Nafihite lepe kukita malinga kwako ngati mwa mwoyo wangu; nakite ga kiyitikiso kyako ni uyokosi wako:
Nikangalakise lepe lukolo lwako ni fya chakaka fyako pa lipuga lingi.
11Wenga, Bambo, usisiwilikisa lipyana lyako kwa nenga:
Lukolo lwako ni fya chakaka fyako finigohe kitamile.
12Fiwifu finifinyikisa mpaka payilepe kufiwalanga, mpulupulu syangu sinipatile, nu nenga nakuhotola kulola:
Fikangamala kulutila liyunju lya mutu wangu, nu mwoyo wangu gunilekite.
13Uyikite, Bambo, kuniyokola:
Bambo, uyumbatike kunitangatila.
14Wakoseke lihanu nu wadogeke pamonga, wala wa walonda umi wangu kuguyananga:
Wakiliusike kunyuma na wakitiki mihenje, wala wa wagana pa fiwifu fyangu.
15Wakitike pupuna pa muhalu wa lihamu lyawe:
Wala wakita kwa nenga, Aha, aha.
16Woha wala yawakulonde wayangala na wahekelela pa wenga:
Wala wakugana uyokosi wako, wakiti nakupumula, Bambo akitike ukulungu.
17Nu nenga wakuselela namigaju; koma Bamba aniholalela:
Wenga wakunitangatila nu wakunifuwula; usitama munyuma, Mlungu wangu.
Currently Selected:
Zaburi Sya Daud 40: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press