मरकुस 2
2
लकबा के मारे भये कूं ठीक करबौ
(मत्ती 9:1–8; लूका 5:17–26)
1कछू दिनान के बाद ईसू कफरनहुम सहर में लौटौ तौ जि खबर फैल गई कि बू घर पैई है। 2जामारै इतने लोग इकठ्ठे है गये कै घर के द्वार के बाहरऊ जगह नांय रही, ईसू बिनैं परमेस्वर के वचन की सिछा दे रयो हतो। 3बाई समै लकबा के मारे भये एक आदमीए चार आदमी खाट पै डारकै ईसू के जौरें लाये। 4 पर बे बाए भीड़ की बजैह ते ईसू के जौरें नांय लै जाय सके तब बिन्नें बा घर में जहाँ ईसू हतो वाके ऊपर की छत खोल दई, और छेद में ते बा लकबा के मारे की खाट नीचे उतार दई। 5ईसू नें बिन लोगन कौ भरोसौ देखके बा लकबा मारे भये ते कही, “बेटा तेरे पाप छमा है गये।”
6कछू सास्त्रन कूं सिखाबे बारे मांपै बैठे हते और अपने मन में सोचबे लगे, 7“जि आदमी ऐसो चौं कैहवे? ऐसो करके जि तौ परमेस्वर की अपमान कर रयोए, परमेस्वर के अलाबा और कौन पापन कूं छमा कर सकै?”
8ईसू नें बाई समै आतमा में जान लियौ कै बे अपने अपने मन में ऐसो बिचार कर रये हैं, और बिनते कही कै, तुम अपने अपने मन में जि चौं सोच रये हो? 9“आसान का है, लकबा के रोगी ते जि कैहबौ तेरे पाप छमा है गये कै, जि कैहबौ उठ अपनी खाट उठायकें चल फिर?” 10पर जामारै कै तुम लोग जि जान लेओ कै मुझ, “मनुस्य के बेटा”#2:10 मनुस्य कौ बेटा ईसू अपने आप कूं मनुस्य को बेटा कैहकेऊ बतातो कूं धरती पै पाप छमा करबे कौऊ अधिकार मिलौ भयौ है। बानें बा लकबा के मारे भये ते कही, 11मैं तोते कैहतूं कै, अपनी खाट उठायकै अपने घर कूं चलौ जा। 12और बू उठो और बाई समै खाट उठायके और सबन के सामने ते निकरकै चलौ गयौ, जापै सब लोगनें अचम्भौ करौ और परमेस्वर की बड़ाई करके कैहवे लगे कै हमनें पैहले ऐसौ कबऊ नांय देखौ।
ईसू नें लेबी कूं बुलायौ
(मत्ती 9:9–13; लूका 5:27–32)
13ईसू एक बार फिर ते गलील की झील के किनारे गयौ, और बड़ी भीड़ वाके जौरें आई और बू बिनै परमेस्वर के वचन की सिछा दैवे लगौ। 14ईसू नें जाते भये हलफई के बेटा, लेबी कूं चुंगी लैवे बारी जगह पै बैठौ भयौ देखौ चौंकि, बू चुंगी लैवे कौ काम करतौ। ईसू नें बाते कही, मेरे पीछे चलौ आ और बू वाके पीछे चल दियौ।
15जब एक दिना ईसू अपने चेलान के संग लेबी के घर में खानों खा रयो और वाके संग भौत से चुंगी लैवे बारे और बुरे काम करबे बारे लोगऊ खानों खा रये हते। बिनमें भौत से बे लोग हते जो ईसू के पीछे-पीछे चले आये हते 16जि देखकै कै ईसू तौ पापी लोग और चुंगी लैवे बारेन के संग खानों खा रयौ है, सास्त्रन कूं सिखाबे बारे और फरीसियन नें ईसू के चेलान ते कही, “ईसू चुंगी लैबे बारेन के संग और पापी लोगन के संग चौं खातै-पीतै है? ईसू कूं ऐसौ नांय करनों चहिए।”
17ईसू नें जि सुनिकें बिनते कही, भले-चंगे लोगन के काजै बैद्य की जरूरत नांय पर बीमारन कूं बैद्य की जरूरत होबे है। मैं धरमियन कूं नांय पर पापिन कूं बुलाबे आयौ हूं।
ईसू कौ बर्त के बारे में बताबो
(मत्ती 9:14–17; लूका 5:33–39)
18एक दिना यूहन्ना बपतिस्मा दैबे बारे के चेला और फरीसिन के चेला बर्त कर रये हते, तब कछू लोगन्नें ईसू के जौरें आयकें बाते कही कै, “यूहन्ना के चेला और फरीसिन के चेला चौं बर्त रखतें हैं पर तेरे चेला बर्त चौं नांय रखतें हैं?”
19ईसू नें बिनते कही, “जब तक दूल्हा बरातिन के संग रैहबै, का बे बर्त कर सकें? कबऊ नांऐं, जामारै जब तक दूल्हा बिनके संग है तब तक बे बर्त नांय कर सकतई। 20पर बे दिन आवेगें जब दूल्हा बिनते अलग करौ जाबैगौ बा समै बे बर्त करिगें।
21“कोई पुराने कपड़ा में कोरे कपड़ा की थेगरी नांय लगात और अगर लगाबैगौ तौ कपड़ा धुब्बै के बाद में कोरौ कपड़ा सिकुड़ जाते और कोरे कपड़ा की थेगरी पुराने कपड़ा कूं फाड़ दैवे है। और पुरानों कपड़ा पैहले तेऊ जादा फट जाबैगौ। 22जाई तरैह ते पुरानी मसकन में कोई नये अंगूरन कौ रस नांय भरत। और अगर कोई ऐसो करतै तौ नये अंगूरन कौ रस पुरानी मसकन कूं फाड़ दैबेगौ, चौंकि अंगूर कौ रस कछू दिना बाद फूलबे लगतै जामारै पुरानी मसक फट जातै और मसक के संग-संग अंगूर कौ रसऊ खराब है जाबेगौ। जामारै नयौ अंगूर कौ रस नयी मसकन में ही भरौ जाबै।”
ईसू की आराम दिना की सिछा
(मत्ती 12:1–8; लूका 6:1–5)
23ऐसौ भयौ कै, ईसू और वाके चेला यहुदियन के आराम के दिना में, खेतन ते होत भये जा रये हते। और चलत-चलत ईसू के चेला खेत मेंते नांज की बालन्नें तोड़बे लगे। 24जापै फरीसी ईसू ते कैहवे लगे, “देख तेरे चेला आराम के दिनां में ऐसौ काम चौं करतें है? जो काम व्यबस्था के अनुसार आराम के दिना में करबौ मनें है।”
25ईसू नें बिनते कही, का तुम लोगन्नें जि कबऊ नांय पढौ कै, जब हमारे पुरखा दाऊद कूं और वाके संगके लोगन कूं भूख लगी हती, तब बानें का करौ? 26बानें कैसे अबियातार यहुदी महा पुरोहित के समै में परमेस्वर के घर में जायकै भेंट की रोटी खायीं अपने संगकेन नेंऊँ खायबे कूं दई हतीं, जिनै खाबे की अनुमती व्यबस्था के अनुसार यहुदी पुरोहित नें छोड़कै और काऊ के काजै नांय हती।
27तब ईसू नें बिनते कही, “आराम कौ दिनां आदमी के काजै बनांयौ है नां कि आदमी आराम दिना के काजै। 28जामारै मैं, ‘मनुस्य कौ बेटा’ आराम के दिना कौऊ पिरभू हूं।”
Currently Selected:
मरकुस 2: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
मरकुस 2
2
लकबा के मारे भये कूं ठीक करबौ
(मत्ती 9:1–8; लूका 5:17–26)
1कछू दिनान के बाद ईसू कफरनहुम सहर में लौटौ तौ जि खबर फैल गई कि बू घर पैई है। 2जामारै इतने लोग इकठ्ठे है गये कै घर के द्वार के बाहरऊ जगह नांय रही, ईसू बिनैं परमेस्वर के वचन की सिछा दे रयो हतो। 3बाई समै लकबा के मारे भये एक आदमीए चार आदमी खाट पै डारकै ईसू के जौरें लाये। 4 पर बे बाए भीड़ की बजैह ते ईसू के जौरें नांय लै जाय सके तब बिन्नें बा घर में जहाँ ईसू हतो वाके ऊपर की छत खोल दई, और छेद में ते बा लकबा के मारे की खाट नीचे उतार दई। 5ईसू नें बिन लोगन कौ भरोसौ देखके बा लकबा मारे भये ते कही, “बेटा तेरे पाप छमा है गये।”
6कछू सास्त्रन कूं सिखाबे बारे मांपै बैठे हते और अपने मन में सोचबे लगे, 7“जि आदमी ऐसो चौं कैहवे? ऐसो करके जि तौ परमेस्वर की अपमान कर रयोए, परमेस्वर के अलाबा और कौन पापन कूं छमा कर सकै?”
8ईसू नें बाई समै आतमा में जान लियौ कै बे अपने अपने मन में ऐसो बिचार कर रये हैं, और बिनते कही कै, तुम अपने अपने मन में जि चौं सोच रये हो? 9“आसान का है, लकबा के रोगी ते जि कैहबौ तेरे पाप छमा है गये कै, जि कैहबौ उठ अपनी खाट उठायकें चल फिर?” 10पर जामारै कै तुम लोग जि जान लेओ कै मुझ, “मनुस्य के बेटा”#2:10 मनुस्य कौ बेटा ईसू अपने आप कूं मनुस्य को बेटा कैहकेऊ बतातो कूं धरती पै पाप छमा करबे कौऊ अधिकार मिलौ भयौ है। बानें बा लकबा के मारे भये ते कही, 11मैं तोते कैहतूं कै, अपनी खाट उठायकै अपने घर कूं चलौ जा। 12और बू उठो और बाई समै खाट उठायके और सबन के सामने ते निकरकै चलौ गयौ, जापै सब लोगनें अचम्भौ करौ और परमेस्वर की बड़ाई करके कैहवे लगे कै हमनें पैहले ऐसौ कबऊ नांय देखौ।
ईसू नें लेबी कूं बुलायौ
(मत्ती 9:9–13; लूका 5:27–32)
13ईसू एक बार फिर ते गलील की झील के किनारे गयौ, और बड़ी भीड़ वाके जौरें आई और बू बिनै परमेस्वर के वचन की सिछा दैवे लगौ। 14ईसू नें जाते भये हलफई के बेटा, लेबी कूं चुंगी लैवे बारी जगह पै बैठौ भयौ देखौ चौंकि, बू चुंगी लैवे कौ काम करतौ। ईसू नें बाते कही, मेरे पीछे चलौ आ और बू वाके पीछे चल दियौ।
15जब एक दिना ईसू अपने चेलान के संग लेबी के घर में खानों खा रयो और वाके संग भौत से चुंगी लैवे बारे और बुरे काम करबे बारे लोगऊ खानों खा रये हते। बिनमें भौत से बे लोग हते जो ईसू के पीछे-पीछे चले आये हते 16जि देखकै कै ईसू तौ पापी लोग और चुंगी लैवे बारेन के संग खानों खा रयौ है, सास्त्रन कूं सिखाबे बारे और फरीसियन नें ईसू के चेलान ते कही, “ईसू चुंगी लैबे बारेन के संग और पापी लोगन के संग चौं खातै-पीतै है? ईसू कूं ऐसौ नांय करनों चहिए।”
17ईसू नें जि सुनिकें बिनते कही, भले-चंगे लोगन के काजै बैद्य की जरूरत नांय पर बीमारन कूं बैद्य की जरूरत होबे है। मैं धरमियन कूं नांय पर पापिन कूं बुलाबे आयौ हूं।
ईसू कौ बर्त के बारे में बताबो
(मत्ती 9:14–17; लूका 5:33–39)
18एक दिना यूहन्ना बपतिस्मा दैबे बारे के चेला और फरीसिन के चेला बर्त कर रये हते, तब कछू लोगन्नें ईसू के जौरें आयकें बाते कही कै, “यूहन्ना के चेला और फरीसिन के चेला चौं बर्त रखतें हैं पर तेरे चेला बर्त चौं नांय रखतें हैं?”
19ईसू नें बिनते कही, “जब तक दूल्हा बरातिन के संग रैहबै, का बे बर्त कर सकें? कबऊ नांऐं, जामारै जब तक दूल्हा बिनके संग है तब तक बे बर्त नांय कर सकतई। 20पर बे दिन आवेगें जब दूल्हा बिनते अलग करौ जाबैगौ बा समै बे बर्त करिगें।
21“कोई पुराने कपड़ा में कोरे कपड़ा की थेगरी नांय लगात और अगर लगाबैगौ तौ कपड़ा धुब्बै के बाद में कोरौ कपड़ा सिकुड़ जाते और कोरे कपड़ा की थेगरी पुराने कपड़ा कूं फाड़ दैवे है। और पुरानों कपड़ा पैहले तेऊ जादा फट जाबैगौ। 22जाई तरैह ते पुरानी मसकन में कोई नये अंगूरन कौ रस नांय भरत। और अगर कोई ऐसो करतै तौ नये अंगूरन कौ रस पुरानी मसकन कूं फाड़ दैबेगौ, चौंकि अंगूर कौ रस कछू दिना बाद फूलबे लगतै जामारै पुरानी मसक फट जातै और मसक के संग-संग अंगूर कौ रसऊ खराब है जाबेगौ। जामारै नयौ अंगूर कौ रस नयी मसकन में ही भरौ जाबै।”
ईसू की आराम दिना की सिछा
(मत्ती 12:1–8; लूका 6:1–5)
23ऐसौ भयौ कै, ईसू और वाके चेला यहुदियन के आराम के दिना में, खेतन ते होत भये जा रये हते। और चलत-चलत ईसू के चेला खेत मेंते नांज की बालन्नें तोड़बे लगे। 24जापै फरीसी ईसू ते कैहवे लगे, “देख तेरे चेला आराम के दिनां में ऐसौ काम चौं करतें है? जो काम व्यबस्था के अनुसार आराम के दिना में करबौ मनें है।”
25ईसू नें बिनते कही, का तुम लोगन्नें जि कबऊ नांय पढौ कै, जब हमारे पुरखा दाऊद कूं और वाके संगके लोगन कूं भूख लगी हती, तब बानें का करौ? 26बानें कैसे अबियातार यहुदी महा पुरोहित के समै में परमेस्वर के घर में जायकै भेंट की रोटी खायीं अपने संगकेन नेंऊँ खायबे कूं दई हतीं, जिनै खाबे की अनुमती व्यबस्था के अनुसार यहुदी पुरोहित नें छोड़कै और काऊ के काजै नांय हती।
27तब ईसू नें बिनते कही, “आराम कौ दिनां आदमी के काजै बनांयौ है नां कि आदमी आराम दिना के काजै। 28जामारै मैं, ‘मनुस्य कौ बेटा’ आराम के दिना कौऊ पिरभू हूं।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)