SAN LUCAS 2
2
Tej titzꞌj Jesús
(Mt. 1:18-25)
1Tejtzen mitknaꞌx titzꞌj Jesús, ja tzunj xin cawel tibaj cykil twitz txꞌotxꞌ, Augusto tbixin, e tkbaxin tuꞌn tjaw jun tumel te tajlal jteꞌ xjal at twitz txꞌotxꞌ. 2Ja jun tneel censo e bint juꞌwa, bix tej tjaw censo, tocx jxin Cirenio cawel tuj Siria. 3Iltzen tiꞌj e pjaꞌj ke xjal tuj cytanem ke cyiyꞌjil te ootxa, tuꞌntzen cykꞌonte cyumel te jaaꞌke.
4Bix najltzen José tuj tnom te Nazaret tuj departamento te Galilea. Pero tiyꞌjil Davidxin, bix jatztzen ttanem David Belén tuj departamento te Judea. Juꞌ tzunj il tiꞌj e xiꞌ José tuj Belén, 5te tzꞌibl tiibxin. Bix kꞌiꞌn María tuꞌnxin, cuma t-xuꞌtlxin. Bix chꞌitk talentxin.
6Tejtzen cypon José tuya María tuj Belén, bix e pon tumel tuꞌn ttzaj itzꞌj taltxin. 7Bix itzꞌj taltxin. Tneel taltxin, bix xinak. Itzꞌj taltxin tuj cyja alimaj, cuma mintiiꞌ cyposada e cnet tuj tnom. Bix e jaw tboꞌtzꞌentxin neeꞌ tuj buꞌs̈, bix e cuꞌx tcotzꞌbaꞌntxin neeꞌ tuj tcublel cywa alimaj.
Ke tsanjel Dios bix ke cylel
8Ttxaꞌnxitzen tnom te Belén attzen cab cylel najlke cyiꞌ cycarnel. Nchi cꞌojlan cycarnel te koniyan. 9Tisen tiiꞌ tej tpon jlet jun tsanjel Dios tuj cyaꞌj cywitz, bix tspiꞌyemal Dios e cub txakpaj cyibaj, bix e jaw seyꞌpajke. 10Bix e tkba ángel cye cylel:
—Miꞌn tzaj ttz̈i cyiꞌja, cuma kꞌiꞌn jun tpocbalel jun tzalajebl wuꞌna te cykil xjal. 11Tuj ja koniyan lu, bix tuj ja tnom lu, ttanem jxin cyiyꞌjila David, ma tzꞌitzꞌj Clol cyey, jxin scyꞌoꞌn tuꞌn Dios te cawel. 12Ka cxeꞌl cycyeꞌxa neeꞌ, ojtzen tcnet jun neeꞌ cyuꞌna boꞌtzꞌen tuj buꞌs̈ bix tcuꞌx tuj tcublel cywa alimaj, qꞌueleltzen cyniꞌya tiꞌj ja tzunja―tz̈i ángel cye cylel.
13Tej tbaj tkbaꞌn ángel kej yol lu, nukxix tisen tiiꞌ tjaw jlet mas nim cybaj ángel te tuj cyaꞌj ttxlaj ángel e pon nejl. Nimxsen e jaw cynimsaꞌn tbi Dios, bix e xiꞌ cykbaꞌn:
14—¡Jawnex tbi Dios tuj cyaꞌj! Ma tzaj tkꞌoꞌn jun xtalbil twitz txꞌotxꞌ tuꞌn cyten xjal tuj ttz̈yal tuya Dios―tz̈i ke ángel.
15Tej cyaaj meltzꞌaj ke tsanjel Dios tuj cyaꞌj, bix akꞌ ke cylel yolel cyxolx:
—Koꞌne cyeyꞌlte jneeꞌ ma tzꞌitzꞌj tuj Belén, jatzen neeꞌja ma kꞌumj tuꞌn Dios―tz̈i ke cylel.
16Bix e xiꞌkexin tuj ajkelbil te cyeyꞌlte, bix e cnet María tuya José cyuꞌnxin tuyax niꞌ ẍlak. Xukaqꞌuex tuj tcublel cywa alimaj. 17Tejtzen cylontexin neeꞌ tuj tcublel cywa alimaj, bix akꞌkexin kbalte cye xjal ti otk tkba ángel cyexin tiꞌ neeꞌ. 18E jaw kleeꞌ kej xjal e cybi cyyol kej cylel. 19Yaltzen te María, minteyꞌ akꞌtxin, sino nuk e jaw bisentxin tiꞌj cykilca otk baj.
20Bix aj meltzꞌaj ke cylel jaaꞌ eteꞌ cycarnelxin, bix e jaw cynimsaꞌnxin tbi Dios. E xiꞌ cykꞌoꞌnxin chjonte te Dios tiꞌj cykilca otk cybixin bix otk cyilxin, bix jax eꞌla tuj cywitzxin tiꞌj e tkba ángel.
Tej tpon kꞌiꞌn Jesús tuj tja Dios
21Tetzen twajxakan kꞌij titzꞌjlen tal María, jatzen tumelj tuꞌn toc techel tiꞌ ttzꞌalbil taltxin judíotzen neeꞌ. Te xsunj kꞌij lu tej toc tbi te Jesús, jaxj tbi e tkba ángel Gabriel te María tej mitknaꞌx toc jlet taltxin.
22Mas yaj, e xiꞌ José tuya María tuj Jerusalén, cuma tzin tkbaꞌn tley Moisés, oj talen jun xuuj, il tiꞌj tuꞌn t-xiꞌ oyet jun alimaj, tuꞌntzen tcyaj sak xuuj twitz Dios. Juꞌ tzunj, tej tpon tumel, e xiꞌkexin tuj tja Dios tuj Jerusalén. Bix tex kꞌij tej t-xiꞌ oyet jneeꞌ Jesús tuj tkꞌab Dios. 23E binttzen cyuꞌn juꞌwa tuꞌntzen cynimante tley Dios. Tzin tkbaꞌn cyjulu: “Jaca juun tneel xinak qꞌuitzꞌjel t-xol tal jun xuuj, ckꞌojel tuj tkꞌab Dios,” tz̈i tley Dios. 24Bix tuꞌn cycuyante tuꞌnj tley Dios tiꞌj txꞌajbilte xuuj, e xiꞌ cyoyen María tuya José alimaj te Dios, cuma tzin tkbaꞌn tley Dios: “Tuya jun moj cucuꞌ bix ka jun moj palomas il tiꞌj cxeꞌl oyet,” tz̈i tley Dios.
25Attzen junxin xjal tuj tnom te Jerusalén Simeón tbixin. Jatzen jun xinj kꞌiꞌnxix tyol Dios tuꞌnxin. El tniyꞌ Simeón tiꞌj tuꞌn ttzaj tkꞌoꞌn Dios jun jawnex Cawel cye Israel laꞌ alcye jun kꞌij te clolcye, bix nayon tzunxin tiꞌj. Tuꞌn Espíritu Santo eꞌla tniyꞌxin. 26E tkba Espíritu Santo texin tuꞌn miꞌn cyimxin hasta ojxe toc tcyeꞌyenxin jxjal ayonke Israel tiꞌj. 27Tpontzen tumel, e xiꞌ kꞌiꞌnxin tuꞌn Espíritu Santo tuj tja Dios. Te tzunj kꞌij tej tpon cyiiꞌn tman Jesús ja Jesús tuj tja Dios tuꞌn tyecꞌj te Dios, tisen tzin tkbaꞌn ley. 28Tej toc tcyeꞌyen Simeón neeꞌ, bix e xiꞌxin chleljawte, bix e jaw tnimsaꞌnxin tbi Dios tiꞌj, bix e xiꞌ tkbaꞌnxin:
29—Taat, baꞌntzen tuꞌn ncyima tuj ttz̈yal, inayenja ma chin ajbena tey, cuma ma japan baja tiꞌ tyola. 30Ma tzaj tkꞌoꞌna tuꞌn toc ncyeꞌyena Jclol keya ma tzul. 31O tsicyꞌa ja tuꞌn toc Clol cye cykilca xjal twitz txꞌotxꞌ. 32Cꞌajbel tisen jun spiꞌyen cyxol xjal yaaꞌn judío, tuꞌntzen tel cyniyꞌ tiꞌj. Bix cꞌoquel te jun xjal mas jawnex cyxol t-xjala, kej Israel―tz̈i Simeón te Dios.
33Tejtzen cybinte José tuya ttxu Jesús tyol Simeón tiꞌ cycwal, e jaw kleeꞌke. 34Bix e xiꞌ tkanen Simeón te Dios tuꞌn ttzaj tkꞌoꞌn Dios xtalbil te cye, bix e xiꞌ tkbaꞌnxin te María, ttxu neeꞌ:
—Ebiꞌnc nyola. Ja tala lu cꞌoquel te kbalte tiꞌj ti pjel te jaca juun aj Israel, ka tuꞌn t-xiꞌ tuj castiwa, bix ka tuꞌn tel baꞌn. Nim cbinel tuꞌn, tuꞌntzen tel cyniyꞌ xjal tiꞌj ja Clol cye, pero nim xjal qꞌuelel iiqꞌuente. 35Tuꞌnj qꞌuelel cyiiqꞌuen, cchicꞌajaxeltzen kaꞌxsen cynaabl. Pero kej n-oc ke cycꞌuꞌj tiꞌjxin, oj tbint cyuꞌn juꞌwa, cchicꞌajaxeltzen baꞌn cynaabl. Yal tey, cꞌoquex tuj tanema jun nintzaj bisbajil tiꞌj tala, tisencꞌa cꞌoquex twiꞌ spada tuj tanema―tz̈i Simeón te María.
36At junxuj xuuj at tuj tja Dios, Ana tbixuj. Tmeel Fanuelxuj bix tiyꞌjil Aserxuj. Kbal tyol Diosxuj. Niꞌ tijtl xsunxuj. E majexuj wuuk tyem, 37bix e tentlxuj viuda ochenticuatro jnabkꞌi. Jaca kꞌij ocxxuj tuj tja Dios. Cykil kꞌij bix cykil akꞌbil e naꞌnxuj Dios, bix nim maj e cub tpaꞌnxuj weyaj tuꞌn tnimanxuj Dios. 38Texsen hora nyolen Simeón tej tpon Ana jaaꞌ tocxe María tuya José, bix akꞌxuj kꞌolx chjonte te Dios tiꞌj ti otk bint tuꞌn Dios. Bix e xiꞌ tkbaꞌnxuj cye aj Jerusalén, kej otk tzꞌoc ke cycꞌuꞌj tiꞌ tulel Clol cye:
—Ja tzunj ẍlak lu Clol ke―tz̈ixuj.
Tej cyajtz meltzꞌaj José tuya María tuꞌn cypon tuj Nazaret
39Tej cyniman María bix José alcyej tzin tkbaꞌn tley Dios tiꞌj ti tten oj nitzꞌj jun neeꞌ, bixsen aj meltzꞌajkexin jaaꞌ najlekexin tuj tnom te Nazaret, tuj departamento te Galilea. 40Bix tz̈ꞌiyne e tz̈ꞌiy neeꞌ, bix ocx kꞌoꞌn tipen, bix tnaabl tuꞌn tel tniyꞌ tiꞌj, bix chicꞌaj el baꞌn twitz Dios.
Tej tpon Jesús tuj tja Dios matk cwal
41Bix jaca tyem ncheꞌx tman Jesús tuj Jerusalén te iyꞌsalte jninkꞌij te Pascua. 42Tej tjapan Jesús cablaaj tyem titzꞌjlen, e xiꞌkexin juntl maj tuj Jerusalén te iyꞌsal jninkꞌij, tisex tten. 43Bix tej tbaj ninkꞌij, bix ajke María tuya José cyjaxin. Pero bix e cyaj Jesús tuj Jerusalén, bix min el cyniyꞌ José bix ttxu tiꞌj ka otk cyaj. 44Tuj cywitzxin tocx Jesús cyxol kej xjal junen cyuya tuꞌn cypon Galilea. Tejtzen cykax tuꞌn cyweꞌxin, bix akꞌkexin jyolte Jesús cyxol ke cyuyaxin bix ke te cyjaxin. 45Pero min-al e cnet. Bixsen aj meltzꞌajkexin te jyolte tuj Jerusalén. 46Te toxen kꞌij tcyajlen tiiꞌn tiib Jesús tej tcnet tuj tja Dios cyuꞌnxin. Kꞌuklecx cyxol ke txꞌolbalte tleyel tyol Dios. Toc ebilte cyyolxin bix toc kanlte tyol Dios cyexin. 47Bix e jaw kleeꞌ niyꞌtl xjal oc ebinte tyol Jesús, cuma nimxsen tyol Dios ttzkiꞌn Jesús, bix tuya nim baꞌn tuꞌn e xiꞌ ttzakꞌbeꞌn cye txꞌolbal ley. 48Tej tocx cycyeꞌyen María bix José tocx Jesús cyxol txꞌolbal ley, e jawxsen kleeꞌke. Bix e xiꞌ tkbaꞌn ttxu te:
—Wal, ¿tuꞌn tikentzen e cyjaꞌy tzalu bix mintiiꞌ e tkbay keya? Nimxsen ma ko jyona tiꞌja tuya tmana, pero yaj ma cneta kuꞌna, bix nim ma ko ajkela tiꞌja―tz̈i ttxu.
49Pero e xiꞌ tkbaꞌn Jesús cye tman:
—¿Titzen min el cyniꞌya tiꞌj ka jatzen ntiiniya tzalu tuj tja Dios? ¿Mimpatzen tzꞌel cyniꞌya tiꞌj il tiꞌj tuꞌn ntena tuj taakꞌen Nmana?―tz̈i Jesús cye tman. 50Pero María bix José min el cyniyꞌ tiꞌj ti e tkba Jesús juꞌwa.
51Bix e tcuyakꞌa tuꞌn tajkꞌa cyuya tmankꞌa tuꞌn cyponxin Nazaret. Bix e tnima tzunkꞌa cykilca cyyol tmankꞌa.
Yaltzen te María, nuk e bisenxuj tiꞌj cykilca otk baj.
52Yaltzen te Jesús, tz̈ꞌiyne ttz̈ꞌiy tnaabl, bix ocxin ma xjal, bix masxse elxin baꞌn tuj twitz Dios bix tuj cywitz xjal.
Currently Selected:
SAN LUCAS 2: mamTS
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.
SAN LUCAS 2
2
Tej titzꞌj Jesús
(Mt. 1:18-25)
1Tejtzen mitknaꞌx titzꞌj Jesús, ja tzunj xin cawel tibaj cykil twitz txꞌotxꞌ, Augusto tbixin, e tkbaxin tuꞌn tjaw jun tumel te tajlal jteꞌ xjal at twitz txꞌotxꞌ. 2Ja jun tneel censo e bint juꞌwa, bix tej tjaw censo, tocx jxin Cirenio cawel tuj Siria. 3Iltzen tiꞌj e pjaꞌj ke xjal tuj cytanem ke cyiyꞌjil te ootxa, tuꞌntzen cykꞌonte cyumel te jaaꞌke.
4Bix najltzen José tuj tnom te Nazaret tuj departamento te Galilea. Pero tiyꞌjil Davidxin, bix jatztzen ttanem David Belén tuj departamento te Judea. Juꞌ tzunj il tiꞌj e xiꞌ José tuj Belén, 5te tzꞌibl tiibxin. Bix kꞌiꞌn María tuꞌnxin, cuma t-xuꞌtlxin. Bix chꞌitk talentxin.
6Tejtzen cypon José tuya María tuj Belén, bix e pon tumel tuꞌn ttzaj itzꞌj taltxin. 7Bix itzꞌj taltxin. Tneel taltxin, bix xinak. Itzꞌj taltxin tuj cyja alimaj, cuma mintiiꞌ cyposada e cnet tuj tnom. Bix e jaw tboꞌtzꞌentxin neeꞌ tuj buꞌs̈, bix e cuꞌx tcotzꞌbaꞌntxin neeꞌ tuj tcublel cywa alimaj.
Ke tsanjel Dios bix ke cylel
8Ttxaꞌnxitzen tnom te Belén attzen cab cylel najlke cyiꞌ cycarnel. Nchi cꞌojlan cycarnel te koniyan. 9Tisen tiiꞌ tej tpon jlet jun tsanjel Dios tuj cyaꞌj cywitz, bix tspiꞌyemal Dios e cub txakpaj cyibaj, bix e jaw seyꞌpajke. 10Bix e tkba ángel cye cylel:
—Miꞌn tzaj ttz̈i cyiꞌja, cuma kꞌiꞌn jun tpocbalel jun tzalajebl wuꞌna te cykil xjal. 11Tuj ja koniyan lu, bix tuj ja tnom lu, ttanem jxin cyiyꞌjila David, ma tzꞌitzꞌj Clol cyey, jxin scyꞌoꞌn tuꞌn Dios te cawel. 12Ka cxeꞌl cycyeꞌxa neeꞌ, ojtzen tcnet jun neeꞌ cyuꞌna boꞌtzꞌen tuj buꞌs̈ bix tcuꞌx tuj tcublel cywa alimaj, qꞌueleltzen cyniꞌya tiꞌj ja tzunja―tz̈i ángel cye cylel.
13Tej tbaj tkbaꞌn ángel kej yol lu, nukxix tisen tiiꞌ tjaw jlet mas nim cybaj ángel te tuj cyaꞌj ttxlaj ángel e pon nejl. Nimxsen e jaw cynimsaꞌn tbi Dios, bix e xiꞌ cykbaꞌn:
14—¡Jawnex tbi Dios tuj cyaꞌj! Ma tzaj tkꞌoꞌn jun xtalbil twitz txꞌotxꞌ tuꞌn cyten xjal tuj ttz̈yal tuya Dios―tz̈i ke ángel.
15Tej cyaaj meltzꞌaj ke tsanjel Dios tuj cyaꞌj, bix akꞌ ke cylel yolel cyxolx:
—Koꞌne cyeyꞌlte jneeꞌ ma tzꞌitzꞌj tuj Belén, jatzen neeꞌja ma kꞌumj tuꞌn Dios―tz̈i ke cylel.
16Bix e xiꞌkexin tuj ajkelbil te cyeyꞌlte, bix e cnet María tuya José cyuꞌnxin tuyax niꞌ ẍlak. Xukaqꞌuex tuj tcublel cywa alimaj. 17Tejtzen cylontexin neeꞌ tuj tcublel cywa alimaj, bix akꞌkexin kbalte cye xjal ti otk tkba ángel cyexin tiꞌ neeꞌ. 18E jaw kleeꞌ kej xjal e cybi cyyol kej cylel. 19Yaltzen te María, minteyꞌ akꞌtxin, sino nuk e jaw bisentxin tiꞌj cykilca otk baj.
20Bix aj meltzꞌaj ke cylel jaaꞌ eteꞌ cycarnelxin, bix e jaw cynimsaꞌnxin tbi Dios. E xiꞌ cykꞌoꞌnxin chjonte te Dios tiꞌj cykilca otk cybixin bix otk cyilxin, bix jax eꞌla tuj cywitzxin tiꞌj e tkba ángel.
Tej tpon kꞌiꞌn Jesús tuj tja Dios
21Tetzen twajxakan kꞌij titzꞌjlen tal María, jatzen tumelj tuꞌn toc techel tiꞌ ttzꞌalbil taltxin judíotzen neeꞌ. Te xsunj kꞌij lu tej toc tbi te Jesús, jaxj tbi e tkba ángel Gabriel te María tej mitknaꞌx toc jlet taltxin.
22Mas yaj, e xiꞌ José tuya María tuj Jerusalén, cuma tzin tkbaꞌn tley Moisés, oj talen jun xuuj, il tiꞌj tuꞌn t-xiꞌ oyet jun alimaj, tuꞌntzen tcyaj sak xuuj twitz Dios. Juꞌ tzunj, tej tpon tumel, e xiꞌkexin tuj tja Dios tuj Jerusalén. Bix tex kꞌij tej t-xiꞌ oyet jneeꞌ Jesús tuj tkꞌab Dios. 23E binttzen cyuꞌn juꞌwa tuꞌntzen cynimante tley Dios. Tzin tkbaꞌn cyjulu: “Jaca juun tneel xinak qꞌuitzꞌjel t-xol tal jun xuuj, ckꞌojel tuj tkꞌab Dios,” tz̈i tley Dios. 24Bix tuꞌn cycuyante tuꞌnj tley Dios tiꞌj txꞌajbilte xuuj, e xiꞌ cyoyen María tuya José alimaj te Dios, cuma tzin tkbaꞌn tley Dios: “Tuya jun moj cucuꞌ bix ka jun moj palomas il tiꞌj cxeꞌl oyet,” tz̈i tley Dios.
25Attzen junxin xjal tuj tnom te Jerusalén Simeón tbixin. Jatzen jun xinj kꞌiꞌnxix tyol Dios tuꞌnxin. El tniyꞌ Simeón tiꞌj tuꞌn ttzaj tkꞌoꞌn Dios jun jawnex Cawel cye Israel laꞌ alcye jun kꞌij te clolcye, bix nayon tzunxin tiꞌj. Tuꞌn Espíritu Santo eꞌla tniyꞌxin. 26E tkba Espíritu Santo texin tuꞌn miꞌn cyimxin hasta ojxe toc tcyeꞌyenxin jxjal ayonke Israel tiꞌj. 27Tpontzen tumel, e xiꞌ kꞌiꞌnxin tuꞌn Espíritu Santo tuj tja Dios. Te tzunj kꞌij tej tpon cyiiꞌn tman Jesús ja Jesús tuj tja Dios tuꞌn tyecꞌj te Dios, tisen tzin tkbaꞌn ley. 28Tej toc tcyeꞌyen Simeón neeꞌ, bix e xiꞌxin chleljawte, bix e jaw tnimsaꞌnxin tbi Dios tiꞌj, bix e xiꞌ tkbaꞌnxin:
29—Taat, baꞌntzen tuꞌn ncyima tuj ttz̈yal, inayenja ma chin ajbena tey, cuma ma japan baja tiꞌ tyola. 30Ma tzaj tkꞌoꞌna tuꞌn toc ncyeꞌyena Jclol keya ma tzul. 31O tsicyꞌa ja tuꞌn toc Clol cye cykilca xjal twitz txꞌotxꞌ. 32Cꞌajbel tisen jun spiꞌyen cyxol xjal yaaꞌn judío, tuꞌntzen tel cyniyꞌ tiꞌj. Bix cꞌoquel te jun xjal mas jawnex cyxol t-xjala, kej Israel―tz̈i Simeón te Dios.
33Tejtzen cybinte José tuya ttxu Jesús tyol Simeón tiꞌ cycwal, e jaw kleeꞌke. 34Bix e xiꞌ tkanen Simeón te Dios tuꞌn ttzaj tkꞌoꞌn Dios xtalbil te cye, bix e xiꞌ tkbaꞌnxin te María, ttxu neeꞌ:
—Ebiꞌnc nyola. Ja tala lu cꞌoquel te kbalte tiꞌj ti pjel te jaca juun aj Israel, ka tuꞌn t-xiꞌ tuj castiwa, bix ka tuꞌn tel baꞌn. Nim cbinel tuꞌn, tuꞌntzen tel cyniyꞌ xjal tiꞌj ja Clol cye, pero nim xjal qꞌuelel iiqꞌuente. 35Tuꞌnj qꞌuelel cyiiqꞌuen, cchicꞌajaxeltzen kaꞌxsen cynaabl. Pero kej n-oc ke cycꞌuꞌj tiꞌjxin, oj tbint cyuꞌn juꞌwa, cchicꞌajaxeltzen baꞌn cynaabl. Yal tey, cꞌoquex tuj tanema jun nintzaj bisbajil tiꞌj tala, tisencꞌa cꞌoquex twiꞌ spada tuj tanema―tz̈i Simeón te María.
36At junxuj xuuj at tuj tja Dios, Ana tbixuj. Tmeel Fanuelxuj bix tiyꞌjil Aserxuj. Kbal tyol Diosxuj. Niꞌ tijtl xsunxuj. E majexuj wuuk tyem, 37bix e tentlxuj viuda ochenticuatro jnabkꞌi. Jaca kꞌij ocxxuj tuj tja Dios. Cykil kꞌij bix cykil akꞌbil e naꞌnxuj Dios, bix nim maj e cub tpaꞌnxuj weyaj tuꞌn tnimanxuj Dios. 38Texsen hora nyolen Simeón tej tpon Ana jaaꞌ tocxe María tuya José, bix akꞌxuj kꞌolx chjonte te Dios tiꞌj ti otk bint tuꞌn Dios. Bix e xiꞌ tkbaꞌnxuj cye aj Jerusalén, kej otk tzꞌoc ke cycꞌuꞌj tiꞌ tulel Clol cye:
—Ja tzunj ẍlak lu Clol ke―tz̈ixuj.
Tej cyajtz meltzꞌaj José tuya María tuꞌn cypon tuj Nazaret
39Tej cyniman María bix José alcyej tzin tkbaꞌn tley Dios tiꞌj ti tten oj nitzꞌj jun neeꞌ, bixsen aj meltzꞌajkexin jaaꞌ najlekexin tuj tnom te Nazaret, tuj departamento te Galilea. 40Bix tz̈ꞌiyne e tz̈ꞌiy neeꞌ, bix ocx kꞌoꞌn tipen, bix tnaabl tuꞌn tel tniyꞌ tiꞌj, bix chicꞌaj el baꞌn twitz Dios.
Tej tpon Jesús tuj tja Dios matk cwal
41Bix jaca tyem ncheꞌx tman Jesús tuj Jerusalén te iyꞌsalte jninkꞌij te Pascua. 42Tej tjapan Jesús cablaaj tyem titzꞌjlen, e xiꞌkexin juntl maj tuj Jerusalén te iyꞌsal jninkꞌij, tisex tten. 43Bix tej tbaj ninkꞌij, bix ajke María tuya José cyjaxin. Pero bix e cyaj Jesús tuj Jerusalén, bix min el cyniyꞌ José bix ttxu tiꞌj ka otk cyaj. 44Tuj cywitzxin tocx Jesús cyxol kej xjal junen cyuya tuꞌn cypon Galilea. Tejtzen cykax tuꞌn cyweꞌxin, bix akꞌkexin jyolte Jesús cyxol ke cyuyaxin bix ke te cyjaxin. 45Pero min-al e cnet. Bixsen aj meltzꞌajkexin te jyolte tuj Jerusalén. 46Te toxen kꞌij tcyajlen tiiꞌn tiib Jesús tej tcnet tuj tja Dios cyuꞌnxin. Kꞌuklecx cyxol ke txꞌolbalte tleyel tyol Dios. Toc ebilte cyyolxin bix toc kanlte tyol Dios cyexin. 47Bix e jaw kleeꞌ niyꞌtl xjal oc ebinte tyol Jesús, cuma nimxsen tyol Dios ttzkiꞌn Jesús, bix tuya nim baꞌn tuꞌn e xiꞌ ttzakꞌbeꞌn cye txꞌolbal ley. 48Tej tocx cycyeꞌyen María bix José tocx Jesús cyxol txꞌolbal ley, e jawxsen kleeꞌke. Bix e xiꞌ tkbaꞌn ttxu te:
—Wal, ¿tuꞌn tikentzen e cyjaꞌy tzalu bix mintiiꞌ e tkbay keya? Nimxsen ma ko jyona tiꞌja tuya tmana, pero yaj ma cneta kuꞌna, bix nim ma ko ajkela tiꞌja―tz̈i ttxu.
49Pero e xiꞌ tkbaꞌn Jesús cye tman:
—¿Titzen min el cyniꞌya tiꞌj ka jatzen ntiiniya tzalu tuj tja Dios? ¿Mimpatzen tzꞌel cyniꞌya tiꞌj il tiꞌj tuꞌn ntena tuj taakꞌen Nmana?―tz̈i Jesús cye tman. 50Pero María bix José min el cyniyꞌ tiꞌj ti e tkba Jesús juꞌwa.
51Bix e tcuyakꞌa tuꞌn tajkꞌa cyuya tmankꞌa tuꞌn cyponxin Nazaret. Bix e tnima tzunkꞌa cykilca cyyol tmankꞌa.
Yaltzen te María, nuk e bisenxuj tiꞌj cykilca otk baj.
52Yaltzen te Jesús, tz̈ꞌiyne ttz̈ꞌiy tnaabl, bix ocxin ma xjal, bix masxse elxin baꞌn tuj twitz Dios bix tuj cywitz xjal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.