Matí Injíl 14

XIV. CHAHÁRDUMÍ BÁB.

1Hawán roshá Herodís, ki mulk chahárumí hand sardaraṯẖ, 2Yesu sará hál gipto waṯẖí ambráhar gwashta ki, Yuhanná baptismá khanoḵẖ haweshê, azẖ murdag̱ẖá zindag̱ẖ kharo bíṯẖai, hawi sángá mujra shomdárag̱ẖe: 3ki Herodísá Yuhanná gipto Herodiyás sababá nelá phirenṯẖo daktha, ki áṉhí bráṯẖ Failbús zálaṯẖ; 4ki Yuhanná gwashtag̱ẖá ki rawáeṉ kár nesti, ki thau go waṯẖí bráṯẖ zálá sír khanai. 5Dilá saláh khanag̱ẖaṯẖa ki kushání, guḍá azẖ álamá tursiṯẖa ki áṉhiar nabí zánṯẖa. 6Kharde rosh phaḏẖá Herodísá sálgirih tamásha khuṯẖa; Herodiyás jannikhá drís khuṯẖa. 7Guḍá Herodísá whash bíṯẖo saug̱ẖan zurṯẖa ki, har chi ki loṭí ma deání. 8Áṉhí máṯẖá saláh khuṯẖa, guḍá jannikhá gwashta ki híran neáṉwáṉ Yuhanná baptismá khanoḵẖ sag̱ẖar maná de. 9Bádsháh armán bíṯẖa; lekin saug̱ẖan sababá de hawán mardání sababá de ki áṉhí mihmánaṯẖant hukm dáṯẖai ki jannikhar de. 10Guḍá marde shashtáṯẖo kaiz?-?ḵẖána neáṉwáṉ Yuhanná sag̱ẖar burenṯẖai. 11Áṉhí sag̱ẖar híran neáṉwáṉ ártho jannikhar dáṯẖai; jannikhá de waṯẖí máṯẖ gurá ártha. 12Guḍá shágirdá áḵẖto mahar zurtha. Yesu gurá shuḏẖo hál dáṯẖaish.

13Yesuá hawi hál gipta, guḍá ekwá bíṯẖo beṛí chaka chaṛhṯẖo phate dehá shuḏẖa: hawi hál ummatá gipta, azẖ shahrá piáḏẖag̱ẖe áṉhí phaḏẖá shuḏẖag̱ẖant. 14Yesuá darkhapto mazáeṉ ummat díṯẖa; áṉhání chaka rahm khuṯẖo náduráhe mard duráh khuṯẖai. 15Waktá ki begáh khaptag̱ẖá áṉhí shágirdá áḵẖto gwashta ki, hawi hand phatê, begáh de khapta; álamar mokal de, ki shahrá rawant, whard bhá girant. 16Yesuá gwashta áṉhání rawag̱ẖ pakar nesti. 17Shá áṉhánrá whard de. Gwashtaish ki gwar má haweḏẖa pach nag̱ẖan, do máhig̱ẖant, thíh nesti. 18Gwashtai ki haweḏẖa biyárish, maná de. 19Guḍá ummatar hukm dáṯẖai ki rem̱vá ninde. Pach nag̱ẖan de do máhig̱ẖ de gipto, ázmán phalwá chham kharo khuṯẖo duá loṭṯẖa. Guḍá nag̱ẖan waṯẖí shágirdár dáṯẖag̱ẖanti, shágirdá de ummatar dáṯẖag̱ẖant; 20Thewag̱ẖe mardom wártho ser bíṯẖag̱ẖant. Azẖ borjorá ki saráḵẖtag̱ẖant doázdah kárí pur bíṯẖag̱ẖant. 21Mard ki wárṯẖag̱ẖant taḵẖmínan pach hazáraṯẖant; zál de chukh de thig̱ẖaṯẖant.

22Yabará Yesuá waṯẖí shágirdáṉrá hukm dáṯẖa ki, beṛíá chaṛhe, mai sará hawán kandeá baroe, guḍá ummatar mokal deáṉ. 23Ummatar mokal dáṯẖo, ekwá bíṯẖo duá loṭag̱ẖá kohá chaṛhṯẖa. Begáh khapta, hawoḏẖa ekwá nishta. 24Ní ki beṛí dirrá neáṉwáṉ áḵẖtag̱ẖá, lahr zor khanag̱ẖá khapta ki sakhia gwáṯẖ khashta. 25Phaḏẖí shafá Yesu nazik áḵẖta dirrá chaka juzáná. 26Shágirdá díṯẖa ki dirrá chaka pheḏẖág̱ẖe, guḍá munjhá bíṯẖo gwashta ki rúhe haweshe; tursṯẖo gwánkh jaṯẖa. 27Yabará Yesuá gwashta ki ḵẖátir dilá já khane. Man Yesu‐áṉ, ma turse. 28Patrúsá jawáv dáṯẖo gwashta ki Huḏẖáwand mani, ar thau Yesu ai, maná hukm de ki lahr chaka juz, gwar má beyá. 29Gwashtai beyá. Patrus azẖ beríá írkhapto lahr chaka juzṯẖa Yesu nemg̱ẖá. 30Guḍá díṯẖo ki gwáṯẖ sakhia kha?-?shag̱ẖe, guḍá tursiṯẖai, budag̱ẖá khapto guḍá gwánkh jaṯẖo gwashtai ki Huḏẖáwand, maná darbar. 31Yabará Yesuá waṯẖí dast drázẖ khuṯẖo gipto gwashta ki Yá be‐ímán mard, thau pachi bepat bíṯẖa. 32Waktá ki beríá chaṛhṯẖa?-?g̱ẖaṯẖant, gwáṯẖ tham bíṯẖa. 33Mard ki beṛíá nindag̱ẖaṯẖant sijda khuṯẖo gwashta ki, Beshakk Huḏẖá Bachh thau ai. 34Hawán kandá shuḏẖo Gennessaret dehá áḵẖtag̱ẖant. 35Hawán dehá nindoḵẖá phajiártha, guḍá íngo ángo hál dáṯẖo thewag̱ẖe ná duráhe mard áṉhí nemg̱ẖá árthag̱ẖantish wa áṉhí minnat khuṯẖa ki jar kinárá dast lainún. 36Guḍá thewag̱ẖe ki laiṯẖa duráh bíṯẖag̱ẖant.

Currently Selected:

Matí Injíl 14: BGPRMAT

Highlight

Copy