मार्कुस 2
2
येसुङा पुप्साब्याना याॽमि नुमेतुना
(मात्ति ९:१-८; लुका ५:१७-२६)
1एहिलेन हेक्साङ् येसु काफार्नाहुम साहारबे लासा॥ उङ् पाङ्बे वेॽना बाङ्ना ङ्खेप्सुहोङ् 2प्याक याॽमिचि न्छुप्सा॥ खिङ् प्याक न्छुप्सामासा वालाम्बुङ्गा पाखा चा याॽमि ङ्होन्दुक्सान्चिन॥ येसुङा ङ्खा याॽमिचि निङ्वाफुमागा चेॽया चिन्मास्या॥
3ङ्खिङ्बेला याॽमिचिङा उलाङ्-उमुक पुप्साब्याना एको तुखाबाङ् न्नाबे न्दा॥ न्ना तुखाबाङ् ना जाना याॽमिचिङा ङ्खुक्सा॥ 4ङ्खाचिङा न्नाबे प्याक याॽमि ङ्वायानाङा न्ना तुखाबाङ् येसुगा उयुम्बे तामेॽमा ङ्यासुनिन॥ न्हाङा येसु वायानागा तो सिधा पाङ्गा मोम्दालुङ् ङ्ङोक्तुहोङ् न्ना तुखाबाङ् नेथामनुङ् ताम्बा येसुगा उयुम्बे ङ्ङाएन्दु॥ 5येसुङा ङ्खाचिगा बिस्वास निसुहोङ् न्ना पुप्साब्याना याॽमि खाॽला लु, “ओ काम्निभाक, ङ्गा घाक पाप छेमा लेक्सामाहा॥”
6खा ङ्खेप्सुहोङ् न्नाबे ङ्वायाहा धार्मासाप्ला चिन्खुबाचिङा उङ्चि निङ्वाबे खाॽला ङ्गाया, 7“ना याॽमि इजाङ् खाॽला चेङ्मेॽना? खा चेॽया गो निङ्वाफुमागा निन्दा लेङ्माहा चेॽया ओम॥ पाप छेमा गो निङ्वाफुमाङा सेॽले चोक्मा यास्वा, याॽमिङा चा चोक्मा यास्वाहायि?”
8येसुङा सोलोक ङ्खाचिगा निङ्वाबेॽहा चेॽया था तोक्तुहोङ् खाॽला लुचि, “न्निङ्दा इजाङ् खाॽला मितिॽवाघा? 9ना पुप्साब्याना याॽमि ‘ङ्गा पाप छेमा लेक्साहा’ लुॽमायेम ‘न्नेथाम इगुघोङ् लामा’ लुॽमा हेॽना च्हेन साजिलोना? 10ङ्खाॽनिङ्गो सोयानुम, ना ताम्दाङ्फुमाबे याॽमिगा उच्यानुङ् पाप छेमा चोक्माहा चोक्तोक वेॽहा बाङ्ना चेॽया न्निङ्दा था तोक्तानुम॥” न्हाङ् उङा न्ना तुखाबाङ् लु, 11“का न्दा लुमेॽनेन, हाकु पोगा न्हाङ् न्नेथाम खुघोङ् म्बाङ्बे ख्या॥” 12ङ्खिङ्बेलामाङ् घाकङा न्सोहेक्सुनुङ् न्ना याॽमि मुथिङ्गिरिक पोगा न्हाङ् ओनेथाम खुहोङ् लामाख्या॥ न्नाबेॽहा याॽमिचि च्हेन आच्चाम्मा ङ्ङेताहोङ् निङ्वाफुमागा माहिमा चोक्साङ् खाॽला कामा न्दाक्रोक्तु, “खाॽलाहा गो कानिङ् हेॽनिङ्चा न्निसुक्साम्ङान्हा॥”
येसुङा तिरो पोक्खुबा लेबि काना
(मात्ति ९:९-१३; लुका ५:२७-३२)
13येसु फेरि गालिल तालगा उलाप्पे ख्या॥ न्नाबे प्याक याॽमिचि न्छुप्सा न्हाङ् येसुङा ङ्खाचि चिन्दुचि॥ 14न्हाङा न्नाभाङ् खेॽमास्यानिङ् उङा आल्फायासका उच्या लेबि तिरो हुङ्माना पाङ्बे युङामासाना निसु॥ न्हाङ् येसुङा न्ना लु, “कानुङ् लामा॥” खा खेप्सुहोङ् उङ् पोगाहोङ् येसुगा हेक्साङ् लाचोगा॥
15हेक्साङ् येसु लेबिगा पाङ्बे ख्याहोङ् उका चेलाचिनुङ् चामा चासे युङा॥ ङ्खिङ्बेला येसुगा हेक्साङ् लान्जोगाहा तिरो पोक्खुबा याॽमिचि नुङ् हेकोहाचा प्याक पापिचि न्नाबे उङ्चिनुङ् चासे ङ्युङामासा, इजाङ्बाङ्निङ् उका हेक्साङ् लाचोक्खुबा याॽमिचि प्याक न्साया॥ 16ङ्खिङ्बेला ब्यावास्था चिन्खुबा फारिसिचिङा येसु खाॽला तिरो पोक्खुबा याॽमिचि न्हाङ् हेकोहा पापिचिनुङ् युङाहोङ् चाम्योङ्बा चामास्याना न्निसुहोङ् उका चेलाचि खाॽला न्लुचि, “उङा इजाङ् पापिचि, तिरो पोक्खुबाचिनुङ् युङ्मेहोङ् चाम्योङ्बा च्वाहा?”
17ङ्खाचिगा चेॽया खेप्सुहोङ् येसुङा पोलोवा पिचि, “न्दुगाब्यान्ना याॽमिगा लागि सिधाक्राङ्बा चाहाबान्जोङ्मेन, ङ्खाॽनिङ्गो तुखाबाङ्गा लागि से चाहाचोङ्मेॽना॥ ङ्खाॽलामाङ् का चा धार्मोति याॽमिचि मेन्ना, ङ्खाॽनिङ्गो पापिचि उङ्चिगा पाप पाहाङ् न्लानिभोङ् कासे तायाङ्ना ओम॥”
उपाबासका उतुम्बे छिम्योक
(मात्ति ९:१४-१७; लुका ५:३३-३९)
18इलेन बाप्तिस्मा पिखुबा युहान्नागा चेलाचि नुङ् फारिसिचि उपाबास ङ्युङामासानिङ् एकोहिप्पाङ् याॽमिचि येसु वायानाबे न्दायाहोङ् न्लु, “युहान्ना नुङ् फारिसिचिगा चेलाचि उपाबास ङ्युङ्मे, ङ्खाॽनिङ्गो ङ्गा चेलाचि च्हेन इजाङ् उपाबास ङ्युङ्मेनिन्हा?”
19येसुङा ङ्खाचि लुचि, “इना थाङ्छेङ्गा होक्ताबे न्दायाहा खोलोङ्बाचि थाङ्स्योङ्बा उङ्चिनुङ् वानुङ् सोम्मा इहाचा मेन्जाले ङ्वामेहायि? थाङ्स्योङ्बा ङ्खाचिनुङ् वामेॽनुङ् सोम्मा ङ्खाचि इसा चा उपाबास ङ्युङ्मेनिन्बा! 20ङ्खाॽनिङ्गो ङ्खाॽलाहा लेनचि चा न्दामे, जोबो थाङ्स्योङ्बा ङ्खाचिभाङ् फोङ्मे न्हाङा ङ्खाचि उपाबास ङ्युङ्मेहा॥
21 “इसाङा चा उलिप्पा तेक ओछोङा तेक्का टालोङा न्लेप्त्वान्ना॥ लेप्तुभोङ् न्ना ओछोङाना तेकङा न्ना उलिप्पा तेक झान प्याक नाघाक्स्वा॥
22 “न्हाङा इसाङा चा ओछोङा सिम्लेॽमाङ्गा माध उलिप्पाना ह्वारिक्का खेसुप्पे # २:२२ ङ्खिङ्बेला मेन्थुॽलेहा पोसुचिगा ह्वारिक्का खेसुप्पे याङ्माहा चालान वाया॥ ङ्युक्स्वान्हा, युक्सुभोङ् न्ना खेसुप पेङ्खेमे न्हाङ् सिम्लेॽमाङ्गा माध चा फोम्खेमे॥ न्हाङामाङ् ओछोङा सिम्लेॽमाङ्गा माध ओछोङाना ह्वारिक्का खेसुप्पेॽमाङ् युङ्माहा॥”
आराम चोक्माना लेनगा उतुम्बे छिम्योक
(मात्ति १२:१-८; लुका ६:१-५)
23इमा आराम चोक्माना लेन येसु गाउहामगा लाम्बु लेङ्साङ् खेॽमास्या॥ ङ्खिङ्बेला उका चेलाचिङा गाउगा बाला सेम्मा न्दारोक्तु॥#ब्यावास्था २३:२५ 24खा न्निसुहोङ् फारिसिचिङा येसु न्लु, “सो, आराम चोक्माना लेनबे ब्यावास्थाङा चोक्मा न्लेङ्मेन्हा कायामाहा काम ङ्गा चेलाचिङा इजाङ् न्जोग्वाहा?”
25येसुङा ङ्खाचि खाॽलाना पोलोवा पिचि, “दाउद नुङ् उकाम्निभाकचि उङ्चिनुङ् इहाचा म्मायान्होङ् साॽङा न्स्यानिङ् दाउद इ चोगाना? न्निङ्दा धार्मासाप्लाबे पोढा न्जोगुक्सुम्गान्हा?#१ सामुएल २१:१-६ 26आबियाथार मा-हाङ्खुबा सायानिङ् दाउद निङ्वाफुमापाङ्बे उया न्हाङ् निङ्वाफुमाबे तिसाहा चालेप्पा उङा चो॥ ङ्खा चालेप्पा एङ्गा ब्यावास्थाबे छेप्ताहा लोॽवा ओमभोङ् हाङ्खुबाचिङा से चामा लेङ्माहा साया॥ ङ्खाॽनिङ्गो दाउदङा गो उङा से मेन्ना उकाम्निभाकचि चा चामेतुचि॥”#लेबि २४:९
27येसुङा चेॽया याॽनिसाङ् खाॽला लुचि, “याॽमि आराम चोक्माना लेनगा लागि न्जोगाहा मेनिन्हा, ङ्खाॽनिङ्गो याॽमिगा लागि च्हेन आराम चोक्माना लेन चोगाना ओम॥ 28न्हाङामाङ् याॽमिगा उच्या आराम चोक्माना लेनगा चा हाङ्बाङान॥”
Currently Selected:
मार्कुस 2: YAKH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मार्कुस 2
2
येसुङा पुप्साब्याना याॽमि नुमेतुना
(मात्ति ९:१-८; लुका ५:१७-२६)
1एहिलेन हेक्साङ् येसु काफार्नाहुम साहारबे लासा॥ उङ् पाङ्बे वेॽना बाङ्ना ङ्खेप्सुहोङ् 2प्याक याॽमिचि न्छुप्सा॥ खिङ् प्याक न्छुप्सामासा वालाम्बुङ्गा पाखा चा याॽमि ङ्होन्दुक्सान्चिन॥ येसुङा ङ्खा याॽमिचि निङ्वाफुमागा चेॽया चिन्मास्या॥
3ङ्खिङ्बेला याॽमिचिङा उलाङ्-उमुक पुप्साब्याना एको तुखाबाङ् न्नाबे न्दा॥ न्ना तुखाबाङ् ना जाना याॽमिचिङा ङ्खुक्सा॥ 4ङ्खाचिङा न्नाबे प्याक याॽमि ङ्वायानाङा न्ना तुखाबाङ् येसुगा उयुम्बे तामेॽमा ङ्यासुनिन॥ न्हाङा येसु वायानागा तो सिधा पाङ्गा मोम्दालुङ् ङ्ङोक्तुहोङ् न्ना तुखाबाङ् नेथामनुङ् ताम्बा येसुगा उयुम्बे ङ्ङाएन्दु॥ 5येसुङा ङ्खाचिगा बिस्वास निसुहोङ् न्ना पुप्साब्याना याॽमि खाॽला लु, “ओ काम्निभाक, ङ्गा घाक पाप छेमा लेक्सामाहा॥”
6खा ङ्खेप्सुहोङ् न्नाबे ङ्वायाहा धार्मासाप्ला चिन्खुबाचिङा उङ्चि निङ्वाबे खाॽला ङ्गाया, 7“ना याॽमि इजाङ् खाॽला चेङ्मेॽना? खा चेॽया गो निङ्वाफुमागा निन्दा लेङ्माहा चेॽया ओम॥ पाप छेमा गो निङ्वाफुमाङा सेॽले चोक्मा यास्वा, याॽमिङा चा चोक्मा यास्वाहायि?”
8येसुङा सोलोक ङ्खाचिगा निङ्वाबेॽहा चेॽया था तोक्तुहोङ् खाॽला लुचि, “न्निङ्दा इजाङ् खाॽला मितिॽवाघा? 9ना पुप्साब्याना याॽमि ‘ङ्गा पाप छेमा लेक्साहा’ लुॽमायेम ‘न्नेथाम इगुघोङ् लामा’ लुॽमा हेॽना च्हेन साजिलोना? 10ङ्खाॽनिङ्गो सोयानुम, ना ताम्दाङ्फुमाबे याॽमिगा उच्यानुङ् पाप छेमा चोक्माहा चोक्तोक वेॽहा बाङ्ना चेॽया न्निङ्दा था तोक्तानुम॥” न्हाङ् उङा न्ना तुखाबाङ् लु, 11“का न्दा लुमेॽनेन, हाकु पोगा न्हाङ् न्नेथाम खुघोङ् म्बाङ्बे ख्या॥” 12ङ्खिङ्बेलामाङ् घाकङा न्सोहेक्सुनुङ् न्ना याॽमि मुथिङ्गिरिक पोगा न्हाङ् ओनेथाम खुहोङ् लामाख्या॥ न्नाबेॽहा याॽमिचि च्हेन आच्चाम्मा ङ्ङेताहोङ् निङ्वाफुमागा माहिमा चोक्साङ् खाॽला कामा न्दाक्रोक्तु, “खाॽलाहा गो कानिङ् हेॽनिङ्चा न्निसुक्साम्ङान्हा॥”
येसुङा तिरो पोक्खुबा लेबि काना
(मात्ति ९:९-१३; लुका ५:२७-३२)
13येसु फेरि गालिल तालगा उलाप्पे ख्या॥ न्नाबे प्याक याॽमिचि न्छुप्सा न्हाङ् येसुङा ङ्खाचि चिन्दुचि॥ 14न्हाङा न्नाभाङ् खेॽमास्यानिङ् उङा आल्फायासका उच्या लेबि तिरो हुङ्माना पाङ्बे युङामासाना निसु॥ न्हाङ् येसुङा न्ना लु, “कानुङ् लामा॥” खा खेप्सुहोङ् उङ् पोगाहोङ् येसुगा हेक्साङ् लाचोगा॥
15हेक्साङ् येसु लेबिगा पाङ्बे ख्याहोङ् उका चेलाचिनुङ् चामा चासे युङा॥ ङ्खिङ्बेला येसुगा हेक्साङ् लान्जोगाहा तिरो पोक्खुबा याॽमिचि नुङ् हेकोहाचा प्याक पापिचि न्नाबे उङ्चिनुङ् चासे ङ्युङामासा, इजाङ्बाङ्निङ् उका हेक्साङ् लाचोक्खुबा याॽमिचि प्याक न्साया॥ 16ङ्खिङ्बेला ब्यावास्था चिन्खुबा फारिसिचिङा येसु खाॽला तिरो पोक्खुबा याॽमिचि न्हाङ् हेकोहा पापिचिनुङ् युङाहोङ् चाम्योङ्बा चामास्याना न्निसुहोङ् उका चेलाचि खाॽला न्लुचि, “उङा इजाङ् पापिचि, तिरो पोक्खुबाचिनुङ् युङ्मेहोङ् चाम्योङ्बा च्वाहा?”
17ङ्खाचिगा चेॽया खेप्सुहोङ् येसुङा पोलोवा पिचि, “न्दुगाब्यान्ना याॽमिगा लागि सिधाक्राङ्बा चाहाबान्जोङ्मेन, ङ्खाॽनिङ्गो तुखाबाङ्गा लागि से चाहाचोङ्मेॽना॥ ङ्खाॽलामाङ् का चा धार्मोति याॽमिचि मेन्ना, ङ्खाॽनिङ्गो पापिचि उङ्चिगा पाप पाहाङ् न्लानिभोङ् कासे तायाङ्ना ओम॥”
उपाबासका उतुम्बे छिम्योक
(मात्ति ९:१४-१७; लुका ५:३३-३९)
18इलेन बाप्तिस्मा पिखुबा युहान्नागा चेलाचि नुङ् फारिसिचि उपाबास ङ्युङामासानिङ् एकोहिप्पाङ् याॽमिचि येसु वायानाबे न्दायाहोङ् न्लु, “युहान्ना नुङ् फारिसिचिगा चेलाचि उपाबास ङ्युङ्मे, ङ्खाॽनिङ्गो ङ्गा चेलाचि च्हेन इजाङ् उपाबास ङ्युङ्मेनिन्हा?”
19येसुङा ङ्खाचि लुचि, “इना थाङ्छेङ्गा होक्ताबे न्दायाहा खोलोङ्बाचि थाङ्स्योङ्बा उङ्चिनुङ् वानुङ् सोम्मा इहाचा मेन्जाले ङ्वामेहायि? थाङ्स्योङ्बा ङ्खाचिनुङ् वामेॽनुङ् सोम्मा ङ्खाचि इसा चा उपाबास ङ्युङ्मेनिन्बा! 20ङ्खाॽनिङ्गो ङ्खाॽलाहा लेनचि चा न्दामे, जोबो थाङ्स्योङ्बा ङ्खाचिभाङ् फोङ्मे न्हाङा ङ्खाचि उपाबास ङ्युङ्मेहा॥
21 “इसाङा चा उलिप्पा तेक ओछोङा तेक्का टालोङा न्लेप्त्वान्ना॥ लेप्तुभोङ् न्ना ओछोङाना तेकङा न्ना उलिप्पा तेक झान प्याक नाघाक्स्वा॥
22 “न्हाङा इसाङा चा ओछोङा सिम्लेॽमाङ्गा माध उलिप्पाना ह्वारिक्का खेसुप्पे # २:२२ ङ्खिङ्बेला मेन्थुॽलेहा पोसुचिगा ह्वारिक्का खेसुप्पे याङ्माहा चालान वाया॥ ङ्युक्स्वान्हा, युक्सुभोङ् न्ना खेसुप पेङ्खेमे न्हाङ् सिम्लेॽमाङ्गा माध चा फोम्खेमे॥ न्हाङामाङ् ओछोङा सिम्लेॽमाङ्गा माध ओछोङाना ह्वारिक्का खेसुप्पेॽमाङ् युङ्माहा॥”
आराम चोक्माना लेनगा उतुम्बे छिम्योक
(मात्ति १२:१-८; लुका ६:१-५)
23इमा आराम चोक्माना लेन येसु गाउहामगा लाम्बु लेङ्साङ् खेॽमास्या॥ ङ्खिङ्बेला उका चेलाचिङा गाउगा बाला सेम्मा न्दारोक्तु॥#ब्यावास्था २३:२५ 24खा न्निसुहोङ् फारिसिचिङा येसु न्लु, “सो, आराम चोक्माना लेनबे ब्यावास्थाङा चोक्मा न्लेङ्मेन्हा कायामाहा काम ङ्गा चेलाचिङा इजाङ् न्जोग्वाहा?”
25येसुङा ङ्खाचि खाॽलाना पोलोवा पिचि, “दाउद नुङ् उकाम्निभाकचि उङ्चिनुङ् इहाचा म्मायान्होङ् साॽङा न्स्यानिङ् दाउद इ चोगाना? न्निङ्दा धार्मासाप्लाबे पोढा न्जोगुक्सुम्गान्हा?#१ सामुएल २१:१-६ 26आबियाथार मा-हाङ्खुबा सायानिङ् दाउद निङ्वाफुमापाङ्बे उया न्हाङ् निङ्वाफुमाबे तिसाहा चालेप्पा उङा चो॥ ङ्खा चालेप्पा एङ्गा ब्यावास्थाबे छेप्ताहा लोॽवा ओमभोङ् हाङ्खुबाचिङा से चामा लेङ्माहा साया॥ ङ्खाॽनिङ्गो दाउदङा गो उङा से मेन्ना उकाम्निभाकचि चा चामेतुचि॥”#लेबि २४:९
27येसुङा चेॽया याॽनिसाङ् खाॽला लुचि, “याॽमि आराम चोक्माना लेनगा लागि न्जोगाहा मेनिन्हा, ङ्खाॽनिङ्गो याॽमिगा लागि च्हेन आराम चोक्माना लेन चोगाना ओम॥ 28न्हाङामाङ् याॽमिगा उच्या आराम चोक्माना लेनगा चा हाङ्बाङान॥”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society