मरकुस 1
1
बप्तिस्मा देलाहर युहन्नाक सन्देस
(मति ३:१-१२; लुका ३:१-१८; युहन्ना १:१९-२८)
1परमेस्वरक पुतर#१:१ परमेस्वरक पुतर: येसुजि परमेस्वरक पुतर रहलसि। उहेसे हुनेमा पमेस्वरक बानि-व्यहोरा रहलइ। याको थाह पावेके तहिँया सबद यरथमा हेरहुँ। येसु ख्रिस्टक#१:१ ख्रिस्ट: परमेस्वरक बिसेस सेवाक कामक तहिँया छुट्टवलेसे हुनेके ख्रिस्ट कहेसइ। याको थाह पावेके तहिँया सबद यरथमा हेरहुँ। सुसमाचार#१:१ सुसमाचार: जम्मे मन्सावानिके मुक्तिक पइडावामा पुगावेके परमेस्वरक सत्य वचन हखइ। याको थाह पावेके तहिँया सबद यरथमा हेरहुँ। यसके सुरु भेलइ। 2यसइया अगमवक्तावाक कितबवामा लिखइलि यनुसार
“परमप्रभु परमेस्वर कहलसि, ‘हेरहि, मुइ तोर पइडा तयार पारेके तहिँया,
मोर दुतवाके तोरसे यागा पठोबहि।’#मलाकि ३:१
3याबे सुनह, उराठ-ठउरियामा एक जन जबड माहे चिल्लाके यसके कहइ बडिय,
‘प्रभुक पइडा तयार पारह,
हुनेक पइडावाह सोझ बनोह’!”#यसइया ४०:३
4उहेसे बप्तिस्मा देलाहर युहन्ना उराठ-ठउरियामा याके यसके कहके परचार करलिय, “तोहरा यापन-यापन पाप मानके छडह हसे बप्तिस्मा लेह तके परमेस्वर तोहार पापसभ छमा करबसि।” 5तखनहिँ जम्मे यहुदिया छेतरसे हसे यरुसलेम सहरवाक मन्सावाह युहन्नाक लघिना यलइ तके यापन-यापन पाप मनते वकरसे यरदन लदियामा बप्तिस्मा लेलइ। 6युहन्ना उटक रउसे बिनल लुगा लगोइय हसे ठेकनवामा छालाक फाड बन्हिय। उअ सलह हसे वन-मधुक रस खइय।#२ राजा १:८ 7युहन्ना यसके कहते मन्सावानिके परचार करिय, “हेरह, मोर पाछा एक जन यवइ बडसि, जुने मोरसे याको सक्तिसालि बडसि। मुइ त ओन्हगातके हुनेक चप्पलक फितवा फोवेके लाइक फेनि हइने बडहिँ। 8मुइ त तोहराके पानिसे बप्तिस्मा देइ बडहिँ, बाकि हुने तोहराके पवितर-आत्मासे बप्तिस्मा देबसि।”
येसुजिक बप्तिस्मा
(मति ३:१३-१७; ४:१-११; लुका ३:२१-२२; ४:१-१३)
9उहे समयमा येसुजि गालिल छेतरक नासरत सहरवासे याके युहन्नासे यरदन लदियामा बप्तिस्मा लेलसि। 10येसुजि पनियासे बाहरा निकडतेकि हुने स्वरग खोलाइल हसे पवितर-आत्माके घुटुरिक रुपमा यापन वपरा यवइकि देखलसि, 11हसे स्वरगसे यसनुक कहइकि स्वर यलइ, “तुइ मोर सोगावल पुतर हखहि, मुइ तोरसाङे गहनि खुसि बडहिँ।”#भजन २:७; यसइया ४२:१; मति १२:१८; मरकुस ९:७
12वकरपाछा वइघरहिँ पवितर-आत्मा येसुजिके उराठ-ठउरियामा लिगलसि। 13वहवाँ सइतनवा चालिस दिनलइ येसुजिके पापमा फसावके तहिँया परिछा#१:१३ परिछा: जुन चिजु मन्सावाके पाप करेके लगोसिय हसे उल्कोसिय वकरहिँके परिछा कहसइ। करलिय। हुने वहवाँ वन-पसुवानिसाङे रहलसि हसे स्वरगदुतवाह हुनेक सेवा-सत्कार करलइ।
येसुजि चार जन मछुरियानिके बलोलसि
(मति ४:१२-२२; लुका ४:१४-१५; ५:१-११)
14किहो जुन पाछा बप्तिस्मा देलाहर युहन्ना झ्यालखनवामा परलेपर येसुजि गालिलमा जाके परमेस्वरक सुसमाचार परचार करे लगलसि। 15हुने कहलसि, “याबे जुन पुरा भेल बडइ, परमेस्वरक राज#१:१५ परमेस्वरक राज: परमेस्वरक राज कहले परमेस्वरक सासन करना ठउरि हखइ। जहवाँ परमेस्वर अधिकारसे राज करससि। याको थाह पावेके तहिँया सबद यरथमा हेरहुँ। लजिके यापुगल बडइ। उहेसे तोहरा यापन-यापन पाप मानके छडह हसे सुसमाचारमा विस्वास करह।”#मति ३:२
16जब एक दिन येसुजि गालिल तलवाक तिरवामा बुलइ रहलसि, तब हुने सिमोन हसे वकर भयवा अन्द्रियासके तलवामा जाल खेपइकि देखलसि। केहकेकि हुनुका मछुरियाह रहलइ। 17येसुजि हुनुकाके कहलसि, “तोहरा माछरि मारे जनले बडह। याबे मोर पाछा लगह, मुइ तोहराके मोर लघिना मन्से यानेके सिखोबहिँ।” 18हुनुका वइघरहिँ यापन जलवाह छाडके हुनेक पाछा लगलइ।
19जब येसुजि तलवाक तिरवाक इचिका वताहुँ गेलसि, वहवाँ हुने जब्दियाक बेटवा याकुब हसे वकर भयवा युहन्नाके यापन डोङवामा जलवाह सनइ देखलसि। 20येसुजि हुनुकाके वइघरहिँ बलोलसि हसे हुनुका यापन बाबा जब्दियाके काम करलहरानिसाङे डोङवामा छाडके येसुजिक पाछा लगलइ।
येसुजि दुस्ट-आत्मा लागल मन्सेके डउल बनोलसि
(लुका ४:३१-३७)
21येसुजि यापन चेलवानिसाङे कफरनहुम सहरवामा गेलसि हसे विसराम दिनवामा हुने सभाघरवामा#१:२१ सभाघर: यहुदि जतियानिक कचहेरि करना, धरमसास्तरक किताब लिखइलि यनुसार उअ ठउरियामा सिछा सिखावेके हसे आराधना करना ठउरियाके सभाघर कहसइ। याको थाह पावेके तहिँया सबद यरथमा हेरहुँ। जाके सिछा देवे लगलसि। 22हुनेक सिछा सुनके वहवाँक मन्सावाह छक परलइ, केहकेकि हुने याको व्यवस्थाक-गुरुसभ नहिँया हइने, बाकि अधिकार पावल मन्से नहिँया सिखोसि।#मति ७:२८-२९ 23तखनहिँ उअ सभाघरवामा एक जन दुस्ट-आत्मा लागल मन्से रहलिय। उअ मन्सावा जबड माहे चिलइते यसके कहलिय, 24“हे नासरतक येसु, यपनहुँ हमराके कथि करे खोजइ बडहुँ? कथि यपनहुँ हमराके नास करे याइल बडहुँ? यपनहुँ परमेस्वरक पवितर जन हखहुँ कहके मुइ चिनसहिँ।”
25बाकि येसुजि दुस्ट-आत्माके डाटके कहलसि, “चुप लाग हसे इअ मन्सावासे निकडके जइबे करहि!” 26तब दुस्ट-आत्मा उअ मन्सावाके यइठगोइठ पारके जबड माहे चिलइते वकरसे निकडके गेलिय।
27तब जम्मे मन्सावाह छक परके एक दोसरिसाङे यसके बात करे लगलइ, “इअ कस्नुक सिछा हखइ त? इअ मन्सावा त भुतवानिके अधिकार सहित हुकुम देसिय हसे भुतवाह फेनि यकर बतवा मनसइ।” 28उहेसे येसुजिक चरचा वइघरहिँ गालिल छेतरक चारिवर फइललइ।
येसुजि बहुत मन्सेके डउल बनोलसि
(मति ८:१४-१७; लुका ४:३८-४१)
29वकरपाछा येसुजि वइघरहिँ सभाघरवासे निकडके, याकुब हसे युहन्नासाङे सिमोन हसे अन्द्रियासक घरवामा गेलसि। 30तखनहिँ सिमोनक ससुइया जर लागके बिछोनवमा थाला परल रहलिय। येसुजि यइतेकि घरवाक मन्सावाह वकर बारेमा हुनेके कहदेलइ। 31उहेसे येसुजि सिमोनक ससुइयाक लजिके जाके वकर हथवा पकडके उठोलसि। तब वकर जरवा वकरेके छडबे करलिय हसे उअ हुनुकर सेवा करे लगलिय।
32उहे दिन बेरियावा डुबके साँझ भेलेपर, मन्सावाह बहुत खलिक रोग हसे भुत लागल मन्सेसभके येसुजि लघिना यनलइ, 33हसे कफरनहुम सहरवाक जम्मे मन्सावाह उअ घरवाक यागा जामा भेलइ। 34तब येसुजि जम्मे खलिक रोग लागल मन्सेसभके डउल बनोलसि हसे बहुत मन्सेसे भुतसभ फेनि निकडोलसि। बाकि येसुजि भुतवानिके फदके हइने देलसि, केहकेकि भुतवाह हुनेके चिनले रहलइ।
येसुजि गालिल छेतरमा परचार करलसि
(लुका ४:४२-४४)
35दोसरि दिन बिहान भेलिसे यागा, येसुजि एगुडा सुनसान ठउरिमा जाके परथाना करे लगलसि। 36बाकि सिमोन हसे वकर सङहतियवाह हुनेके खोजते गेलइ। 37हुनुका येसुजिके पउलेपर हुनेके कहलइ, “जम्मे जन यपनहुँके खोजइबडइ!”
38येसुजि इअ बतवा सुनके हुनुकाके यसके कहलसि, “हमरा यासपासक गउँवाहमा फेनि जाउँ। ताकि मुइ वहवाँ फेनि परचार करे सकहि। केहकेकि मुइ इहे कमवाक तहिँया याइल बडहिँ।” 39उहेसे येसुजि गालिल छेतरमा भेलि सभाघरवाहमा परचार करलसि हसे भुतवानिके निकडोलसि।#मति ४:२३; ९:३५
बडकि दुःखवा लागल मन्से डउल भेल
(मति ८:१-४; लुका ५:१२-१६)
40एक दिन एक जन बडकि दुःखवा लागल मन्से येसुजि लघिना याके ठेहुँनाके यसके कहके बिन्ति करते कहलिय, “यपनहुँ चाहबहुँ जउँ मोरके डउल बनावे सकबहुँ।”
41तब इअ सुनके येसुजिक हृदय दायासे भरेलइ हसे हुने यापन हथवा पसराके वकरेके छुके कहलसि, “मुइ चाहसहिँ कि तुइ डउल हख।” 42तब वइघरहिँ वकर बडकि दु:खवा हटलइ हसे उअ डउल भेलिय।
43वकरपाछा येसुजि वकरेके काडासे आग्या देके जाहि कहके कहलसि, 44“हेरहि, तुइ इअ बतवा ककरहुँके फेनि झिन कहसि, बाकि पुजेरियाक लघिना जाके यपनहिँके देखोसि हसे मोसाक कहलि नहिँया भोग चढाके डउल भेलिक परमान देसि।”#लेवि १३:४९; १४:१-३२ 45बाकि उअ मन्सावा जाके यापन डउल भेलि बतवा जम्मे ठउरियामा सुनोलिय। उहेसे येसुजि कुनहुँ फेनि सहरवामा खुल्लमखुल्ला जाए हइने सकलेसे सहरवाक बाहरा रहलसि, ताफेनि मन्सावाह चारिवरसे हुने लघिना यलइ।
Currently Selected:
मरकुस 1: CTHR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मरकुस 1
1
बप्तिस्मा देलाहर युहन्नाक सन्देस
(मति ३:१-१२; लुका ३:१-१८; युहन्ना १:१९-२८)
1परमेस्वरक पुतर#१:१ परमेस्वरक पुतर: येसुजि परमेस्वरक पुतर रहलसि। उहेसे हुनेमा पमेस्वरक बानि-व्यहोरा रहलइ। याको थाह पावेके तहिँया सबद यरथमा हेरहुँ। येसु ख्रिस्टक#१:१ ख्रिस्ट: परमेस्वरक बिसेस सेवाक कामक तहिँया छुट्टवलेसे हुनेके ख्रिस्ट कहेसइ। याको थाह पावेके तहिँया सबद यरथमा हेरहुँ। सुसमाचार#१:१ सुसमाचार: जम्मे मन्सावानिके मुक्तिक पइडावामा पुगावेके परमेस्वरक सत्य वचन हखइ। याको थाह पावेके तहिँया सबद यरथमा हेरहुँ। यसके सुरु भेलइ। 2यसइया अगमवक्तावाक कितबवामा लिखइलि यनुसार
“परमप्रभु परमेस्वर कहलसि, ‘हेरहि, मुइ तोर पइडा तयार पारेके तहिँया,
मोर दुतवाके तोरसे यागा पठोबहि।’#मलाकि ३:१
3याबे सुनह, उराठ-ठउरियामा एक जन जबड माहे चिल्लाके यसके कहइ बडिय,
‘प्रभुक पइडा तयार पारह,
हुनेक पइडावाह सोझ बनोह’!”#यसइया ४०:३
4उहेसे बप्तिस्मा देलाहर युहन्ना उराठ-ठउरियामा याके यसके कहके परचार करलिय, “तोहरा यापन-यापन पाप मानके छडह हसे बप्तिस्मा लेह तके परमेस्वर तोहार पापसभ छमा करबसि।” 5तखनहिँ जम्मे यहुदिया छेतरसे हसे यरुसलेम सहरवाक मन्सावाह युहन्नाक लघिना यलइ तके यापन-यापन पाप मनते वकरसे यरदन लदियामा बप्तिस्मा लेलइ। 6युहन्ना उटक रउसे बिनल लुगा लगोइय हसे ठेकनवामा छालाक फाड बन्हिय। उअ सलह हसे वन-मधुक रस खइय।#२ राजा १:८ 7युहन्ना यसके कहते मन्सावानिके परचार करिय, “हेरह, मोर पाछा एक जन यवइ बडसि, जुने मोरसे याको सक्तिसालि बडसि। मुइ त ओन्हगातके हुनेक चप्पलक फितवा फोवेके लाइक फेनि हइने बडहिँ। 8मुइ त तोहराके पानिसे बप्तिस्मा देइ बडहिँ, बाकि हुने तोहराके पवितर-आत्मासे बप्तिस्मा देबसि।”
येसुजिक बप्तिस्मा
(मति ३:१३-१७; ४:१-११; लुका ३:२१-२२; ४:१-१३)
9उहे समयमा येसुजि गालिल छेतरक नासरत सहरवासे याके युहन्नासे यरदन लदियामा बप्तिस्मा लेलसि। 10येसुजि पनियासे बाहरा निकडतेकि हुने स्वरग खोलाइल हसे पवितर-आत्माके घुटुरिक रुपमा यापन वपरा यवइकि देखलसि, 11हसे स्वरगसे यसनुक कहइकि स्वर यलइ, “तुइ मोर सोगावल पुतर हखहि, मुइ तोरसाङे गहनि खुसि बडहिँ।”#भजन २:७; यसइया ४२:१; मति १२:१८; मरकुस ९:७
12वकरपाछा वइघरहिँ पवितर-आत्मा येसुजिके उराठ-ठउरियामा लिगलसि। 13वहवाँ सइतनवा चालिस दिनलइ येसुजिके पापमा फसावके तहिँया परिछा#१:१३ परिछा: जुन चिजु मन्सावाके पाप करेके लगोसिय हसे उल्कोसिय वकरहिँके परिछा कहसइ। करलिय। हुने वहवाँ वन-पसुवानिसाङे रहलसि हसे स्वरगदुतवाह हुनेक सेवा-सत्कार करलइ।
येसुजि चार जन मछुरियानिके बलोलसि
(मति ४:१२-२२; लुका ४:१४-१५; ५:१-११)
14किहो जुन पाछा बप्तिस्मा देलाहर युहन्ना झ्यालखनवामा परलेपर येसुजि गालिलमा जाके परमेस्वरक सुसमाचार परचार करे लगलसि। 15हुने कहलसि, “याबे जुन पुरा भेल बडइ, परमेस्वरक राज#१:१५ परमेस्वरक राज: परमेस्वरक राज कहले परमेस्वरक सासन करना ठउरि हखइ। जहवाँ परमेस्वर अधिकारसे राज करससि। याको थाह पावेके तहिँया सबद यरथमा हेरहुँ। लजिके यापुगल बडइ। उहेसे तोहरा यापन-यापन पाप मानके छडह हसे सुसमाचारमा विस्वास करह।”#मति ३:२
16जब एक दिन येसुजि गालिल तलवाक तिरवामा बुलइ रहलसि, तब हुने सिमोन हसे वकर भयवा अन्द्रियासके तलवामा जाल खेपइकि देखलसि। केहकेकि हुनुका मछुरियाह रहलइ। 17येसुजि हुनुकाके कहलसि, “तोहरा माछरि मारे जनले बडह। याबे मोर पाछा लगह, मुइ तोहराके मोर लघिना मन्से यानेके सिखोबहिँ।” 18हुनुका वइघरहिँ यापन जलवाह छाडके हुनेक पाछा लगलइ।
19जब येसुजि तलवाक तिरवाक इचिका वताहुँ गेलसि, वहवाँ हुने जब्दियाक बेटवा याकुब हसे वकर भयवा युहन्नाके यापन डोङवामा जलवाह सनइ देखलसि। 20येसुजि हुनुकाके वइघरहिँ बलोलसि हसे हुनुका यापन बाबा जब्दियाके काम करलहरानिसाङे डोङवामा छाडके येसुजिक पाछा लगलइ।
येसुजि दुस्ट-आत्मा लागल मन्सेके डउल बनोलसि
(लुका ४:३१-३७)
21येसुजि यापन चेलवानिसाङे कफरनहुम सहरवामा गेलसि हसे विसराम दिनवामा हुने सभाघरवामा#१:२१ सभाघर: यहुदि जतियानिक कचहेरि करना, धरमसास्तरक किताब लिखइलि यनुसार उअ ठउरियामा सिछा सिखावेके हसे आराधना करना ठउरियाके सभाघर कहसइ। याको थाह पावेके तहिँया सबद यरथमा हेरहुँ। जाके सिछा देवे लगलसि। 22हुनेक सिछा सुनके वहवाँक मन्सावाह छक परलइ, केहकेकि हुने याको व्यवस्थाक-गुरुसभ नहिँया हइने, बाकि अधिकार पावल मन्से नहिँया सिखोसि।#मति ७:२८-२९ 23तखनहिँ उअ सभाघरवामा एक जन दुस्ट-आत्मा लागल मन्से रहलिय। उअ मन्सावा जबड माहे चिलइते यसके कहलिय, 24“हे नासरतक येसु, यपनहुँ हमराके कथि करे खोजइ बडहुँ? कथि यपनहुँ हमराके नास करे याइल बडहुँ? यपनहुँ परमेस्वरक पवितर जन हखहुँ कहके मुइ चिनसहिँ।”
25बाकि येसुजि दुस्ट-आत्माके डाटके कहलसि, “चुप लाग हसे इअ मन्सावासे निकडके जइबे करहि!” 26तब दुस्ट-आत्मा उअ मन्सावाके यइठगोइठ पारके जबड माहे चिलइते वकरसे निकडके गेलिय।
27तब जम्मे मन्सावाह छक परके एक दोसरिसाङे यसके बात करे लगलइ, “इअ कस्नुक सिछा हखइ त? इअ मन्सावा त भुतवानिके अधिकार सहित हुकुम देसिय हसे भुतवाह फेनि यकर बतवा मनसइ।” 28उहेसे येसुजिक चरचा वइघरहिँ गालिल छेतरक चारिवर फइललइ।
येसुजि बहुत मन्सेके डउल बनोलसि
(मति ८:१४-१७; लुका ४:३८-४१)
29वकरपाछा येसुजि वइघरहिँ सभाघरवासे निकडके, याकुब हसे युहन्नासाङे सिमोन हसे अन्द्रियासक घरवामा गेलसि। 30तखनहिँ सिमोनक ससुइया जर लागके बिछोनवमा थाला परल रहलिय। येसुजि यइतेकि घरवाक मन्सावाह वकर बारेमा हुनेके कहदेलइ। 31उहेसे येसुजि सिमोनक ससुइयाक लजिके जाके वकर हथवा पकडके उठोलसि। तब वकर जरवा वकरेके छडबे करलिय हसे उअ हुनुकर सेवा करे लगलिय।
32उहे दिन बेरियावा डुबके साँझ भेलेपर, मन्सावाह बहुत खलिक रोग हसे भुत लागल मन्सेसभके येसुजि लघिना यनलइ, 33हसे कफरनहुम सहरवाक जम्मे मन्सावाह उअ घरवाक यागा जामा भेलइ। 34तब येसुजि जम्मे खलिक रोग लागल मन्सेसभके डउल बनोलसि हसे बहुत मन्सेसे भुतसभ फेनि निकडोलसि। बाकि येसुजि भुतवानिके फदके हइने देलसि, केहकेकि भुतवाह हुनेके चिनले रहलइ।
येसुजि गालिल छेतरमा परचार करलसि
(लुका ४:४२-४४)
35दोसरि दिन बिहान भेलिसे यागा, येसुजि एगुडा सुनसान ठउरिमा जाके परथाना करे लगलसि। 36बाकि सिमोन हसे वकर सङहतियवाह हुनेके खोजते गेलइ। 37हुनुका येसुजिके पउलेपर हुनेके कहलइ, “जम्मे जन यपनहुँके खोजइबडइ!”
38येसुजि इअ बतवा सुनके हुनुकाके यसके कहलसि, “हमरा यासपासक गउँवाहमा फेनि जाउँ। ताकि मुइ वहवाँ फेनि परचार करे सकहि। केहकेकि मुइ इहे कमवाक तहिँया याइल बडहिँ।” 39उहेसे येसुजि गालिल छेतरमा भेलि सभाघरवाहमा परचार करलसि हसे भुतवानिके निकडोलसि।#मति ४:२३; ९:३५
बडकि दुःखवा लागल मन्से डउल भेल
(मति ८:१-४; लुका ५:१२-१६)
40एक दिन एक जन बडकि दुःखवा लागल मन्से येसुजि लघिना याके ठेहुँनाके यसके कहके बिन्ति करते कहलिय, “यपनहुँ चाहबहुँ जउँ मोरके डउल बनावे सकबहुँ।”
41तब इअ सुनके येसुजिक हृदय दायासे भरेलइ हसे हुने यापन हथवा पसराके वकरेके छुके कहलसि, “मुइ चाहसहिँ कि तुइ डउल हख।” 42तब वइघरहिँ वकर बडकि दु:खवा हटलइ हसे उअ डउल भेलिय।
43वकरपाछा येसुजि वकरेके काडासे आग्या देके जाहि कहके कहलसि, 44“हेरहि, तुइ इअ बतवा ककरहुँके फेनि झिन कहसि, बाकि पुजेरियाक लघिना जाके यपनहिँके देखोसि हसे मोसाक कहलि नहिँया भोग चढाके डउल भेलिक परमान देसि।”#लेवि १३:४९; १४:१-३२ 45बाकि उअ मन्सावा जाके यापन डउल भेलि बतवा जम्मे ठउरियामा सुनोलिय। उहेसे येसुजि कुनहुँ फेनि सहरवामा खुल्लमखुल्ला जाए हइने सकलेसे सहरवाक बाहरा रहलसि, ताफेनि मन्सावाह चारिवरसे हुने लघिना यलइ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society