मार्कुस 3
3
येसुङा उमुक हेराब्याना याॽमि नुमेतुना
(मात्ति १२:९-१४; लुका ६:६-११)
1येसु हेकोना खेप फेरि याहुदि छुम्पाङ्बे ख्या, ङ्खिङ्बेला न्नाबे उमुक हेराब्याना एको याॽमि वाया॥ 2याॽमिचिङा च्हेन आराम चोक्माना लेनबे न्ना याॽमि नुमेत्वाहोङ् आप्दिक एम्मा तोक्त्वाम्ङाना लोप्पिभोङ् माउका न्सोनेसुक्सा॥ 3येसुङा न्ना उमुक हेराब्याना याॽमि खाॽला लु, “नाखे आबाघोङ् घाक्का उयुम्बे चेङ् येबा॥” 4न्हाङा येसुङा याॽमिचि छिम्दुचि, “लु कायानि, एङ्गा ब्यावास्थाङा आराम चोक्माना लेनबे इचोक्मा लेङ्मेहा कामेॽना? उचुन चोक्मायेम, इसिॽनुङ् चोक्मायेम? हिङ्मेॽमायेम, सिमायेम?” ङ्खाॽनिङ्गो ङ्खा याॽमिचिङा उङ् इहाचा पोलोवा म्बिनिन॥ 5न्हाङ् येसुगा तुक्नुङ् ओलोक खोताहोङ् घाक याॽमिचि उचुन सोचि॥ ङ्खा याॽमिचिगा ङ्खाॽलाना छाक्ना निङ्वा निसुहोङ् येसुगा तुक्नुङ् उनिङ्वा तुगा॥ न्हाङा उङा न्ना याॽमि लु, “म्मुक सोसु!” न्हाङा न्नाङा उमुक सोसु, ङ्खिङ्बेलामाङ् उका उमुक नुयाब्या॥
6न्हाङा ङ्खा फारिसिचि न्नाभाङ् न्लोन्दाख्या न्हाङ् सोलोक हेरोदका याॽमिचिनुङ् न्दुबाहोङ् येसु इमिन सिमाना भोङ् चेॽया ङ्हुप्तु॥
प्याक याॽमिचि येसुगा हेक्साङ् लान्जोगाहा
7न्हाङा येसु उका चेलाचिनुङ् गालिल तालगा उयुम्बे ख्या, न्हाङ् गालिल लिङ्खामभाङ् प्याक याॽमिचि उका हेक्साङ् लान्जोगा॥ 8येसुङा चोगुहा आच्चाम्माहा कामगा उतुम्बे ङ्खेप्सुहोङ् याहुदिया, यारुसालेम, इदुमिआ नुङ् यार्दान होङ्मागा योप्पारिक्हा ठोङ्चिभाङ् न्हाङा टुरोस नुङ् सिदोन साहारगा ओरिपोरिहा ठोङ्चिभाङ् चा प्याक याॽमिचि न्नाबे न्दाया॥ 9येसुङा ङ्खा प्याक याॽमिचिङा म्बाॽनिन्निभोङ् उका लागि चेलाचि एको डुङ्गा त्यार चोक्मेतुचि॥
10उङा न्नाबे प्याक याॽमिचि नुमेतुक्साचि, न्हाङामाङ् तुखाबाङ्चि घाकङा उङ् तोक्निमागा उङ्लेम कालेम न्जोक्मास्या॥#मार्कुस ४:१; लुका ५:१-३ 11इसिॽहा मुइङा याक्सुचिहा याॽमिचिङा येसु न्निसुना सोलोक उका ओन्दाङ् फोप फोप्साङ् खाॽला कासाङ् ङ्ओक्ता, “न्दा निङ्वाफुमागा उच्यागान!” 12ङ्खाॽनिङ्गो येसुङा “का इसाङान बाङ्ना चेॽया इसा चा ङ्योक्मेतानुम्चिनिन” लुचिहोङ् ङ्खा इसिॽहा मुइचि आग्गे पिचि॥
येसुङा एहिच चेला सेगुचिहा
(मात्ति १०:१-४; लुका ६:१२-१६)
13न्हाङा येसु एको कोङ्गुबे थाङा, थाङाहोङ् उङा खेॽमा मितुचिहा चेलाचि काचि न्हाङ् ङ्खाचि येसुगा उयुम्बे ङ्ख्या॥ 14येसुङा उङ्नुङ् वामागा, याॽमिचि नुसाला खेम्मेसे पाङ्मागा एहिच जाना सेगुचिहोङ् सेगुम्पाकचि भोङ् उङ्चि निङ् पिचि॥ 15न्हाङा ङ्खाचि इसिॽहा मुइचि लोन्हाङ्माना चोक्तोक चा पिचि॥ 16येसुङा सेगुचिहा एहिच चेलाचि खाचि न्साया– सिमोन, न्नागा उनिङ् येसुङा पात्तुरुस युक्सुबि॥ 17जाब्दियागा हिप्पाङ् उच्याचि याकुब नुङ् युहान्ना, ङ्खाचिगा उङ्चि निङ् येसुङा “बोआनार्गेस” युक्सुबिचि, न्नागा तुम्बिला ओम “घुरुङ्बागा#३:१७ पेरछोॽवा आमेॽनिङ् ताङ्खेङ्बे काखुबा घुरुङ्॥ उच्याचि॥” 18न्हाङ् आन्दिरियास, फिलिप, बार्थोलोमाइ, मात्ति, थोमा, आल्फायासका उच्या याकुब, थेदियास नुङ् खाम्युकभाक्ता बाङ्ना छुमगा सिमोन 19न्हाङ् याहुदा इस्कारियोत (न्नाङा हेक्साङ् येसु लाप्मेतुचि)॥
येसु नुङ् बाल्जिबुल
(मात्ति १२:२२-३२; लुका ११:१४-२३; १२:१०)
20न्हाङा येसु पाङ्होङ्बे उया॥ न्नाबे चा फेरि खिङ् प्याक याॽमिचि न्छुप्सा, येसु नुङ् उका चेलाचिङा चाम्योङ्बा चामा चा न्दोक्तुनिन॥ 21खा चेॽया ङ्खेप्सुहोङ् येसुगा पाङ्बेॽहाचि उङ् लाल्लासे ङ्ख्या इजाङ्बाङ्निङ् “उका उनिङ्वा हिक्साख्यामाना” भोङ् याॽमिचि ङ्गामास्या॥
22यारुसालेम साहारभाङ् न्दायाहा धार्मासाप्ला चिन्खुबाचिङा च्हेन खाॽला न्लु, “ना याॽमिबे बाल्जिबुल बाङ्ना इसिॽहा मुइचिगा खाङ्खाङ्बा वान्ने, न्हाङा न्नागा साक्तिङामाङ् उङा इसिॽहा मुइचि लोन्धाक्स्वाचिहा॥”#मात्ति ९:३४; १०:२५; लुका ११:१५
23ङ्खाॽनिङ्गो येसुङा ङ्खा धार्मासाप्ला चिन्खुबाचि काचिहोङ् खा चेॽयागा उतुम्बे एको खाॽलाना ताप्चेॽया लुचि, “साइतानङा साइतान इमिन लोन्नाहाङ्मा यास्वाना? 24हेॽना राज्या बेॽहा याॽमिचि उङ्चि-उङ्चि ङ्खिमे-न्दुमे न्ना राज्या नास लेङ्मेॽना॥ 25न्हाङा हेॽना पाङ्बेॽहा याॽमिचि उङ्चि-उङ्चि ङ्खिमे-न्दुमे न्ना पाङ् चा नास लेङ्मेॽना॥ 26ङ्खाॽलामाङ् साइतानगा राज्याबे चा उङ्चि-उङ्चि मेन्दोङ्ले ङ्खिमे-न्दुमेहाभोङ् न्ना राज्या चा प्याक न्दाप्त्वान्ना, न्ना आफाइ नास लेङ्मेॽना॥ 27एको चात्तुना याॽमिगा उपाङ्बेॽहा याङ्सा ओन्दाङ् न्ना याॽमि चात्तुनुङ् मेन्थुन्ले इसाङा चा नाम्खेॽमा ङ्यास्वानिन्हा॥ न्ना उचुन न्थुन्द्वाहोङ्से उका पाङ्बेॽहा याङ्सा नाम्खेॽमा ङ्यास्वाहा॥
28 “जेप्पा का न्निङ्दा लुमेॽनेनिन, याॽमिचिङा न्जोगुहा घाक पाप नुङ् निङ्वाफुमागा निन्दा चोगाहा चेॽया चा छेमा लेङ्मे, 29ङ्खाॽनिङ्गो पाबित्तारा आत्मागा निन्दा चोगाहा पाप च्हेन हेॽनिङ्चा छेमा न्लेङ्मेन्हा॥ इजाङ्बाङ्निङ् खा गो हेॽनिङ्चा छेमा मेलेङ्माहा पाप ओम॥”#लुका १२:१० 30ङ्खाचिङा येसुबे बाल्जिबुल बाङ्ना इसिॽना मुइ वान्नेॽना न्लुनाङा खा घाक चेॽया उङा लुचिहा ओम॥
येसुगा उमा नुङ् उनुन्छाचि
(मात्ति १२:४६-५०; लुका ८:१९-२१)
31ङ्खिङ्बेला येसुगा उमा नुङ् उनुन्छाचि येसु वायाना पाङ्बे न्दायाब्या, न्हाङ् उङ्चि पाखा ङ्येबाहोङ् येसु कासे एको याॽमि म्बाक्सु॥
32येसुगा ओरिपोरि प्याक याॽमिचि ङ्वाया न्हाङ् ङ्खाचिङा उङ् न्लु, “चिन्खुबा, म्मा नुङ् न्नुन्छाचिङा पाखा ङ्गाॽमासिमेकाना॥”
33येसुङा लुचि, “आका आमा नुङ् आनुन्छाचि इसा ओम्चि?” 34न्हाङ् येसुङा उका ओरिपोरि ङ्युङाहा याॽमिचि सोसाङ् खाॽला लुचि, “सोयानुम्चिम, खाचिमाङ् आका आमा नुङ् आनुन्छा ओम्चि॥ 35इजाङ्बाङ्निङ् निङ्वाफुमागा चेॽया ङ्खेप्स्वाहोङ् ङ्खाॽला चोक्खुबाचिमाङ् आका आनुन्छा#३:३५ आनुन्छा बाबु आनुन्छा मामु॥ नुङ् आमा ओम्चि॥”
Currently Selected:
मार्कुस 3: YAKH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मार्कुस 3
3
येसुङा उमुक हेराब्याना याॽमि नुमेतुना
(मात्ति १२:९-१४; लुका ६:६-११)
1येसु हेकोना खेप फेरि याहुदि छुम्पाङ्बे ख्या, ङ्खिङ्बेला न्नाबे उमुक हेराब्याना एको याॽमि वाया॥ 2याॽमिचिङा च्हेन आराम चोक्माना लेनबे न्ना याॽमि नुमेत्वाहोङ् आप्दिक एम्मा तोक्त्वाम्ङाना लोप्पिभोङ् माउका न्सोनेसुक्सा॥ 3येसुङा न्ना उमुक हेराब्याना याॽमि खाॽला लु, “नाखे आबाघोङ् घाक्का उयुम्बे चेङ् येबा॥” 4न्हाङा येसुङा याॽमिचि छिम्दुचि, “लु कायानि, एङ्गा ब्यावास्थाङा आराम चोक्माना लेनबे इचोक्मा लेङ्मेहा कामेॽना? उचुन चोक्मायेम, इसिॽनुङ् चोक्मायेम? हिङ्मेॽमायेम, सिमायेम?” ङ्खाॽनिङ्गो ङ्खा याॽमिचिङा उङ् इहाचा पोलोवा म्बिनिन॥ 5न्हाङ् येसुगा तुक्नुङ् ओलोक खोताहोङ् घाक याॽमिचि उचुन सोचि॥ ङ्खा याॽमिचिगा ङ्खाॽलाना छाक्ना निङ्वा निसुहोङ् येसुगा तुक्नुङ् उनिङ्वा तुगा॥ न्हाङा उङा न्ना याॽमि लु, “म्मुक सोसु!” न्हाङा न्नाङा उमुक सोसु, ङ्खिङ्बेलामाङ् उका उमुक नुयाब्या॥
6न्हाङा ङ्खा फारिसिचि न्नाभाङ् न्लोन्दाख्या न्हाङ् सोलोक हेरोदका याॽमिचिनुङ् न्दुबाहोङ् येसु इमिन सिमाना भोङ् चेॽया ङ्हुप्तु॥
प्याक याॽमिचि येसुगा हेक्साङ् लान्जोगाहा
7न्हाङा येसु उका चेलाचिनुङ् गालिल तालगा उयुम्बे ख्या, न्हाङ् गालिल लिङ्खामभाङ् प्याक याॽमिचि उका हेक्साङ् लान्जोगा॥ 8येसुङा चोगुहा आच्चाम्माहा कामगा उतुम्बे ङ्खेप्सुहोङ् याहुदिया, यारुसालेम, इदुमिआ नुङ् यार्दान होङ्मागा योप्पारिक्हा ठोङ्चिभाङ् न्हाङा टुरोस नुङ् सिदोन साहारगा ओरिपोरिहा ठोङ्चिभाङ् चा प्याक याॽमिचि न्नाबे न्दाया॥ 9येसुङा ङ्खा प्याक याॽमिचिङा म्बाॽनिन्निभोङ् उका लागि चेलाचि एको डुङ्गा त्यार चोक्मेतुचि॥
10उङा न्नाबे प्याक याॽमिचि नुमेतुक्साचि, न्हाङामाङ् तुखाबाङ्चि घाकङा उङ् तोक्निमागा उङ्लेम कालेम न्जोक्मास्या॥#मार्कुस ४:१; लुका ५:१-३ 11इसिॽहा मुइङा याक्सुचिहा याॽमिचिङा येसु न्निसुना सोलोक उका ओन्दाङ् फोप फोप्साङ् खाॽला कासाङ् ङ्ओक्ता, “न्दा निङ्वाफुमागा उच्यागान!” 12ङ्खाॽनिङ्गो येसुङा “का इसाङान बाङ्ना चेॽया इसा चा ङ्योक्मेतानुम्चिनिन” लुचिहोङ् ङ्खा इसिॽहा मुइचि आग्गे पिचि॥
येसुङा एहिच चेला सेगुचिहा
(मात्ति १०:१-४; लुका ६:१२-१६)
13न्हाङा येसु एको कोङ्गुबे थाङा, थाङाहोङ् उङा खेॽमा मितुचिहा चेलाचि काचि न्हाङ् ङ्खाचि येसुगा उयुम्बे ङ्ख्या॥ 14येसुङा उङ्नुङ् वामागा, याॽमिचि नुसाला खेम्मेसे पाङ्मागा एहिच जाना सेगुचिहोङ् सेगुम्पाकचि भोङ् उङ्चि निङ् पिचि॥ 15न्हाङा ङ्खाचि इसिॽहा मुइचि लोन्हाङ्माना चोक्तोक चा पिचि॥ 16येसुङा सेगुचिहा एहिच चेलाचि खाचि न्साया– सिमोन, न्नागा उनिङ् येसुङा पात्तुरुस युक्सुबि॥ 17जाब्दियागा हिप्पाङ् उच्याचि याकुब नुङ् युहान्ना, ङ्खाचिगा उङ्चि निङ् येसुङा “बोआनार्गेस” युक्सुबिचि, न्नागा तुम्बिला ओम “घुरुङ्बागा#३:१७ पेरछोॽवा आमेॽनिङ् ताङ्खेङ्बे काखुबा घुरुङ्॥ उच्याचि॥” 18न्हाङ् आन्दिरियास, फिलिप, बार्थोलोमाइ, मात्ति, थोमा, आल्फायासका उच्या याकुब, थेदियास नुङ् खाम्युकभाक्ता बाङ्ना छुमगा सिमोन 19न्हाङ् याहुदा इस्कारियोत (न्नाङा हेक्साङ् येसु लाप्मेतुचि)॥
येसु नुङ् बाल्जिबुल
(मात्ति १२:२२-३२; लुका ११:१४-२३; १२:१०)
20न्हाङा येसु पाङ्होङ्बे उया॥ न्नाबे चा फेरि खिङ् प्याक याॽमिचि न्छुप्सा, येसु नुङ् उका चेलाचिङा चाम्योङ्बा चामा चा न्दोक्तुनिन॥ 21खा चेॽया ङ्खेप्सुहोङ् येसुगा पाङ्बेॽहाचि उङ् लाल्लासे ङ्ख्या इजाङ्बाङ्निङ् “उका उनिङ्वा हिक्साख्यामाना” भोङ् याॽमिचि ङ्गामास्या॥
22यारुसालेम साहारभाङ् न्दायाहा धार्मासाप्ला चिन्खुबाचिङा च्हेन खाॽला न्लु, “ना याॽमिबे बाल्जिबुल बाङ्ना इसिॽहा मुइचिगा खाङ्खाङ्बा वान्ने, न्हाङा न्नागा साक्तिङामाङ् उङा इसिॽहा मुइचि लोन्धाक्स्वाचिहा॥”#मात्ति ९:३४; १०:२५; लुका ११:१५
23ङ्खाॽनिङ्गो येसुङा ङ्खा धार्मासाप्ला चिन्खुबाचि काचिहोङ् खा चेॽयागा उतुम्बे एको खाॽलाना ताप्चेॽया लुचि, “साइतानङा साइतान इमिन लोन्नाहाङ्मा यास्वाना? 24हेॽना राज्या बेॽहा याॽमिचि उङ्चि-उङ्चि ङ्खिमे-न्दुमे न्ना राज्या नास लेङ्मेॽना॥ 25न्हाङा हेॽना पाङ्बेॽहा याॽमिचि उङ्चि-उङ्चि ङ्खिमे-न्दुमे न्ना पाङ् चा नास लेङ्मेॽना॥ 26ङ्खाॽलामाङ् साइतानगा राज्याबे चा उङ्चि-उङ्चि मेन्दोङ्ले ङ्खिमे-न्दुमेहाभोङ् न्ना राज्या चा प्याक न्दाप्त्वान्ना, न्ना आफाइ नास लेङ्मेॽना॥ 27एको चात्तुना याॽमिगा उपाङ्बेॽहा याङ्सा ओन्दाङ् न्ना याॽमि चात्तुनुङ् मेन्थुन्ले इसाङा चा नाम्खेॽमा ङ्यास्वानिन्हा॥ न्ना उचुन न्थुन्द्वाहोङ्से उका पाङ्बेॽहा याङ्सा नाम्खेॽमा ङ्यास्वाहा॥
28 “जेप्पा का न्निङ्दा लुमेॽनेनिन, याॽमिचिङा न्जोगुहा घाक पाप नुङ् निङ्वाफुमागा निन्दा चोगाहा चेॽया चा छेमा लेङ्मे, 29ङ्खाॽनिङ्गो पाबित्तारा आत्मागा निन्दा चोगाहा पाप च्हेन हेॽनिङ्चा छेमा न्लेङ्मेन्हा॥ इजाङ्बाङ्निङ् खा गो हेॽनिङ्चा छेमा मेलेङ्माहा पाप ओम॥”#लुका १२:१० 30ङ्खाचिङा येसुबे बाल्जिबुल बाङ्ना इसिॽना मुइ वान्नेॽना न्लुनाङा खा घाक चेॽया उङा लुचिहा ओम॥
येसुगा उमा नुङ् उनुन्छाचि
(मात्ति १२:४६-५०; लुका ८:१९-२१)
31ङ्खिङ्बेला येसुगा उमा नुङ् उनुन्छाचि येसु वायाना पाङ्बे न्दायाब्या, न्हाङ् उङ्चि पाखा ङ्येबाहोङ् येसु कासे एको याॽमि म्बाक्सु॥
32येसुगा ओरिपोरि प्याक याॽमिचि ङ्वाया न्हाङ् ङ्खाचिङा उङ् न्लु, “चिन्खुबा, म्मा नुङ् न्नुन्छाचिङा पाखा ङ्गाॽमासिमेकाना॥”
33येसुङा लुचि, “आका आमा नुङ् आनुन्छाचि इसा ओम्चि?” 34न्हाङ् येसुङा उका ओरिपोरि ङ्युङाहा याॽमिचि सोसाङ् खाॽला लुचि, “सोयानुम्चिम, खाचिमाङ् आका आमा नुङ् आनुन्छा ओम्चि॥ 35इजाङ्बाङ्निङ् निङ्वाफुमागा चेॽया ङ्खेप्स्वाहोङ् ङ्खाॽला चोक्खुबाचिमाङ् आका आनुन्छा#३:३५ आनुन्छा बाबु आनुन्छा मामु॥ नुङ् आमा ओम्चि॥”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society