Marcos 12
12
Nai Jesus konta komparasaun ida kona ba ema serbisu iha toos uvas
(Mateus 21:33-46; Lucas 20:9-19)
1Tuir mai, Jesus koalia tan ho nai-lulik nia ulun, ho mestri relijiaun, ho nai ulun sira. Nia dehan, “Hau konta istoria ida nunee: Iha loron ida, iha ema ida baa lere nia rai hodi kuda ai uvas. I nia halo lutu haleu, no halo tanki ida hodi sama uvas fuan para hasai nia been. I nia halo mos uma oan ida hodi hein. Depois nia foo toos nee ba ema aluga. Sira promete atu fahe uvas been ho toos nain. Depois toos nain nee baa tiha nasaun seluk.#Isaías 5:1-2
2Bainhira too ona tempu kuu uvas, toos nain haruka nia ema ida baa husu ona ninian. 3Maibee nia foin too, ema sira aluga toos nee, kaer i baku nia. I sira haruka nia fila ho liman mamuk.
4Tuir fali mai, toos nain nee haruka tan ema ida baa. Maibee ema sira aluga toos nee, kaer i baku nia ulun too kanek. Sira trata nia, i duni sai hosi nebaa. 5Tuir fali mai, toos nain haruka tan nia ema ida baa. Maibee ema sira aluga toos nee, oho tiha nia. Bele sira halo oinsaa mos, toos nain haruka nafatin nia ema sira baa. Maibee ema sira aluga toos nee, baku balu, i oho balu. 6Agora hela ema ida deit, toos nain nia oan mane. Nia oan mesak ida deit, i nia hadomi teb-tebes. Tanba la iha tan dalan seluk, nee duni nia haruka nia oan rasik mak baa. Nia hanoin katak, ‘Hau nia oan rasik nee, sira tenki simu ho diak, i tenki rona nia.’
7Nunee nia haruka nia oan rasik baa. Maibee bainhira ema sira aluga toos nee, haree nia oan nee mai, sira koalia ba malu dehan, ‘Haree lai! Toos nain haruka nia oan rasik mak mai. Se aban-bainrua, toos nain mate, nia oan nee mak hetan nia eransa hotu. Mai ita oho tiha nia, para ita bele hetan nia riku nee!’ 8Nunee sira rame-rame kaer nia, i oho tiha nia. Depois sira soe sai nia mate isin iha toos nia kotok. Istoria nee too iha nee deit.”
9Depois Jesus husu ba ema boot sira, “Tuir imi nia hanoin, toos nain nee atu halo saida ba ema sira aluga toos nee? Tuir Hau nia hanoin, toos nain sei baa iha toos nee, i sei oho tiha sira hotu. Depois nia foo fali nia toos nee ba ema seluk aluga.
10Ita hotu lee tiha ona iha Maromak nia Eskritura Sagradu dehan,
‘Iha fatuk ida mak badaen sira soe tiha ona.
Maibee agora, fatuk nee sai fali fatuk nebee prinsipal liu.
11Nai Maromak rasik mak hili fatuk nee.
Tanba nee, mak ita admira, “Nee diak teb-tebes!” ‘ ”#Salmu sira 118:22-23
12Rona nunee, ema boot sira komprende ona katak, Jesus koalia kona ba sira liu hosi komparasaun. Sira hanesan ho ema sira aluga toos nee. Tanba nee, sira buka dalan hodi kaer Nia. Maibee sira la brani, tanba ema barak mak gosta rona Jesus nia hanorin. Nunee sira baa ona, husik hela Nia.
Ema mai atu koko Jesus kona ba selu impostu
(Mateus 22:15-22; Lucas 20:20-26)
13Liu tiha nee, nai-lulik ho ema boot sira haruka ema Farizeu balu ho liurai Herodes nia ema balu, baa hasoru Jesus, maibee ho hanoin aat atu koko Nia. 14Too iha Jesus, sira hatete, “Mestri, ami hotu hatene katak Ita Boot ema nebee moris loos, i Ita Boot la haree ba ema kiik ka boot, maibee haree deit ba ema nia laran. Ita Boot la fila lia tuun-sae, maibee Ita Boot hanorin Nai Maromak nia liafuan ho loloos deit. Ami atu husu liafuan ida. Tuir ita nia relijiaun Judeu, ita tenki selu impostu ba estadu Roma nia liurai boot,#12:14:Estadu Roma nia liurai boot, sira bolu ‘Sezar’. ka lae?”
15Maibee Jesus hatene ona sira mai ho laran makerek, para halo Nia koalia kontra estadu Roma. Entaun Nia hataan ba sira, “Nusaa mak imi koko Hau? Foo lai osan moeda ida mai Hau haree took.”
16Depois sira foo osan moeda ida ba Jesus, i Nia haree didiak osan nee. Nia husu ba sira, “Figura nee, see nia oin? Naran nee, see nian?”
Sira hataan, “Nee Sezar, estadu Roma nia liurai boot.”
17Entaun Jesus dehan tan ba sira, “Se nunee, imi foo ba estadu buat nebee mak estadu nian. I foo ba Nai Maromak buat nebee mak Nai Maromak nian.”
Rona Nia hataan nunee, sira hotu admira, tanba Nia koalia nee loos. Nunee sira koko Jesus, maibee la hetan.
Ema mate bele moris fali ka lae? Iha lalehan, ema kaben ka lae?
(Mateus 22:23-33; Lucas 20:27-40)
18Nee hotu tiha, iha ema hosi grupu relijiaun seluk baa koko tan Jesus. Sira hosi grupu Saduseu. Sira hanorin katak, ema mate la bele moris fali. Iha loron ida, ema Saduseu balu mai koko Jesus. Sira koalia ho Jesus, dehan#Apostolu sira nia Istoria 23:8 19“Mestri! Moisés hakerek rai hela ba ita: ‘Se mane ida mate husik hela nia kaben feto, maibee la iha oan, mane nia alin tenki kaben fali ho feto faluk nee, para bele foo jerasaun ba nia maun.’#Deuteronomio 25:5 20Moisés hanorin nunee duni. Maibee ami hakarak husu nunee: Iha maun-alin mane nain hitu. Maun boot kaben uluk, depois nia mate, la iha oan. 21Depois nia alin ida tuir nia nee, kaben fali ho feto faluk nee. La kleur nia mos mate, la iha oan. Nunee mos ho alin ida numeru tolu. Nia kaben ho feto faluk nee, maibee nia mos mate, la iha oan. 22Nunee nafatin, too nain hitu nee mate hotu, la iha oan. Tuir mai feto faluk nee mos mate tan.
23Agora ami husu nunee: Feto nee kaben ho mane nain hitu. Bainhira Nai Maromak halo moris fali ema mate sira, feto nee kaben loos ho mane ida nebee?”
24Jesus hataan, “Se imi husu nunee, nee hatudu katak imi la komprende Nai Maromak nia Liafuan iha Livru Sagradu. I imi mos la komprende Nia kbiit. Nunee imi sala duni.
25Rona didiak! Iha lalehan la iha kaben. Ema mate sira nebee Maromak halo moris fali, sira la kaben ona. Nunee mos Nai Maromak nia anju sira iha lalehan la kaben.
26Agora, Hau koalia fali kona ba ema mate bele moris fali ka lae. Moisés hakerek kona ba ahi lakan iha ai huun badak ida, maibee ahi la haan. Imi sei hanoin istoria nee, ka lae? Bainhira ahi lakan iha ai huun nee, Nai Maromak foo hatene ba Moisés dehan, ‘Hau mak O nia bei-ala sira nia Maromak. Sira nee mak Abraão, Isac ho Jacó. Sira hotu adora nafatin Hau too agora.’#Ezodu 3:6 27Se ita lee nunee, ita hatene katak avoo sira nee mate kleur ona. Maibee tanba Nai Maromak dehan Nia sai sira nia Maromak, nee mak ita hatene katak sira moris fali ona. Ema moris mak adora Nai Maromak, laos ema mate. Nunee se imi kaer nafatin hanorin nebee dehan ema mate la moris fali, imi sala duni.”
Hadomi Nai Maromak no ema seluk
(Mateus 22:34-40; Lucas 10:25-28)
28Iha loron nee, mestri relijiaun ida rona Jesus diskuti hela ho ema hosi grupu relijiaun Saduseu sira. Mestri relijiaun nee rona Jesus hataan ona sira nia pergunta ho diak. Nunee nia husu ba Jesus, “Nai, hau atu husu liafuan ida. Tuir ita nia relijiaun, iha orden barak teb-tebes. Hosi orden sira nee hotu nebee avoo Moisés rai hela mai ita, ida nebee mak boot liu?”
29Jesus hataan, “Orden boot liu iha Livru Sagradu mak ida nee:
‘Ema hotu-hotu iha rai Israel, rona didiak!
Nai Maromak nee, ita nia Nai, i ita nia Liurai Boot.
La iha tan seluk, Nia mesak deit!
30Nunee imi tenki hadomi Nai Maromak liu buat hotu-hotu.
Tanba nee, imi tenki hanoin nafatin Nia.
Ita tenki rona nafatin Nia Liafuan,
i hakaas aan hodi tuir Nia hakarak.’#Deuteronomio 6:4-5
31I orden segundu mak ida nee:
‘O tenki hadomi ema seluk, hanesan o hadomi o nia aan rasik.’
Orden rua nee mak boot liu orden hotu-hotu. La iha orden seluk tan nebee boot liu orden rua nee.”#Levitiku 19:18
32Depois mestri relijiaun nee dehan tan ba Jesus, “Nai, nee loos! Nai Maromak nee ida deit. La iha tan Maromak seluk.#Deuteronomio 4:35 33Tanba nee, ita tenki hadomi Nia liu buat hotu-hotu. Ita tenki hanoin nafatin Nia. Ita tenki rona nafatin Nia Liafuan, i hakaas aan hodi tuir Nia hakarak. I ita mos tenki hadomi ema seluk hanesan ita hadomi ita nia aan rasik. Ida nee, Nai Maromak haksolok liu dukee ita tuir deit relijiaun nia hanorin. Hadomi nunee diak liu dukee ita oho animal hodi halo sakrifisiu i foo oferta ba Nia.”#Oséias 6:6
34Rona nia hataan nunee, Jesus hanoin katak, mestri relijiaun nee komprende duni Nai Maromak nia Liafuan. Nunee Nia dehan, “O besik ona atu sai Nai Maromak nia ema.”
Hotu tiha, la iha ema mak brani atu diskuti tan ho Jesus. Tanba la iha ema ida mak bele manaan Nia.#Lucas 10:25-28
Kristu liurai David nia jerasaun, maibee Nia mos liurai David nia Liurai
(Mateus 22:41-46; Lucas 20:41-44)
35Liu tiha nee, Jesus hanorin hela ema sira iha Nai Maromak nia uma kreda boot. Nia husu ba sira, dehan “Oinsaa? Mestri relijiaun sira hanorin kona ba Kristu nebee Nai Maromak hili ona hori uluk kedas. Sira hanorin dehan, Kristu nee liurai David nia jerasaun deit. Maibee nee seidauk too. 36Tanba hori uluk Nai Maromak nia Espiritu Santu uza liurai David hodi hakerek nunee:
‘Nai Maromak hatete ona ba hau nia Liurai dehan,
“Mai tuur iha Hau nia sorin loos, fatin ema boot nian.
Hau sei halo o nia inimigu sira, hakruuk ba o.’ ”#Salmu sira 110:1
37aNunee liurai David rasik bolu Kristu, ‘hau nia Liurai’. Nee duni, se ema dehan Kristu nee, liurai David nia jerasaun deit, nee seidauk too. Tanba Nia mos liurai David nia Liurai!”
Jesus dehan kuidadu ho mestri relijiaun sira, tanba sira gosta fila lia tuun-sae
(Mateus 23:1-36; Lucas 20:45-47)
37bEma barak nebee rona Jesus nia hanorin nee, sira gosta loos. 38Depois Jesus hatete tan ba sira nunee, “Imi tenki kuidadu didiak ho mestri relijiaun sira. Sira gosta pasiar ho batina naruk, para ema haree sira, i komprimenta sira hanesan ema boot. 39Bainhira sira baa iha uma kreda ka, baa iha festa, sira sempre buka tuur iha fatin ida diak liu, para ema hotu bele gaba sira, i hodi dehan sira ema boot. 40Maibee imi tenki kuidadu! Tanba sira fila lia hodi han-matak feto faluk sira, too hadau sira nia uma hotu. Maibee iha ema barak nia oin, sira finji harohan nar-naruk, hodi taka falta sira nia hahalok aat nee. Para ema bele dehan, sira ema moos. Maibee Nai Maromak sei foo kastigu todan liu ba sira.”
Feto faluk kiak ida foo oferta boot liu ema riku sira
(Lucas 21:1-4)
41Liu tiha nee, Jesus tuur hela besik kaixa oferta iha uma kreda boot laran, hodi haree ema baa tau osan oferta ba kaixa. Iha ema riku barak baa tau osan boot ba kaixa nee. 42Iha mos feto faluk kiak ida mai harohan. Nia baa tau doit rua ba iha kaixa laran. Osan nee folin kiik liu.
43Depois Jesus bolu Nia eskolanti sira hodi hatete, “Imi haree took feto faluk kiak nee. Nia foo osan doit rua deit, maibee nia foo boot liu ema hotu-hotu. 44Ema sira seluk foo oferta hosi sira nia osan resin. Maibee feto faluk kiak nee, foo tiha nia osan hotu ba Nai Maromak.”
Currently Selected:
Marcos 12: BTDT
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.
Marcos 12
12
Nai Jesus konta komparasaun ida kona ba ema serbisu iha toos uvas
(Mateus 21:33-46; Lucas 20:9-19)
1Tuir mai, Jesus koalia tan ho nai-lulik nia ulun, ho mestri relijiaun, ho nai ulun sira. Nia dehan, “Hau konta istoria ida nunee: Iha loron ida, iha ema ida baa lere nia rai hodi kuda ai uvas. I nia halo lutu haleu, no halo tanki ida hodi sama uvas fuan para hasai nia been. I nia halo mos uma oan ida hodi hein. Depois nia foo toos nee ba ema aluga. Sira promete atu fahe uvas been ho toos nain. Depois toos nain nee baa tiha nasaun seluk.#Isaías 5:1-2
2Bainhira too ona tempu kuu uvas, toos nain haruka nia ema ida baa husu ona ninian. 3Maibee nia foin too, ema sira aluga toos nee, kaer i baku nia. I sira haruka nia fila ho liman mamuk.
4Tuir fali mai, toos nain nee haruka tan ema ida baa. Maibee ema sira aluga toos nee, kaer i baku nia ulun too kanek. Sira trata nia, i duni sai hosi nebaa. 5Tuir fali mai, toos nain haruka tan nia ema ida baa. Maibee ema sira aluga toos nee, oho tiha nia. Bele sira halo oinsaa mos, toos nain haruka nafatin nia ema sira baa. Maibee ema sira aluga toos nee, baku balu, i oho balu. 6Agora hela ema ida deit, toos nain nia oan mane. Nia oan mesak ida deit, i nia hadomi teb-tebes. Tanba la iha tan dalan seluk, nee duni nia haruka nia oan rasik mak baa. Nia hanoin katak, ‘Hau nia oan rasik nee, sira tenki simu ho diak, i tenki rona nia.’
7Nunee nia haruka nia oan rasik baa. Maibee bainhira ema sira aluga toos nee, haree nia oan nee mai, sira koalia ba malu dehan, ‘Haree lai! Toos nain haruka nia oan rasik mak mai. Se aban-bainrua, toos nain mate, nia oan nee mak hetan nia eransa hotu. Mai ita oho tiha nia, para ita bele hetan nia riku nee!’ 8Nunee sira rame-rame kaer nia, i oho tiha nia. Depois sira soe sai nia mate isin iha toos nia kotok. Istoria nee too iha nee deit.”
9Depois Jesus husu ba ema boot sira, “Tuir imi nia hanoin, toos nain nee atu halo saida ba ema sira aluga toos nee? Tuir Hau nia hanoin, toos nain sei baa iha toos nee, i sei oho tiha sira hotu. Depois nia foo fali nia toos nee ba ema seluk aluga.
10Ita hotu lee tiha ona iha Maromak nia Eskritura Sagradu dehan,
‘Iha fatuk ida mak badaen sira soe tiha ona.
Maibee agora, fatuk nee sai fali fatuk nebee prinsipal liu.
11Nai Maromak rasik mak hili fatuk nee.
Tanba nee, mak ita admira, “Nee diak teb-tebes!” ‘ ”#Salmu sira 118:22-23
12Rona nunee, ema boot sira komprende ona katak, Jesus koalia kona ba sira liu hosi komparasaun. Sira hanesan ho ema sira aluga toos nee. Tanba nee, sira buka dalan hodi kaer Nia. Maibee sira la brani, tanba ema barak mak gosta rona Jesus nia hanorin. Nunee sira baa ona, husik hela Nia.
Ema mai atu koko Jesus kona ba selu impostu
(Mateus 22:15-22; Lucas 20:20-26)
13Liu tiha nee, nai-lulik ho ema boot sira haruka ema Farizeu balu ho liurai Herodes nia ema balu, baa hasoru Jesus, maibee ho hanoin aat atu koko Nia. 14Too iha Jesus, sira hatete, “Mestri, ami hotu hatene katak Ita Boot ema nebee moris loos, i Ita Boot la haree ba ema kiik ka boot, maibee haree deit ba ema nia laran. Ita Boot la fila lia tuun-sae, maibee Ita Boot hanorin Nai Maromak nia liafuan ho loloos deit. Ami atu husu liafuan ida. Tuir ita nia relijiaun Judeu, ita tenki selu impostu ba estadu Roma nia liurai boot,#12:14:Estadu Roma nia liurai boot, sira bolu ‘Sezar’. ka lae?”
15Maibee Jesus hatene ona sira mai ho laran makerek, para halo Nia koalia kontra estadu Roma. Entaun Nia hataan ba sira, “Nusaa mak imi koko Hau? Foo lai osan moeda ida mai Hau haree took.”
16Depois sira foo osan moeda ida ba Jesus, i Nia haree didiak osan nee. Nia husu ba sira, “Figura nee, see nia oin? Naran nee, see nian?”
Sira hataan, “Nee Sezar, estadu Roma nia liurai boot.”
17Entaun Jesus dehan tan ba sira, “Se nunee, imi foo ba estadu buat nebee mak estadu nian. I foo ba Nai Maromak buat nebee mak Nai Maromak nian.”
Rona Nia hataan nunee, sira hotu admira, tanba Nia koalia nee loos. Nunee sira koko Jesus, maibee la hetan.
Ema mate bele moris fali ka lae? Iha lalehan, ema kaben ka lae?
(Mateus 22:23-33; Lucas 20:27-40)
18Nee hotu tiha, iha ema hosi grupu relijiaun seluk baa koko tan Jesus. Sira hosi grupu Saduseu. Sira hanorin katak, ema mate la bele moris fali. Iha loron ida, ema Saduseu balu mai koko Jesus. Sira koalia ho Jesus, dehan#Apostolu sira nia Istoria 23:8 19“Mestri! Moisés hakerek rai hela ba ita: ‘Se mane ida mate husik hela nia kaben feto, maibee la iha oan, mane nia alin tenki kaben fali ho feto faluk nee, para bele foo jerasaun ba nia maun.’#Deuteronomio 25:5 20Moisés hanorin nunee duni. Maibee ami hakarak husu nunee: Iha maun-alin mane nain hitu. Maun boot kaben uluk, depois nia mate, la iha oan. 21Depois nia alin ida tuir nia nee, kaben fali ho feto faluk nee. La kleur nia mos mate, la iha oan. Nunee mos ho alin ida numeru tolu. Nia kaben ho feto faluk nee, maibee nia mos mate, la iha oan. 22Nunee nafatin, too nain hitu nee mate hotu, la iha oan. Tuir mai feto faluk nee mos mate tan.
23Agora ami husu nunee: Feto nee kaben ho mane nain hitu. Bainhira Nai Maromak halo moris fali ema mate sira, feto nee kaben loos ho mane ida nebee?”
24Jesus hataan, “Se imi husu nunee, nee hatudu katak imi la komprende Nai Maromak nia Liafuan iha Livru Sagradu. I imi mos la komprende Nia kbiit. Nunee imi sala duni.
25Rona didiak! Iha lalehan la iha kaben. Ema mate sira nebee Maromak halo moris fali, sira la kaben ona. Nunee mos Nai Maromak nia anju sira iha lalehan la kaben.
26Agora, Hau koalia fali kona ba ema mate bele moris fali ka lae. Moisés hakerek kona ba ahi lakan iha ai huun badak ida, maibee ahi la haan. Imi sei hanoin istoria nee, ka lae? Bainhira ahi lakan iha ai huun nee, Nai Maromak foo hatene ba Moisés dehan, ‘Hau mak O nia bei-ala sira nia Maromak. Sira nee mak Abraão, Isac ho Jacó. Sira hotu adora nafatin Hau too agora.’#Ezodu 3:6 27Se ita lee nunee, ita hatene katak avoo sira nee mate kleur ona. Maibee tanba Nai Maromak dehan Nia sai sira nia Maromak, nee mak ita hatene katak sira moris fali ona. Ema moris mak adora Nai Maromak, laos ema mate. Nunee se imi kaer nafatin hanorin nebee dehan ema mate la moris fali, imi sala duni.”
Hadomi Nai Maromak no ema seluk
(Mateus 22:34-40; Lucas 10:25-28)
28Iha loron nee, mestri relijiaun ida rona Jesus diskuti hela ho ema hosi grupu relijiaun Saduseu sira. Mestri relijiaun nee rona Jesus hataan ona sira nia pergunta ho diak. Nunee nia husu ba Jesus, “Nai, hau atu husu liafuan ida. Tuir ita nia relijiaun, iha orden barak teb-tebes. Hosi orden sira nee hotu nebee avoo Moisés rai hela mai ita, ida nebee mak boot liu?”
29Jesus hataan, “Orden boot liu iha Livru Sagradu mak ida nee:
‘Ema hotu-hotu iha rai Israel, rona didiak!
Nai Maromak nee, ita nia Nai, i ita nia Liurai Boot.
La iha tan seluk, Nia mesak deit!
30Nunee imi tenki hadomi Nai Maromak liu buat hotu-hotu.
Tanba nee, imi tenki hanoin nafatin Nia.
Ita tenki rona nafatin Nia Liafuan,
i hakaas aan hodi tuir Nia hakarak.’#Deuteronomio 6:4-5
31I orden segundu mak ida nee:
‘O tenki hadomi ema seluk, hanesan o hadomi o nia aan rasik.’
Orden rua nee mak boot liu orden hotu-hotu. La iha orden seluk tan nebee boot liu orden rua nee.”#Levitiku 19:18
32Depois mestri relijiaun nee dehan tan ba Jesus, “Nai, nee loos! Nai Maromak nee ida deit. La iha tan Maromak seluk.#Deuteronomio 4:35 33Tanba nee, ita tenki hadomi Nia liu buat hotu-hotu. Ita tenki hanoin nafatin Nia. Ita tenki rona nafatin Nia Liafuan, i hakaas aan hodi tuir Nia hakarak. I ita mos tenki hadomi ema seluk hanesan ita hadomi ita nia aan rasik. Ida nee, Nai Maromak haksolok liu dukee ita tuir deit relijiaun nia hanorin. Hadomi nunee diak liu dukee ita oho animal hodi halo sakrifisiu i foo oferta ba Nia.”#Oséias 6:6
34Rona nia hataan nunee, Jesus hanoin katak, mestri relijiaun nee komprende duni Nai Maromak nia Liafuan. Nunee Nia dehan, “O besik ona atu sai Nai Maromak nia ema.”
Hotu tiha, la iha ema mak brani atu diskuti tan ho Jesus. Tanba la iha ema ida mak bele manaan Nia.#Lucas 10:25-28
Kristu liurai David nia jerasaun, maibee Nia mos liurai David nia Liurai
(Mateus 22:41-46; Lucas 20:41-44)
35Liu tiha nee, Jesus hanorin hela ema sira iha Nai Maromak nia uma kreda boot. Nia husu ba sira, dehan “Oinsaa? Mestri relijiaun sira hanorin kona ba Kristu nebee Nai Maromak hili ona hori uluk kedas. Sira hanorin dehan, Kristu nee liurai David nia jerasaun deit. Maibee nee seidauk too. 36Tanba hori uluk Nai Maromak nia Espiritu Santu uza liurai David hodi hakerek nunee:
‘Nai Maromak hatete ona ba hau nia Liurai dehan,
“Mai tuur iha Hau nia sorin loos, fatin ema boot nian.
Hau sei halo o nia inimigu sira, hakruuk ba o.’ ”#Salmu sira 110:1
37aNunee liurai David rasik bolu Kristu, ‘hau nia Liurai’. Nee duni, se ema dehan Kristu nee, liurai David nia jerasaun deit, nee seidauk too. Tanba Nia mos liurai David nia Liurai!”
Jesus dehan kuidadu ho mestri relijiaun sira, tanba sira gosta fila lia tuun-sae
(Mateus 23:1-36; Lucas 20:45-47)
37bEma barak nebee rona Jesus nia hanorin nee, sira gosta loos. 38Depois Jesus hatete tan ba sira nunee, “Imi tenki kuidadu didiak ho mestri relijiaun sira. Sira gosta pasiar ho batina naruk, para ema haree sira, i komprimenta sira hanesan ema boot. 39Bainhira sira baa iha uma kreda ka, baa iha festa, sira sempre buka tuur iha fatin ida diak liu, para ema hotu bele gaba sira, i hodi dehan sira ema boot. 40Maibee imi tenki kuidadu! Tanba sira fila lia hodi han-matak feto faluk sira, too hadau sira nia uma hotu. Maibee iha ema barak nia oin, sira finji harohan nar-naruk, hodi taka falta sira nia hahalok aat nee. Para ema bele dehan, sira ema moos. Maibee Nai Maromak sei foo kastigu todan liu ba sira.”
Feto faluk kiak ida foo oferta boot liu ema riku sira
(Lucas 21:1-4)
41Liu tiha nee, Jesus tuur hela besik kaixa oferta iha uma kreda boot laran, hodi haree ema baa tau osan oferta ba kaixa. Iha ema riku barak baa tau osan boot ba kaixa nee. 42Iha mos feto faluk kiak ida mai harohan. Nia baa tau doit rua ba iha kaixa laran. Osan nee folin kiik liu.
43Depois Jesus bolu Nia eskolanti sira hodi hatete, “Imi haree took feto faluk kiak nee. Nia foo osan doit rua deit, maibee nia foo boot liu ema hotu-hotu. 44Ema sira seluk foo oferta hosi sira nia osan resin. Maibee feto faluk kiak nee, foo tiha nia osan hotu ba Nai Maromak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.