SAN MARCOS 15
15
Tej tpon kꞌiꞌn Jesús twitz Pilato
(Mt. 27:1-2, 11-14; Lc. 23:1-5; Jn. 18:28-38)
1Tetzen takꞌ cwel spiꞌyen, bix oc cychmon cyiib jclojxin nin cawel, binne tten cyuꞌn tneel cyawil naꞌl Dios, tcab cyawil naꞌl Dios, ke txꞌolbal ley, bix ke nintzaj xjal tuj nin tja Dios. Bixse e cub cyuꞌn tuꞌn t-xiꞌ cyiiꞌnxin Jesús twitz cawel tuj Jerusalén chkꞌoꞌn tuꞌn cawel tibaj Roma te cawel cyibaj xjal judío. Pilato tbi cawel. Juꞌtzen tten t-xiꞌ akꞌbaj Jesús twitz Pilato, ẍpoꞌnxin. 2Tejtzen tpon Jesús, bix e xiꞌ tkanen Pilato texin:
—¿Japa teja cawel cyibaj xjal judío?―tz̈i Pilato te Jesús.
Bix aj ttzakꞌbeꞌn Jesús:
—Juꞌtzen tisenj ma tkbay―tz̈i Jesús.
3Bix nimxse oc cyumlaꞌn ke cyawil naꞌl Dios ja Jesús twitz Pilato. 4Juꞌ tzunj e xiꞌ tkanen Pilato juntl maj:
—¿Mimpatiiꞌ cꞌaal ttzakꞌbeꞌna cye xjal? Cyeꞌyenca tikꞌchj cyyol xjal tiꞌja―tz̈i Pilato te Jesús.
5Pero mintiiꞌ aj ttzakꞌbeꞌn Jesús, biꞌxse e jaw kleeꞌ Pilato, cuma mintiiꞌ tyol Jesús aj.
Tej tbint tiꞌj tuꞌn tbyet Jesús
(Mt. 27:15-31; Lc. 23:13-25; Jn. 18:38—19:16)
6Yaltzen te cawel aj Roma tten tcawbil cyibaj xjal te Israel nejl, jacꞌa tzunj ninkꞌija tzꞌetz ttzakpiꞌnxin jun xjal aj Israel tuj tzeeꞌ, laꞌ alj cykanen xjal aj Israel tuꞌn tetz. 7Te tzunja jnabkꞌi lu, tocxse junxin aj judío tuj tzeeꞌ, Barrabás tbixin tuya cabtl tuyaxin aj kꞌoj. Jatzen Barrabás cyawilxin. Otktzen cybiyxin ke xjal aj Roma tuj jun kꞌoj tuya cawel te Roma. 8Tisaxse cye xjal cyten, bix e baj pon nim xjal kanlte te Pilato tuꞌn tetz jun cye xjal aj Israel tuj tzeeꞌ. 9Bix aj ttzakꞌbeꞌn Pilato:
—¿Cyajpey tuꞌn tex ntzakpiꞌn jxin xjal lu Cycawel judío?―tz̈i Pilato. 10Juꞌtzen toc tuꞌnxin cye xjal, cuma at tumel tuyaxin ka nuk tuꞌn tchiꞌlel cycꞌuꞌj ke nintzaj tawil naꞌl Dios otk pona cyiiꞌnxin Jesús.
11Pero tejtzen toc cybiꞌn tawil naꞌl Dios tyol Pilato, bix akꞌkexin ocsalec cycꞌuꞌj xjal tuꞌn tetz Barrabás tuj tzeeꞌ, yaaꞌn tuꞌn t-xiꞌ tzakpette Jesús. Bix ja xsunja e xiꞌ cykanenxin te Pilato. 12Bix aj tkanen Pilato cye xjal juntl maj:
—Jeyꞌ, ¿tine cyaja tzꞌoc nbinchen tiꞌj jxjal n-oc cykꞌoꞌna tbi “Cycawel aj judío”?―tz̈i Pilato cye xjal.
13Bix aj cytzakꞌbeꞌn xjal cyiwx:
—Kꞌonwexin twitz cruz tuꞌn tcyimxin―tz̈i ke xjal.
14Bix aj tkanen Pilato:
—Jeyꞌ, ¿tine jilel kaꞌ ma cub tbinchexin?―tz̈i Pilato.
Pero bix aj cytzakꞌbeꞌn xjal juntl maj mas cyiw:
—¡Kꞌonwexin twitz cruz!―tz̈i ke xjal.
15Entonces yaltzen te Pilato, cuma taj tzunxin ocxin baꞌn cyuya xjal, bix etz ttzakpiꞌnxin Barrabás, bix e xiꞌ tchkꞌoꞌnxin cabxin aj kꞌoj te kꞌolx tzꞌuꞌn tocxsen chꞌut twiꞌ tiꞌ Jesús, bix tuꞌn tjawxin twitz cruz.
16Bix e xiꞌ cyiiꞌn aj kꞌoj ja Jesús twitz tpeꞌn jjaaꞌ jaaꞌ tocxe cawel, bix e xiꞌ nim tzꞌuꞌn tiꞌ Jesús.
Bix oc cychmoꞌnxin jun tkiyꞌxin aj kꞌoj. 17Bix oc cykꞌoꞌnxin jun t-xbalen Jesús tisen tilbil t-xmaquel San Juan te tzeblte Jesús, cuma cye xjal cawel tisentzen tilbil t-xmaquel San Juan cyxbalenxin toc. Bix e cub cybinchaꞌn aj kꞌoj jun tcorona Jesús nuk chꞌiꞌxcꞌa, bix e cub cycutzꞌexin tuj twiꞌ Jesús te cyxmucchbilxin. 18Bix akꞌke aj kꞌoj s̈-il:
—¡Axse Cycawel xjal judío!―tz̈i ke aj kꞌoj.
19Cocꞌcaxse e cuꞌx cytzꞌajaxin tuj twiꞌ Jesús tuya jun jitxꞌkꞌaj tzeeꞌ, bix ocx cytzubaxin tiꞌ Jesús, nchi cubxetzen majexin twitz Jesús nuk te cyxmucchablxin.
20Tbajlen cyxmucchaꞌnxitl tzunxin Jesús, bix el cyiiꞌnxin jt-xbalen Jesús otk tzꞌoc cykꞌoꞌnxin, bixse oc cykꞌoꞌnxin jte Jesús t-xbalen tocx. Bix e xiꞌ cyiiꞌn aj kꞌoj jaxin tuꞌn tjawxin twitz cruz ttxaꞌnxe Jerusalén.
Tej tjaw kꞌoꞌn Jesús twitz cruz bix e cyim
(Mt. 27:32-44; Lc. 23:26-43; Jn. 19:17-27)
21Jaxse Jesús e xiꞌ ikente cruz, pero mix e xcyebexin tjakꞌ tuj be. Niyꞌcꞌatltzen junxin xjal, Simón tbixin, tman junxin Alejandro tbi bix juntlxin Rufo tbi, te jun wikxitl tnom Cirene tbi, bix ocx cykꞌoꞌn aj kꞌoj jaxin tjakꞌ cruz kꞌiꞌn tuꞌn Jesús. 22Bix e xiꞌ cyiiꞌnxin Jesús tuj jun lugar Gólgota tbi, jatzen elpeninaj “Ttemlel Tbakel Wiꞌybaj.” 23Tejtzen cyponxin, bix e xiꞌ cykꞌoꞌn xjal tcꞌaꞌxin vino smoꞌn tuya jun wik remeda mirra tbi, tuꞌn taj lkꞌe chꞌin tchiyonel tiꞌ Jesús. Pero min e tiikꞌxin.
24Bixse e jaw pjet-xin tuya clavos twitz cruz.
Bix akꞌke aj kꞌoj niqꞌuel laꞌ al jun cyexin tuꞌn tcaman tiꞌ t-xbalen Jesús.
25Tetzen beljaj tajlal hora te klax, tjaw cypjoꞌnxin Jesús twitz cruz.
26Bix e jaw cykꞌoꞌnxin cab letra tibaj twiꞌ Jesús. Tz̈i cyjulu: “Cycawel judío,” tuꞌntzen telniyꞌ tiken otk jawa Jesús twitz cruz.
27Te xsunj kꞌij tjaw caꞌbaxin alakꞌ twitz jun cruz junx tuya Jesús, jun cyexin e jaw twitz jun cruz tuj tmankꞌabxin, bix juntlxin e jaw twitz cruz tuj tneẍ Jesús. 28Juꞌtzen tten tel-len jax tyol Dios nbyan cyjulu: “Jaan tzunxin cꞌoquel ten cyajlal kaꞌ xjal,” tz̈i tyol Dios.
29Yal tzunkej xjal excꞌa ttxlaj cruz jaaꞌ tjawa Jesús, n-ocxetzen cytzeꞌn xjal jaxin, bix nxiꞌxe cyyucan xjal cywiꞌ, nchi jawxetzen yolen:
—¡A weena! Jatzen teja tcublel xitente nin tja Dios, bix tuꞌn tjaw tbinchaꞌna te toxen kꞌij. 30Katzen tbinlel tuꞌna juꞌwa, coꞌpamtzen tiiba, bix tcuꞌtztzen twitz cruz―tz̈i ke xjal te Jesús.
31Juꞌxse tten cyoc ten cyawil naꞌl Dios bix ke txꞌolbal ley xmucchalec te Jesús. Tz̈ikexin cyjulu:
—E tcoꞌpaxin nim xjal tuya tikꞌch jilel, pero yaltzen texin, mlay bint tcoꞌpa tiibxin. 32E tcuꞌtzxin twitz cruz, jxin n-oc tkꞌon tiib te Scyꞌoꞌn tuꞌn Dios bix n-oc tkꞌon tiib te Cawel cyibaj Israel, tuꞌntzen toc kcyeꞌyen ka jax tuꞌnxin, bix tuꞌntzen toc kbiꞌnxin―tz̈i ke nintzaj cyawil naꞌl Dios bix ke txꞌolbal ley.
Hasta jaan kej xin alakꞌ otk chi jaw pjet twitz cruz e xooꞌn yol te Jesús.
Tej tcyim Jesús
(Mt. 27:45-56; Lc. 23:44-49; Jn. 19:28-30)
33Tejtzen tpon chil kꞌij, cykilcaxse tibaj ttxꞌotxꞌ judío e cwaꞌ jun nin klolj. Oxe hora e cub klolj.
34Tejtzen tcub spiꞌyen te oxe tajlal hora te kale, bix e jaw s̈-in Jesús cyiw tuj tyol:
—¡Ndios! ¡Ndios! ¿Tiken ma chin cyjaꞌ tcyeꞌyena?―tz̈i Jesús.
35Attzen cab xjal oc ebinte tyol Jesús, pero min el cyniyꞌ xjal tiꞌj. Bix e jaw yolenkexin:
—Cybinx. Luxin ntxcon Elías, tyolel Dios―tz̈i tzunkexin.
36Toctzen tbiꞌn junxin xjal, bix e xiꞌxin kꞌilbetz jun brat vino, bix txꞌom chꞌin, bix e cuꞌx tmuꞌnxin jun ttxꞌaken tz̈omj tuj, bix oc tẍpoꞌnxin twiꞌ jun ptzꞌunt, bix e xiꞌ ajkelxin oylxte te Jesús. Bix e xiꞌ tkbaꞌnxin:
—Ko kcyeꞌyectzen laꞌ ka tzul Elías kꞌilcꞌatz texin―tz̈i tzunj xin xjal.
37Pero cwa tel jun twiꞌ Jesús jatzen tcyim xinj.
38Tujxse tel tanem Jesús, tej tcub rotj jmaꞌ xbalen tcub te maksbil tej cwart nintzaj xjan tuj nin tja Dios. E tzajxe rotj tuj twiꞌ e cuꞌpan baj t-xeeꞌ.
39Ja tzunj xin cyaj wilel aj kꞌoj te Roma, tcub tzunxin twitzj cruz jaaꞌ pjoꞌnwa Jesús, toctzen tcyeꞌyenxin ti tten tcyimlen, bix e tkbaxin cyjulu:
—Jaxnete tej xin xinak lu Tcwal Dios texin―tz̈i tzunxin.
40Bix jax at cabxuj xuuj ncyeꞌyen nakch. Cyxol tzunxuj tocxe jxuj María Magdalena, juntlxuj María, ttxu José bix Santiago, yaaꞌnte Santiago t-xnakꞌatz Jesús, bix xsunj xuj Salomé. 41Ejeeꞌtzen xujja oc lpe tiꞌ Jesús, bix jaan tzunkexuj oc onente Jesús tej at-xin tuj tnom te Galilea. Bix yaaꞌn oꞌcxcꞌa ke xuj, sino at nimtl xuuj oc lpe tiꞌjxin tej xiꞌninxin tuj Jerusalén.
Tej tocx kꞌoꞌn Jesús tuj mukbil
(Mt. 27:57-61; Lc. 23:50-56; Jn. 19:38-42)
42Te tzunj kꞌij tej tjaw Jesús twitz cruz tecꞌaj kꞌij te nchiꞌtk ninkꞌij te ajlabl, bix nchi binchantzen xjal tikꞌch cye te ja ninkꞌija. Cuma cye xjal judío cyxol, il tiꞌj tuꞌn tcuꞌx maket jun xjal cyimne tex kꞌij. Juꞌ tzunj tetzen chꞌitk tex kꞌij, 43cyiwtzen tcꞌuꞌj junxin xjal José tbi, tej tnom te Arimatea, t-xiꞌxin kanl t-xumlal Jesús te Pilato te mukbil. Jaantzen José toc te nintzaj xjal cyxol jclojxin nin cawel binnen tten cyuꞌn cyawil naꞌl Dios, ke txꞌolbal ley, bixsen ke nintzaj xjal tuj nin tja Dios. Jax nayon texin jtoj tul-lel Tcawel Dios te cawel twitz txꞌotxꞌ. 44Toctzen tbiꞌn Pilato tyol José ka otk cyim Jesús, bix e jaw kleeꞌxin, cuma ke cyej xjal nchi jaw twitz cruz, min ttzkiꞌn chi cyimcye twitz cruz tex kꞌij. Bix e tzaj ttxcoꞌnxin jxin cyaj wilel aj kꞌoj, bix e xiꞌ tkanen Pilato ka jax tuꞌn José ka otk cyim Jesús. 45Toctzen tbiꞌn Pilato ka jax otk cyim Jesús, bixse e xiꞌ tkꞌoꞌn Pilato tumel te José tuꞌn tcuꞌtz tiiꞌnxin t-xumlal Jesús twitz cruz.
46Entonces bix etz tlokꞌoꞌn José jun nintzaj xbalen, bix e cuꞌtz tiiꞌn José t-xumlal Jesús twitz cruz. Bix oc tbalkꞌexin tiꞌ t-xumlal Jesús. Bix ocx tkꞌoꞌnxin t-xumlal Jesús tuj jun tij xak, bix oc tlomoꞌnxin ttziiꞌ tuya juntl tij xak.
47Yaltzen te María Magdalena tuya María ttxu José, nchi cyeꞌyenc tzunxuj jaaꞌ otk tzꞌocxa t-xumlal Jesús.
Currently Selected:
SAN MARCOS 15: mamTS
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.
SAN MARCOS 15
15
Tej tpon kꞌiꞌn Jesús twitz Pilato
(Mt. 27:1-2, 11-14; Lc. 23:1-5; Jn. 18:28-38)
1Tetzen takꞌ cwel spiꞌyen, bix oc cychmon cyiib jclojxin nin cawel, binne tten cyuꞌn tneel cyawil naꞌl Dios, tcab cyawil naꞌl Dios, ke txꞌolbal ley, bix ke nintzaj xjal tuj nin tja Dios. Bixse e cub cyuꞌn tuꞌn t-xiꞌ cyiiꞌnxin Jesús twitz cawel tuj Jerusalén chkꞌoꞌn tuꞌn cawel tibaj Roma te cawel cyibaj xjal judío. Pilato tbi cawel. Juꞌtzen tten t-xiꞌ akꞌbaj Jesús twitz Pilato, ẍpoꞌnxin. 2Tejtzen tpon Jesús, bix e xiꞌ tkanen Pilato texin:
—¿Japa teja cawel cyibaj xjal judío?―tz̈i Pilato te Jesús.
Bix aj ttzakꞌbeꞌn Jesús:
—Juꞌtzen tisenj ma tkbay―tz̈i Jesús.
3Bix nimxse oc cyumlaꞌn ke cyawil naꞌl Dios ja Jesús twitz Pilato. 4Juꞌ tzunj e xiꞌ tkanen Pilato juntl maj:
—¿Mimpatiiꞌ cꞌaal ttzakꞌbeꞌna cye xjal? Cyeꞌyenca tikꞌchj cyyol xjal tiꞌja―tz̈i Pilato te Jesús.
5Pero mintiiꞌ aj ttzakꞌbeꞌn Jesús, biꞌxse e jaw kleeꞌ Pilato, cuma mintiiꞌ tyol Jesús aj.
Tej tbint tiꞌj tuꞌn tbyet Jesús
(Mt. 27:15-31; Lc. 23:13-25; Jn. 18:38—19:16)
6Yaltzen te cawel aj Roma tten tcawbil cyibaj xjal te Israel nejl, jacꞌa tzunj ninkꞌija tzꞌetz ttzakpiꞌnxin jun xjal aj Israel tuj tzeeꞌ, laꞌ alj cykanen xjal aj Israel tuꞌn tetz. 7Te tzunja jnabkꞌi lu, tocxse junxin aj judío tuj tzeeꞌ, Barrabás tbixin tuya cabtl tuyaxin aj kꞌoj. Jatzen Barrabás cyawilxin. Otktzen cybiyxin ke xjal aj Roma tuj jun kꞌoj tuya cawel te Roma. 8Tisaxse cye xjal cyten, bix e baj pon nim xjal kanlte te Pilato tuꞌn tetz jun cye xjal aj Israel tuj tzeeꞌ. 9Bix aj ttzakꞌbeꞌn Pilato:
—¿Cyajpey tuꞌn tex ntzakpiꞌn jxin xjal lu Cycawel judío?―tz̈i Pilato. 10Juꞌtzen toc tuꞌnxin cye xjal, cuma at tumel tuyaxin ka nuk tuꞌn tchiꞌlel cycꞌuꞌj ke nintzaj tawil naꞌl Dios otk pona cyiiꞌnxin Jesús.
11Pero tejtzen toc cybiꞌn tawil naꞌl Dios tyol Pilato, bix akꞌkexin ocsalec cycꞌuꞌj xjal tuꞌn tetz Barrabás tuj tzeeꞌ, yaaꞌn tuꞌn t-xiꞌ tzakpette Jesús. Bix ja xsunja e xiꞌ cykanenxin te Pilato. 12Bix aj tkanen Pilato cye xjal juntl maj:
—Jeyꞌ, ¿tine cyaja tzꞌoc nbinchen tiꞌj jxjal n-oc cykꞌoꞌna tbi “Cycawel aj judío”?―tz̈i Pilato cye xjal.
13Bix aj cytzakꞌbeꞌn xjal cyiwx:
—Kꞌonwexin twitz cruz tuꞌn tcyimxin―tz̈i ke xjal.
14Bix aj tkanen Pilato:
—Jeyꞌ, ¿tine jilel kaꞌ ma cub tbinchexin?―tz̈i Pilato.
Pero bix aj cytzakꞌbeꞌn xjal juntl maj mas cyiw:
—¡Kꞌonwexin twitz cruz!―tz̈i ke xjal.
15Entonces yaltzen te Pilato, cuma taj tzunxin ocxin baꞌn cyuya xjal, bix etz ttzakpiꞌnxin Barrabás, bix e xiꞌ tchkꞌoꞌnxin cabxin aj kꞌoj te kꞌolx tzꞌuꞌn tocxsen chꞌut twiꞌ tiꞌ Jesús, bix tuꞌn tjawxin twitz cruz.
16Bix e xiꞌ cyiiꞌn aj kꞌoj ja Jesús twitz tpeꞌn jjaaꞌ jaaꞌ tocxe cawel, bix e xiꞌ nim tzꞌuꞌn tiꞌ Jesús.
Bix oc cychmoꞌnxin jun tkiyꞌxin aj kꞌoj. 17Bix oc cykꞌoꞌnxin jun t-xbalen Jesús tisen tilbil t-xmaquel San Juan te tzeblte Jesús, cuma cye xjal cawel tisentzen tilbil t-xmaquel San Juan cyxbalenxin toc. Bix e cub cybinchaꞌn aj kꞌoj jun tcorona Jesús nuk chꞌiꞌxcꞌa, bix e cub cycutzꞌexin tuj twiꞌ Jesús te cyxmucchbilxin. 18Bix akꞌke aj kꞌoj s̈-il:
—¡Axse Cycawel xjal judío!―tz̈i ke aj kꞌoj.
19Cocꞌcaxse e cuꞌx cytzꞌajaxin tuj twiꞌ Jesús tuya jun jitxꞌkꞌaj tzeeꞌ, bix ocx cytzubaxin tiꞌ Jesús, nchi cubxetzen majexin twitz Jesús nuk te cyxmucchablxin.
20Tbajlen cyxmucchaꞌnxitl tzunxin Jesús, bix el cyiiꞌnxin jt-xbalen Jesús otk tzꞌoc cykꞌoꞌnxin, bixse oc cykꞌoꞌnxin jte Jesús t-xbalen tocx. Bix e xiꞌ cyiiꞌn aj kꞌoj jaxin tuꞌn tjawxin twitz cruz ttxaꞌnxe Jerusalén.
Tej tjaw kꞌoꞌn Jesús twitz cruz bix e cyim
(Mt. 27:32-44; Lc. 23:26-43; Jn. 19:17-27)
21Jaxse Jesús e xiꞌ ikente cruz, pero mix e xcyebexin tjakꞌ tuj be. Niyꞌcꞌatltzen junxin xjal, Simón tbixin, tman junxin Alejandro tbi bix juntlxin Rufo tbi, te jun wikxitl tnom Cirene tbi, bix ocx cykꞌoꞌn aj kꞌoj jaxin tjakꞌ cruz kꞌiꞌn tuꞌn Jesús. 22Bix e xiꞌ cyiiꞌnxin Jesús tuj jun lugar Gólgota tbi, jatzen elpeninaj “Ttemlel Tbakel Wiꞌybaj.” 23Tejtzen cyponxin, bix e xiꞌ cykꞌoꞌn xjal tcꞌaꞌxin vino smoꞌn tuya jun wik remeda mirra tbi, tuꞌn taj lkꞌe chꞌin tchiyonel tiꞌ Jesús. Pero min e tiikꞌxin.
24Bixse e jaw pjet-xin tuya clavos twitz cruz.
Bix akꞌke aj kꞌoj niqꞌuel laꞌ al jun cyexin tuꞌn tcaman tiꞌ t-xbalen Jesús.
25Tetzen beljaj tajlal hora te klax, tjaw cypjoꞌnxin Jesús twitz cruz.
26Bix e jaw cykꞌoꞌnxin cab letra tibaj twiꞌ Jesús. Tz̈i cyjulu: “Cycawel judío,” tuꞌntzen telniyꞌ tiken otk jawa Jesús twitz cruz.
27Te xsunj kꞌij tjaw caꞌbaxin alakꞌ twitz jun cruz junx tuya Jesús, jun cyexin e jaw twitz jun cruz tuj tmankꞌabxin, bix juntlxin e jaw twitz cruz tuj tneẍ Jesús. 28Juꞌtzen tten tel-len jax tyol Dios nbyan cyjulu: “Jaan tzunxin cꞌoquel ten cyajlal kaꞌ xjal,” tz̈i tyol Dios.
29Yal tzunkej xjal excꞌa ttxlaj cruz jaaꞌ tjawa Jesús, n-ocxetzen cytzeꞌn xjal jaxin, bix nxiꞌxe cyyucan xjal cywiꞌ, nchi jawxetzen yolen:
—¡A weena! Jatzen teja tcublel xitente nin tja Dios, bix tuꞌn tjaw tbinchaꞌna te toxen kꞌij. 30Katzen tbinlel tuꞌna juꞌwa, coꞌpamtzen tiiba, bix tcuꞌtztzen twitz cruz―tz̈i ke xjal te Jesús.
31Juꞌxse tten cyoc ten cyawil naꞌl Dios bix ke txꞌolbal ley xmucchalec te Jesús. Tz̈ikexin cyjulu:
—E tcoꞌpaxin nim xjal tuya tikꞌch jilel, pero yaltzen texin, mlay bint tcoꞌpa tiibxin. 32E tcuꞌtzxin twitz cruz, jxin n-oc tkꞌon tiib te Scyꞌoꞌn tuꞌn Dios bix n-oc tkꞌon tiib te Cawel cyibaj Israel, tuꞌntzen toc kcyeꞌyen ka jax tuꞌnxin, bix tuꞌntzen toc kbiꞌnxin―tz̈i ke nintzaj cyawil naꞌl Dios bix ke txꞌolbal ley.
Hasta jaan kej xin alakꞌ otk chi jaw pjet twitz cruz e xooꞌn yol te Jesús.
Tej tcyim Jesús
(Mt. 27:45-56; Lc. 23:44-49; Jn. 19:28-30)
33Tejtzen tpon chil kꞌij, cykilcaxse tibaj ttxꞌotxꞌ judío e cwaꞌ jun nin klolj. Oxe hora e cub klolj.
34Tejtzen tcub spiꞌyen te oxe tajlal hora te kale, bix e jaw s̈-in Jesús cyiw tuj tyol:
—¡Ndios! ¡Ndios! ¿Tiken ma chin cyjaꞌ tcyeꞌyena?―tz̈i Jesús.
35Attzen cab xjal oc ebinte tyol Jesús, pero min el cyniyꞌ xjal tiꞌj. Bix e jaw yolenkexin:
—Cybinx. Luxin ntxcon Elías, tyolel Dios―tz̈i tzunkexin.
36Toctzen tbiꞌn junxin xjal, bix e xiꞌxin kꞌilbetz jun brat vino, bix txꞌom chꞌin, bix e cuꞌx tmuꞌnxin jun ttxꞌaken tz̈omj tuj, bix oc tẍpoꞌnxin twiꞌ jun ptzꞌunt, bix e xiꞌ ajkelxin oylxte te Jesús. Bix e xiꞌ tkbaꞌnxin:
—Ko kcyeꞌyectzen laꞌ ka tzul Elías kꞌilcꞌatz texin―tz̈i tzunj xin xjal.
37Pero cwa tel jun twiꞌ Jesús jatzen tcyim xinj.
38Tujxse tel tanem Jesús, tej tcub rotj jmaꞌ xbalen tcub te maksbil tej cwart nintzaj xjan tuj nin tja Dios. E tzajxe rotj tuj twiꞌ e cuꞌpan baj t-xeeꞌ.
39Ja tzunj xin cyaj wilel aj kꞌoj te Roma, tcub tzunxin twitzj cruz jaaꞌ pjoꞌnwa Jesús, toctzen tcyeꞌyenxin ti tten tcyimlen, bix e tkbaxin cyjulu:
—Jaxnete tej xin xinak lu Tcwal Dios texin―tz̈i tzunxin.
40Bix jax at cabxuj xuuj ncyeꞌyen nakch. Cyxol tzunxuj tocxe jxuj María Magdalena, juntlxuj María, ttxu José bix Santiago, yaaꞌnte Santiago t-xnakꞌatz Jesús, bix xsunj xuj Salomé. 41Ejeeꞌtzen xujja oc lpe tiꞌ Jesús, bix jaan tzunkexuj oc onente Jesús tej at-xin tuj tnom te Galilea. Bix yaaꞌn oꞌcxcꞌa ke xuj, sino at nimtl xuuj oc lpe tiꞌjxin tej xiꞌninxin tuj Jerusalén.
Tej tocx kꞌoꞌn Jesús tuj mukbil
(Mt. 27:57-61; Lc. 23:50-56; Jn. 19:38-42)
42Te tzunj kꞌij tej tjaw Jesús twitz cruz tecꞌaj kꞌij te nchiꞌtk ninkꞌij te ajlabl, bix nchi binchantzen xjal tikꞌch cye te ja ninkꞌija. Cuma cye xjal judío cyxol, il tiꞌj tuꞌn tcuꞌx maket jun xjal cyimne tex kꞌij. Juꞌ tzunj tetzen chꞌitk tex kꞌij, 43cyiwtzen tcꞌuꞌj junxin xjal José tbi, tej tnom te Arimatea, t-xiꞌxin kanl t-xumlal Jesús te Pilato te mukbil. Jaantzen José toc te nintzaj xjal cyxol jclojxin nin cawel binnen tten cyuꞌn cyawil naꞌl Dios, ke txꞌolbal ley, bixsen ke nintzaj xjal tuj nin tja Dios. Jax nayon texin jtoj tul-lel Tcawel Dios te cawel twitz txꞌotxꞌ. 44Toctzen tbiꞌn Pilato tyol José ka otk cyim Jesús, bix e jaw kleeꞌxin, cuma ke cyej xjal nchi jaw twitz cruz, min ttzkiꞌn chi cyimcye twitz cruz tex kꞌij. Bix e tzaj ttxcoꞌnxin jxin cyaj wilel aj kꞌoj, bix e xiꞌ tkanen Pilato ka jax tuꞌn José ka otk cyim Jesús. 45Toctzen tbiꞌn Pilato ka jax otk cyim Jesús, bixse e xiꞌ tkꞌoꞌn Pilato tumel te José tuꞌn tcuꞌtz tiiꞌnxin t-xumlal Jesús twitz cruz.
46Entonces bix etz tlokꞌoꞌn José jun nintzaj xbalen, bix e cuꞌtz tiiꞌn José t-xumlal Jesús twitz cruz. Bix oc tbalkꞌexin tiꞌ t-xumlal Jesús. Bix ocx tkꞌoꞌnxin t-xumlal Jesús tuj jun tij xak, bix oc tlomoꞌnxin ttziiꞌ tuya juntl tij xak.
47Yaltzen te María Magdalena tuya María ttxu José, nchi cyeꞌyenc tzunxuj jaaꞌ otk tzꞌocxa t-xumlal Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.