Zaburi Sya Daud 42
42
Quemadmodum.
1Umu litambalamba lipumulila mumikuka:
Mumu umi wangu ukupumulila, Mlungu.
2Umi wangu guwona luyumilo kwa Mlungu, Mlungu wa kilamile:
Yanifike lili kuwoneka pa kyeni kya Mlungu?
3Mahosi gangu ganitamila ngati chakulya nu musi ni nikilo;
Baha wakita kwa nenga musi woha, Ayii kuu Mlungu wako?
4Ifi nifikumbukila, nu kupungulila umi wangu bahapa pa nenga:
Umu nabitile pa lipuga, kuwatola ku nyumba ya Mlungu, na malowe ga kululuta ni kuwandisa mbili, wala wawasokosela kukita mwanja wa ligono likulungu.
5Kwa kii wifuganisa, umi wangu? na uli wisokosela bahapa pa nenga?
Uwilindikisa kwa Mlungu, pakukita wakumbwandisila mbili kwa uyokosi wa kyeni kyake.
6Mlungu wangu, bahapa pa nenga umi wangu wifugamisa:
Mumu nukukumbukila kuhuma pa Yordan, na pa fidunda fya Hermon, kuhuma kidunda kya Mizar.
7Mota yikemelana ni mota pa kulila finyangungo fyako:
Mayiga gako goha nu njefunjefu wako guluta panani panenga.
8Koma Bambo yaalutaukile lukolo lwake nimusi:
Na panikilo nyimbo yake yayitame pamonga nu nenga, liluwo kwa Mlungu wa kulama kwangu.
9Yanikite kwa Mlungu liganga lya ulema wangu, Ndawa kii uniyiwite:
Ndawa kiki nigendagenda waluku ndawa ya kuyilikisa kwa kuwipila?
10Ngati nu upanga pa mafupa gangu, wakuwipila wangu wanikanga:
Baha wakita kwa nenga musi woha, Ayii kuu Mlungu wako?
11Ndawa kii wifugamisa, umi wangu? nu kwa kii wisokosela bahapa pa nenga?
Wilindikisa kwa Mlungu, yanitame wakumbwandasila kawili, uyokosi wa kyeni kwangu, nu Mlungu wangu.
Currently Selected:
Zaburi Sya Daud 42: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
