Ruka 14
14
Jesu unorapa mutenda ngo sabatha
1Kwakaitika apo wanghwina mu nyumba yo umwe wo vakuru vo vafarisi, ngo zuva ro sabatha kooha chimanda, vaimuringisisa. 2Vonanyi, kwayivapo pamberi pake mundhu wakatikuti wayiva no ndhundhu. 3Na Jesu, wakavereketa kuno magweta no vafarisi, echiti: “Kunotendehwa here ngo mipango kurapa ngo zuva ro sabatha, nokuti akutendehwi?” 4Asi ivo vakanyarara. Naye wakamutora akamurapa, wakamuregera kuti aende. 5Naye wakati kwavari: “Ndiyani kwomuri uno mwana nokuti n'ombe yake yawa mu mwimbo, asikazoibudisi ngokukasira ngo zuva ro sabatha?” 6Navo vakakonehwa kumupingurazve ngo izvi.
Mupfupo wo kujipfavisa
7Naye wakavereketa muezaniso kwavari avo vakakokwa, apo avona kuti vatsanangura zvigaro zvo pamberi, echiti kwavari: 8“Apo ukakokwa nokuti ngouri mundhu ku dhiri ro muchadho, usazogara pasi pa ndau yo pamberi; kuti pamweni mundhu uri mukuru kuno iwewe wakokwavo ndiye, 9no uwo wakakukoka iwewe naye, unozoviya echiti kwouri: Mukayi uwu agare pano; naapo unozotanga kupsheruka koogara ndau yo sure. 10Asi apo ukakokwa enda ugare pandau yo sure, naapo uwo wakakukoka oviya, ungazoti kwouri: Shamwari, enda pandau yo pamberi; naapo unozokuriswa mukuvona kwavo vese vanogara newe pokuha. 11Ngokuti iye unojikurisa unozopfaviswa, no uwo unojipfavisa unozokuriswa.”
Kupa usikaveteri kuhwirijihwa
12Wakati kuno uwozve wakamukoka: “Apo wonasirira kuha kwo masikati, nokuti kwo madekoni, usazodanija shamwari jako, nokuti vakoma vako, nokuti hama jako nokuti maguruja ari vavakihwana vako; kuti pamweni vanozokukokavo, nakwo kuite kuhwirijihwa kwouri. 13Asi apo wonasirira kuha iwewe, koka varombo, vakakhuvazika, zvirema no mapofu; 14newe unozodakajiswa; ngokuti avo avana chokuhwirijira kwouri; ngokuti iwewe unozohwirijihwa mukumuka kwo vakarurama.”
Vakakokwa mu Umambo hwa Mwari
(Mateu 22:1-10)
15Naapo umwe wo avo vaigara naye pokuha, azwa izvi, wakati kwaari: “Unomuchena uwo unozoha chimanda mu Umambo hwa Mwari.” 16Asi iye wakati kwaari: “Mundhu wakatikuti wakanasira kuha kwo madekoni kwakawanda, wakakoka vazhinji. 17Naye wakatuma varanda vake ngo mukuvo wo kuha kwo madekoni koobvunja vakakokwa, kuti, chiviyanyi; ngokuti zviro zvese zvanasirihwa zvino. 18Navo vese vakatanga kukumbira kuregerehwa ngo mwoyo umwe. Uwo wo kutanga wakati kwaari; ndakatenga munda, nakwo kunodikana kuti ndiende kwouvona: Ndapota ngandiregerehwe. 19No umweni wakati: Ndakatenga n'ombe jo kanga shanu, neni ndinoendeyo kwoojieja; ndapota kwouri ngandiregerehwe. 20No umweni wakati: Ndakarovora mukaji, ndizvo andingakoni kuviyeyo. 21No muranda uwo wakaviya, akamuzivisa mambo wake izvi. Naapo mune wo nyumba wakacheneka wakati ku muranda wake, enda ngokukasira mu makwanja no mu njira jo mu dhoropa, uvaviyise pano varombo, no vakakuvazika, no mapofu, no zvirema. 22No muranda wakati: Mambo, icho chowapanga chaitwa, asi uchiriyo ugaro. 23Na mambo wakati kuno muranda wake, buda uende mu njira no mu zvimakwanja, uvaonge kuti vanghwine, kuti nyumba yangu izare. 24Ngokuti ndinoti kwomuri, kuti apana no mundhu kwaavo vakakokwa unozoravira kuha kwangu, kwo madekoni.”
Zvinodikana kuti uite mujiji wa Jesu
(Mateu 10:37-38; 5:13; Marku 9:50)
25Zvino yaifamba naye mbungano huru; naye wakakunukuka, akati kwoiri: 26“Kuti aripo mundhu unoda kuviya sure kwangu, asikanyenyi baba na mayi wake, mukaji wake, vana vake, vakoma vake, no hanzvaji, eya, no kururama kwakezve aangaiti mujiji wangu. 27#Vonayi kuna: Mat. 16:16-24; Mar. 8:34; Ruk. 9:23.Iye usikatwari muchinjiko wake, no kuviya sure kwangu, aangaiti mujiji wangu. 28Ngokuti ndiyani kwomuri echida kuvaka rusvingo, usikatangi kugara pasi averenge mare yawo, kuti unayo here yo kuupeja? 29Kuti pamweni wopeja kudira majiro, asikakoni kuupeja, avo vese vanouvona vatange kumuitira jee, 30vechiti: Uwu mundhu wakatanga kuvaka, asikazivi kukona kuupeja. 31Nokuti ndiyani mambo uwo echienda kwoosongana na mambo umweni, mukurwa, asikatangi kugara pasi apangane kuti dangani uno simba here uno vandhu vari gumi ro zviuru (10.000) kusongana no uwo unoviya korwa naye uno makumi maviri wo zviuru (20.000) zvo vandhu? 32Nokuti umweni achiri ndhambo, atume masamukuru, koobvunjisa chaanoda chokuti vaiyane. 33Ndizvo pikija ndiyani kwomuri usikasiyi zvese zvaanazvo aangakoni kuyita mujiji wangu akadi. 34Munyu wakanaka, asi kuti munyu warasha kunaka kwawo, ucharungwa ngenyi? 35Auchadetseri chiro kuudira mu munda, nokuti kuyita mwarira#14:35 Mwarira zvinoda kunanga: ndimo.; vandhu vanourasha kunja. Iye uno njeve jo kuzwa ngaazwe.”
Currently Selected:
Ruka 14: CINDAU NT
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.
Ruka 14
14
Jesu unorapa mutenda ngo sabatha
1Kwakaitika apo wanghwina mu nyumba yo umwe wo vakuru vo vafarisi, ngo zuva ro sabatha kooha chimanda, vaimuringisisa. 2Vonanyi, kwayivapo pamberi pake mundhu wakatikuti wayiva no ndhundhu. 3Na Jesu, wakavereketa kuno magweta no vafarisi, echiti: “Kunotendehwa here ngo mipango kurapa ngo zuva ro sabatha, nokuti akutendehwi?” 4Asi ivo vakanyarara. Naye wakamutora akamurapa, wakamuregera kuti aende. 5Naye wakati kwavari: “Ndiyani kwomuri uno mwana nokuti n'ombe yake yawa mu mwimbo, asikazoibudisi ngokukasira ngo zuva ro sabatha?” 6Navo vakakonehwa kumupingurazve ngo izvi.
Mupfupo wo kujipfavisa
7Naye wakavereketa muezaniso kwavari avo vakakokwa, apo avona kuti vatsanangura zvigaro zvo pamberi, echiti kwavari: 8“Apo ukakokwa nokuti ngouri mundhu ku dhiri ro muchadho, usazogara pasi pa ndau yo pamberi; kuti pamweni mundhu uri mukuru kuno iwewe wakokwavo ndiye, 9no uwo wakakukoka iwewe naye, unozoviya echiti kwouri: Mukayi uwu agare pano; naapo unozotanga kupsheruka koogara ndau yo sure. 10Asi apo ukakokwa enda ugare pandau yo sure, naapo uwo wakakukoka oviya, ungazoti kwouri: Shamwari, enda pandau yo pamberi; naapo unozokuriswa mukuvona kwavo vese vanogara newe pokuha. 11Ngokuti iye unojikurisa unozopfaviswa, no uwo unojipfavisa unozokuriswa.”
Kupa usikaveteri kuhwirijihwa
12Wakati kuno uwozve wakamukoka: “Apo wonasirira kuha kwo masikati, nokuti kwo madekoni, usazodanija shamwari jako, nokuti vakoma vako, nokuti hama jako nokuti maguruja ari vavakihwana vako; kuti pamweni vanozokukokavo, nakwo kuite kuhwirijihwa kwouri. 13Asi apo wonasirira kuha iwewe, koka varombo, vakakhuvazika, zvirema no mapofu; 14newe unozodakajiswa; ngokuti avo avana chokuhwirijira kwouri; ngokuti iwewe unozohwirijihwa mukumuka kwo vakarurama.”
Vakakokwa mu Umambo hwa Mwari
(Mateu 22:1-10)
15Naapo umwe wo avo vaigara naye pokuha, azwa izvi, wakati kwaari: “Unomuchena uwo unozoha chimanda mu Umambo hwa Mwari.” 16Asi iye wakati kwaari: “Mundhu wakatikuti wakanasira kuha kwo madekoni kwakawanda, wakakoka vazhinji. 17Naye wakatuma varanda vake ngo mukuvo wo kuha kwo madekoni koobvunja vakakokwa, kuti, chiviyanyi; ngokuti zviro zvese zvanasirihwa zvino. 18Navo vese vakatanga kukumbira kuregerehwa ngo mwoyo umwe. Uwo wo kutanga wakati kwaari; ndakatenga munda, nakwo kunodikana kuti ndiende kwouvona: Ndapota ngandiregerehwe. 19No umweni wakati: Ndakatenga n'ombe jo kanga shanu, neni ndinoendeyo kwoojieja; ndapota kwouri ngandiregerehwe. 20No umweni wakati: Ndakarovora mukaji, ndizvo andingakoni kuviyeyo. 21No muranda uwo wakaviya, akamuzivisa mambo wake izvi. Naapo mune wo nyumba wakacheneka wakati ku muranda wake, enda ngokukasira mu makwanja no mu njira jo mu dhoropa, uvaviyise pano varombo, no vakakuvazika, no mapofu, no zvirema. 22No muranda wakati: Mambo, icho chowapanga chaitwa, asi uchiriyo ugaro. 23Na mambo wakati kuno muranda wake, buda uende mu njira no mu zvimakwanja, uvaonge kuti vanghwine, kuti nyumba yangu izare. 24Ngokuti ndinoti kwomuri, kuti apana no mundhu kwaavo vakakokwa unozoravira kuha kwangu, kwo madekoni.”
Zvinodikana kuti uite mujiji wa Jesu
(Mateu 10:37-38; 5:13; Marku 9:50)
25Zvino yaifamba naye mbungano huru; naye wakakunukuka, akati kwoiri: 26“Kuti aripo mundhu unoda kuviya sure kwangu, asikanyenyi baba na mayi wake, mukaji wake, vana vake, vakoma vake, no hanzvaji, eya, no kururama kwakezve aangaiti mujiji wangu. 27#Vonayi kuna: Mat. 16:16-24; Mar. 8:34; Ruk. 9:23.Iye usikatwari muchinjiko wake, no kuviya sure kwangu, aangaiti mujiji wangu. 28Ngokuti ndiyani kwomuri echida kuvaka rusvingo, usikatangi kugara pasi averenge mare yawo, kuti unayo here yo kuupeja? 29Kuti pamweni wopeja kudira majiro, asikakoni kuupeja, avo vese vanouvona vatange kumuitira jee, 30vechiti: Uwu mundhu wakatanga kuvaka, asikazivi kukona kuupeja. 31Nokuti ndiyani mambo uwo echienda kwoosongana na mambo umweni, mukurwa, asikatangi kugara pasi apangane kuti dangani uno simba here uno vandhu vari gumi ro zviuru (10.000) kusongana no uwo unoviya korwa naye uno makumi maviri wo zviuru (20.000) zvo vandhu? 32Nokuti umweni achiri ndhambo, atume masamukuru, koobvunjisa chaanoda chokuti vaiyane. 33Ndizvo pikija ndiyani kwomuri usikasiyi zvese zvaanazvo aangakoni kuyita mujiji wangu akadi. 34Munyu wakanaka, asi kuti munyu warasha kunaka kwawo, ucharungwa ngenyi? 35Auchadetseri chiro kuudira mu munda, nokuti kuyita mwarira#14:35 Mwarira zvinoda kunanga: ndimo.; vandhu vanourasha kunja. Iye uno njeve jo kuzwa ngaazwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.