Zaburi Sya Daud 44
44
Deus, auribus.
1Mlungu, pa makutu gitu tiyufwine, wakadadi witu watikokosile:
Fyakukita fila ufikiteye pa magono gawe, magono ga mwandi.
2Wenga ni kiwoko kyako uyihamise mihuku nu kuwapanda:
Uwawipile mitangilo, nu kuwatambasula.
3Ndawa nakuya nu upanga wawe wene wayingile mundima lipwela lyakulekwa, haka kiwoko kyawe nakuwayokola wombe:
Koma kiganja kyako kya ndilo ni kiwoko kyako, nu lulangalila lwa kyene kyako, ndawa uwayitike.
4Wenga Mutwa wangu, Mlungu:
Peleka uyokosi kwa Yakobo.
5Pa wenga yatiwakunyule wamitumba witu:
Pa lihina lyako yatiliwati pasi wala wakutiyimila.
6Ndawa si pa upindu wangu yanihuwalile:
Na haka upanga wangu nakuniyokola.
7Koma utiyokwile pa wamitumba witu:
Nu uwakosite lihamu wa wafyoma nu tenga.
8Pa Mlungu tihikalile musi woha:
Na yatilisenguse kitamile mumu pela lihina lyako.
9Koma hino utitagite, nu utikitile mihenje:
Nakupita pamonga na mabanja gitu.
10Utikiliusa munyuma na wala wamitumba:
Na wala wakufyoma nu tenga wifufulila.
11Watipeleka ngati mambelele kwa kulya:
Nu utiyambanisa pa mihuku.
12Uhemela nnsafi wako pangali njombe:
Nakuyolokesa kyuma kyako kwa uhemesi wawe.
13Utiwika kyakudoga kya wenesi witu:
Kyakuheka luheko ni kya kukuga kwa wala wawatisyungutila.
14Utiwika lusumu pa mihuku:
Kupukunya mutu pa nntangilo.
15Musi woha kukoseka soni kwangu palongolo pangu:
Ni soni ya kyene kyangu yinifinikile.
16Kuhuma pa njwawila ya wakudoga na wakuhoma na malowe:
Kuhuma pa kyene kya wakuwipila na wakubanika muhalo.
17Ifi fyoha fitichilile; koma tenga nakukuyiwa:
Haka kukita mageya takite lepa pa malagano gako.
18Mioyo yitu yakilawike lepe munyuma:
Haka njayo situ nakupatuka mwakuluta mwako.
19Kukita watikaywile kaywile pandu pa maluhekelela:
Na wanifinikila pa kifwile kya kufwa.
20Ngati tiyatiyiwaye lihina lya Mlungu witu:
Pangi tiyatitambasulaye ngonji situ kwa mlungu ngeni:
21Si Mlungu ngaakikolombwile iki?
Ndawa amanya luhala lwakuweto lwa moyo.
22Ena pa mihalo yako tiyii kukomeka magono goha:
Tiwalangike ngati mambelele kwa kudumulika.
23Wiwuse, uli ugona, Bambo?
Wiyimise, usititaga kilongolele.
24Ndawa kii ufiha kyene kyako:
Nu uyiwa kuseleseka kwitu na umu watiyilikisa.
25Ndawa umi witu uyinama pa lufumbi:
Lileme litu likumbatilana nu ludupi.
26Uyimaye, utitangatile:
Nu utikombole ndawa ya lukolo lwako.
Currently Selected:
Zaburi Sya Daud 44: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
