Mathiu 11
11
1An Iesu netereni etahun to tan ieremim min, netersipe iken muan mametikun mamausito le nauanu min.
2An Jon neterero le nimwa iakis nar Iesu ramol min, neterhalipen tan ieremim min meni ton,
3Ik ierem rakava wa tiakamait‐koigen ierapusen?
4An Iesu neteraram menipen to ilar, Aruan mani to Jon nar nemairo mamaihm.
5Nemnou takaihm mun nar, nerem kamarevi tat takailiwak, nerem kamaremis le leprosi kenol ut ilar, nerem nepagtelegen ilar ralu takairo nar, nerem kenaremis kenos miuh ilar, an nakaran ut keneni to navantat.
6An ierem keikei ierem teresapitetelan lak.
7An nerem uk netakamaruan, an Iesu netererwowun meni to nahuto le Jon, Neta nemamaruan leluan moma tenakaihm? Nuig terkiukiu le nemetag?
8Mero neta nemamaruan moma tenakaihm? Ieremim rameviu in le nar meruk? Ahm ru, nerem kamarviu ilar le nar meruk kamairik le nimwa te neremera.
9Mero retol nemarier? Moma tenakaihm profeta? Oonh, tiakani to kamiar iribor le profeta.
10Inuk ierem kamrai lan,
Ahm ru, Io iehmalita tahak ieremim le nemram,
Ierem terepol ut suatu taham paupan lam.
11Nuparhien tiakani to kamiar, le neki neremim neberavin takaruaih ilar ker teresetietan kama Jon ierem ramol nebaptisoan; mero ierem iresuas aken le niko le neai iribor lan.
12An le nepenian te Jon ierem ramol nebaptisoan meroatis le nian uk towe niko le neai kenos ausik, an neremim ausikausik takaros le nesanenan.
13Mero in ka profeta min mene nowa asul kamatikun mairoatis le Jon.
14An takama nakarolkeikei tenakairo, inuk Ilaija ierem terepua.
15Ierem ros nepagtelegen moma terero pas rero.
16Mero tiakani nerem uk karol kama neta? Karol kama kova min kamaiwata imaim.
17Nerem takaiunin tenilariel min mamani, mama, Iakamahil nar to kamiar, mero kamiar nemeseimakoan; iakamaisak mero kamier nesaisakan.
18Mero in ka Jon rava mesauganan mesamnuman, an netakani moma nanumun tat ramarik lan.
19Neri Ieremim rava mamaugan mamamnum, netakani, Aihm, iauganipuk mene iamnumpuk wain, taniel nerem kamerhwafugen mene noletat. An nalbakauan kehninatin le tahan nolan.
20An netererwowun mametat nauanu in ramol asul narpuk tahan iken, mero in ka kasalelegan.
21Awe tonik, Korazin! Awe tonik, Bethsaida! Mero in ka takama narpuk kamol le kamilau kapol i Tair mene Saidon to kapialeleg nuhu marviu ilar le nar ausikausik mene kaluk le nemrau.
22Mero tiakani to kamiar, repavit to Tair mene Saidon le nepenian te nuhwapraian mero reptat to kamilau.
23An ik, Kaperneam, teplesit ik le neai? Tenepatite le nekam asul. Mero in ka takama narpuk kamol lam kapol i Sodom in ramemarik to nian uk.
24Mero tiakani to kamiar, repavit to ten i Sodom le nian te nuhwapraian mero reptat tonik.
25Loanian ka Iesu neteraram meni, Tiakani vivi ik, Tata, Ieremera le neai ne ten, mero in ka nemetkauigen nar min uk to nalbakau mene nerem kamarhinatin nar an metikun ilar to kova.
26Oooh, Tata, mero in ka nakolkeikei moklan.
27Naremnar kamofa kam io le Tata, an ieremim ker to reshinatinan Nerin mero in am Remin; an ieremim ker reshinatinan Remin mero in am Nerin, an ierem Nerin rolkeikei moma teretikun in lan.
28Arua tonio kamiar muka nerem kamaisum mene nerem kamaros narpukam, an io tiapofena namigan kam kamiar.
29Arosit tahak kasulia to kamiar, an maros netikunan tonio; mero in ka io iakmeruk mavit le nekiuk; an neparos namigan le nanumamiar.
30Mero in ka tahak kasulia remeruk, an tahak katipa ralukaluk.
Currently Selected:
Mathiu 11: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
