मरकुस 6
6
नासरत के लोगन नें ईसू कूं नांय अपनांयो
(मत्ती 13:53–58; लूका 4:16–30)
1ईसू और वाके चेला पिराथना घर के अधिकारी के घर ते निकर के नासरत सहर में आये जाँपै बू पलौ-बड़ौ हतो। 2जब यहुदियों कौ आराम दिन आयौ तब ईसू पिराथना घर में परमेस्वर के वचन की सिछा दैवे लगौ, सब सुनबे बारे चकित है गये और कैहबे लगे, जा आदमी में जि बात कहाँ ते आ गई और बू कैसो ग्यान है जो जाय दियौ गयौ है, जाके हातन ते कैसे सामर्थ के काम पिरगट होतै। 3का जि बेई बढई नांय जो मरियम कौ बेटा है और याकूब योसेस, यहूदा ओर सिमौन को भईया है, का वाकी छोटी बहनें हमारे बीच में नांय रहतीं और लोगन नें जा बजैह ते ईसू की सिछा कूं नांय मानौ।
4 #
यूह 4:44
ईसू नें बिनते कही “कै परमेस्वर की ओर ते बातें बतायबे बारौ अपने नगर और घर कुनबा कूं छोड़कै सब जगैह पै सम्मानित होतै।” 5ईसू नें कछू बीमारन पै हात रखके बिनकूं ठीक करौ और बू जाके अलाबा कोई सामर्थ के काम मापै नांय कर सकौ। 6लोगन नें भरोसौ नांय करौ जा बात पै ईसू नें अचम्भों करौ। और फिर ईसू आस-पास के गांमन के चारौ और घूमतौ भयौ परमेस्वर के वचन की सिछा देतौ रहो।
सेबा के काजै बारह चेलान कूं भेजौ
(मत्ती 10:5–15; लूका 9:1–6)
7ईसू नें बिन बारह चेलान कूं अपने जौरें बुलायकै दो-दो करिके भेजिवे लगौ, और बिनैं असुद्ध आतमान कूं निकारबे कौ अधिकार दियौ 8और ईसू नें बिनै हुकुम दियौ कै रस्ता के काजै लठिया छोड़कै और कछू मत लियों न तौ रोटी, न झोरी और न आँटी मेँ रुपया पैसा लेऔ, 9पर पामन में जूता पहनों और जो कपड़ा पैहनोए, वाके अलाबा दूसरो कपड़ा मत लेऔ। 10और ईसू नें बिन्ते जि बात कही, “जा घर में तुम आदर के संग बुलाये जाऔ तौ जब तलक बा सहर ते बिदा न होऔ तब तक बाई घर मेँ रुके रहो।” 11#प्रेरि 13:51#लूका 10:4–11जा जगैह के लोग तुमें ना अपनाबें और तुमारी नांय सुनें, तौ मांते चलतेई अपने पामन की धूर झाड़ दियौ जाते बिनके बिरोध में गबाही रैहबे कै बे अपने नांस हैबे कौ कारन खुदई है।
12तब भेजे भये चेलान नें जायकै लोगन में पिरचार करौ कै अपने पापन ते मन फिराऔ। 13#याकू 5:14और भेजे भये चेलान नें भौतसी दुस्ट आतमांन कूं निकारौ और भौत ते बीमारन के सर पै जैतून कौ तेल मलिकें बिनै ठीक करौ।
यूहन्ना बपतिस्मा दैवे बारे की हत्या
(मत्ती 14:1–12; लूका 9:7–9)
14 #
मत्ती 16:14; मर 8:28; लूका 9:19 हेरोदेस राजा नेंऊं ईसू के बारे में सुनों, चौंकि ईसू कौ नाम फैल गयौ हतौ। और कछू लोग जि कैहते कै यूहन्ना बपतिस्मा दैबे बारौ मरे भयेन में ते जीबित है गयौ है, जामारै बामें ते सामर्थ के काम पिरगट हौतै।
15कछू लोग कैहते हते कै जि परमेस्वर की ओर ते बात बतायबे बारौ एलियाह है,
और कछू लोग कैहते हते, कै जि परमेस्वर की ओर ते बाते बताबे बारौ है, जैसे पुराने समै में परमेस्वर की ओर ते बात बतायबे बारे होते। 16जब हेरोदेस नें जा बात के बारे में सुनों तब बानें कही, जा यूहन्ना बपतिस्मा दैबे बारे कौ सर मैनें कटबायौ हतो बू जी उठौ है।
17 #
लूका 3:19,20 चौंकि हेरोदेस नें खुद अपने सिपाईयों कूं भेजकें यूहन्ना कूं जेल में डलबा दियौ हतो ऐसौ बानें हेरोदियास के कैहवे पै करौ, जाते हेरोदेस नें ब्याह कर लियौ हतो, जो पैहले वाके भईया फिलिपुस की पत्नी हती। 18चौंकि यूहन्ना हेरोदेस ते बार बार जि कैहतो रेहतो कै, “तैने जो अपने भईया के जीबित जि वाकी औरतै, अपनी औरत बना लयोए बो सई नांय।” 19जामारै हेरोदियास यूहन्ना ते बैर रखती हती, और जि चाहती कै बाकूं मरबा डारे पर ऐसो नांय है सकौ, 20चौंकि हेरोदेस यूहन्ना कूं पबित्र और धरमी जानिकै बाते डरपतो और बाय बचाय रखतो और हर समै वाकी बात सुनिकै भौत घबरा जातौ पर खुसी ते वाकी सुनत रेहतो।
21हेरोदियास कूं अपने मन्सूबेन कूं पूरौ करवे के काजै मौकों मिलौ। जब हेरोदेस नें अपने जन्मदिन पै अपने पिरधान और सैनापति और गलील के बड़े-बड़े लोगन के काजै दाबत करी। 22तब हेरोदियास की बेटी भीतर आयी और बानें नाचकै हेरोदेस और वाके संग बैठे भये लोगन कूं खुस करौ, तब राजा हेरोदेस नें बा लड़की ते कही, तू जो चाहै सो मोतै माँग लै मैं तोकूं दुंगो। 23और हेरोदेस नें सौगन्ध खाई कै मैं तोय अपने आधे राज्य तक जो कछू तू मोते माँगेगी मैं तोय दे दूँगो।
24लड़की नें बाहर आयकै अपनी मा ते पूछी कै, “मैं का मांगूं?”
तब वाकी मा हेरोदियास बोली, “यूहन्ना बपतिस्मा दैबे बारे कौ सर माँग लै।”
25लड़की तुरन्त राजा हेरोदेस के जौरें भीतर गयी और बाते कही कै तू अबई यूहन्ना बपतिस्मा दैबे बारे कौ सर थार में रखिके मँगाय दै।
26तब राजा भौत दुःखी भयौ पर बानें अपनी बा सौगन्ध की बजैह ते जो बानें अपने संग बैठबे बारेन के सामने खाई हती, बाते मनें नांय कर सकौ। 27जामारै राजा नें बाई समै एक सिपाही कूं हुकुम दियौ कै बू जायकै यूहन्ना बपतिस्मा दैबे बारे के सर कूं काटि लावे। और सिपाई नें जेल खाने मेँ जायकै वाकौ सर काटौ, 28और बाय थारी में रखकै लायो और बा सर कूं लडकी कूं दियौ, बा लडकी नें अपनी मा कूं दियौ। 29और जब यूहन्ना के चेलान नें जि पतौ चलौ कै यूहन्ना कौ सर काट दयौ गयौ है तब बू आये और वाकी लास कूं लै जायके कब्रिस्तान में एक कब्र में रख दियौ।
ईसू नें पाँच हजार लोगन कूं खानों खबायौ
(मत्ती 14:13–21; लूका 9:10–17; यूहन्ना 6:1–14)
30ईसू की ओर ते भेजे भये चेला बापस आये, जो कछू बिन्नें करौ और सिखायौ हतो बू सब ईसूए बतायौ। 31तब ईसू नें बिनते कही “चलौ हम लोग काऊ एकान्त जगह पै चलते हैं जहाँ तुम थोड़ो आराम कर सकौ।” चौंकि भौत सारे लोग आवत जावत हतै और बिनै खानों खायवे कौऊ मौकों नांय मिलतो।
32जामारै बे नाव पै चढिके काऊ सून सान जगह पै अलग चले गये। 33भौत ते लोगनें ईसू कूं जावत भयौ देखिकें पहिचान लियौ और बे सब नगरन तै इकठ्ठे हैके वहाँ पैदल भागे और बिनते पैहले मापैं जा पौंहचे। 34#मत्ती 9:36 जब ईसू नाव ते उतरौ तब बानें एक भौत बड़ी भीड़ देखी और बापै तरस खायौ, चौंकि बे बिन भेड़न के जैसे हते जिनकौ कोई चरायबे बारौ नांय होबै। और ईसू बिनै भौत सी बातन्नेँ सिखाबे लगौ। 35जब सूरज डूबबे लगौ तब ईसू के चेला वाके जौरें आयकै कहिवे लगे कै, “जि सून सान जगह है और सूरजऊ डूबबे बारो है। 36इन लोगन नें भेज दै कै जि जायकै आस जौरें के गांम और बस्तियन मेँ ते अपने खाबे काजै कछू खरीद लैबे।”
37पर ईसू नें चेलान ते कही, “तुमही इनैं खायवे काजै देओ।”
पर बिन्नें ईसू ते कही, “का हम जायकै दो सौ दीनार#6:37 दीनार जि बा समै रोमी सरकार की मुद्रा हती, एक दीनार की कीमत लगभग एक दिना की मजदूरी की रोटी खरीदकै इन लोगन नैं खबाबैं, ऐसो नांय है सकतै चौंकि इतनों पईसा हमारे जौरें नांय।”
38ईसू नें बिन्ते कही, “जायकै देखौ तुम पै कितनीं रोटी हैं,”
बिन्नें मालुम करिकै कही, “पाँच रोटियां और दो मछलियाँ हैं।”
39फिर ईसू नें चेलान कूं आग्या दियौ, सब लोगन कूं हरी घास पै लाइन-लाइन में बैठाय देओ। 40तब चेलान नें लोगन कूं सौ-सौ और पचास-पचास करिकै लाइन-लाइन बैठाय दयौ। 41ईसू नें बिन पाँच रोटी और दो मछलीन कूं हात में लियौ और ऊपर सुरग की ओर देखिके परमेस्वर कौ धन्यबाद करौ, और रोटी तोड़ तोड़ कै चेलान्ने देत गयौ और बे लोगन कूं परोसें और एसैई बिन दो मछलीन कूं बिन सब लोगन में बांट दयी। 42सबन्नें पेट भरिकें खायौ और झिक गये। 43जाके बाद मेंऊ रोटी और मछलिन के इतने टुकडा बच गये कै चेलान नें बचे भये टुकड़न ते बारह डलियां भरीं 44जिन लोगन नें रोटी खायीं बिनमें केवल आदमी-आदमी की गिनती पाँच हजार हती।
ईसू कौ पानी पै चलबौ
(मत्ती 14:22–33; यूहन्ना 6:15–21)
45तब ईसू नें अपने चेलान कूं बाई समै नाव पै चढिवे कूं मजबूर करौ, कै बे बाते पैहले झील के पार बैतसैदा नगर कूं पहुँच जाबै जब तक कै बू लोगन्ने बिदा करै, 46ईसू बिनै बिदा करिके पहाड़ पै पिराथना करिबे काजै चलौ गयौ। 47जब सूरज डूब गयौ तब जा नाव में चेला हते, बू नाव झील के बीच में हती, परि अबई तलक ईसू अकेलौ धरती पै हतौ, 48ईसू नें देखौ कै चेला नाव चलावत चलावत हाँप गये है, चौंकि हबा बिनके बिपरीत हती। तब सबेरे के तीन बजे ते छै बजे के बीच में ईसू झील के पानी पै चलतौ भयौ बिनके जौरें आयौ बू बिनते आगे निकर जावौ चाँहत हतो। 49तब चेलान नें बाय पानी पै चलतौ भयौ देखिके समझौ कै जि भूत है और बे चीख उठे, 50चौंकि बे सब बाय देखिकें घबरा गये हते।
पर बाई समै ईसू नें बिनते कही, हिम्मत रखौ डरपौ मत मैं हूं। 51तब ईसू बिनके जौरें नाव पै आयौ और बिपरीत हबा रुक गयी, और चेला भौतई अचम्भौ करिबे लगे। 52चौंकि बे रोटियन कौ जो चमत्कार भयौ हतो, वाके बारे में मैंऊँ नांय जान पा रये हते, बिनकी समझ में नांय आयौ जि कैसे भयौ। बू सोच नयी पा रहे हते।
ईसू नें गनेसरत सहर में बीमार लोगन कूं ठीक करौ
(मत्ती 14:34–36)
53बे झील के बा पार पै उतरिके गन्नेसरत देस में पौंहचे, और नाव किनारे पै लगाई। 54और बे नाव पैते उतरि ही रये हते बाई समै लोगन नें ईसू को पहिचान लियौ। 55फिर बे लोग आस-पास की जगहन में भागकें गये और जायकै लोगन कूं ईसू के बारे में बतायौ और लोग जि सुनते तब लोग बीमार लोगन कूं खाट पै डारकें ईसू के जौरें लायवे लगे। 56और जहाँ कहीं ईसू गांम, सहर और बस्तियन में जातो, तौ लोग अपने बीमारन कूं बाजारन के चौक में रखिके बाते बिनती करते हते कै बू बिनैं अपने कपड़ा कौ किनारे ही कूं छू लैन दे और जितने बाय छूवत हते बे ठीक है जावत हते।
Currently Selected:
मरकुस 6: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
मरकुस 6
6
नासरत के लोगन नें ईसू कूं नांय अपनांयो
(मत्ती 13:53–58; लूका 4:16–30)
1ईसू और वाके चेला पिराथना घर के अधिकारी के घर ते निकर के नासरत सहर में आये जाँपै बू पलौ-बड़ौ हतो। 2जब यहुदियों कौ आराम दिन आयौ तब ईसू पिराथना घर में परमेस्वर के वचन की सिछा दैवे लगौ, सब सुनबे बारे चकित है गये और कैहबे लगे, जा आदमी में जि बात कहाँ ते आ गई और बू कैसो ग्यान है जो जाय दियौ गयौ है, जाके हातन ते कैसे सामर्थ के काम पिरगट होतै। 3का जि बेई बढई नांय जो मरियम कौ बेटा है और याकूब योसेस, यहूदा ओर सिमौन को भईया है, का वाकी छोटी बहनें हमारे बीच में नांय रहतीं और लोगन नें जा बजैह ते ईसू की सिछा कूं नांय मानौ।
4 #
यूह 4:44
ईसू नें बिनते कही “कै परमेस्वर की ओर ते बातें बतायबे बारौ अपने नगर और घर कुनबा कूं छोड़कै सब जगैह पै सम्मानित होतै।” 5ईसू नें कछू बीमारन पै हात रखके बिनकूं ठीक करौ और बू जाके अलाबा कोई सामर्थ के काम मापै नांय कर सकौ। 6लोगन नें भरोसौ नांय करौ जा बात पै ईसू नें अचम्भों करौ। और फिर ईसू आस-पास के गांमन के चारौ और घूमतौ भयौ परमेस्वर के वचन की सिछा देतौ रहो।
सेबा के काजै बारह चेलान कूं भेजौ
(मत्ती 10:5–15; लूका 9:1–6)
7ईसू नें बिन बारह चेलान कूं अपने जौरें बुलायकै दो-दो करिके भेजिवे लगौ, और बिनैं असुद्ध आतमान कूं निकारबे कौ अधिकार दियौ 8और ईसू नें बिनै हुकुम दियौ कै रस्ता के काजै लठिया छोड़कै और कछू मत लियों न तौ रोटी, न झोरी और न आँटी मेँ रुपया पैसा लेऔ, 9पर पामन में जूता पहनों और जो कपड़ा पैहनोए, वाके अलाबा दूसरो कपड़ा मत लेऔ। 10और ईसू नें बिन्ते जि बात कही, “जा घर में तुम आदर के संग बुलाये जाऔ तौ जब तलक बा सहर ते बिदा न होऔ तब तक बाई घर मेँ रुके रहो।” 11#प्रेरि 13:51#लूका 10:4–11जा जगैह के लोग तुमें ना अपनाबें और तुमारी नांय सुनें, तौ मांते चलतेई अपने पामन की धूर झाड़ दियौ जाते बिनके बिरोध में गबाही रैहबे कै बे अपने नांस हैबे कौ कारन खुदई है।
12तब भेजे भये चेलान नें जायकै लोगन में पिरचार करौ कै अपने पापन ते मन फिराऔ। 13#याकू 5:14और भेजे भये चेलान नें भौतसी दुस्ट आतमांन कूं निकारौ और भौत ते बीमारन के सर पै जैतून कौ तेल मलिकें बिनै ठीक करौ।
यूहन्ना बपतिस्मा दैवे बारे की हत्या
(मत्ती 14:1–12; लूका 9:7–9)
14 #
मत्ती 16:14; मर 8:28; लूका 9:19 हेरोदेस राजा नेंऊं ईसू के बारे में सुनों, चौंकि ईसू कौ नाम फैल गयौ हतौ। और कछू लोग जि कैहते कै यूहन्ना बपतिस्मा दैबे बारौ मरे भयेन में ते जीबित है गयौ है, जामारै बामें ते सामर्थ के काम पिरगट हौतै।
15कछू लोग कैहते हते कै जि परमेस्वर की ओर ते बात बतायबे बारौ एलियाह है,
और कछू लोग कैहते हते, कै जि परमेस्वर की ओर ते बाते बताबे बारौ है, जैसे पुराने समै में परमेस्वर की ओर ते बात बतायबे बारे होते। 16जब हेरोदेस नें जा बात के बारे में सुनों तब बानें कही, जा यूहन्ना बपतिस्मा दैबे बारे कौ सर मैनें कटबायौ हतो बू जी उठौ है।
17 #
लूका 3:19,20 चौंकि हेरोदेस नें खुद अपने सिपाईयों कूं भेजकें यूहन्ना कूं जेल में डलबा दियौ हतो ऐसौ बानें हेरोदियास के कैहवे पै करौ, जाते हेरोदेस नें ब्याह कर लियौ हतो, जो पैहले वाके भईया फिलिपुस की पत्नी हती। 18चौंकि यूहन्ना हेरोदेस ते बार बार जि कैहतो रेहतो कै, “तैने जो अपने भईया के जीबित जि वाकी औरतै, अपनी औरत बना लयोए बो सई नांय।” 19जामारै हेरोदियास यूहन्ना ते बैर रखती हती, और जि चाहती कै बाकूं मरबा डारे पर ऐसो नांय है सकौ, 20चौंकि हेरोदेस यूहन्ना कूं पबित्र और धरमी जानिकै बाते डरपतो और बाय बचाय रखतो और हर समै वाकी बात सुनिकै भौत घबरा जातौ पर खुसी ते वाकी सुनत रेहतो।
21हेरोदियास कूं अपने मन्सूबेन कूं पूरौ करवे के काजै मौकों मिलौ। जब हेरोदेस नें अपने जन्मदिन पै अपने पिरधान और सैनापति और गलील के बड़े-बड़े लोगन के काजै दाबत करी। 22तब हेरोदियास की बेटी भीतर आयी और बानें नाचकै हेरोदेस और वाके संग बैठे भये लोगन कूं खुस करौ, तब राजा हेरोदेस नें बा लड़की ते कही, तू जो चाहै सो मोतै माँग लै मैं तोकूं दुंगो। 23और हेरोदेस नें सौगन्ध खाई कै मैं तोय अपने आधे राज्य तक जो कछू तू मोते माँगेगी मैं तोय दे दूँगो।
24लड़की नें बाहर आयकै अपनी मा ते पूछी कै, “मैं का मांगूं?”
तब वाकी मा हेरोदियास बोली, “यूहन्ना बपतिस्मा दैबे बारे कौ सर माँग लै।”
25लड़की तुरन्त राजा हेरोदेस के जौरें भीतर गयी और बाते कही कै तू अबई यूहन्ना बपतिस्मा दैबे बारे कौ सर थार में रखिके मँगाय दै।
26तब राजा भौत दुःखी भयौ पर बानें अपनी बा सौगन्ध की बजैह ते जो बानें अपने संग बैठबे बारेन के सामने खाई हती, बाते मनें नांय कर सकौ। 27जामारै राजा नें बाई समै एक सिपाही कूं हुकुम दियौ कै बू जायकै यूहन्ना बपतिस्मा दैबे बारे के सर कूं काटि लावे। और सिपाई नें जेल खाने मेँ जायकै वाकौ सर काटौ, 28और बाय थारी में रखकै लायो और बा सर कूं लडकी कूं दियौ, बा लडकी नें अपनी मा कूं दियौ। 29और जब यूहन्ना के चेलान नें जि पतौ चलौ कै यूहन्ना कौ सर काट दयौ गयौ है तब बू आये और वाकी लास कूं लै जायके कब्रिस्तान में एक कब्र में रख दियौ।
ईसू नें पाँच हजार लोगन कूं खानों खबायौ
(मत्ती 14:13–21; लूका 9:10–17; यूहन्ना 6:1–14)
30ईसू की ओर ते भेजे भये चेला बापस आये, जो कछू बिन्नें करौ और सिखायौ हतो बू सब ईसूए बतायौ। 31तब ईसू नें बिनते कही “चलौ हम लोग काऊ एकान्त जगह पै चलते हैं जहाँ तुम थोड़ो आराम कर सकौ।” चौंकि भौत सारे लोग आवत जावत हतै और बिनै खानों खायवे कौऊ मौकों नांय मिलतो।
32जामारै बे नाव पै चढिके काऊ सून सान जगह पै अलग चले गये। 33भौत ते लोगनें ईसू कूं जावत भयौ देखिकें पहिचान लियौ और बे सब नगरन तै इकठ्ठे हैके वहाँ पैदल भागे और बिनते पैहले मापैं जा पौंहचे। 34#मत्ती 9:36 जब ईसू नाव ते उतरौ तब बानें एक भौत बड़ी भीड़ देखी और बापै तरस खायौ, चौंकि बे बिन भेड़न के जैसे हते जिनकौ कोई चरायबे बारौ नांय होबै। और ईसू बिनै भौत सी बातन्नेँ सिखाबे लगौ। 35जब सूरज डूबबे लगौ तब ईसू के चेला वाके जौरें आयकै कहिवे लगे कै, “जि सून सान जगह है और सूरजऊ डूबबे बारो है। 36इन लोगन नें भेज दै कै जि जायकै आस जौरें के गांम और बस्तियन मेँ ते अपने खाबे काजै कछू खरीद लैबे।”
37पर ईसू नें चेलान ते कही, “तुमही इनैं खायवे काजै देओ।”
पर बिन्नें ईसू ते कही, “का हम जायकै दो सौ दीनार#6:37 दीनार जि बा समै रोमी सरकार की मुद्रा हती, एक दीनार की कीमत लगभग एक दिना की मजदूरी की रोटी खरीदकै इन लोगन नैं खबाबैं, ऐसो नांय है सकतै चौंकि इतनों पईसा हमारे जौरें नांय।”
38ईसू नें बिन्ते कही, “जायकै देखौ तुम पै कितनीं रोटी हैं,”
बिन्नें मालुम करिकै कही, “पाँच रोटियां और दो मछलियाँ हैं।”
39फिर ईसू नें चेलान कूं आग्या दियौ, सब लोगन कूं हरी घास पै लाइन-लाइन में बैठाय देओ। 40तब चेलान नें लोगन कूं सौ-सौ और पचास-पचास करिकै लाइन-लाइन बैठाय दयौ। 41ईसू नें बिन पाँच रोटी और दो मछलीन कूं हात में लियौ और ऊपर सुरग की ओर देखिके परमेस्वर कौ धन्यबाद करौ, और रोटी तोड़ तोड़ कै चेलान्ने देत गयौ और बे लोगन कूं परोसें और एसैई बिन दो मछलीन कूं बिन सब लोगन में बांट दयी। 42सबन्नें पेट भरिकें खायौ और झिक गये। 43जाके बाद मेंऊ रोटी और मछलिन के इतने टुकडा बच गये कै चेलान नें बचे भये टुकड़न ते बारह डलियां भरीं 44जिन लोगन नें रोटी खायीं बिनमें केवल आदमी-आदमी की गिनती पाँच हजार हती।
ईसू कौ पानी पै चलबौ
(मत्ती 14:22–33; यूहन्ना 6:15–21)
45तब ईसू नें अपने चेलान कूं बाई समै नाव पै चढिवे कूं मजबूर करौ, कै बे बाते पैहले झील के पार बैतसैदा नगर कूं पहुँच जाबै जब तक कै बू लोगन्ने बिदा करै, 46ईसू बिनै बिदा करिके पहाड़ पै पिराथना करिबे काजै चलौ गयौ। 47जब सूरज डूब गयौ तब जा नाव में चेला हते, बू नाव झील के बीच में हती, परि अबई तलक ईसू अकेलौ धरती पै हतौ, 48ईसू नें देखौ कै चेला नाव चलावत चलावत हाँप गये है, चौंकि हबा बिनके बिपरीत हती। तब सबेरे के तीन बजे ते छै बजे के बीच में ईसू झील के पानी पै चलतौ भयौ बिनके जौरें आयौ बू बिनते आगे निकर जावौ चाँहत हतो। 49तब चेलान नें बाय पानी पै चलतौ भयौ देखिके समझौ कै जि भूत है और बे चीख उठे, 50चौंकि बे सब बाय देखिकें घबरा गये हते।
पर बाई समै ईसू नें बिनते कही, हिम्मत रखौ डरपौ मत मैं हूं। 51तब ईसू बिनके जौरें नाव पै आयौ और बिपरीत हबा रुक गयी, और चेला भौतई अचम्भौ करिबे लगे। 52चौंकि बे रोटियन कौ जो चमत्कार भयौ हतो, वाके बारे में मैंऊँ नांय जान पा रये हते, बिनकी समझ में नांय आयौ जि कैसे भयौ। बू सोच नयी पा रहे हते।
ईसू नें गनेसरत सहर में बीमार लोगन कूं ठीक करौ
(मत्ती 14:34–36)
53बे झील के बा पार पै उतरिके गन्नेसरत देस में पौंहचे, और नाव किनारे पै लगाई। 54और बे नाव पैते उतरि ही रये हते बाई समै लोगन नें ईसू को पहिचान लियौ। 55फिर बे लोग आस-पास की जगहन में भागकें गये और जायकै लोगन कूं ईसू के बारे में बतायौ और लोग जि सुनते तब लोग बीमार लोगन कूं खाट पै डारकें ईसू के जौरें लायवे लगे। 56और जहाँ कहीं ईसू गांम, सहर और बस्तियन में जातो, तौ लोग अपने बीमारन कूं बाजारन के चौक में रखिके बाते बिनती करते हते कै बू बिनैं अपने कपड़ा कौ किनारे ही कूं छू लैन दे और जितने बाय छूवत हते बे ठीक है जावत हते।
Currently Selected:
:
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)