Va'Atəŋ 10
10
Ɗiy naka dəlvafuŋ
(1AL 1:5-23)
1Uwa net may Sem, Kam, gəm Yafet, kirtin Nuwe, dərɓaga buwən məvekeveke yaŋka.
2Kirtin Yafet: Gomer, Magog, Maday, Yavan, Tubal, Mesek, gəm Tiras. 3Kirtin Gomer: Askenaz, Rifat, gəm Togarma. 4Kirtin Yavan: Elisa, Tarsis, Kitim gəm Rodanim. 5Səzeti, uɗak net ɗiy atəŋ aket mətuwəraɗe. Naway pak arahək dələv nan va ma nan asani, ɗiy va assoŋ pak də həlfa neti.
6Kirtin Kam: Kus, Eziptə, Put gəm Kana'an. 7Kirtin Kus: Seba, Hawila, Sabta, Ra'ema gəm Sabteka. Kirtin Rayema tamə: Saba də Dedan. 8Kus duwa Nimrod. Ndəni gambara maddaabəŋ naka dəlvafuŋ, 9mətəvəla məs sləmani yi aba Yawe. Vini adawnahaŋ na: «Mətəvəla məs sləman va Nimrod, aba Yawe.» 10Walaŋgəleɗe gugriɗ en daabəŋ naka dələv nan na, Babel, Erek, Akkad, gəm Kalne aka dələv na Sine'ar 11Agilik səka dəlvəs ambat a Asiri. Aɗiyik walaŋgəleɗe gugriɗ na Niniwe, Rehobot-Ir gəm Kala, 12Resen walaŋgəla-metiŋgin, awalaŋ Niniwe də Kala.
13Eziptə duwe mə Ludɗe, mə Eynam, mə Lahabɗe gəm mə Naftuɗe, 14ɗiy na Patros, mə Kasluɗe, məs mə Filistiɗe agilyoŋ səzeti, dit en na Kaftor.
15Kana'an duwa Sidon Tizi nani, gəm Het, 16gəm mə Yebusɗe, mə Amorɗe, mə Girgasɗe, 17mə Hittiɗe, mə Arəkɗe, mə Sinɗe, 18mə Arvadɗe, mə Semarɗe, gəm mə Hamatɗe. Sə dərɓagani mahəlfa net mə Kana'anɗe atərayə, 19Slosloprok na dələv net mə Kana'anɗe atəŋgək sə Sidon, kəlaza Gerar hã gap a Gaza, kəlaza sodom də Gomorra, Adma də Seboyim hã gap a Lesa. 20Eskiŋ kirtin Kam assoŋ aza mahəlfaɗe neti də ma neti, ŋgbimŋgbim də dələv neti gəm aza əsap neti.
21Sem məlmən Yafet an daya, ndəni dəhit kirtin Eber məkuturkutur. 22Kirtin Sem: Elam, Asur, Arpaksat, Lud gəm Weleŋgit-Məlpeŋge. 23Kirtin Aram: Us, Hul, Geter gəm Mas. 24Arpaksat duwa Sela, Sela duwa Eber. 25Na Eber awək kirin mezeŋgleket sula. Iya na daya nan na, Peleg, vi aka pay nan na dələv awɗakka, iya na məlmən na Yoktan. 26Yoktan duwe may Almodad, Selef, Hasarmawet, Yera, 27Hadoram, Uzal, Dikla, 28Obal, Abima'el, Saba, 29Ofir, Hawila, gəm Yobab. Eskis pak kirtin Yoktan. 30Gəla net assanək təŋ sə Mesa əmbat a Sefar, mossorgo nammba pay nampum. 31Eskiŋ kirtin Sem, aza mahəlfaɗe net də ma neti, ŋgbimŋgbim də dələv neti gəm aza əsap neti.
32Eskiŋ mahəlfaɗe net kirtin Nuwe, ŋgbimŋgbim aza təl gəla net gəm aza əsap neti. Təŋ Səzetiski əsap net ɗiy awɗak aka dələv sə dərɓaga buwən məvekeveke.
Currently Selected:
Va'Atəŋ 10: GBD
Highlight
Share
Copy
Want to have your highlights saved across all your devices? Sign up or sign in
All right reserved
