मरकुस 1
1
यूहन्ना कौ मन फिराबे और बपतिस्मा दैवे कौ पिरचार
(मत्ती 3:1–12; लूका 3:1–18; यूहन्ना 1:19–28)
1परमेस्वर के बेटा ईसू मसीह के सुभ समाचार की सुरुआत जा तरैह ते भई, 2जैसौ कै परमेस्वर की बात बताबे बारे यसायाह नाम के आदमी की किताब में लिखौ भयौ है।
“देख, मैं अपनों दूत तेरे आगे भेजुंगो,
जो तेरे काजै लोगन के मन कूं तैयार करैगौ।
3बेहड़ में एक बुलावे बारे की अबाज सुनाई दै रयी है,
कै पिरभू के आयवे के काजै अपने मन कूं तैयार करौ,
जाते पिरभू के आयवे कौ रस्ता सीधौ है जाबै।”
4यूहन्ना बपतिस्मा दैबे बारौ बेहड़ में आयौ, और जि पिरचार करतो कै, अपने मन कूं पापन ते दूर करकै बपतिस्मा लेओ जाते परमेस्वर तुमारे पापन कूं छमा करैगौ। 5और यहुदिया पिरदेस और येरूसलेम नगर के भौत से लोग यूहन्ना की सुनबे के काजै वाके जौरें आए, और अपने पापन कूं मानकें यरदन नदी में बपतिस्मा#1:5 बपतिस्मा जि पानी में डुबकी लगावे की एक रीति, जो हमें दिखावते कै बपतिस्मा लैवे बारौ अपने पुराने पापमय जीबनें छोड़कै सुद्ध जीबन में जीबे कौ और परमेस्वर की आग्या पै चलवे को प्रन लेते लियौ।
6यूहन्ना ऊँठ के बारन कौ कपड़ा पैहनतो और अपनी कमर में चमड़ा की पेटी बांधे रैहतो और टिड्डियन कूं और बेहड़ में मिलवे बारे सहद कूं खायौ करतो। 7 और बू जि पिरचार करतो कै, “मेरे बाद जो आबे बारौ है बू मोते ताकतबर है। मैं तौ जा लायकऊ नांऊँ कै झुककै वाके जूतान के फीता खोल सकूं। 8मैं तौ तुमें पानी ते बपतिस्मा देतूं, पर बू तुमें परमेस्वर ते मिले भये पबित्र आतमा ते बपतिस्मा दैबैगौ।”#1:8 पबित्र आतमा ते बपतिस्मा दैबैगौ पर बू तुमारे मन और हिरदय, पबित्र आतमा ते धोए कै सुद्ध करैगो
ईसू कौ बपतिस्मा और परीछा
(मत्ती 3:13—4:11; लूका 3:21–22; 4:1–13)
9ईसू नें गलील के नासरत नगर ते आयकै यरदन नदी में यूहन्ना ते बपतिस्मा लियौ। 10जब बू पानी में ते निकरकै ऊपर आयौ, तबई बानें आकास कूं खुलते भये और परमेस्वर के पबित्र आतमा कूं कबूतर के रूप में अपने ऊपर उतरते भये देखौ। 11#मत्ती 3:17; 12:18; मर 9:7; लूका 3:22तब सुरग में ते जि अबाज सुनाई दई, “तू मेरौ प्यारौ बेटा है, मैं तोते भौत खुस हूं।”
12तब परमेस्वर की पबित्र आतमा बाई समै ईसू कूं बेहड़ में भीतर की ओर लै गयौ। 13और सैतान बेहड़ में चालीस दिना तक बाय पाप में गिराबे काजै परीछा लेतो रयौ, ईसू मांपै जंगली पसुन के संग रयौ, और सुरग दूत वाकी सेबा करते रये।
ईसू की सेबा की सुरूआत
(मत्ती 4:12–22; लूका 4:14–15; 5:1–11)
14यूहन्ना बपतिस्मा दैबे बारेए जेल में डार दियौ गयौ वाके बाद, ईसू नें गलील में आयकै परमेस्वर के सुभ समाचार पिरचार करते भये कही कै, 15#मत्ती 3:2“समै पूरौ है चुकौ है, और परमेस्वर कौ राज तुमारे जौरें आय गयोऐ, अपने पापन ते मन फिराऔ और परमेस्वर के सुभ समाचार पै भरोसौ करौ।”
चार मछुआरेन कूं बुलायौ
16ईसू गलील की झील के किनारे जा रयो हतो, तब बानें सिमौन और वाके भईया अन्द्रियास कूं देखौ बे मछुआरे हते, और मछली पकरबे काजै झील में जाल डार रये हते। 17ईसू नें बिनते कही, “मेरे पीछे चले आओं, मैं तुमें परमेस्वर के जौरें आदमिन कूं लायबे बारौ बनांऊगो” 18और बे बाई समै अपने जालन कूं छोड़कै ईसू के पीछे है लिये।
19कछू अगारी जायकै ईसू नें जब्दी के बेटा याकूबे और वाके भईया यूहन्ना कूं नाव पै जाल समारते भये देखौ। 20ईसू नें बिनै बाई समै बुलायौ बे अपने पिता जब्दी कूं मजदूरन के संग नाव में छोड़कै ईसू के पीछे है लिये।
ईसू कौ दुस्ट आतमाए निकारबौ
(लूका 4:31–37)
21ईसू और वाके चेला कफरनहूम नगर में आये और यहुदियन के आराम के दिन में ईसू पिराथना घर में जायकै परमेस्वर के वचन की सिछा दैवे लगौ। 22#मत्ती 7:28,29लोग वाकी सिछा ते चकित भये चौंकि बू सास्त्रन कूं सिखाबे बारेन की तरैह ते नांय, पर अधिकार के संग सिछा देतौ।
23बाई समै पिराथना घर में एक आदमी हतो, बू दुस्ट आतमा के वस में हतो, बानें चिल्लायकें कही, 24“हे नासरत नगर के ईसू! हमें तोते का काम? का तू हमें नांस करबे आयौ है? मैं तोय जान्तूं कै, तू कौऐ, तू परमेस्वर कौ पबित्र जन हैं!”
25ईसू नें बा दुस्ट आतमा कूं फटकारकै कही, “चुप है जा, और जा आदमी में ते निकर जा।” 26तब दुस्ट आतमा आदमीए मरोड़ती भई, और बड़ी जोर ते चिल्लायकै बामें ते निकर गई।
27जापै सब लोगन कूं बड़ौ अचम्भौ भयौ और बे आपस में बात करबे लगे कै, “जि का बात है? जि तौ नयी तरैह की सिछा है। जि तौ दुस्ट आतमान कूं अधिकार के संग आग्या दैबे है और दुस्ट आतमा जाकी आग्यान कूं मानेंऊऐं!” 28ईसू के जा काम की चर्चा तुरन्त गलील के आस-पास के सबरे परदेस में सब जगह फैल गई।
ईसू नें भौत लोगन कूं ठीक करौ
(मत्ती 8:14–17; लूका 4:38–41)
29जाके बाद ईसू पिराथना घर में ते निकरकै याकूब और यूहन्ना के संग सिमौन और अन्द्रियास के घर में आयौ। 30मांपै सिमौन की सास बुखार में पड़ी भयी हती, और लोगन्नें तुरन्त वाके बारे में ईसू ते कही, 31तब ईसू नें वाके जौरें जायकै वाकौ हात पकड़कै बाकूं उठायौ, वाकौ बुखार उतर गयौ, और बू बिनकी सेबा करबे लग गई।
32बई दिना संजा कूं जब सूरज डूब गयौ, तौ लोग सब बीमारन नैं और जिनमें दुस्ट आतमाएं हतीं बिनें ईसू के जौरें लाये। 33और बा सहर के जादातर लोग घर के द्वार पै इकठ्ठे है गये। 34ईसू नें तरैह-तरैह की बीमारियनं ते परेसान भौत ते बीमार लोगन कूं ठीक करौ, और भौत सी दुस्ट आतमांन कूं निकारौ, और ईसू नें दुस्ट आतमांन कूं बोलन तक नांय दियौ चौंकि दुस्ट आतमा बाय पैहचान्ती हतीं कै बू परमेस्वर को पबित्र जन है।
ईसू कौ गलील में पिरचार
(लूका 4:42–44)
35दूसरे दिना ईसू दिन निकरबे ते पैहले सबेरे उठकै घर ते निकरौ और काऊ एकान्त जगह पै जायकै पिराथना करबे लगौ। 36तब सिमौन और वाके संगी बाय ढूंढबे गये। 37जब बू मिलौ तौ बिन्नें बाते कही कै, सब लोग तोय ढूँढ रये हैं।
38ईसू नें बिनते कही, आओं हम आस-पास की बस्तियन में चलें और मांपै पिरचार करें, चौंकि जई काजै तौ मैं आयौ हूं। 39#मत्ती 4:23; 9:35जामारै बू सबरे गलील में बिनके पिराथना घरन में परमेस्वर के वचन की सिछा देतौ रहौ और दुस्ट आतमांन कूं निकारतो रयौ।
ईसू नें एक कोढ़ी कूं ठीक करौ
(मत्ती 8:1–4; लूका 5:12–16)
40एक कोढ़ी वाके जौरें आयौ और वाके सामने घुटूअन के बल बैठकै बाते बिनती करकै कही, “हे ईसू तू चांहे तौ मोय सुद्ध कर सकते है।”
41ईसू नें बापै तरस खायकै हात बढ़ायौ और बाय छूकै कही, “मैं चाहतूँ तू कोढ़ ते सुद्ध है जा। 42और तुरन्त वाकौ कोढ़ जातौ रहो और बू सुद्ध है गयौ।”
43ईसू नें बाय बाई समै जि चेतावनी देते भये बिदा करौ। 44और बाते कही कै, “काऊ ते मत कहियों पर जायकै अपने आपकूं यहुदी पुरोहित कूं दिखा और अपने ठीक हैबे के बारे में जो कछू मूसा नें ठहरायौ बाय भेंट चढा बिनपे गबाही होवे कै परमेस्वर नें तोए ठीक करौ है।” 45पर बू बाहर जायकै जा बात कौ भौत पिरचार करवे लगौ जाते ईसू फिर खुलकै नगर में नांय जा सकौ। पर बाहर बेहड़ में रयौ और मांपैऊ चारौं तरफ ते लोग वाके जौरें आयवे लगे।
Currently Selected:
मरकुस 1: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
मरकुस 1
1
यूहन्ना कौ मन फिराबे और बपतिस्मा दैवे कौ पिरचार
(मत्ती 3:1–12; लूका 3:1–18; यूहन्ना 1:19–28)
1परमेस्वर के बेटा ईसू मसीह के सुभ समाचार की सुरुआत जा तरैह ते भई, 2जैसौ कै परमेस्वर की बात बताबे बारे यसायाह नाम के आदमी की किताब में लिखौ भयौ है।
“देख, मैं अपनों दूत तेरे आगे भेजुंगो,
जो तेरे काजै लोगन के मन कूं तैयार करैगौ।
3बेहड़ में एक बुलावे बारे की अबाज सुनाई दै रयी है,
कै पिरभू के आयवे के काजै अपने मन कूं तैयार करौ,
जाते पिरभू के आयवे कौ रस्ता सीधौ है जाबै।”
4यूहन्ना बपतिस्मा दैबे बारौ बेहड़ में आयौ, और जि पिरचार करतो कै, अपने मन कूं पापन ते दूर करकै बपतिस्मा लेओ जाते परमेस्वर तुमारे पापन कूं छमा करैगौ। 5और यहुदिया पिरदेस और येरूसलेम नगर के भौत से लोग यूहन्ना की सुनबे के काजै वाके जौरें आए, और अपने पापन कूं मानकें यरदन नदी में बपतिस्मा#1:5 बपतिस्मा जि पानी में डुबकी लगावे की एक रीति, जो हमें दिखावते कै बपतिस्मा लैवे बारौ अपने पुराने पापमय जीबनें छोड़कै सुद्ध जीबन में जीबे कौ और परमेस्वर की आग्या पै चलवे को प्रन लेते लियौ।
6यूहन्ना ऊँठ के बारन कौ कपड़ा पैहनतो और अपनी कमर में चमड़ा की पेटी बांधे रैहतो और टिड्डियन कूं और बेहड़ में मिलवे बारे सहद कूं खायौ करतो। 7 और बू जि पिरचार करतो कै, “मेरे बाद जो आबे बारौ है बू मोते ताकतबर है। मैं तौ जा लायकऊ नांऊँ कै झुककै वाके जूतान के फीता खोल सकूं। 8मैं तौ तुमें पानी ते बपतिस्मा देतूं, पर बू तुमें परमेस्वर ते मिले भये पबित्र आतमा ते बपतिस्मा दैबैगौ।”#1:8 पबित्र आतमा ते बपतिस्मा दैबैगौ पर बू तुमारे मन और हिरदय, पबित्र आतमा ते धोए कै सुद्ध करैगो
ईसू कौ बपतिस्मा और परीछा
(मत्ती 3:13—4:11; लूका 3:21–22; 4:1–13)
9ईसू नें गलील के नासरत नगर ते आयकै यरदन नदी में यूहन्ना ते बपतिस्मा लियौ। 10जब बू पानी में ते निकरकै ऊपर आयौ, तबई बानें आकास कूं खुलते भये और परमेस्वर के पबित्र आतमा कूं कबूतर के रूप में अपने ऊपर उतरते भये देखौ। 11#मत्ती 3:17; 12:18; मर 9:7; लूका 3:22तब सुरग में ते जि अबाज सुनाई दई, “तू मेरौ प्यारौ बेटा है, मैं तोते भौत खुस हूं।”
12तब परमेस्वर की पबित्र आतमा बाई समै ईसू कूं बेहड़ में भीतर की ओर लै गयौ। 13और सैतान बेहड़ में चालीस दिना तक बाय पाप में गिराबे काजै परीछा लेतो रयौ, ईसू मांपै जंगली पसुन के संग रयौ, और सुरग दूत वाकी सेबा करते रये।
ईसू की सेबा की सुरूआत
(मत्ती 4:12–22; लूका 4:14–15; 5:1–11)
14यूहन्ना बपतिस्मा दैबे बारेए जेल में डार दियौ गयौ वाके बाद, ईसू नें गलील में आयकै परमेस्वर के सुभ समाचार पिरचार करते भये कही कै, 15#मत्ती 3:2“समै पूरौ है चुकौ है, और परमेस्वर कौ राज तुमारे जौरें आय गयोऐ, अपने पापन ते मन फिराऔ और परमेस्वर के सुभ समाचार पै भरोसौ करौ।”
चार मछुआरेन कूं बुलायौ
16ईसू गलील की झील के किनारे जा रयो हतो, तब बानें सिमौन और वाके भईया अन्द्रियास कूं देखौ बे मछुआरे हते, और मछली पकरबे काजै झील में जाल डार रये हते। 17ईसू नें बिनते कही, “मेरे पीछे चले आओं, मैं तुमें परमेस्वर के जौरें आदमिन कूं लायबे बारौ बनांऊगो” 18और बे बाई समै अपने जालन कूं छोड़कै ईसू के पीछे है लिये।
19कछू अगारी जायकै ईसू नें जब्दी के बेटा याकूबे और वाके भईया यूहन्ना कूं नाव पै जाल समारते भये देखौ। 20ईसू नें बिनै बाई समै बुलायौ बे अपने पिता जब्दी कूं मजदूरन के संग नाव में छोड़कै ईसू के पीछे है लिये।
ईसू कौ दुस्ट आतमाए निकारबौ
(लूका 4:31–37)
21ईसू और वाके चेला कफरनहूम नगर में आये और यहुदियन के आराम के दिन में ईसू पिराथना घर में जायकै परमेस्वर के वचन की सिछा दैवे लगौ। 22#मत्ती 7:28,29लोग वाकी सिछा ते चकित भये चौंकि बू सास्त्रन कूं सिखाबे बारेन की तरैह ते नांय, पर अधिकार के संग सिछा देतौ।
23बाई समै पिराथना घर में एक आदमी हतो, बू दुस्ट आतमा के वस में हतो, बानें चिल्लायकें कही, 24“हे नासरत नगर के ईसू! हमें तोते का काम? का तू हमें नांस करबे आयौ है? मैं तोय जान्तूं कै, तू कौऐ, तू परमेस्वर कौ पबित्र जन हैं!”
25ईसू नें बा दुस्ट आतमा कूं फटकारकै कही, “चुप है जा, और जा आदमी में ते निकर जा।” 26तब दुस्ट आतमा आदमीए मरोड़ती भई, और बड़ी जोर ते चिल्लायकै बामें ते निकर गई।
27जापै सब लोगन कूं बड़ौ अचम्भौ भयौ और बे आपस में बात करबे लगे कै, “जि का बात है? जि तौ नयी तरैह की सिछा है। जि तौ दुस्ट आतमान कूं अधिकार के संग आग्या दैबे है और दुस्ट आतमा जाकी आग्यान कूं मानेंऊऐं!” 28ईसू के जा काम की चर्चा तुरन्त गलील के आस-पास के सबरे परदेस में सब जगह फैल गई।
ईसू नें भौत लोगन कूं ठीक करौ
(मत्ती 8:14–17; लूका 4:38–41)
29जाके बाद ईसू पिराथना घर में ते निकरकै याकूब और यूहन्ना के संग सिमौन और अन्द्रियास के घर में आयौ। 30मांपै सिमौन की सास बुखार में पड़ी भयी हती, और लोगन्नें तुरन्त वाके बारे में ईसू ते कही, 31तब ईसू नें वाके जौरें जायकै वाकौ हात पकड़कै बाकूं उठायौ, वाकौ बुखार उतर गयौ, और बू बिनकी सेबा करबे लग गई।
32बई दिना संजा कूं जब सूरज डूब गयौ, तौ लोग सब बीमारन नैं और जिनमें दुस्ट आतमाएं हतीं बिनें ईसू के जौरें लाये। 33और बा सहर के जादातर लोग घर के द्वार पै इकठ्ठे है गये। 34ईसू नें तरैह-तरैह की बीमारियनं ते परेसान भौत ते बीमार लोगन कूं ठीक करौ, और भौत सी दुस्ट आतमांन कूं निकारौ, और ईसू नें दुस्ट आतमांन कूं बोलन तक नांय दियौ चौंकि दुस्ट आतमा बाय पैहचान्ती हतीं कै बू परमेस्वर को पबित्र जन है।
ईसू कौ गलील में पिरचार
(लूका 4:42–44)
35दूसरे दिना ईसू दिन निकरबे ते पैहले सबेरे उठकै घर ते निकरौ और काऊ एकान्त जगह पै जायकै पिराथना करबे लगौ। 36तब सिमौन और वाके संगी बाय ढूंढबे गये। 37जब बू मिलौ तौ बिन्नें बाते कही कै, सब लोग तोय ढूँढ रये हैं।
38ईसू नें बिनते कही, आओं हम आस-पास की बस्तियन में चलें और मांपै पिरचार करें, चौंकि जई काजै तौ मैं आयौ हूं। 39#मत्ती 4:23; 9:35जामारै बू सबरे गलील में बिनके पिराथना घरन में परमेस्वर के वचन की सिछा देतौ रहौ और दुस्ट आतमांन कूं निकारतो रयौ।
ईसू नें एक कोढ़ी कूं ठीक करौ
(मत्ती 8:1–4; लूका 5:12–16)
40एक कोढ़ी वाके जौरें आयौ और वाके सामने घुटूअन के बल बैठकै बाते बिनती करकै कही, “हे ईसू तू चांहे तौ मोय सुद्ध कर सकते है।”
41ईसू नें बापै तरस खायकै हात बढ़ायौ और बाय छूकै कही, “मैं चाहतूँ तू कोढ़ ते सुद्ध है जा। 42और तुरन्त वाकौ कोढ़ जातौ रहो और बू सुद्ध है गयौ।”
43ईसू नें बाय बाई समै जि चेतावनी देते भये बिदा करौ। 44और बाते कही कै, “काऊ ते मत कहियों पर जायकै अपने आपकूं यहुदी पुरोहित कूं दिखा और अपने ठीक हैबे के बारे में जो कछू मूसा नें ठहरायौ बाय भेंट चढा बिनपे गबाही होवे कै परमेस्वर नें तोए ठीक करौ है।” 45पर बू बाहर जायकै जा बात कौ भौत पिरचार करवे लगौ जाते ईसू फिर खुलकै नगर में नांय जा सकौ। पर बाहर बेहड़ में रयौ और मांपैऊ चारौं तरफ ते लोग वाके जौरें आयवे लगे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)