SAN LUCAS 1
1
Jtaj Lucas tuꞌn tcub ttzꞌiꞌben
1Nim xjal o tzꞌoc cyipen tuꞌn tcub cytzꞌiꞌben tiꞌj e bint tuꞌn Jesús tej ttenxin twitz txꞌotxꞌ kxol. 2O cub cytzꞌiꞌben j-oc cybiꞌn cyej xjal oc cyeyente j-e bint tuꞌn Jesús jatxe tej ttzaj tzyet taakꞌenxin bix e cykba tpocbalelxin te cykilca koꞌ. 3Juꞌ tzunj baꞌn eꞌla tuj nwitza jax juꞌx weya cwel ntzꞌiꞌbena jti e baj texin, cuma o tzꞌoc wipena tuꞌn tjaw wiiꞌna tumel tuꞌn tixix tten tiꞌj cykilca e baj texin jatxe titzꞌjlenxin. Ncub ntzꞌiꞌbena tixix tten e baj tiꞌjxin bix tuꞌn tcyaj tpocbalelxin wuꞌna tujxix tumel te cyey n-oc takꞌ Dios cyey, 4tuꞌntzen telxix cyniꞌya tiꞌj jaxxix j-o tzꞌoc cybiꞌna tiꞌ Jesús.
Tej tul jun ángel kꞌolte tpocbal ka tuꞌn titzꞌj Juan Bautista
5Tejtzen tocx Herodes cawel tuj cytanem judío, attzen junxin pala, kꞌolxte chojbil il, Zacarías tbixin. Jaj xin te jun cloj pala Abías tbi. Bix at jun t-xuꞌlxin Elisabet tbixuj. Tiyꞌjil Aarónxuj. 6Cycaꞌbel tzunj xjal lu e xiꞌ cyiiꞌn cynaabl baꞌnxix twitz Dios. Min-al kaꞌ tyol cyiꞌjxin, cuma e xiꞌ cynimanxin cykilca tley Dios e cyaj tkꞌoꞌn Moisés. 7Kej xjal lu min-al cycwal itzꞌj, cuma mixbe tzꞌalenxuj, bix tijtlke.
8Nponxetzen smant tuꞌn tajben jcloj Abías tuj tja Dios, e pontzen jkꞌij tuꞌn tocx Zacarías tuj xjan cwart te patlte incienso twitz Dios. 9E cyeꞌyen kej xin pala tuj cysuertexin al cꞌoquex tuj xjan cwart jaca juun kꞌij, tisex tten cyuꞌnxin, bixsen e cana suerte tej kꞌij tuꞌn tocx Zacarías te patlte incienso. 10Nim xjal otk chmet tuj tja Dios tecꞌax ja tocxe jxjan cwart jaaꞌ npatja incienso, bix tej takꞌ pala patlte incienso, nchi akꞌtltzen xjal naꞌl Dios.
11Maatktzen tocx Zacarías tuj xjan cwart, tej tjaw jlet jun ángel smaꞌn tuꞌn Kaaw. Tjaw tcyeꞌyen Zacarías, waꞌlcꞌatl ángel tuj mankꞌab te altar jaaꞌ npatja incienso. 12Tej toc tcyeꞌyenxin ángel, biꞌx el tanemxin, biꞌx e jaw seyꞌpajxin. 13Bixsen e xiꞌ tkbaꞌn ángel te Zacarías:
—Miꞌn tzaj ttz̈i tiꞌja. Dios tzul kꞌonte j-o txiꞌ tkanena te Dios. Jxuj t-xuꞌla Elisabet tzul jun tcyꞌaala tiꞌjxuj, bix cꞌoquel tkꞌoꞌna tbi Juan. 14Nimxsen ctzalajela tiꞌj tcwala, bix juꞌx nim xjal ctzalajel tiꞌj, 15cuma ctzaal tkꞌoꞌn Dios jawnex jun taakꞌen. Bix mlay tzꞌoc cꞌal kꞌeꞌn. Bix oj titzꞌj, ctemel Espíritu Santo tuya cykil tyem tuj tchunkꞌlal. 16Bix nim xjal te Israel cꞌoquel cybiꞌn tyol tuꞌn cymeltzꞌaj tuya Dios, Cyaaw. 17Ckbal Juan cyxol Israel nejl ojtzen tul Cyaaw. Ckbalxin mintiiꞌ ttz̈i tiꞌjxin bix tuya nim tipemalxin, tisenj e bint tuꞌn Elías, jxin tyolel Dios ootxa. Ckbalxin tuꞌntzen toc cyakꞌ mambaj cye cycwal, bix tuꞌntzen t-xiꞌ cyiiꞌn cynaabl tujxix tumel twitz Dios kej xjal min tzꞌoc cybiꞌn Dios. Ckbalxin tuꞌntzen binnen cyten xjal twitzj tul-len Cyaaw―tz̈i ángel te Zacarías.
18Bix e xiꞌ tkbaꞌn Zacarías te ángel:
—¿Ti tten tuꞌn tel nniꞌya tiꞌj ka jaxxix tyola? Tijtl kena, bix juꞌx nxuꞌla tijtlxuj―tz̈i Zacarías te ángel.
19Bix aj ttzakꞌbeꞌn ángel:
—Inayena Gabriel. Inayena tsanjel Dios ebilte tyol Dios jaaꞌxix taꞌ Dios. O chin tzaj smaꞌna tuꞌn Dios te kbalte tey jbaꞌn tpocbalel tcwala. 20Pero min tocslay nyola. Juꞌ tzunj cꞌoqueley te men. Mlaytzen yoletley hasta ojxe titzꞌj tcwala. Amale mint tocslay nyola, pero juꞌ ctemela cykilj ma txiꞌ nkbaꞌna tey oj tpon tumel―tz̈i ángel te Zacarías.
21Yal tzunkej xjal eteꞌcx tuj tja Dios nchi ayontzen tuꞌn tetz Zacarías tuj xjan cwart, nimxsen otk chi jaw kleeꞌ mixe jun-al Zacarías eelel.
22Cwatzen telelxin, pero ya mentlxin. Ya min e bintl tyolexin cyuya xjal. Nuk tuya tkꞌabxin e takꞌxin tumel ti otk tzꞌoc tcyeꞌyenxin tunwen. Juꞌ tzunj el cyniyꞌ xjal tiꞌj otk tzꞌoc tcyeꞌyenxin jun yecꞌbil tuꞌn Dios tuj xjan cwart.
23Tejtzen tjapan baj jsmant tej cloj Abías tuꞌn cyajben tuj tja Dios, bixsen aj Zacarías tja. 24Bix mas yaj, oc t-xuꞌlxin Elisabet preñada. Bix jweꞌ xjaw nuk e tenxuj tjaxuj. Minteyꞌ ex bet-xuj. Bix e xiꞌ tkbaꞌnxuj:
25—Jawnexsen jun xtalbil o tzaj tkꞌoꞌn Kaaw weya. Yaltzen jaꞌlewe mintzentiiꞌtl nchꞌixewa cyxol xjal, cuma tzultzen itzꞌj wala―tz̈i Elisabet.
Tpocbal titzꞌjlen Jesús
26Tetzen tkaken xjaw tel tniyꞌ Elisabet tiꞌj at tal tuj tcꞌuꞌj, jaxj ángel Gabriel e yolen tuya Zacarías jax e xiꞌ tchkꞌoꞌn Dios tuj tnom te Nazaret tuj departamento te Galilea. 27Bix e pon ángel tuj tja jun txin xuuj mintknaꞌx tlonte xinak, María tbitxin. Otk yolentxin tuꞌn tmajetxin tuya jun xinak José tbi, jun tiyꞌjil ktzan rey David. 28Tej tocx Gabriel tuj tjatxin, e xiꞌ tkbaꞌn tetxin:
—Ẍin tzaja kꞌolbel tey. O tzaj tkꞌoꞌn Dios xtalbil te tey. At Kaaw tuyey―tz̈i ángel te María.
29Tej tbintetxin jyol lu, e jaw seyꞌpajtxin tuꞌn, bix akꞌtxin bislte tiꞌj:
—¿Tuꞌn tiken ma tkbaꞌ ángel weya juꞌwa?―tz̈itxin.
30Pero e xiꞌ tkbaꞌn ángel tetxin:
—Miꞌn tzaj ttz̈i tiꞌja, María, cuma o scyꞌeta tuꞌn Dios tuꞌn tkꞌonte jun xtalbil jawnex te tey. 31Jnxiꞌ nkbaꞌna tey jax wuꞌna, cuma cꞌoquela preñada, bix cꞌalela jun tala, bix cꞌoquel tkꞌoꞌna tbi Jesús. 32Jawnexsen cꞌoquele tala, bix qꞌuelel cyniyꞌ xjal tiꞌj jaxin Tcwal jawnex Dios. Bix cxeꞌl tkꞌoꞌn Kaaw Dios texin tuꞌn tcawenxin te junx maj, cuma tiyꞌjilx Davidxin, jxin rey e cyaj tkꞌoꞌn Dios tyol tuyaxin tuꞌn titzꞌj jun tchmanxin te cawel te junx maj. 33Jaxin ccawel tibaj Israel te junx maj. Mintiiꞌ tbajlel tcawbilxin―tz̈i ángel te María.
34Bix e xiꞌ tkbaꞌn María te ángel:
—¿Titzen tten ma chin oca preñada, cuma minaꞌx nmajewa?―tz̈i María.
35Aj ttzakꞌbeꞌn ángel tetxin:
—Espíritu Santo cwel tibaja, bix ctemela jun rato tjakꞌ tipemal jawnex Dios. Juꞌ tzunj, jtala qꞌuitzꞌjel tuꞌna mintiiꞌ til, bix cbyal tbi Tcwal Dios. 36Jax juꞌx ttzicya Elisabet, amale tijet, pero o tzꞌoc preñada. E cykba xjal mlay tzꞌalenxuj, pero ya tkaken xjaw talxuj tuj tcꞌuꞌjxuj. 37Ja lu tzin tyeecꞌan mintiiꞌ jun miꞌnt bint tuꞌn Dios―tz̈i ángel.
38Bix e xiꞌ tkbaꞌn María:
—Cu. Nukle nyoꞌya tajbil Kaaw. Bint-xit wiꞌja tisenj ma tkbay―tz̈i María.
Bix aj ángel.
Tej tpon María kꞌolbelte Elisabet
39Tejtzen tkbaj juꞌwa, bixsen e xiꞌ María tuj ajkelbil tuꞌn tpon tuj departamento te Judea, bix e pontxin tuj ttanem Elisabet, jun tnom t-xol witz tcuꞌxe. 40Tej tpontxin, bix ocxtxin tuj tja Zacarías, bix e kꞌolbentxin te Elisabet. 41Tejtzen tbinte Elisabet tej tjaw kꞌolbentxin, e jawxsen yucch talxuj tuj tcꞌuꞌjxuj, bix tuꞌn tipemal Espíritu Santo 42akꞌxuj yolel, bix e jaw yolenxuj cyiw. Tz̈ixuj te María cyjulu:
—¡Jawnex jun xtalbil ma tzaj tey cywitz niyꞌtl xuuj! ¡Bix at t-xtalbil Dios tibaj jtala tuj tcꞌuꞌja! 43¡Titzen nxiꞌlena ma tzaja kꞌolbel weya, jay ttxu Waawiya! 44Ya ntzkiꞌntla cꞌoquela ttxu Kaaw, cuma tej nbintiya tjaw kꞌolbena, nim e jaw yucch wala tuj ncꞌuꞌja tuꞌn ttzalajebl. 45Cuma ma tocslay tyol Kaaw, ctiikꞌela nim tzalajebl, cuma cjapanelxin tiꞌ tyolxin―tz̈i Elisabet te María.
46Bix e xiꞌ tkbaꞌn María:
—Tuya cykil ncꞌuꞌja cjawel nnimsaꞌna tbi Kaaw. 47Nchin tzalaja tiꞌ Dios, Clol weya. 48Amale minttiiꞌ wajbelela tuj cywitz xjal, pero ma tzul Dios te kꞌolte jun wajbela. Jaꞌlewe bix tuj cykilca tyem cykbaꞌ xjal ma tsicyꞌ Dios inayena te kꞌolte jun jawnex woclena. 49O takꞌ Dios jun jawnex xtalbil wibaja. ¡Xjanxsen tbixin! 50At lastim tuꞌnxin te cyej xjal nchi niman jaxin. 51Nimxsen o bint tuꞌnxin tuꞌn tipemalxin. O xcyexin cyiꞌj kej xjal e jaw cyniman cyiib. 52O tzꞌel tiiꞌnxin tipemal cycawbil kej cawel, bix o tzaj tkꞌoꞌnxin cyajbel kej xjal yaaꞌn jawnex. 53O tzaj tkꞌoꞌnxin jun baꞌn te cyej xjal at il eteꞌ. Pero mintiiꞌ o tzaj tkꞌoꞌnxin te cyej xjal mintiiꞌ il eteꞌ tuj cywitz. 54Bix o tzulxin te onlcye ke Israel, kej xjal e tsicyꞌxin tuꞌn cyajben texin, tuꞌn tjapan bajxin tiꞌ tyolxin. 55E cyaj tyolxin tuya kiyꞌjil Abraham tuꞌn ttzaj lastim tuꞌnxin cye tchman Abraham te junx maj, bix tuꞌnj o bint tuꞌnxin wiꞌja, otzen japan bajxin tiꞌ tyolxin―tz̈i María.
56Bix e tenle María tuya Elisabet jun oxe xjaw. Bix aj meltzꞌajtxin tjatxin.
Tej titzꞌj Juan Bautista
57Tejtzen tpon tumel tuꞌn talen Elisabet, bix itzꞌj jun talxuj xinak. 58Ke tvesint-xuj bix ke titzꞌenxuj e cybi otk tzꞌitzꞌj talxuj, bix e jaw tzalajke tuyaxuj tiꞌj jawnex xtalbil otk tzaj tkꞌoꞌn Dios texuj.
59Te twajxakan kꞌij titzꞌjlen talxuj, bix e pon ke cyvesint-xuj bix ke cyermanaxuj tuj cyjaxuj, cuma otk pon tumel tuꞌn tel cpet ttzꞌumel twiꞌ ttzꞌalbil neeꞌ te techel judíotzen neeꞌ. Bix oc cykꞌoꞌn xjal tbi neeꞌ Zacarías, tisex tbi tman. 60Pero bix e xiꞌ tkbaꞌn ttxu neeꞌ:
—Min. Te tbi cꞌoquel Juan―tz̈ixuj.
61Pero e xiꞌ cykbaꞌn xjal texuj:
—¿Tuꞌn tikentzen taja tzꞌoc tbi tala te Juan? Min-al Juan cyxol ke cyiyꞌjila―tz̈i ke xjal.
62Bixsen oc cykanen xjal te tman neeꞌ alcye tbi neeꞌ cꞌoquel. Pero nuk tuya cykꞌab e yoleneke, cuma menx taꞌ Zacarías bix otk chquinba. 63Bix e tkanen Zacarías jun tzlom, bix e cub ttzꞌiꞌbenxin: “Cꞌoquel tbi te Juan.” Bix cykilca xjal e jaw kleeꞌ. 64Tejtzen tcub ttzꞌiꞌbenxin juꞌwa, njketltzen ttzixin, bixsen akꞌxin kꞌolxte chjonte te Dios.
65Tejtzen cybinte ke xjal cyvesint-xin ti otk baj tuj tja Zacarías, e jawxsen kleeꞌke, bix cykilca kej xjal najl cyxol witz te Judea e yolenke tiꞌj ti otk baj. 66Kej xjal e binte ti otk baj bix akꞌke bislte tiꞌj, bix e baj cykanen cye ke cyuya: “¿Titzele cꞌoquele jneeꞌ lu?” tz̈i ke xjal. Juꞌxne e jaw kleeꞌ ke xjal, cuma otk cub tkꞌab Dios tibaj neeꞌ.
Tej tkꞌonte Espíritu Santo tipemal Zacarías tuꞌn tkbantexin tyol Dios
67Tejtzen otk jket ttzi Zacarías tuꞌn tyolen, bixsen e takꞌ Espíritu Santo tipemalxin tuꞌn tkbantexin tyol Dios, bix e xiꞌ tkbaꞌnxin:
68—Jawxit nimset tbi Dios, jatzen Kaawja kibaj ejooꞌ Israel, cuma min ma ko el tuj tcꞌuꞌjxin, bix ma bint tuꞌnxin tuꞌn kclet, ejooꞌ t-xjalxin. 69Ma tzaj tkꞌoꞌnxin jun Clol ke nim tipemal. Jatz qꞌuelela itzꞌj tiꞌ tiyꞌjil David, jaj xin cawel ajben te Dios. 70Ma japan bajxin tiꞌj tyolxin e cyaj tkꞌoꞌnxin ke cyuꞌn kej tyolelxin ajben texin jatxe ootxa. 71E cykbaxin at tuꞌn tul jun Clol ke tuꞌn kclet tuj cykꞌab kej xjal nchi kꞌojl kiꞌj, bix tuꞌn ktzakpet tjakꞌ cycawbil kej n-el iiqꞌuente ke. 72Ma tzaj tkꞌoꞌnxin Clol ke tuꞌntzen tjapan bajxin tiꞌj jawnex tyolxin e cyaj tkꞌoꞌnxin cye kiyꞌjil, tuꞌn tkꞌontexin lastim cye t-xjalxin. 73Bix ma tzaj tkꞌoꞌnxin Clol ke tuꞌn tjapan bajxin tiꞌ tyolxin tuya kiyꞌjil Abraham. 74E cyaj tkꞌoꞌnxin tyolxin te Abraham tuꞌn cyclet tiyꞌjil Abraham tuj cykꞌab ke kꞌojlel cyiꞌj. Ma tzaj tkꞌoꞌnxin te ke tuꞌn ktzakpet tuj cycawbil kej kꞌojlel kiꞌj tuꞌntzen miꞌn bet kkꞌij tuya ttz̈i kiꞌj, sino tuꞌntzen tbet kkꞌij tuꞌn kajben te Dios. 75Tajxin tuꞌn t-xiꞌ kiiꞌn kchunkꞌlal sakxix bix jiquen twitzxin te cykil kꞌij.
76Yaltzen tey, ncyꞌaal, cꞌoquela te tyolel jawnex Dios, cuma ckbala tulel Kaaw, tuꞌntzen binne cyten xjal oj tul. 77Ckbala cye xjal ti tten tuꞌn cyclet, jaj tuꞌn tnajset cyil 78tuꞌnj tkꞌakꞌbil tcꞌuꞌj Kman Dios kiꞌj. Cuma ma tzaj kꞌakꞌen tcꞌuꞌj Dios kiꞌj, juꞌ tzunj cꞌulel jlet jun Clol ke kxol. Jaxin jun spiꞌyen 79cyej xjal eteꞌ tuj klolj bix te cyej xjal eteꞌ tjakꞌ t-xlequemal cyamecy. Ja tzunxin c-yecꞌlte ti tten tuꞌn kten tuj ttz̈yal―tz̈i Zacarías.
80E tz̈ꞌiy tcwal Zacarías bix ocxe ma xjal, bix ocx nim tnaablxin. Bix e najanxin tuj jun lugar jaaꞌ min-al xjal najl, hasta tejxe tpon tumel tuꞌn t-xiꞌ tkꞌumenxin tyol Dios cye Israel tuj lugar ttziiꞌ nimaꞌ Jordán.
Currently Selected:
SAN LUCAS 1: mamTS
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.
SAN LUCAS 1
1
Jtaj Lucas tuꞌn tcub ttzꞌiꞌben
1Nim xjal o tzꞌoc cyipen tuꞌn tcub cytzꞌiꞌben tiꞌj e bint tuꞌn Jesús tej ttenxin twitz txꞌotxꞌ kxol. 2O cub cytzꞌiꞌben j-oc cybiꞌn cyej xjal oc cyeyente j-e bint tuꞌn Jesús jatxe tej ttzaj tzyet taakꞌenxin bix e cykba tpocbalelxin te cykilca koꞌ. 3Juꞌ tzunj baꞌn eꞌla tuj nwitza jax juꞌx weya cwel ntzꞌiꞌbena jti e baj texin, cuma o tzꞌoc wipena tuꞌn tjaw wiiꞌna tumel tuꞌn tixix tten tiꞌj cykilca e baj texin jatxe titzꞌjlenxin. Ncub ntzꞌiꞌbena tixix tten e baj tiꞌjxin bix tuꞌn tcyaj tpocbalelxin wuꞌna tujxix tumel te cyey n-oc takꞌ Dios cyey, 4tuꞌntzen telxix cyniꞌya tiꞌj jaxxix j-o tzꞌoc cybiꞌna tiꞌ Jesús.
Tej tul jun ángel kꞌolte tpocbal ka tuꞌn titzꞌj Juan Bautista
5Tejtzen tocx Herodes cawel tuj cytanem judío, attzen junxin pala, kꞌolxte chojbil il, Zacarías tbixin. Jaj xin te jun cloj pala Abías tbi. Bix at jun t-xuꞌlxin Elisabet tbixuj. Tiyꞌjil Aarónxuj. 6Cycaꞌbel tzunj xjal lu e xiꞌ cyiiꞌn cynaabl baꞌnxix twitz Dios. Min-al kaꞌ tyol cyiꞌjxin, cuma e xiꞌ cynimanxin cykilca tley Dios e cyaj tkꞌoꞌn Moisés. 7Kej xjal lu min-al cycwal itzꞌj, cuma mixbe tzꞌalenxuj, bix tijtlke.
8Nponxetzen smant tuꞌn tajben jcloj Abías tuj tja Dios, e pontzen jkꞌij tuꞌn tocx Zacarías tuj xjan cwart te patlte incienso twitz Dios. 9E cyeꞌyen kej xin pala tuj cysuertexin al cꞌoquex tuj xjan cwart jaca juun kꞌij, tisex tten cyuꞌnxin, bixsen e cana suerte tej kꞌij tuꞌn tocx Zacarías te patlte incienso. 10Nim xjal otk chmet tuj tja Dios tecꞌax ja tocxe jxjan cwart jaaꞌ npatja incienso, bix tej takꞌ pala patlte incienso, nchi akꞌtltzen xjal naꞌl Dios.
11Maatktzen tocx Zacarías tuj xjan cwart, tej tjaw jlet jun ángel smaꞌn tuꞌn Kaaw. Tjaw tcyeꞌyen Zacarías, waꞌlcꞌatl ángel tuj mankꞌab te altar jaaꞌ npatja incienso. 12Tej toc tcyeꞌyenxin ángel, biꞌx el tanemxin, biꞌx e jaw seyꞌpajxin. 13Bixsen e xiꞌ tkbaꞌn ángel te Zacarías:
—Miꞌn tzaj ttz̈i tiꞌja. Dios tzul kꞌonte j-o txiꞌ tkanena te Dios. Jxuj t-xuꞌla Elisabet tzul jun tcyꞌaala tiꞌjxuj, bix cꞌoquel tkꞌoꞌna tbi Juan. 14Nimxsen ctzalajela tiꞌj tcwala, bix juꞌx nim xjal ctzalajel tiꞌj, 15cuma ctzaal tkꞌoꞌn Dios jawnex jun taakꞌen. Bix mlay tzꞌoc cꞌal kꞌeꞌn. Bix oj titzꞌj, ctemel Espíritu Santo tuya cykil tyem tuj tchunkꞌlal. 16Bix nim xjal te Israel cꞌoquel cybiꞌn tyol tuꞌn cymeltzꞌaj tuya Dios, Cyaaw. 17Ckbal Juan cyxol Israel nejl ojtzen tul Cyaaw. Ckbalxin mintiiꞌ ttz̈i tiꞌjxin bix tuya nim tipemalxin, tisenj e bint tuꞌn Elías, jxin tyolel Dios ootxa. Ckbalxin tuꞌntzen toc cyakꞌ mambaj cye cycwal, bix tuꞌntzen t-xiꞌ cyiiꞌn cynaabl tujxix tumel twitz Dios kej xjal min tzꞌoc cybiꞌn Dios. Ckbalxin tuꞌntzen binnen cyten xjal twitzj tul-len Cyaaw―tz̈i ángel te Zacarías.
18Bix e xiꞌ tkbaꞌn Zacarías te ángel:
—¿Ti tten tuꞌn tel nniꞌya tiꞌj ka jaxxix tyola? Tijtl kena, bix juꞌx nxuꞌla tijtlxuj―tz̈i Zacarías te ángel.
19Bix aj ttzakꞌbeꞌn ángel:
—Inayena Gabriel. Inayena tsanjel Dios ebilte tyol Dios jaaꞌxix taꞌ Dios. O chin tzaj smaꞌna tuꞌn Dios te kbalte tey jbaꞌn tpocbalel tcwala. 20Pero min tocslay nyola. Juꞌ tzunj cꞌoqueley te men. Mlaytzen yoletley hasta ojxe titzꞌj tcwala. Amale mint tocslay nyola, pero juꞌ ctemela cykilj ma txiꞌ nkbaꞌna tey oj tpon tumel―tz̈i ángel te Zacarías.
21Yal tzunkej xjal eteꞌcx tuj tja Dios nchi ayontzen tuꞌn tetz Zacarías tuj xjan cwart, nimxsen otk chi jaw kleeꞌ mixe jun-al Zacarías eelel.
22Cwatzen telelxin, pero ya mentlxin. Ya min e bintl tyolexin cyuya xjal. Nuk tuya tkꞌabxin e takꞌxin tumel ti otk tzꞌoc tcyeꞌyenxin tunwen. Juꞌ tzunj el cyniyꞌ xjal tiꞌj otk tzꞌoc tcyeꞌyenxin jun yecꞌbil tuꞌn Dios tuj xjan cwart.
23Tejtzen tjapan baj jsmant tej cloj Abías tuꞌn cyajben tuj tja Dios, bixsen aj Zacarías tja. 24Bix mas yaj, oc t-xuꞌlxin Elisabet preñada. Bix jweꞌ xjaw nuk e tenxuj tjaxuj. Minteyꞌ ex bet-xuj. Bix e xiꞌ tkbaꞌnxuj:
25—Jawnexsen jun xtalbil o tzaj tkꞌoꞌn Kaaw weya. Yaltzen jaꞌlewe mintzentiiꞌtl nchꞌixewa cyxol xjal, cuma tzultzen itzꞌj wala―tz̈i Elisabet.
Tpocbal titzꞌjlen Jesús
26Tetzen tkaken xjaw tel tniyꞌ Elisabet tiꞌj at tal tuj tcꞌuꞌj, jaxj ángel Gabriel e yolen tuya Zacarías jax e xiꞌ tchkꞌoꞌn Dios tuj tnom te Nazaret tuj departamento te Galilea. 27Bix e pon ángel tuj tja jun txin xuuj mintknaꞌx tlonte xinak, María tbitxin. Otk yolentxin tuꞌn tmajetxin tuya jun xinak José tbi, jun tiyꞌjil ktzan rey David. 28Tej tocx Gabriel tuj tjatxin, e xiꞌ tkbaꞌn tetxin:
—Ẍin tzaja kꞌolbel tey. O tzaj tkꞌoꞌn Dios xtalbil te tey. At Kaaw tuyey―tz̈i ángel te María.
29Tej tbintetxin jyol lu, e jaw seyꞌpajtxin tuꞌn, bix akꞌtxin bislte tiꞌj:
—¿Tuꞌn tiken ma tkbaꞌ ángel weya juꞌwa?―tz̈itxin.
30Pero e xiꞌ tkbaꞌn ángel tetxin:
—Miꞌn tzaj ttz̈i tiꞌja, María, cuma o scyꞌeta tuꞌn Dios tuꞌn tkꞌonte jun xtalbil jawnex te tey. 31Jnxiꞌ nkbaꞌna tey jax wuꞌna, cuma cꞌoquela preñada, bix cꞌalela jun tala, bix cꞌoquel tkꞌoꞌna tbi Jesús. 32Jawnexsen cꞌoquele tala, bix qꞌuelel cyniyꞌ xjal tiꞌj jaxin Tcwal jawnex Dios. Bix cxeꞌl tkꞌoꞌn Kaaw Dios texin tuꞌn tcawenxin te junx maj, cuma tiyꞌjilx Davidxin, jxin rey e cyaj tkꞌoꞌn Dios tyol tuyaxin tuꞌn titzꞌj jun tchmanxin te cawel te junx maj. 33Jaxin ccawel tibaj Israel te junx maj. Mintiiꞌ tbajlel tcawbilxin―tz̈i ángel te María.
34Bix e xiꞌ tkbaꞌn María te ángel:
—¿Titzen tten ma chin oca preñada, cuma minaꞌx nmajewa?―tz̈i María.
35Aj ttzakꞌbeꞌn ángel tetxin:
—Espíritu Santo cwel tibaja, bix ctemela jun rato tjakꞌ tipemal jawnex Dios. Juꞌ tzunj, jtala qꞌuitzꞌjel tuꞌna mintiiꞌ til, bix cbyal tbi Tcwal Dios. 36Jax juꞌx ttzicya Elisabet, amale tijet, pero o tzꞌoc preñada. E cykba xjal mlay tzꞌalenxuj, pero ya tkaken xjaw talxuj tuj tcꞌuꞌjxuj. 37Ja lu tzin tyeecꞌan mintiiꞌ jun miꞌnt bint tuꞌn Dios―tz̈i ángel.
38Bix e xiꞌ tkbaꞌn María:
—Cu. Nukle nyoꞌya tajbil Kaaw. Bint-xit wiꞌja tisenj ma tkbay―tz̈i María.
Bix aj ángel.
Tej tpon María kꞌolbelte Elisabet
39Tejtzen tkbaj juꞌwa, bixsen e xiꞌ María tuj ajkelbil tuꞌn tpon tuj departamento te Judea, bix e pontxin tuj ttanem Elisabet, jun tnom t-xol witz tcuꞌxe. 40Tej tpontxin, bix ocxtxin tuj tja Zacarías, bix e kꞌolbentxin te Elisabet. 41Tejtzen tbinte Elisabet tej tjaw kꞌolbentxin, e jawxsen yucch talxuj tuj tcꞌuꞌjxuj, bix tuꞌn tipemal Espíritu Santo 42akꞌxuj yolel, bix e jaw yolenxuj cyiw. Tz̈ixuj te María cyjulu:
—¡Jawnex jun xtalbil ma tzaj tey cywitz niyꞌtl xuuj! ¡Bix at t-xtalbil Dios tibaj jtala tuj tcꞌuꞌja! 43¡Titzen nxiꞌlena ma tzaja kꞌolbel weya, jay ttxu Waawiya! 44Ya ntzkiꞌntla cꞌoquela ttxu Kaaw, cuma tej nbintiya tjaw kꞌolbena, nim e jaw yucch wala tuj ncꞌuꞌja tuꞌn ttzalajebl. 45Cuma ma tocslay tyol Kaaw, ctiikꞌela nim tzalajebl, cuma cjapanelxin tiꞌ tyolxin―tz̈i Elisabet te María.
46Bix e xiꞌ tkbaꞌn María:
—Tuya cykil ncꞌuꞌja cjawel nnimsaꞌna tbi Kaaw. 47Nchin tzalaja tiꞌ Dios, Clol weya. 48Amale minttiiꞌ wajbelela tuj cywitz xjal, pero ma tzul Dios te kꞌolte jun wajbela. Jaꞌlewe bix tuj cykilca tyem cykbaꞌ xjal ma tsicyꞌ Dios inayena te kꞌolte jun jawnex woclena. 49O takꞌ Dios jun jawnex xtalbil wibaja. ¡Xjanxsen tbixin! 50At lastim tuꞌnxin te cyej xjal nchi niman jaxin. 51Nimxsen o bint tuꞌnxin tuꞌn tipemalxin. O xcyexin cyiꞌj kej xjal e jaw cyniman cyiib. 52O tzꞌel tiiꞌnxin tipemal cycawbil kej cawel, bix o tzaj tkꞌoꞌnxin cyajbel kej xjal yaaꞌn jawnex. 53O tzaj tkꞌoꞌnxin jun baꞌn te cyej xjal at il eteꞌ. Pero mintiiꞌ o tzaj tkꞌoꞌnxin te cyej xjal mintiiꞌ il eteꞌ tuj cywitz. 54Bix o tzulxin te onlcye ke Israel, kej xjal e tsicyꞌxin tuꞌn cyajben texin, tuꞌn tjapan bajxin tiꞌ tyolxin. 55E cyaj tyolxin tuya kiyꞌjil Abraham tuꞌn ttzaj lastim tuꞌnxin cye tchman Abraham te junx maj, bix tuꞌnj o bint tuꞌnxin wiꞌja, otzen japan bajxin tiꞌ tyolxin―tz̈i María.
56Bix e tenle María tuya Elisabet jun oxe xjaw. Bix aj meltzꞌajtxin tjatxin.
Tej titzꞌj Juan Bautista
57Tejtzen tpon tumel tuꞌn talen Elisabet, bix itzꞌj jun talxuj xinak. 58Ke tvesint-xuj bix ke titzꞌenxuj e cybi otk tzꞌitzꞌj talxuj, bix e jaw tzalajke tuyaxuj tiꞌj jawnex xtalbil otk tzaj tkꞌoꞌn Dios texuj.
59Te twajxakan kꞌij titzꞌjlen talxuj, bix e pon ke cyvesint-xuj bix ke cyermanaxuj tuj cyjaxuj, cuma otk pon tumel tuꞌn tel cpet ttzꞌumel twiꞌ ttzꞌalbil neeꞌ te techel judíotzen neeꞌ. Bix oc cykꞌoꞌn xjal tbi neeꞌ Zacarías, tisex tbi tman. 60Pero bix e xiꞌ tkbaꞌn ttxu neeꞌ:
—Min. Te tbi cꞌoquel Juan―tz̈ixuj.
61Pero e xiꞌ cykbaꞌn xjal texuj:
—¿Tuꞌn tikentzen taja tzꞌoc tbi tala te Juan? Min-al Juan cyxol ke cyiyꞌjila―tz̈i ke xjal.
62Bixsen oc cykanen xjal te tman neeꞌ alcye tbi neeꞌ cꞌoquel. Pero nuk tuya cykꞌab e yoleneke, cuma menx taꞌ Zacarías bix otk chquinba. 63Bix e tkanen Zacarías jun tzlom, bix e cub ttzꞌiꞌbenxin: “Cꞌoquel tbi te Juan.” Bix cykilca xjal e jaw kleeꞌ. 64Tejtzen tcub ttzꞌiꞌbenxin juꞌwa, njketltzen ttzixin, bixsen akꞌxin kꞌolxte chjonte te Dios.
65Tejtzen cybinte ke xjal cyvesint-xin ti otk baj tuj tja Zacarías, e jawxsen kleeꞌke, bix cykilca kej xjal najl cyxol witz te Judea e yolenke tiꞌj ti otk baj. 66Kej xjal e binte ti otk baj bix akꞌke bislte tiꞌj, bix e baj cykanen cye ke cyuya: “¿Titzele cꞌoquele jneeꞌ lu?” tz̈i ke xjal. Juꞌxne e jaw kleeꞌ ke xjal, cuma otk cub tkꞌab Dios tibaj neeꞌ.
Tej tkꞌonte Espíritu Santo tipemal Zacarías tuꞌn tkbantexin tyol Dios
67Tejtzen otk jket ttzi Zacarías tuꞌn tyolen, bixsen e takꞌ Espíritu Santo tipemalxin tuꞌn tkbantexin tyol Dios, bix e xiꞌ tkbaꞌnxin:
68—Jawxit nimset tbi Dios, jatzen Kaawja kibaj ejooꞌ Israel, cuma min ma ko el tuj tcꞌuꞌjxin, bix ma bint tuꞌnxin tuꞌn kclet, ejooꞌ t-xjalxin. 69Ma tzaj tkꞌoꞌnxin jun Clol ke nim tipemal. Jatz qꞌuelela itzꞌj tiꞌ tiyꞌjil David, jaj xin cawel ajben te Dios. 70Ma japan bajxin tiꞌj tyolxin e cyaj tkꞌoꞌnxin ke cyuꞌn kej tyolelxin ajben texin jatxe ootxa. 71E cykbaxin at tuꞌn tul jun Clol ke tuꞌn kclet tuj cykꞌab kej xjal nchi kꞌojl kiꞌj, bix tuꞌn ktzakpet tjakꞌ cycawbil kej n-el iiqꞌuente ke. 72Ma tzaj tkꞌoꞌnxin Clol ke tuꞌntzen tjapan bajxin tiꞌj jawnex tyolxin e cyaj tkꞌoꞌnxin cye kiyꞌjil, tuꞌn tkꞌontexin lastim cye t-xjalxin. 73Bix ma tzaj tkꞌoꞌnxin Clol ke tuꞌn tjapan bajxin tiꞌ tyolxin tuya kiyꞌjil Abraham. 74E cyaj tkꞌoꞌnxin tyolxin te Abraham tuꞌn cyclet tiyꞌjil Abraham tuj cykꞌab ke kꞌojlel cyiꞌj. Ma tzaj tkꞌoꞌnxin te ke tuꞌn ktzakpet tuj cycawbil kej kꞌojlel kiꞌj tuꞌntzen miꞌn bet kkꞌij tuya ttz̈i kiꞌj, sino tuꞌntzen tbet kkꞌij tuꞌn kajben te Dios. 75Tajxin tuꞌn t-xiꞌ kiiꞌn kchunkꞌlal sakxix bix jiquen twitzxin te cykil kꞌij.
76Yaltzen tey, ncyꞌaal, cꞌoquela te tyolel jawnex Dios, cuma ckbala tulel Kaaw, tuꞌntzen binne cyten xjal oj tul. 77Ckbala cye xjal ti tten tuꞌn cyclet, jaj tuꞌn tnajset cyil 78tuꞌnj tkꞌakꞌbil tcꞌuꞌj Kman Dios kiꞌj. Cuma ma tzaj kꞌakꞌen tcꞌuꞌj Dios kiꞌj, juꞌ tzunj cꞌulel jlet jun Clol ke kxol. Jaxin jun spiꞌyen 79cyej xjal eteꞌ tuj klolj bix te cyej xjal eteꞌ tjakꞌ t-xlequemal cyamecy. Ja tzunxin c-yecꞌlte ti tten tuꞌn kten tuj ttz̈yal―tz̈i Zacarías.
80E tz̈ꞌiy tcwal Zacarías bix ocxe ma xjal, bix ocx nim tnaablxin. Bix e najanxin tuj jun lugar jaaꞌ min-al xjal najl, hasta tejxe tpon tumel tuꞌn t-xiꞌ tkꞌumenxin tyol Dios cye Israel tuj lugar ttziiꞌ nimaꞌ Jordán.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.