प्रेरित 6
6
विधुवासभक सेवा करेके तहिँया सात जनके छानलइ
1उअ दिनवाहमा, जब प्रभु येसुजिक चेलवानिक संख्या बढते गेलइ। तब ग्रिक भासा फदकेलहरा विस्वासिसभ हिब्रु भासा फदकेलहरा विस्वासिसभसे घुनघुनाए लगलइ, केहकेकि सबदिनक जेउना बटइकि हिब्रु भासा फदकेलहरा विस्वासिसभ ग्रिक भासा फदकेलहरा विस्वासि विधुवानिके वास्ता हइने करलइ। 2उहेसे बारह जन प्रेरितवाह याको जम्मे विस्वासिसभके बलाके कहलइ, “वचनक सेवकाइ छाडके हमरा खियावे हसे पियावेके बातमा यझुरायके डउल हइने हखइ। 3हेरह भयवाह, याबे तोहार मधेसे पवितर-आत्मा हसे बुद्धिसे भरपुर डउल नाउँ चलल सात जनके छानह हसे इअ खइना-पिइनाक जिम्मा हुनुकाके देबहुँ। 4बाकि हमरा परथानामा हसे वचन परचारक सेवकाइमा ध्यान लगोबहुँ।”
5इअ बतवा जम्मे जनक खाँ डउल लगलइ। तब हुनुका विस्वाससे हसे पवितर-आत्मासे भरपुर भेल स्तिफनसके छानलइ हसे सङहि फिलिप, प्रखरस, निकनोर, तिमोन, पर्निमास हसे यहुदि विस्वासमा याइल एन्टिओखियाक सहरवाक निकोलाउसके फेनि छानलइ। उअ येसुजिमा विस्वास करलिसे यागा यहुदि धरममा याइल रहलिय। 6हुनुका उअ सात जनके प्रेरितवानिक लघिना यनलइ हसे प्रेरितवाह हुनुकर वपरा हथवाह राखके परथाना करदेलइ।
7वसनेकरते परमेस्वरक वचन फइलते गेलइ। यरुसलेममा विस्वासिसभ बहुत बढते गेलइ। वसनेकरते बहुत यहुदि पुजेरिसभ फेनि येसुजिमा विस्वास करलइ।
स्तिफनसके पकडलइ
8याबे स्तिफनस परमेस्वरक अनुग्रह हसे सक्तिसे भराके मन्सावानिक बिचा बहुत यचम्म-यचम्मक काम करते बहुत चिन्हासभ देखोलिय। 9बाकि “मुक्त कमरवानिक सभाघर” कहल सभाघरवाक कुनहुँ-कुनहुँ सदस्य स्तिफनसक विरोध करे लगलइ। विरोध करलहरामधे कुरेनि, किलिकिया, अलेक्जेन्ड्रिया हसे एसिया इलाकासे याइल यहुदिसभ रहलइ। हुनुका स्तिफनससाङे ठोरा-बोलि करे लगलइ। 10बाकि जब स्तिफनस पवितर-आत्माक सक्ति हसे बुद्धिसे वचन फदकलिय, हुनुका वकर विरोध करे हइने सकलइ।
11तब हुनुका दोसरि मन्सावानिके उल्लकाके “इअ मोसा हसे परमेस्वरक विरोधमा निना करइ हमरा सुनलहुँ।” कहके कहे लगोलइ।
12 यसनेकरके हुनुका जनतासभके, यगुवासभके हसे व्यवस्थाक-गुरुसभके फेनि उल्लकोलइ। तब हुनुका स्तिफनसके पकडके महासभाक यागा लिगलइ। 13हुनुका झुठा साछि देवेके तहिँया मन्सावानिके यनलइ हसे हुनुकाके “इअ मन्सावा जहिया फेनि हमार पवितर मन्दिरवा हसे मोसाक नियमक विरोधमा फदकइ रहसिय” कहके कहे लगोलिय। 14हमरा वकरेके यसके कहइकि सुनलहुँ कि, “नासरतक येसु इअ मन्दिरवाके भस्का देबसि हसे मोसा हमराके देलि चालचलन रितिथिति फेनि बदल देबिय।”
15तब महासभामा भेलि जम्मे जन स्तिफनसके टक लगाके हेरलइ, केहकेकि वकर मोहडवा स्वरगदुतक नहिँया चम्कलइ।
Currently Selected:
प्रेरित 6: CTHR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
