Jon 4
4
1An Ieremera neterhinatin moma Farisi min kenairou mama Iesu ramos asul neremim kamairoupen in kama Jon, mamol nebaptisoan le ilar,
2Mero Iesu atu resolan nebaptisoan mero tan ieremim min,
3Neterapas Judia muan mun Kalili.
4An neterakeikei mua mier Sameria.
5An neterua le nauanu ker Sameria, netigen Saikar, iwaket, to ten Jekob ramofen kam nerin Josef.
6An nimil le nu taha Jekob iken. An Iseu reknopou le navenan tahan, neteramowata maka lan le nikali nimil le nu; rol kama aur katilum makarena.
7Berai Sameria ker neterua to neruan nu. Iesu netereni ton, Ofa iakamnum.
8Mero in ka tan ieremim min kenaruan lauanu mama takaros nemri nauganan.
9An berai Sameria netereni ton, Retol ik Ju nakamehrapkin pa namnuman tonio berai Sameria? Mero in ka Ju min kasaniapkisan nerem Sameria.
10Iesu neteraram menipen ton, Takama ik nemhinatin nofenan te Wuhgin, an moma pehe rameni tonik moma, Ofa iakamnum, ik nepehrapkin ton and rapofena nu lilen kam ik.
11Netereni ton, Ieremera, nar rika tenekuit nu lan, an nimil le nu ipai.
12An ik tenakos petuan nu lilen? Ik ierem iribor le remitar Jekob ierem ramofa nimbil le nu kam kamar, an in mun ramamamnum lan ilar nererin mene nar ramaugan ilar tahn min.
13Iesu neteraram menipen ton, Ierem teramnum nu uk terepowawa mun.
14Mero ierem teramnum le nu ierem io tiapofen kam in teresowawean mun le nian min petum, mero nu ierem io tiapofen kam in terepol nimil le nu le nekin terepamawalual le nemihwan lilen.
15Beravin netereni ton, Ieremera, ofa nu uk mona tiesowawean mesuean mun uk to neruan nu.
16Netereni ton, Uan maunin nemiram miava ikenuk.
17Beravin neteraram menipen ton, Nemirok rika. Iesu netereni ton, Ik nekneni parhien moma, Nemirok rika;
18Mero in ka aupan nemiram katilum, an ierem nakamos towe mene resolan moma nemiram. Nekneni parhien nar uk.
19Beravin netereni ton, Ieremera, iakhinatin ik moma profeta.
20Remimar min kamameihwak letui towar uk; an kamiar nakama Jerusalem iken neremim takaikeikei meihwak iken.
21Iesu netereni ton, Ani nuparhienan lak, beravin, moma nian terepua moma teneseihwakan kam Tata letui towar uk wa le Jerusalem.
22Kamiar nakameihwak kam nar nakatiktik, kamar iakameihwak kam nar iakarhinatin, mero in ka nemihwan remsipe le Ju min.
23Mero nian terepua an in uk towe moma nahwak parhien tepeihwak kam Tata le nanumun mene nuparhienan, mero in ka Tata ramatkoigen nerem takaihwak mok lan kam in.
24Wuhgin in nanumun, an nerem takaihwak kam in takaikeikei meihwak le nanumun mene nuparhienan.
25Beravin netereni ton, Iakhinatin moma Mesia terepua, ierem netigen Kristo. Terama terua terepeni naremnar min petum to katar.
26Iesu netereni ton, Io in iakamakar kam ik.
27In am hwaka tan ieremim min netakarua an nanumun ilar neterika mero in ka ramakar kam beravin; mero ker remesenian moma, Neta nakamatkoigen? wa, Retol, nakamakar kam in?
28An beravin neterapas nevige nar tahan neteruan launanu meni to neremim,
29Aru maihm ieremim rameni tonio naremnar iemamol, takol in uk Kristo?
30Netakarier le nauanu marua ton.
31An ilar teparua an tan ieremim min netakaihrapuk ton mamani Rabi, kin nar ker,
32Mero netereni to ilar, Iamos nar tiakakin kamiar nakatiktik.
33An tan ieremim min netakani to ilar min, Nar ker ramos nar terkin mua ton?
34Iesu netereni to ilar, In uk nauganan tahak moma tiakol nowa te ierem rehmalipa io mol petum naremnar tahan.
35Kamiar nesanian mama mouk kuer ramarik an nemeruean terua? Ahm ru, tiakani to kamiar, areitet ru maihm nasuman min mama reknametuan to nemeruean.
36An ierem terarai teros neroan lan an terhwafugan nowa nik to nemihwan lilen, moma ierem terhau mene ierem terarai tepuagien was.
37Mero in ka le nar uk kameni parhien moma ker rahmau ker ramarai.
38Iehmalipa kamiar to naraian nar nemesailekutan ton; nerapusen kamailekut lan an kamiar neknarua le nalkutan tenilar.
39An le nauanu ka nerem Sameria ribor neta kani nuparhienan lan mero in ka nakaran te beravin ramausito in moma, Rameni tonio naremnar iemamol.
40An nerem Sameria netakarua ton mamaikeikei kam in mama teremarik ilar min; an neterarik iken nian kiu.
41An nevin mun ribor netakani nuparhienan lan mero in ka nakaran tahan, an netakani to beravin,
42In uk ieknani nuparhienan lan resolan moma le nakaran taham, mero in ka kamar ieknairou atu marhinatin mama in uk parhien Ios miuh ten uk.
43An nian kiu neterua muan neterier iken muan Kalili.
44Mero in ka Iesu in atu ramausito in moma profeto kasesiaian in le ten tahan.
45An neterua Kalili, an nerem Kalili netakarir in mero in ka kamaihm naremnar min in ramol Jerusalem le Nauganan, mero in ka ilar mun kamaruan le nauganan.
46An neterua mun Kena le Kalili, iken ramol nu rol wain lan iken. An ierem asul ker nerin ramakamis Kaperneam.
47In netererou moma Iesu reknier Judia mua Kalili, an neteruan ton mamakeikei kam in moma teratite muan mos miuh nerin, mero in ka iwaket am remis.
48An Iesu netereni ton, Takama nesaihman nimtatin mene narepuk min, tenesenian nuparhienan lan.
49Ierem asul netereni ton, Ieremera, Atite aupan in neruk remis.
50Iesu netereni ton, Akavan, nerum teremiuh. Wus ka netereni nuparhienan le nakaran Iesu rameni ton, an neteruan.
51An in ramamatite makavan, an nolatkokun nar tahan netakailil tosig in mamani mama, nerin ramarik.
52An netererhapuk to ilar le aur ramemiuh lan. An netakani ton moma, Nenau le aur katilum mekiu nelen ravata lan,
53An remin neterhinatin moma aur ka Iesu rameni ton, Nerum teremiuh. An in atu netereni nuparhienan lan mene neremim etahun le nimwa tahan.
54An inuk nimtatin mun ierem rol kiu Iesu ramol loanian remier Judia mua Kalili.
Currently Selected:
Jon 4: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
