Marcos 11
11
Nai Jesus tama ba Jerusalém, i ema hahii Nia hanesan ema boot ida
(Mateus 21:1-11; Lucas 19:28-40; João 12:12-19)
1Bainhira sira besik ona sidade Jerusalém, sira too iha aldeia Betfage ho Betánia, besik iha Foho Oliveira.#11:1:Foho nee naran ‘Oliveira’, tanba iha ai oliveira barak iha nebaa. Nia fuan hodi halo mina. Foho Oliveira nee mais-ou-menus kilometru ida hosi Jerusalém. Iha nebaa, Jesus sira hein ituan. Jesus haruka Nia eskolanti nain rua baa uluk, 2dehan, “Imi nain rua baa uluk iha aldeia ida nebaa. Too iha nebaa, imi sei haree kuda buru salak ida kesi hela, nebee ema seidauk sae. Imi baa kore tiha, i lori mai iha nee. 3Maibee se ema husu karik, ‘Nusaa mak imi lori tiha kuda buru nee?’ Imi hataan nunee, ‘Nai mak presiza. Hotu tiha, Nai sei haruka fila fali kedas.’ ”
4Entaun, ema nain rua nee baa ona. Sira hetan kuda buru salak nee kesi hela iha uma oin, iha dalan ibun. Bainhira sira kore hela kuda buru nee, 5ema husu, “Nusaa mak imi kore tiha ema nia kuda buru salak nee?”
6Sira hataan, “Nai mak presiza. Hotu tiha, Nai sei haruka fila fali kedas.” Nunee ema husik sira baa. 7Sira lori kuda buru nee ba Jesus. Sira nahe sira nia manta ba kuda nia kotuk, hodi Jesus sae.
8Bainhira sira tama iha sidade, ema barak hasai sira nia hena hodi nahe iha dalan. Balu mos baa taa ramus tahan hodi tau iha dalan.#11:8:Marcos hakerek dehan ‘ai sanak’. Maibee ita hatene hosi João 12:13 katak, ai nee ai ramus. Sira halo nunee hatudu katak sira simu Nai Jesus ho respeita, hanesan sira simu ema boot ida. 9I sira balu lao iha Jesus nia oin, balu iha Nia kotuk. Sira komesa haklalak,
“Hosana! Ami hahii Nai Maromak!#11:9:‘Hosana’ signifika ‘hahii’. Liafuan ida nee, baibain sira uza hodi hahii Nai Maromak.
Nai foo bensaun ba Ema nebee mai hodi Nia naran!#Salmu sira 118:26
10 Hosana! Ami hahii Nai Maromak iha fatin aas liu!
Tanba Nai atu harii fila fali liurai David nia ukun.”
11Too iha sidade Jerusalém, Jesus tama ba iha Nai Maromak nia uma kreda boot nia kintal. Iha nebaa, Jesus haree fatin sira nee hotu. Maibee, tanba tempu la iha ona, Jesus ho Nia eskolanti sira fila fali ba aldeia Betánia.
Nai Jesus foo malisan ba ai huun ida nebee la iha fuan
(Mateus 21:18-19)
12Aban fali, sira sai hosi Betánia, baa fali iha sidade Jerusalém. Iha dalan klaran, Jesus senti hamlaha. 13Nia haree ai figeira ida. Ai figeira nee, ema sempre haan nia fuan. Nunee Jesus baa besik ai huun nee, hodi haree took, iha fuan ka lae. Maibee Nia too iha ai huun nee, la haree ai fuan ida. Tanba laos tempu nia foo fuan. Ai nee foin dikin. 14Jesus hatete ba ai nee, “Tanba o la foo fuan ba Hau haan, nee duni, komesa agora, o la foo tan fuan ona!”
Nia eskolanti sira mos rona Jesus nia liafuan nee.
Nai Jesus tama ba iha Uma Kreda Boot. I Nia sobu sasaan nebee ema faan iha nebaa
(Mateus 21:12-17; Lucas 19:45-48; João 2:13-22)
15Sira lao nafatin too iha Jerusalém, Jesus baa tama iha Nai Maromak nia Uma Kreda Boot. Iha Uma Kreda nia area, ema halo hanesan basar. Sira faan manu pombu, nebee ema sosa hodi halo sakrifisiu ba Nai Maromak. Jesus haree nunee, Nia duni sai ema sira nee hotu. Meza sira nebee ema uza hodi troka osan, Nia halo baku-fila hotu. Banku hodi faan manu pombu mos, Nia halo baku-fila hotu. 16Nia mos bandu ema hotu la bele lori sasaan tama-sai liu hosi Uma Kreda Boot nia area tan. 17Depois Nia hanorin sira nunee, “Nai Maromak nia profeta uluk hakerek tiha ona dehan ‘Hau halo Hau nia Uma nee, para ema hosi nasaun hotu-hotu bele mai harohan iha nee.’ Maibee imi halo tiha Uma nee, hanesan ema naok teen sira nia fatin.”#Isaías 56:7; Jeremias 7:11
18Bainhira mestri relijiaun ho nai-lulik nia ulun sira rona katak Jesus halo hanesan nee, sira hirus teb-tebes. Nunee sira mos buka dalan hodi bele oho Nia. Maibee sira la brani, tanba ema barak mak sei gosta rona Nia liafuan.
19Rai komesa kalan ona, Jesus ho Nia eskolanti sira sai hosi Jerusalém, i fila baa toba iha Betánia.
Se imi fiar teb-tebes ba Nai Maromak, maka Nia sei foo buat nebee imi husu
(Mateus 21:20-22)
20-21Iha dadeer-saan tuir mai, sira fila ba Jerusalém. Iha dalan klaran sira haree ai figeira nebee Jesus horiseik foo malisan ba nee. Ai nee maran tiha ona, komesa hosi tutun too abut. Pedro hanoin too Jesus nia liafuan horiseik nee. Nia dehan, “Mestri, haree took ai ida horiseik Ita Boot foo malisan nee. Mate tiha ona!”
22Jesus hataan dehan, “Loos duni! Imi mos tenki fiar ba Nai Maromak nunee. 23Se imi fiar teb-tebes, imi bele haruka foho ida muda tiha ba tasi laran. I Nai Maromak sei muda foho nee, naran katak imi fiar tebes.#Mateus 17:20; 1 Korintu 13:2 24Hanoin didiak! Buat hotu nebee imi husu ba Nai Maromak, se imi fiar tebes katak Nia sei foo, Nia sei foo duni. 25Maibee se imi harohan, i imi hirus hela ema ruma, imi tenki baa diak malu tiha lai ho ema nee. Nunee foin Nai Maromak iha lalehan mos diak ho imi, i sei hamoos imi nia sala. 26[Se imi hirus hela ema ruma, i lakohi diak ho ema nee, imi nia Aman iha lalehan mos sei la haluha imi nia sala sira nee.]”#11:26:Dokumentu Gregu nebee antigu liu, la hakerek versikulu 26 nee. #Mateus 6:14-15
Ema husu kona ba Nai Jesus Nia direitu
(Mateus 21:23-27; Lucas 20:1-8)
27Sira kontinua lao too iha Jerusalém, i tama fali ba Uma Kreda Boot. Bainhira sira tama iha Uma Kreda Boot nia area, ema barak mak hein hela sira: nai-lulik nia ulun sira, mestri relijiaun sira, ho nai ulun sira. 28Sira koko Jesus nunee, “See mak haruka O mai halo rungu-ranga horiseik iha nee? See mak foo direitu ba O?”
29Maibee Jesus hataan, “Hau mos atu husu ba imi. Se imi hataan uluk Hau, mak Hau foin hataan ba imi. 30Hau atu husu nunee: Imi hotu konhese João Sarani Nain. See mak haruka nia baa sarani ema? Nai Maromak ka ema?”
31Rona nunee, sira hanoin baa-mai, i koalia ba malu dehan, “Ita la bele koalia tan ona! Se ita hataan, ‘Nai Maromak mak haruka,’ mak Nia sei hataan fali, ‘Se nunee, nusaa mak imi la fiar ba João?’ 32Ita mos la brani dehan, ‘Ema mak haruka,’ tanba ema hotu bele hirus. Tanba sira fiar katak João nee, Nai Maromak nia profeta.”
33Entaun sira hataan deit ba Jesus nunee, “Ami la hatene.”
Jesus hataan fali, “Se nunee, Hau mos lakohi foo hatene, see mak foo direitu nee ba Hau.”
Currently Selected:
Marcos 11: BTDT
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.
Marcos 11
11
Nai Jesus tama ba Jerusalém, i ema hahii Nia hanesan ema boot ida
(Mateus 21:1-11; Lucas 19:28-40; João 12:12-19)
1Bainhira sira besik ona sidade Jerusalém, sira too iha aldeia Betfage ho Betánia, besik iha Foho Oliveira.#11:1:Foho nee naran ‘Oliveira’, tanba iha ai oliveira barak iha nebaa. Nia fuan hodi halo mina. Foho Oliveira nee mais-ou-menus kilometru ida hosi Jerusalém. Iha nebaa, Jesus sira hein ituan. Jesus haruka Nia eskolanti nain rua baa uluk, 2dehan, “Imi nain rua baa uluk iha aldeia ida nebaa. Too iha nebaa, imi sei haree kuda buru salak ida kesi hela, nebee ema seidauk sae. Imi baa kore tiha, i lori mai iha nee. 3Maibee se ema husu karik, ‘Nusaa mak imi lori tiha kuda buru nee?’ Imi hataan nunee, ‘Nai mak presiza. Hotu tiha, Nai sei haruka fila fali kedas.’ ”
4Entaun, ema nain rua nee baa ona. Sira hetan kuda buru salak nee kesi hela iha uma oin, iha dalan ibun. Bainhira sira kore hela kuda buru nee, 5ema husu, “Nusaa mak imi kore tiha ema nia kuda buru salak nee?”
6Sira hataan, “Nai mak presiza. Hotu tiha, Nai sei haruka fila fali kedas.” Nunee ema husik sira baa. 7Sira lori kuda buru nee ba Jesus. Sira nahe sira nia manta ba kuda nia kotuk, hodi Jesus sae.
8Bainhira sira tama iha sidade, ema barak hasai sira nia hena hodi nahe iha dalan. Balu mos baa taa ramus tahan hodi tau iha dalan.#11:8:Marcos hakerek dehan ‘ai sanak’. Maibee ita hatene hosi João 12:13 katak, ai nee ai ramus. Sira halo nunee hatudu katak sira simu Nai Jesus ho respeita, hanesan sira simu ema boot ida. 9I sira balu lao iha Jesus nia oin, balu iha Nia kotuk. Sira komesa haklalak,
“Hosana! Ami hahii Nai Maromak!#11:9:‘Hosana’ signifika ‘hahii’. Liafuan ida nee, baibain sira uza hodi hahii Nai Maromak.
Nai foo bensaun ba Ema nebee mai hodi Nia naran!#Salmu sira 118:26
10 Hosana! Ami hahii Nai Maromak iha fatin aas liu!
Tanba Nai atu harii fila fali liurai David nia ukun.”
11Too iha sidade Jerusalém, Jesus tama ba iha Nai Maromak nia uma kreda boot nia kintal. Iha nebaa, Jesus haree fatin sira nee hotu. Maibee, tanba tempu la iha ona, Jesus ho Nia eskolanti sira fila fali ba aldeia Betánia.
Nai Jesus foo malisan ba ai huun ida nebee la iha fuan
(Mateus 21:18-19)
12Aban fali, sira sai hosi Betánia, baa fali iha sidade Jerusalém. Iha dalan klaran, Jesus senti hamlaha. 13Nia haree ai figeira ida. Ai figeira nee, ema sempre haan nia fuan. Nunee Jesus baa besik ai huun nee, hodi haree took, iha fuan ka lae. Maibee Nia too iha ai huun nee, la haree ai fuan ida. Tanba laos tempu nia foo fuan. Ai nee foin dikin. 14Jesus hatete ba ai nee, “Tanba o la foo fuan ba Hau haan, nee duni, komesa agora, o la foo tan fuan ona!”
Nia eskolanti sira mos rona Jesus nia liafuan nee.
Nai Jesus tama ba iha Uma Kreda Boot. I Nia sobu sasaan nebee ema faan iha nebaa
(Mateus 21:12-17; Lucas 19:45-48; João 2:13-22)
15Sira lao nafatin too iha Jerusalém, Jesus baa tama iha Nai Maromak nia Uma Kreda Boot. Iha Uma Kreda nia area, ema halo hanesan basar. Sira faan manu pombu, nebee ema sosa hodi halo sakrifisiu ba Nai Maromak. Jesus haree nunee, Nia duni sai ema sira nee hotu. Meza sira nebee ema uza hodi troka osan, Nia halo baku-fila hotu. Banku hodi faan manu pombu mos, Nia halo baku-fila hotu. 16Nia mos bandu ema hotu la bele lori sasaan tama-sai liu hosi Uma Kreda Boot nia area tan. 17Depois Nia hanorin sira nunee, “Nai Maromak nia profeta uluk hakerek tiha ona dehan ‘Hau halo Hau nia Uma nee, para ema hosi nasaun hotu-hotu bele mai harohan iha nee.’ Maibee imi halo tiha Uma nee, hanesan ema naok teen sira nia fatin.”#Isaías 56:7; Jeremias 7:11
18Bainhira mestri relijiaun ho nai-lulik nia ulun sira rona katak Jesus halo hanesan nee, sira hirus teb-tebes. Nunee sira mos buka dalan hodi bele oho Nia. Maibee sira la brani, tanba ema barak mak sei gosta rona Nia liafuan.
19Rai komesa kalan ona, Jesus ho Nia eskolanti sira sai hosi Jerusalém, i fila baa toba iha Betánia.
Se imi fiar teb-tebes ba Nai Maromak, maka Nia sei foo buat nebee imi husu
(Mateus 21:20-22)
20-21Iha dadeer-saan tuir mai, sira fila ba Jerusalém. Iha dalan klaran sira haree ai figeira nebee Jesus horiseik foo malisan ba nee. Ai nee maran tiha ona, komesa hosi tutun too abut. Pedro hanoin too Jesus nia liafuan horiseik nee. Nia dehan, “Mestri, haree took ai ida horiseik Ita Boot foo malisan nee. Mate tiha ona!”
22Jesus hataan dehan, “Loos duni! Imi mos tenki fiar ba Nai Maromak nunee. 23Se imi fiar teb-tebes, imi bele haruka foho ida muda tiha ba tasi laran. I Nai Maromak sei muda foho nee, naran katak imi fiar tebes.#Mateus 17:20; 1 Korintu 13:2 24Hanoin didiak! Buat hotu nebee imi husu ba Nai Maromak, se imi fiar tebes katak Nia sei foo, Nia sei foo duni. 25Maibee se imi harohan, i imi hirus hela ema ruma, imi tenki baa diak malu tiha lai ho ema nee. Nunee foin Nai Maromak iha lalehan mos diak ho imi, i sei hamoos imi nia sala. 26[Se imi hirus hela ema ruma, i lakohi diak ho ema nee, imi nia Aman iha lalehan mos sei la haluha imi nia sala sira nee.]”#11:26:Dokumentu Gregu nebee antigu liu, la hakerek versikulu 26 nee. #Mateus 6:14-15
Ema husu kona ba Nai Jesus Nia direitu
(Mateus 21:23-27; Lucas 20:1-8)
27Sira kontinua lao too iha Jerusalém, i tama fali ba Uma Kreda Boot. Bainhira sira tama iha Uma Kreda Boot nia area, ema barak mak hein hela sira: nai-lulik nia ulun sira, mestri relijiaun sira, ho nai ulun sira. 28Sira koko Jesus nunee, “See mak haruka O mai halo rungu-ranga horiseik iha nee? See mak foo direitu ba O?”
29Maibee Jesus hataan, “Hau mos atu husu ba imi. Se imi hataan uluk Hau, mak Hau foin hataan ba imi. 30Hau atu husu nunee: Imi hotu konhese João Sarani Nain. See mak haruka nia baa sarani ema? Nai Maromak ka ema?”
31Rona nunee, sira hanoin baa-mai, i koalia ba malu dehan, “Ita la bele koalia tan ona! Se ita hataan, ‘Nai Maromak mak haruka,’ mak Nia sei hataan fali, ‘Se nunee, nusaa mak imi la fiar ba João?’ 32Ita mos la brani dehan, ‘Ema mak haruka,’ tanba ema hotu bele hirus. Tanba sira fiar katak João nee, Nai Maromak nia profeta.”
33Entaun sira hataan deit ba Jesus nunee, “Ami la hatene.”
Jesus hataan fali, “Se nunee, Hau mos lakohi foo hatene, see mak foo direitu nee ba Hau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.