Marcos 13
13
Nai Jesus foo hatene antes kedas katak, Nai Maromak nia uma kreda boot sei rahun
(Mateus 24:1-2; Lucas 21:5-6)
1Liu tiha nee, Jesus ho Nia eskolanti sira sai hosi uma kreda boot. Sira foin sai nunee, Nia eskolanti ida hatudu ba uma kreda nee, hodi dehan, “Nai, haree took baa! Uma kreda nee kapaas loos. I fatuk boot ema hada nee, kapaas teb-tebes.”
2Maibee Jesus hataan, “Uma kreda nee kapaas duni. Maibee la kleur tan, ema sei baku rahun tiha hotu.”
Sinal kona ba mundu remata
(Mateus 24:3-14; Lucas 21:7-19)
3Liu tiha nee, Jesus baa iha foho Oliveira. Nia tuur hodi hateke hela ba Nai Maromak nia uma kreda boot. Depois Nia eskolanti nain haat baa koalia ho Nia. Ema nain haat nee mak, Pedro, Tiago, João ho André. 4Sira husu, “Nai, foo hatene fali kona ba Ita nia liafuan ohin nee. Bainhira mak tempu nee too? I sinal-sinal saida mak sei mosu?”
5Jesus hataan, “Imi tenki kuidadu didiak, para ema la bele bosok imi. 6Tanba ema oi-oin sei mai dehan, ‘Hau nee Kristu, ida nebee Nai Maromak promete hori uluk ona.’ Nunee sira sei bosok ema barak. 7Se imi haree ema funu, ka imi rona boatus dehan ema funu iha fatin-fatin, imi keta tauk. Tanba buat sira nee tenki mosu uluk, molok mundu nee remata. 8Nasaun sei funu hasoru nasaun. Reinu sei funu hasoru reinu. Rai sei nakdoko iha fatin-fatin. I rai sei hamlaha boot. Buat sira nee hotu sinal, hanesan feto ida foin komesa kanotak moras, atu besik tuur-ahi.
9Nee duni, imi tenki atensaun didiak! Tanba ema sei mai kaer imi, lori baa iha tribunal relijiaun nian. Ema sei baku imi iha uma kreda laran, i sei kesi imi lori ba iha ukun nain sira, tanba imi tuir Hau. Maibee imi tenki foo sai Hau nia Novidade Diak ba sira. 10Tanba Maromak Nia ema sira tenki baa foo sai uluk Hau nia Novidade Diak ba iha suku hotu-hotu iha mundu nee, foin mundu nee remata. 11Hanoin didiak! Bainhira ema kesi i lori imi ba tribunal, imi lalika hakfodak. La bele tauk kona ba saida mak imi atu koalia. Se nia tempu too ona nunee, imi koalia tuir deit saida mak Espiritu Santu foo hatene ba imi.#Mateus 10:17-20; Lucas 12:11-12
12Iha uma laran ida, se iha ema balu fiar ba Hau, nia maun-alin rasik mak sei buka dalan hodi oho nia. I se oan mak fiar, nia aman rasik mak sei oho nia. Nunee mos, se inan-aman mak fiar ba Hau, nia oan mak sei oho sira. 13Nunee ema sei odi makaas imi, tanba imi fiar ba Hau. Maibee see mak fiar nafatin ba Hau too mate, Nai Maromak sei salva nia.”#Mateus 10:22
Neon moris matan moris, tanba mundu nee besik remata ona
(Mateus 24:15-28; Lucas 21:20-24)
14Jesus koalia tan, “Iha ema aat liu sei mai. Nia sei tama baa hamriik iha Nai Maromak nia uma kreda boot laran, iha fatin ida nebee lulik liu. Tuir loloos, nia la iha direitu atu tama iha fatin nee. Nee duni, tanba nia tama ona, ema hotu sei hakribit fatin nee, i Nai Maromak mos fila kotuk tiha. Se imi haree nunee, kuidadu didiak! (See mak lee ida nee, nia tenki kuidadu ona.) Sinal nee hatudu katak, loron terus besik ona, too ona iha odamatan oin. Se haree ona nunee, ema iha provinsia Judeia tenki halai ona ba foho.#Daniel 9:27; 11:31; 12:11 15Sira tenki halai lalais, para la bele hetan susar. Ema nebee sai ona hosi uma, la bele fila fali baa foti sasaan. 16Nunee mos ema nebee mak iha toos, la bele fila fali baa foti tan nia hena. Nia tenki halai ba oin nafatin.#Lucas 17:31 17Tempu nee susar liu ba feto sira nebee mak sei isin-rua, ho sira nebee mak sei foo susu ba sira nia oan. Tanba sira halai la bele. 18Nee duni, diak liu imi harohan hodi husu tempu aat nee, la bele monu iha tempu udan. 19Tanba tempu terus nee, susar atu mate. Komesa Nai Maromak halo mundu nee too agora, ema seidauk hetan terus boot ida nunee. Nee liu tiha, ema sei la haree tan terus boot ida hanesan nee.#Daniel 12:1; Apokalipse 7:14 20Se Nai Maromak mak la halo badak tempu terus nee, la iha tan ema ida atu moris. Maibee tanba Nia hadomi Nia ema sira nebee Nia hili ona, nunee Nia habadak tempu terus nee.
21Bainhira loron nee too ona, imi sei rona ema dehan, ‘Haree took! Kristu iha nee!’ I ema seluk dehan, ‘Kristu iha nebaa!’ Maibee imi keta rona. 22Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu. 23Nee duni, imi tenki kuidadu didiak! Tanba tempu terus nee seidauk too mai, maibee Hau foo hatene kedas ba imi ona.”
Ema Oan sei mai hosi lalehan
(Mateus 24:29-31; Lucas 21:25-28)
24Depois Jesus foo hatene tan ba Nia eskolanti sira nunee, “Bainhira tempu terus nee hotu tiha ona,
‘Loro matan sei nakukun,
fulan mos la naroman tan.#Isaías 13:10; Ezequiel 32:7; Joel 2:10,31; 3:15; Apokalipse 6:12
25Fitun sira monu hosi lalehan,
i forsa hotu-hotu iha lalehan sei nakdoko arbiru.’#Isaías 34:4; Joel 2:10; Apokalipse 6:13
26Nee liu tiha, foin ema haree Hau, Ema Oan, tuun mai hosi kalohan. Nunee ema sei haree Hau nia naroman nabilan, ho Hau nia kbiit boot hotu.#Daniel 7:13; Apokalipse 1:7 27I Hau sei haruka Nai Maromak nia anju sira hosi lalehan baa halibur ema hotu-hotu nebee Hau hili tiha ona, hosi mundu tomak. Hosi rai ulun too rai ikun, hosi loro-sae too loro-monu, hosi tasi feto too tasi mane.”
Tempu terus boot nee, hatudu katak Jesus atu mai fali ona
(Mateus 24:32-35; Lucas 21:29-33)
28Hau halo komparasaun hosi ai huun ida. Bainhira ai tahan kinur ona, nee hatudu katak bailoro besik ona. 29Nunee mos, bainhira tempu terus nebee Hau hatete ba imi, too ona, nee hatudu katak Hau besik fila ona. 30Agora, rona didiak! Hosi ema hotu nebee moris agora nee, iha balu sei la mate too tempu terus nee too mai. 31Maski lalehan ho rai nee sei remata, maibee Hau nia Liafuan sei la lakon.
Nai Jesus nia loron fila mai nee segredu
(Mateus 24:36-44)
32Jesus koalia tan dehan, “La iha ema ida mak hatene loron ho oras fila mai nee. Nai Maromak nia anju sira iha lalehan mos la hatene. Hau rasik mos la hatene. So Hau nia Aman deit mak hatene.#Mateus 24:36 33Nee duni, imi tenki neon moris matan moris! Tanba imi la hatene loron nebee mak Hau sei fila mai.
34La kleur tan, Hau husik hela imi ona, maibee Hau sei fila fali mai. Hanesan ema ida baa rai dook. I nia haruka nia ema uma laran tau matan ba nia uma nee. I nia fahe serbisu ba ema ida-idak. I nia foo orden ba ema seguransa atu hein uma nee didiak too nia fila.#Lucas 12:36-38 35Nunee mos, imi tenki hein loron-kalan, tanba imi la hatene bainhira mak uma nain fila. Fila lokraik ka, kalan boot ka, dadeer-saan nakukun ka, meiu-dia ka, imi la hatene. 36Keta halo be nia fila derepenti, imi toba nakoros hela.
37Nunee, saida mak Hau hatete ba imi nee, Hau hatete mos ba ema hotu-hotu, ‘Imi tenki neon moris matan moris, hodi hein Hau mai.’ ”
[Too iha nee, Nai Jesus para ona koalia ho Nia eskolanti sira iha foho Oliveira.]
Currently Selected:
Marcos 13: BTDT
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.
Marcos 13
13
Nai Jesus foo hatene antes kedas katak, Nai Maromak nia uma kreda boot sei rahun
(Mateus 24:1-2; Lucas 21:5-6)
1Liu tiha nee, Jesus ho Nia eskolanti sira sai hosi uma kreda boot. Sira foin sai nunee, Nia eskolanti ida hatudu ba uma kreda nee, hodi dehan, “Nai, haree took baa! Uma kreda nee kapaas loos. I fatuk boot ema hada nee, kapaas teb-tebes.”
2Maibee Jesus hataan, “Uma kreda nee kapaas duni. Maibee la kleur tan, ema sei baku rahun tiha hotu.”
Sinal kona ba mundu remata
(Mateus 24:3-14; Lucas 21:7-19)
3Liu tiha nee, Jesus baa iha foho Oliveira. Nia tuur hodi hateke hela ba Nai Maromak nia uma kreda boot. Depois Nia eskolanti nain haat baa koalia ho Nia. Ema nain haat nee mak, Pedro, Tiago, João ho André. 4Sira husu, “Nai, foo hatene fali kona ba Ita nia liafuan ohin nee. Bainhira mak tempu nee too? I sinal-sinal saida mak sei mosu?”
5Jesus hataan, “Imi tenki kuidadu didiak, para ema la bele bosok imi. 6Tanba ema oi-oin sei mai dehan, ‘Hau nee Kristu, ida nebee Nai Maromak promete hori uluk ona.’ Nunee sira sei bosok ema barak. 7Se imi haree ema funu, ka imi rona boatus dehan ema funu iha fatin-fatin, imi keta tauk. Tanba buat sira nee tenki mosu uluk, molok mundu nee remata. 8Nasaun sei funu hasoru nasaun. Reinu sei funu hasoru reinu. Rai sei nakdoko iha fatin-fatin. I rai sei hamlaha boot. Buat sira nee hotu sinal, hanesan feto ida foin komesa kanotak moras, atu besik tuur-ahi.
9Nee duni, imi tenki atensaun didiak! Tanba ema sei mai kaer imi, lori baa iha tribunal relijiaun nian. Ema sei baku imi iha uma kreda laran, i sei kesi imi lori ba iha ukun nain sira, tanba imi tuir Hau. Maibee imi tenki foo sai Hau nia Novidade Diak ba sira. 10Tanba Maromak Nia ema sira tenki baa foo sai uluk Hau nia Novidade Diak ba iha suku hotu-hotu iha mundu nee, foin mundu nee remata. 11Hanoin didiak! Bainhira ema kesi i lori imi ba tribunal, imi lalika hakfodak. La bele tauk kona ba saida mak imi atu koalia. Se nia tempu too ona nunee, imi koalia tuir deit saida mak Espiritu Santu foo hatene ba imi.#Mateus 10:17-20; Lucas 12:11-12
12Iha uma laran ida, se iha ema balu fiar ba Hau, nia maun-alin rasik mak sei buka dalan hodi oho nia. I se oan mak fiar, nia aman rasik mak sei oho nia. Nunee mos, se inan-aman mak fiar ba Hau, nia oan mak sei oho sira. 13Nunee ema sei odi makaas imi, tanba imi fiar ba Hau. Maibee see mak fiar nafatin ba Hau too mate, Nai Maromak sei salva nia.”#Mateus 10:22
Neon moris matan moris, tanba mundu nee besik remata ona
(Mateus 24:15-28; Lucas 21:20-24)
14Jesus koalia tan, “Iha ema aat liu sei mai. Nia sei tama baa hamriik iha Nai Maromak nia uma kreda boot laran, iha fatin ida nebee lulik liu. Tuir loloos, nia la iha direitu atu tama iha fatin nee. Nee duni, tanba nia tama ona, ema hotu sei hakribit fatin nee, i Nai Maromak mos fila kotuk tiha. Se imi haree nunee, kuidadu didiak! (See mak lee ida nee, nia tenki kuidadu ona.) Sinal nee hatudu katak, loron terus besik ona, too ona iha odamatan oin. Se haree ona nunee, ema iha provinsia Judeia tenki halai ona ba foho.#Daniel 9:27; 11:31; 12:11 15Sira tenki halai lalais, para la bele hetan susar. Ema nebee sai ona hosi uma, la bele fila fali baa foti sasaan. 16Nunee mos ema nebee mak iha toos, la bele fila fali baa foti tan nia hena. Nia tenki halai ba oin nafatin.#Lucas 17:31 17Tempu nee susar liu ba feto sira nebee mak sei isin-rua, ho sira nebee mak sei foo susu ba sira nia oan. Tanba sira halai la bele. 18Nee duni, diak liu imi harohan hodi husu tempu aat nee, la bele monu iha tempu udan. 19Tanba tempu terus nee, susar atu mate. Komesa Nai Maromak halo mundu nee too agora, ema seidauk hetan terus boot ida nunee. Nee liu tiha, ema sei la haree tan terus boot ida hanesan nee.#Daniel 12:1; Apokalipse 7:14 20Se Nai Maromak mak la halo badak tempu terus nee, la iha tan ema ida atu moris. Maibee tanba Nia hadomi Nia ema sira nebee Nia hili ona, nunee Nia habadak tempu terus nee.
21Bainhira loron nee too ona, imi sei rona ema dehan, ‘Haree took! Kristu iha nee!’ I ema seluk dehan, ‘Kristu iha nebaa!’ Maibee imi keta rona. 22Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu. 23Nee duni, imi tenki kuidadu didiak! Tanba tempu terus nee seidauk too mai, maibee Hau foo hatene kedas ba imi ona.”
Ema Oan sei mai hosi lalehan
(Mateus 24:29-31; Lucas 21:25-28)
24Depois Jesus foo hatene tan ba Nia eskolanti sira nunee, “Bainhira tempu terus nee hotu tiha ona,
‘Loro matan sei nakukun,
fulan mos la naroman tan.#Isaías 13:10; Ezequiel 32:7; Joel 2:10,31; 3:15; Apokalipse 6:12
25Fitun sira monu hosi lalehan,
i forsa hotu-hotu iha lalehan sei nakdoko arbiru.’#Isaías 34:4; Joel 2:10; Apokalipse 6:13
26Nee liu tiha, foin ema haree Hau, Ema Oan, tuun mai hosi kalohan. Nunee ema sei haree Hau nia naroman nabilan, ho Hau nia kbiit boot hotu.#Daniel 7:13; Apokalipse 1:7 27I Hau sei haruka Nai Maromak nia anju sira hosi lalehan baa halibur ema hotu-hotu nebee Hau hili tiha ona, hosi mundu tomak. Hosi rai ulun too rai ikun, hosi loro-sae too loro-monu, hosi tasi feto too tasi mane.”
Tempu terus boot nee, hatudu katak Jesus atu mai fali ona
(Mateus 24:32-35; Lucas 21:29-33)
28Hau halo komparasaun hosi ai huun ida. Bainhira ai tahan kinur ona, nee hatudu katak bailoro besik ona. 29Nunee mos, bainhira tempu terus nebee Hau hatete ba imi, too ona, nee hatudu katak Hau besik fila ona. 30Agora, rona didiak! Hosi ema hotu nebee moris agora nee, iha balu sei la mate too tempu terus nee too mai. 31Maski lalehan ho rai nee sei remata, maibee Hau nia Liafuan sei la lakon.
Nai Jesus nia loron fila mai nee segredu
(Mateus 24:36-44)
32Jesus koalia tan dehan, “La iha ema ida mak hatene loron ho oras fila mai nee. Nai Maromak nia anju sira iha lalehan mos la hatene. Hau rasik mos la hatene. So Hau nia Aman deit mak hatene.#Mateus 24:36 33Nee duni, imi tenki neon moris matan moris! Tanba imi la hatene loron nebee mak Hau sei fila mai.
34La kleur tan, Hau husik hela imi ona, maibee Hau sei fila fali mai. Hanesan ema ida baa rai dook. I nia haruka nia ema uma laran tau matan ba nia uma nee. I nia fahe serbisu ba ema ida-idak. I nia foo orden ba ema seguransa atu hein uma nee didiak too nia fila.#Lucas 12:36-38 35Nunee mos, imi tenki hein loron-kalan, tanba imi la hatene bainhira mak uma nain fila. Fila lokraik ka, kalan boot ka, dadeer-saan nakukun ka, meiu-dia ka, imi la hatene. 36Keta halo be nia fila derepenti, imi toba nakoros hela.
37Nunee, saida mak Hau hatete ba imi nee, Hau hatete mos ba ema hotu-hotu, ‘Imi tenki neon moris matan moris, hodi hein Hau mai.’ ”
[Too iha nee, Nai Jesus para ona koalia ho Nia eskolanti sira iha foho Oliveira.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Timor-Leste.