Va'Atəŋ 16
16
Uwa na Ismayel
1Saray, guluk na Abram, tuwə sən ɓa. Balamək nat tat mə Eziptək, iya nat na, Hagar, 2yaŋ Saray tənah sən Abram na: «Yawe yaŋ atakwək də uwa. Dəɗah atoŋ azat balamək naw kəŋkə, kuzuŋ wanərah wiyin sə kəlazata.» Abram atafək an Saray tənah səni. 3Dərɓaga wəzva kəlaw səza Abram asan aka dələv na Kana'an, Saray guluk nan təgəmət Hagar, balamək nat mə Eziptəkə, kapsənət ka guluk sən Abram zəlta. 4Alək azat Hagar, təla abaytəka. Adan Hagar tula na, təgəmək daway, tawlət ɗak daya nat va zəga azat ɓa. 5Saray təɓsən Abram na: «Istə kiwən na wera adawrawən əŋka. Intə nəpsukut balamək naw aɓɓoko. Adan təɗi daway na, tawlu va zəga arat ɓa. Yawe dədawtawan wənəŋ aka walaŋgəm də isi!» 6Abram azlan sət Saray na: «Balamək nok yakəŋ ammba voko, agəɗ dəndət va kəŋgələ.»
Saray təzəmgətək sahã, ndət ɓakə. 7Maslay na Yawe arəhət go'o də vov net iŋkile a kapta-muyã, məs naka tive nawmbat a Sur, 8apsət na: «Hagar, balamək nat Saray, səŋga kəde gəm əddok aŋga di?» Təzlan na: «Ənzaw nədanzaw sət ɗak daya naw Saray.» 9Maslay na Yawe apsət na: «Amil azat ɗak daya noko, avoŋ sən an tədawnah suko.» 10Maslay na Yawe anah səta: «Wanuwan suk kiyuk diyɗa, kawɓapiy əŋɗan ɓa.» 11Maslay na Yawe apsət na: «Yaŋ də daway kənani, wakəwə wiyna, kəlvangən na Ismayel, vi Yawe aprəmək əzəmsahã noko. 12Wətuk van wasan va koro nawra. Wagay dit ɗiy pakə, ɗiy wagayaŋ dəndəni, wasan takərgən səzet milmiŋgiɗin pakə.»
13Hagar təyak na Yawe məs dəpel suwa: «Istə Maŋgəlva məzuluwa.» Vi tənahək ɗah na: «Aŋ nula gesiŋ, dərɓaga awluwəŋ sa?» 14Vi vaski məya «Vov net iŋkile van na Lahay məzuluwa»; aka walaŋ Kades də Beredti. 15#GAL 4:22Hagar tuwə sənək wiyin sən Abram; alvan na, Ismayel wiyin an Hagar təwəsəni.
16Abram tay də wəzva kaklaw dodopoɗo kiyən sləre, gala Hagar tuwa Ismayel.
Currently Selected:
Va'Atəŋ 16: GBD
Highlight
Share
Copy
Want to have your highlights saved across all your devices? Sign up or sign in
All right reserved
