Zaburi Sya Daud 69
69
Salvum me fac.
1Uniyokole Mlungu.
Ndawa machi ganichila mpaka umi.
2Niyiwila pa mangatambo ga kunyoleka, payilepe kuyima:
Niyingile pa fina fya machi, na ga semu ganitutumila.
3Nitondite pa kukemela, pa singu pangu patinyika:
Miho gangu galala kilindikisile kwa Mlungu wangu.
4Wingi kulutila liyunju lya mutu wangu wa wafyoma nu nenga waka:
Wakukangamala wala wanihomite, wakuniwipila kwa mageya, leka nawakiliusile wombe fila napingite lepe.
5Mlungu, umanya kubimbitala kwangu:
Na fyakubanakila muhalo fyangu nakufihika kwako.
6Wasikoseka lihamu pa nenga wala wa wakukumbatila, Bambo, Bambo wa mabanja:
Nakupata mihenje kwa nenga wala wakukulonda, Mlungu wa Israel.
7Ndawa pa mihalo yako ninyanyamula kudogeka:
Mihenji yinifunakile miho.
8Nipatite kutama wa kigene kwa walongo wangu:
Nu mundu wa wangi kwa wana wa mao.
9Ndawa wifu wa nyumba yako gunimilite:
Nu kudoga kwa wala wakudoga kugwile pa nenga.
10Baho nahulwise mahosi, nalagite umi wangu kwinota fya kulya:
Kila kyayile kudoga kwa nenga.
11Baho napeleka sako kuya mingila yangu:
Napatite kuya lusumu kwa wombe.
12Wala watama pasi pa nndyango watawila wakape ya nenga:
Nu nenga nyimbo ya wala wa wanywa mvinyo.
13Na munumunu nenga, maluwo gangu kwako, Bambo, lukumbi lwa kuyitika:
Pa uwingi wa lukolo lwake, Mlungu, unihige pa fya chakaka fya uyokosi wako.
14Unifuwule pa mangatambo, nisiyiwila:
Niyokokeke pa wakuwipila wangu na pa machi ga kunyoleka.
15Yisitulila nyanjala ya machi, haka fina fisinimila:
Ni liwamba lisidinda pa ndomo pa nenga.
16Unihige, Bambo; ndawa lukolo lwako lunofu:
Kwa lipyana lyako lingi unilasile kyene.
17Nu usifiha kyene kyako pa wakuhengela wako.
Ndawa pafinyikisila pa nenga, ukanihige kuyumbatika.
18Uwandamile pa umi wangu, ukagukitili lihenga lya yaya:
Ukanikombole ndawa ya wakuwipila wangu.
19Wenga umanya kudoga kula kuyii pa nenga, ni lihamu lyangu ni mihenje yangu:
Palongolo pako wamitumba wangu woha.
20Kudoga kunidumwile mwoyo, nayile wakutenguka nyahope;
Nakumbatile wakuyufwangana nu nenga, koma nakuwonangana lepe.
21Wanipelekile kawili kya kuwawa kwa kulya kwangu:
Na pa nywita yangu waninywesite vinegar.
22Meza yawe yiye pa fyene fyawe utego:
Na baho waya pa kindamba gupate kuya ukweme.
23Miho gawe galekeleke lwisi, wasiwona:
Ukafigogolose fiwuno fyawe kitamile.
24Pungula pa awa kuwinisa mwoyo kwako:
Nu kupyupa kwa kudada kwako kuwapatile.
25Fiwaya fyawe fyene lilinga fisandulike mahami:
Mundu asitama pasi pa hema syawe.
26Ndawa wankisa yula wantowa:
Na wamanya kuwalanga fya kuwinisa fya wa kutemeka wako.
27Peleka upulupulu panani pa upulupulu wawe:
Wasiyingila pa kukita malinga kwako.
28Wasimisike ka kitabu kya wakulama:
Wasilembeka pamonga na wala wakukita malinga.
29Nu nenga wakuselela na wakuwina mwoyo:
Uyokosi wako, Mlungu, gumtutuwusi.
30Yanililumbe lihina lya Mlungu pa nyimbo:
Na yaninkwisi pa kuwandisa mbili yake.
31Na yakintamile Bambo kinofu kulutila ng’ombe:
Ena ng’ombe ngambako yene manyelo na magadilo.
32Wakuselela wakiwona, na wahekelelaga:
Mwenga wakundondandonda Mlungu, mwoyo gwinu gukalame.
33Ndawa Bambo awayufwana wakuhumbusika:
Na nukuwahepa wa mikoli wake.
34Kunani nu ndima findumbe:
Nyanja, na fyoha fya kupilipita mumu.
35Ndawa Mlungu yaguyokole Zion, na yajenge makaya ga Yehudah:
Na yawatame bahapo, yawahale lipwela lyakulekwa.
36Mbeyu ya wakuhengela wako yawahale lipwela lya kugawila:
Na wala wa waligana lihina lyake yawatame pasi mumu.
Currently Selected:
Zaburi Sya Daud 69: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press