Zaburi Sya Daud 74
74
Ut quid, Deus?
1Mlungu, ndawa kii utitagite kilongosile:
Ndawa kii kudada kwako kukita lyosi pa mambelele ga pa kulila pako?
2Kumbukila chengo kyako, kila wipatile mwandi, kila wakikombwile kuya nnsafi wa lipwela lyako lyakugawa:
Kidunda Zion umu watama.
3Unyemaye ni njayo syako pandu pakukayulika njwee kilongosile:
Fyoha fila wakudadanila wafiwipisa pandu papakape.
4Wamitumba wako wagiha pagati pa mbonangano pako:
Wawika fiwalilo fyawe kuya fiwalilo fya chakaka.
5Wawonike ngati wandu wakutugula:
Mawago pa kusyatangana pa mikongo.
6Na hino fya kuhongola fyake fyoha pamonga:
Wafidumula ni nyengo ni nyundo.
7Wataga mwoto pandu pako pa pakape:
Wapatila pa waka pakuwela pake lihina lyako pa lidupi.
8Wakite mumioyo mwawe, Tawasumule pamu:
Wakunga mbonangano syoha sya Mlungu pa ndima.
9Nu tenga nakuwona kawili fiwalilo fitu, payilepe kawili wakulweta:
Na payilepe kwitu wakumanya mpaka lii.
10Mpaka lili Mlungu, wamitumba yawadoge:
Fyakudadanila yawahepe lihina lyako kilongosile?
11Ndawa kii wikiliusila kiwoko kyako, ena kiwoko kya kigosi?
Ukiwotolaye pa mwoyo gwako, ukawamalasile.
12Koma Mlungu Mutwa wangu kihumile mwandikati:
Wakukita uyokosi pagati pa ndima.
13Wenga wagawite nyanja kwa mbafu syako:
Wakaywile mitu ya fikoko bahapo pa machi.
14Wayikaywile mitu ya Leviathan:
Wayipelike kuya chakulya kwa wala mumapululu.
15Wenga wahowile pa kuchweka machi nu nkuka:
Wenga wayumalise mikuka yeni mwela.
16Wako musi, kyako kawili nikilo:
Uluwikile ngani lulangalila ni lijuwa.
17Wenga uwikite mipaka yoha ya ndima:
Ufiwumbite kilolelo ni kifuku.
18Kumbukila iki umu wakudadanila wadogela, Bambo;
Na umu nnsafi wakuhimuka walihepa lihina lyako.
19Usipeleka umi wa njiwa yako kwa hikoko:
Usiyiwa kilongosile kyakulama kya wala wakuselela wako.
20Ugawalalile wichu malagano:
Ndawa pandu pa lwisi pa ndima pamemite na pa kutamila pake filugu.
21Wakutepa wasikilanka ni mihenje:
Wakuselela na wagaju walilumbe lihina lyako.
22Uyimaye Mlungu, ukakanile mapindikano gako:
Kumbukila kudoga kwako kuhuma pa wahimu magono goha.
23Usiyiwa njwawila sya wamitumba wako:
Kukolomoka kwa wola wakukuyimila kukwela kitamile.
Sala Sya Lukela.
Currently Selected:
Zaburi Sya Daud 74: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press