Zaburi Sya Daud 84
84
Quam dilecta!
1Ugwe pakugana baho, pakuwela pako:
Bambo wa mabanja.
2Umi gwangu ugatutumila, ena, ugalulukila maluwa ga Bambo:
Mwoyo gwangu ni nyama yindulutile Mlungu, wakulama.
3Ena njegeya yipatamyumba, na kahwiwa kakata kisakasa, apa kawika tulungeya twake:
Mazbah yako, Bambo wa mabanja, Mutwa wangu nu Mlungu wangu.
4Wakusenga wala wa watama pa nyumba yako:
Yawakulumbe kitamile.
5Wakusenga mundu mbafu syake pa wenga:
Pa mwoyo wake bala bala sya ku Ziona.
6Pa kuluta pa liliwa lya kuhulula mahosi waliwika kuya pandu pa fisima:
Ena, fula yakutumbula yifunakila fihomo.
7Wagenda kutumbula pa lipuga kupata kawili lipuga:
Awoneka ayii ywoha kwa Mlungu ka Zion.
8Bambo Mlungu wa mabanja, uliyufwane liluwo lyangu:
Utege likutu, Mlungu wa Yakobo.
9Mlungu kikopa kitu, lola:
Ukakigelewane kyene kya wakubakala wako.
10Ndawa ligono limo pa maluwa gako ni linofu kulutila elfu:
Nihagula kuya wa pa kifundo pa nyumba ya Mlungu wangu, kulutila kutama pa hema sya wawifu.
11Ndawa lijuwa ni kikopa Bambo Mlungu, kuganila nu kukwisika Bambo yapeleke:
Nakunota kindu kinofu kwa wala wa wagenda pa kumalasika.
12Bambo wa mabanja:
Wakusenga mwana wa adam yula kihuwalile pa wenga.
Currently Selected:
Zaburi Sya Daud 84: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press