Luk 2
2
1An loanian ka nowa netersipe le Sisar Akastas moma tukrai netige neremim petum le ten min etahun
2In uk naraian ierem iraupan le nian Kuirinius remeremera le ten Siria.
3An ilar muka netakaruan mama tukrai netigen ilar le nauanu pusenpusen min tenilar.
4An Josef neteret mesipen le Kalili le nauanu Nasareth mua Judia le nauanu taha Devid ierem netigen Bethlehem, mero in ka in le nimwa taha Devid mene le namipun min,
5Moma tukrai netigen ilau Meri ierem kamaviu kam in, an remsinen.
6An ilau iken nian neterahwapen to nuaihan, an neteruaih nerin iraupan.
7An netereviu in le napen mamehlau le niko kamaugan natipun lan, mero in ka nihmawa remuka to ihlel imwa.
8An nerem kamaisig ship le ten ka kamemairik le neki nuhwal, an kamarit lapin to numani ship tenilar.
9An agelo te Ieremera neteramail iwaket to ilar, an nevitan te Ieremera neterasiakapun ilar, an netakarigen le naginan asul.
10An agelo netereni to ilar, Asariginan, mero in ka aihm ru, tiakani to kamiar nausitovitan le nagienan asul ierem terepua to neremim petum;
11Mero in ka kinuaih to kamiar towe le nauanu taha Devid Iosmiuh in Kristo Ieremera.
12An in uk nimtatin to kamiar, tenepaihm kova kameviu rakamel le nar kamaugan natipun lan.
13An ihwe am le agelo ka nahuto le ierem min le neai, an netakamani vivi Wuhgin mamani,
14Nevitan to Wuhgin iles aken, an le nemapten nemelinuan le neki neremim ierem min rolkeikei ilar.
15An agelo min netakaipas ilar maruan le neai, an nerem kamaisig ship netakani to ilar min, Pas karuan mairoatis pen Bethlehem maihm nar uk kamol ierem Ieremera reknetikun katar lan.
16An netakarua hwaihwai am maihm Meri mene Josef mene kova rakamel le nar kamaugan natipun lan.
17An netakaihm netakamaiusito in nakaran kameni to ilar to kova uk.
18An nerem kamairou min nanumun ilar neterakamuka to nar min kameni to ilar le nerem kamaisig ship.
19Mero Meri neteramehlau nakaran min uk an nekin ramakahmo.
20An nerem kamaisig ship netakaleleg mameikar vi kam Wuhgin mamani vivi in to nar min ilar kamairon mamaihm rolkoma kamameni to ilar.
21An nian katilum mekisil neterua muan to nasigipenan in, an netakarhin netig kam in moma Iesu, netigen ierem kameni le agelo aupan le nesinenan in le netipu inen.
22An nian to hnapelan ilau reknua muan le nowa asul taha Moses an netikiales in miava Jerusalem muoma tikiaofen kam Ieremera,
23Rolkoma kamrai le nowa asul te Ieremera moma, Nosevia min le nahwan aupan min tepeni moma ierem ausim te Ieremera,
24An muoma tikiaofen nuhwasigenan rolkoma nar kameni le nowa asul taha Ieremera, Mak kiu wa neri mak mil kiu.
25An ahm ru ieremim ker Jerusalem netigen Simion, an ieremim uk tehwaga tahan ramamatu an ramamsiai Wuhgin, an ramametanin nasituan te Israel, an Nanumun Ausim ramemarik lan.
26An keneni ton le Nanumun Ausim moma terepesahman nemisan, mero teraupan mahm Kristo te Ieremera.
27An neterua le Nanumun le nimwa ahwak; an remin mene inen netikiaos Iesus kova miava imwa muoma tikiaol lan tehwaga te nowa asul,
28An in neteretkapahm in le nelimin, an neterameni vivi Wuhgin mameni,
29Towek tenekuata le nolatkokun nar taham, Ieremera,
Le nemelinuan rolkoma nakaran taham;
30Mero in ka nakanemrok reknahm nemihwan taham,
31Ierem ik neknamolita le nemri neremim petum;
32Nisia to nepigaroan te nerem Jentail,
Mene nevitan te neremim taham min Israel.
33An remin mene inen nanumun ilau neterakamuka to nar min kameni lan.
34An Simion neterakar vi kam ilau, an netereni to inen Meri, Ahm ru, Kova uk kamehlau to naman mene nermigan te neremim ribor le Israel mene to nimtatin ierem tapetat.
35An nuparhien nau apahm terepua mier le nekim moma nar le neki neremim ribor tefhinatin.
36An beravin ker netigen Ana, profeta, neri Fanuel, le nahuto taha Aser, in berhaigal aken, an kamamuarik ilau nemirin le nu katilum mekiu le nesuasan tahan,
37An nemirin ramemis etag le nu 84, an remesapasan nimwa ahwak mero ramamohwak le nemekan mene nahwakan lapin mene le nian.
38An neteruan le aur ka mameni vivi Wuhgin, an neteramaker lan kam ilar min nerem kameitanin nevitean Jerusalem.
39An nitikiaol naunin naremnar min le nowa te Ieremera an netikialelegpen mun Kalili to nauanu tenilau Nasareth.
40An kova neteramibor an mesanen, kamevarum in nalbakauan le nekin, an nevitan taha Wuhgin neteramarik lan.
41An remin mene inen kamiavan Jerusalem le nu min le nian te nauganan te Napitean.
42An niboran tahan nu katilum katilum mekiu ilar netakaret maruan Jerusalem rolkoma tehwaga te Nauganan.
43An naunin nian an netakaleleg, mero wusuas Iesu neteramarik Jerusalem, an Josef mene inen kamuatiktik am.
44Mero nekin ilau neterho moma in rameroupen nahuto, an netakaivan nian karena le suatu, an netakamuatkoigen in le neki namin imwan ilau min mene le tenilauiel min;
45An netukuasahman in, an netikialeleg pa mun Jerusalem mamuatkoigen in.
46An le nian kisil netukuahm in le nimwa ahwak ramowata le neki nerem kamatikun mametelegin ilar mamehrapuk to ilar.
47An ilar min nerem kamairou in nanumun ilar neterakamuka to hninatinan mere naraman tahan.
48An ilau netukuahm in an nanumun ilau neterika, an inen netereni ton, Neruk, retol namol mok lan le kamlau? Ahm ru, kamlau remam iamuasak mamuatkoigen ik.
49An netereni to ilau, Retol nemuatkoigen io? Nemesiahinatinan muoma io tiakakeikei mol naremnar min te Tata?
50An ilau netesiahinatinan nakaran rameni to ilau.
51An neteratite ihlel min, an neterua Nasareth, an neteros nowan ilau. An inen ramehlau nakaran min uk le nekin.
52An Iesu neteribor le nalbakauan mene le nubalakin mene le nolkeikeian te Wuhgin mene neremim.
Currently Selected:
Luk 2: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Luk 2
2
1An loanian ka nowa netersipe le Sisar Akastas moma tukrai netige neremim petum le ten min etahun
2In uk naraian ierem iraupan le nian Kuirinius remeremera le ten Siria.
3An ilar muka netakaruan mama tukrai netigen ilar le nauanu pusenpusen min tenilar.
4An Josef neteret mesipen le Kalili le nauanu Nasareth mua Judia le nauanu taha Devid ierem netigen Bethlehem, mero in ka in le nimwa taha Devid mene le namipun min,
5Moma tukrai netigen ilau Meri ierem kamaviu kam in, an remsinen.
6An ilau iken nian neterahwapen to nuaihan, an neteruaih nerin iraupan.
7An netereviu in le napen mamehlau le niko kamaugan natipun lan, mero in ka nihmawa remuka to ihlel imwa.
8An nerem kamaisig ship le ten ka kamemairik le neki nuhwal, an kamarit lapin to numani ship tenilar.
9An agelo te Ieremera neteramail iwaket to ilar, an nevitan te Ieremera neterasiakapun ilar, an netakarigen le naginan asul.
10An agelo netereni to ilar, Asariginan, mero in ka aihm ru, tiakani to kamiar nausitovitan le nagienan asul ierem terepua to neremim petum;
11Mero in ka kinuaih to kamiar towe le nauanu taha Devid Iosmiuh in Kristo Ieremera.
12An in uk nimtatin to kamiar, tenepaihm kova kameviu rakamel le nar kamaugan natipun lan.
13An ihwe am le agelo ka nahuto le ierem min le neai, an netakamani vivi Wuhgin mamani,
14Nevitan to Wuhgin iles aken, an le nemapten nemelinuan le neki neremim ierem min rolkeikei ilar.
15An agelo min netakaipas ilar maruan le neai, an nerem kamaisig ship netakani to ilar min, Pas karuan mairoatis pen Bethlehem maihm nar uk kamol ierem Ieremera reknetikun katar lan.
16An netakarua hwaihwai am maihm Meri mene Josef mene kova rakamel le nar kamaugan natipun lan.
17An netakaihm netakamaiusito in nakaran kameni to ilar to kova uk.
18An nerem kamairou min nanumun ilar neterakamuka to nar min kameni to ilar le nerem kamaisig ship.
19Mero Meri neteramehlau nakaran min uk an nekin ramakahmo.
20An nerem kamaisig ship netakaleleg mameikar vi kam Wuhgin mamani vivi in to nar min ilar kamairon mamaihm rolkoma kamameni to ilar.
21An nian katilum mekisil neterua muan to nasigipenan in, an netakarhin netig kam in moma Iesu, netigen ierem kameni le agelo aupan le nesinenan in le netipu inen.
22An nian to hnapelan ilau reknua muan le nowa asul taha Moses an netikiales in miava Jerusalem muoma tikiaofen kam Ieremera,
23Rolkoma kamrai le nowa asul te Ieremera moma, Nosevia min le nahwan aupan min tepeni moma ierem ausim te Ieremera,
24An muoma tikiaofen nuhwasigenan rolkoma nar kameni le nowa asul taha Ieremera, Mak kiu wa neri mak mil kiu.
25An ahm ru ieremim ker Jerusalem netigen Simion, an ieremim uk tehwaga tahan ramamatu an ramamsiai Wuhgin, an ramametanin nasituan te Israel, an Nanumun Ausim ramemarik lan.
26An keneni ton le Nanumun Ausim moma terepesahman nemisan, mero teraupan mahm Kristo te Ieremera.
27An neterua le Nanumun le nimwa ahwak; an remin mene inen netikiaos Iesus kova miava imwa muoma tikiaol lan tehwaga te nowa asul,
28An in neteretkapahm in le nelimin, an neterameni vivi Wuhgin mameni,
29Towek tenekuata le nolatkokun nar taham, Ieremera,
Le nemelinuan rolkoma nakaran taham;
30Mero in ka nakanemrok reknahm nemihwan taham,
31Ierem ik neknamolita le nemri neremim petum;
32Nisia to nepigaroan te nerem Jentail,
Mene nevitan te neremim taham min Israel.
33An remin mene inen nanumun ilau neterakamuka to nar min kameni lan.
34An Simion neterakar vi kam ilau, an netereni to inen Meri, Ahm ru, Kova uk kamehlau to naman mene nermigan te neremim ribor le Israel mene to nimtatin ierem tapetat.
35An nuparhien nau apahm terepua mier le nekim moma nar le neki neremim ribor tefhinatin.
36An beravin ker netigen Ana, profeta, neri Fanuel, le nahuto taha Aser, in berhaigal aken, an kamamuarik ilau nemirin le nu katilum mekiu le nesuasan tahan,
37An nemirin ramemis etag le nu 84, an remesapasan nimwa ahwak mero ramamohwak le nemekan mene nahwakan lapin mene le nian.
38An neteruan le aur ka mameni vivi Wuhgin, an neteramaker lan kam ilar min nerem kameitanin nevitean Jerusalem.
39An nitikiaol naunin naremnar min le nowa te Ieremera an netikialelegpen mun Kalili to nauanu tenilau Nasareth.
40An kova neteramibor an mesanen, kamevarum in nalbakauan le nekin, an nevitan taha Wuhgin neteramarik lan.
41An remin mene inen kamiavan Jerusalem le nu min le nian te nauganan te Napitean.
42An niboran tahan nu katilum katilum mekiu ilar netakaret maruan Jerusalem rolkoma tehwaga te Nauganan.
43An naunin nian an netakaleleg, mero wusuas Iesu neteramarik Jerusalem, an Josef mene inen kamuatiktik am.
44Mero nekin ilau neterho moma in rameroupen nahuto, an netakaivan nian karena le suatu, an netakamuatkoigen in le neki namin imwan ilau min mene le tenilauiel min;
45An netukuasahman in, an netikialeleg pa mun Jerusalem mamuatkoigen in.
46An le nian kisil netukuahm in le nimwa ahwak ramowata le neki nerem kamatikun mametelegin ilar mamehrapuk to ilar.
47An ilar min nerem kamairou in nanumun ilar neterakamuka to hninatinan mere naraman tahan.
48An ilau netukuahm in an nanumun ilau neterika, an inen netereni ton, Neruk, retol namol mok lan le kamlau? Ahm ru, kamlau remam iamuasak mamuatkoigen ik.
49An netereni to ilau, Retol nemuatkoigen io? Nemesiahinatinan muoma io tiakakeikei mol naremnar min te Tata?
50An ilau netesiahinatinan nakaran rameni to ilau.
51An neteratite ihlel min, an neterua Nasareth, an neteros nowan ilau. An inen ramehlau nakaran min uk le nekin.
52An Iesu neteribor le nalbakauan mene le nubalakin mene le nolkeikeian te Wuhgin mene neremim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.