Jon 8
8
1Mero Iesu neteruan le towar Oliv min.
2An lakapnipin aken neterua mun le nimwa ahwak, an neremim petum netakarua ton; an neteramowata mametikun ilar.
3An nerem kamatikun mene Farisi min netakarir marua ton beravin ker kametipis le tehwaga ouloul, an netekarofen ilukan.
4Netakamani ton, Ieremera, beravin uk kametipis ilau ieruman le nolan.
5An Moses rameni le nowa asul moma takaru nerem takarol mok; mero ik tenakani neta lan?
6An netakani nar uk marofenofen kam in lan mama takairou nar takaitat in ton. Mero Iesu neteretaghiau mamrai nemapten le nowa nelimin.
7Mero ilar netakaihrapuk ton mesaipasan, an neterermig meni to ilar, Takama kamiar ker tehwaga tat tahan rika pas raupan meru le kapiel.
8An mun ka neteretaghiau mamrai nemapten.
9An ilar netakairou, an netakarier karena kiten, rerwowun le iribor le ilar meroatis irwasuas. An netukpas pusenam Iesu mene beravin ramail ilukan.
10An Iesu neterermig netereni ton, Beravin, ilar ihia? Ieremim ker remesetetan ik?
11An netereni, Resolan moma ieremim ker, Ieremera. An Iesu netereni, Io mun tiesetetan ik; uan, mesolan mun tehwaga tat.
12An mun ka Iesu neterakar kam ilar mameni, Io nisio to ten uk; ierem tereroupa io terepesaliwakan le napinapan, mero terepos nisia te nemihwan.
13An Farisi min netakani ton, Ik makamausito atu am in ik; nausitoan taham resolan nuparhienan.
14Iesu neteraram menipen to ilar, An takama io iakamausito atu am in io, nausitoan tahak in nuparhienan, mero in ka iakhinatin iken iemsipen iken mene iken iakavan iken. Mero kamiar nakatiktik iken iemsipen iken, wa iken iakavan iken.
15Kamiar nakamarhwaprai nar le nubalakitil, io tieshwapraian ieremim ker.
16Mero takama io tiakwaprai nuhwapraian tahak in nuparhienan, mero in ka resolan moma io pusen am mero kamlau Tata ierem rehmalipa io.
17Mero kamrai le nowa asul temiar moma nausitoan te ieremim kiu in nuparhienan.
18Io ierem iakamausito atu in io, an Tata ierem rehmalipa io ramausito in io.
19An netakani ton, Remam petuan? Iesu neteraram, Kamiar nakatiktik io mene Tata. Takama nakarhinatin io neparhinatin mun Tata.
20Nakaran min uk neterameni iken kamehlau nofenan iken mametikun le nimwa ahwak. An ieremim ker remeshiapatinan in, mero in ka aur tahan remesahwapenan.
21An netereni mun to ilar, Io tiakuan an tenepaitkoigen io, an teneparemis le tehwaga tat temiar; iken io tiakuan iken riakis to kamiar mama tenakarua iken.
22An Ju min netakani, Terefhwapnin atu in? Mero in ka rakameni, Iken io tiakuan iken riakis to kamiar mama tenakarua iken.
23An netereni to ilar, Kamiar nerem lahau, io ierem iles; kamiar nerem le ten uk, resolan moma io ierem le ten uk.
24Le nar uk iemeni to kamiar moma teneparemis le tehwaga tat temiar; mero in ka takama tenesanian nuparhienan lak moma io in, teneparemis le tehwaga tat temiar.
25An netakani ton, Ik pehe? Iesu netereni to ilar, Ierem iemeni to kamiar le nerwowunan.
26Nar min ribor ramarik tonio tiapeni muhwaprai le kamiar; mero ierem rehmalipa io in nuparhienan, an nar iemerou min ton nar min uk io ikameni to ten uk.
27Ilar kamatiktik am mama rameni nar uk to ilar le Remin.
28An Iesu netereni, Takama tenakarosit Neri Ieremim, teneparhinatin mama io ka in, an mama iesolatuan nar ker, mero nar Tata rametikun io nar min uk iakameni.
29An ierem rehmalipa io ramarik tonio; remesapasaman io, mero in ka nian min iakamol nar in rolkeikei.
30Ramameni nar min uk, an ilar ribor netakani nuparhienan lan.
31An Iesu netereni to Ju min, ierem min kamani nuparhienan lan, Takama tenakamairik le nakaran tahak, nuparhien kamiar tahak ieremim min,
32An teneparhinatin nuparhienan, an nuparhienan terepol kamiar nakaivan apnapen.
33Netakairam ton Kamar nowa Ebraham min an iemesarolatkokunan nar to ieremim ker towe mene; ik tenakatua men moma, Tenepaivan apnapen?
34Iesu neteraram to ilar, Nuparhien, nuparhien tiakani, to kamiar, moma ierem terol tehwaga tat in iolatkokun nar to tehwaga tat.
35Iolatkokun nar resarikan le nimwa nian min; nerin ramarik nian min.
36An takama nerin rol kamiar nakaivan apnapen, tenakaivan apnapen parhien.
37Iakhinatin moma kamiar nowa Ebraham min; mero nakamaitkoigen hnoan io, mero in ka nakaran tahak nihmawa ton rika le kamiar.
38Io iakameni nar iemahm le Tata; an kamiar mun nakamarol nar nemairou to remimiar.
39Netakairam mani ton, Remimar Ebraham. Iesu netereni to ilar, Takama kamiar nereri Ebraham to nakarol tehwaga te Ebraham.
40Mero towe nakamaitkoigen hnoan io ierem iakneni to kamiar nuparhienan ierem iemerou to Wuhgin. Ebraham remesolan nar uk.
41Kamiar nakamarol tehwaga te remimiar. Netakani ton, kamesuaihan kamar le tehwaga tat; Remimar karena Wuhgin.
42Iesu netereni to ilar, Takama Wuhgin remimiar takol neparolkeikei io, mero in ka io iemier mesipe le Wuhgin. Mero in ka iemesueatuan mero in rehmalipa io.
43Retol nesarhinatinan nakaran tahak? Mero in ka riakis to kamiar moma tenakairou nakaran tahak.
44Kamiar taha remimiar Iaremis, an nakarolkeikei mama tenakamarol nar min remimiar rolkeikei. In ierem rahmo til le nerwowunan, an remesailan le nuparhienan, mero in ka nuparhienan rika lan. Takama tereni neiwean, tereni atu lan, mero in ka in ieiwa mene remi neiwean.
45An mero in ka iakameni nuparhienan kamiar nesanian nuparhienan lak.
46Pehe le kamiar tereni esas le tehwaga tat lak? Takama iakmeni nuparhienan retol nesanian nuparhienan lak?
47Ieremim te Wuhgin tererou nakaran te Wuhgin; le nar uk kamiar nesairouan mero in ka resolan moma kamiar taha Wuhgin.
48Ju min netkairam manipen ton; Iakasaniparhienan mama ik ierem Sameria an nanumun tat ramarik lam?
49Iesu neteraram, Nanumun tat resarikan lak, mero iakamsiai Tata, an kamiar nesasiaian io.
50Mero iesatkoigenan nevitan tahak; ierem ker teratkoigen muhwaprai.
51Nuparehien, nuparhien, tiakani to kamiar, takama ieremim ker tahak in terepesahman nemisan nian min.
52Ju min netakani ton, Towe kamar iakarhinatin mama nanumun tat remarik lam. Ebraham ramemis mene profeta min, an ik nakameni Takama ieremim ker terol nakaran tahak in terepeserouan nemisan nian min.
53Ik ierem iribor le remimar Ebraham ierem ramemis? An profeta min kamaremis; pehe nakamol atu ik lan?
54Iesu neteraram, Takama tiakani vivi atu io, nevitan tahak tanipen am; Tata in ierem tereni vivi io, ierem nakamani mama in Wuhgin temiar,
55An kamiar nemesarhinatinan in, mero io iakhinatin in; an takol iakama iakatiktik in tiapol mun kama kamiar ieiwa, mero iakhinatin in an iakamol nakaran tahan.
56Ebraham remimiar nekin ragien moma terahm nepenian tahak, an ramahm mamagien.
57An Ju min netakani ton, Resolan moma namibor le nu 50, an neknahm Ebraham?
58Iesu netereni to ilar, Nuparhien, nuparhien, tiakani to kamiar, Paupan Ebraham terepait io iakamarik.
59An netakarpuk kapiel mama takaru in; mero Iesu neteremel aken mier le nimwa ahwak.
Currently Selected:
Jon 8: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
