Mark 14
14
1An oatisig le nian kiu nauganan te Napitean mene bred leven rika lan. An neremera le nuhwasigenan mene nerem kamatikun netakamaitkoigen mama takatuarhiapatin maniwan in marhwapnin,
2Mero in ka netakani, Resolan moma le nauganan moma nakaran teresiboran le nahuto.
3An neteramarik Bethani le nimwa taha Saimon, wus ramakamis le leprosi, neteramowata to nauganan, an beravin ker neterua ramos boks kamol le alabaster le nihinar le spaiknard nemrin ribor aken; neterhwate nevigenar neteruipen le tenkapa.
4Mero nevin niehma neteretik ilar min, mama, Retol kametaken nihinar mok lan?
5Mero in ka remeruk takaurai in nihinar uk mos nemrin ribor lan le peni 300, an kofen kam navantat.
6An netakamarol niehma kam in. Mero Iesu netereni, Arpas in, retol nakamarol nalkutan kam in? Ramol nar ut lak.
7Mero in ka navantat kamairik to kamiar le nian min, an takama nakarolkeikei remeruk to kamiar moma tenakaisitu le ilar, mero nesarosan io le nian min.
8In ramol nar ramesanen ton; reknaupan mol kaluk kam nubalakok to nerenumaran.
9An nuparhien tiakani to kamiar, iken min petum nakaran ut tepausito in iken le ten min petum, tepeni mun iken nar in ramol moma neki til terakahmo in.
10An Judas Iskariot, ker le ilar katilum katilum mekiu, neteruan to neremera le nuhwasigenan, moma teraurai in kam ilar.
11An netakairou netakaigien, netakani mama takarofen mani kam in, an neteretkoigen nian ut to nauraipenan in.
12An le nian iraupan le nauganan taha bred leven rika lan, nian kamarhwasigen Napitean, tan ieremim min netakani ton, Iken petuan nakama tiakaruan iken mamarhwalh nelimi nar mama tenekin Napitean?
13An neterhalita tan ieremim mil kiu mameni to ilau, Iavan lauanu an ieremim ker terepail tosig in kamilau ramos nevigenar le nu; uaroupen in;
14An iken teruan imwa iken, uani to ieremera le nimwa ka, Ietikun rameni, Nowa nimwa tahak petuan iken tiakakin Napitean iken, kamar tak ieremim min.
15An in atu terefhinhin to kamiar nowa nimwa asul iles naremnar min lan kenolita, an nakamiahwalh nelimi nar tetar iken.
16An tan ieremim mil netikiaier miava lauanu mamuahm kama rameni to ilau, an netakamiahwalh nelimi Napitean.
17An neterapinap an neterua ilar nerem katilum katilum mekiu.
18An ilar netakaiwata namarugan, an Iesu netereni, Nuparhien tiakani to kamiar, ker le kamiar terepaurai io ierem ramaugan kamlau min.
19Netakarwowun mamaisak mamani ton, ilar karena kiten, Io wa?
20An netereni to ilar, Ker le nerem katilum katilum mekiu, ierem iamuel was le nevigenar.
21Mero in ka Neri Ieremim rakavan nolkoma kamrai lan; mero awe to ieremim ka ierem Neri Ieremim tepaurai lan. Repavit to ieremim ka kapasuaihan.
22An ilar kamemarugan ena an neteros bred, netereni vivi, netererkahl mamofen kam ilar mameni, Aros, in uk nubalakok.
23An neteros nevige kap netereni vivi, neterofen kam ilar, an ilar min netakaramnum.
24An netereni to ilar, In uk nitak le nimtatin vi, kinvi to neremim rapus.
25Nuparhien tiakani to kamiar, tiepesamnuman mun nowa vain meroatis nian ka tiapamnum irvi le niko taha Wuhgin.
26An netakaini nabuk marier maruan le Towar Oliv min.
27An Iesu netereni to ilar, Kamiar muka tenepaipitetel; mero in ka kamrai, Tiafho ierem ramasig sip, an sip min kapos arir.
28Mero oatisig le nermigan mun tahak tiapaupan in kamiar muan Kalili.
29Mero Piter netereni ton, Takama ilar muka tepaipitetel mero resolan moma io.
30An Iesu netereni ton, Nuparhien tiakani tonik, moma nian uk towe lapin uk aupan in menuk terepakaka mau kiu, nepapnin io mau kisil.
31Mero neterameni ausikausik, Takama tiakakeikei memis tonik to tiesepapninan ik. An ilar etahun netakani am maka.
32An netakarua iken ker netigen Kethsemane, netereni to tan ieremim min, Aiwata ikenuk an to tiapohwak.
33An neterir Piter mene Jems mene Jon ilar min, an netererwowun mamasakepuk an nekin mahmapuk.
34An netereni to ilar, Nekiuk ramahmapuk meroatis le nemisan, amairik uk mamarit.
35An neteruan mun tahman, an neteram le nemapten, an neteramohwak moma takama remeruk nian terua muan mapas in.
36An netereni, Aba, Tata, naremnar min remeruk tonik, osita nevigenar uk tonio; mero resolan moma nar io iakolkeikei mero nar ik nakolkeikei.
37An neterua mahm ihlel kahmaipul, an netereni to Piter, Saimon, nakamapul? Nesesanenan to naitan aur karena?
38Halit mahmeihwak hmama teneshaluanan le nofenofenan. Nanumamhiel rolkeikei mero nubalakamhiel rapou.
39An neteruan mun mohwak, mameni am nakaran karena.
40An neterelelegpa mun mahm ihlel kahmaipul, mero in ka nemrin ihlel repukam, an khatiktik am nar takhairam ton.
41An neterua mau kisil mameni to ihlel, Haipul ena, hmaimig; reknibor; aur reknua; Haihm ru, Neri Ieremim kenauraipen le nelimi noletat.
42Hairmig, pas karuan; haihm ru, ierem teraurai io reknua iwaket.
43An ihwe am ramamakar ena an Judas neterua, ker le nerem katilum katilum mekiu, an nahuto puk kamairoupen in le nau apahm mene nim, kamasipen le neremera le nuhwasigenan mene nerem kamatikun mene nerem asul.
44An ierem ramaurai in ramamofen nimtatin kam ilar mameni. Ierem tiakapaih hnulin in un. Arhiapatin hmahma marir maruan.
45An neterua an ihwe am neteruan etuatu ton, mameni, Ieremera. An neterapaih hnulin.
46An netakaihlaupen nelimin ilar lan mamarhiapatin in.
47An ker le nerem kamailil iwaket neterevi nau apahm, neterho iolatkokun nar te ieremera le nuhwasigenan, mamerai ita numatelegen.
48An Iesu neteraram meni to ilar, Kamiar nakarua tonio kama to iakihla le nau apahm mene nim to nehiapatinan io.
49Le nian min iemarik to kamiar le nimwa ahwak mametikun, an nemesarhiapatinan io; mero nar uk kenol moma naremnar min kamrai le nawowa tapol petum.
50An ilar min petum netakaipas in mamaikam.
51An temalua ker netereroupen in, ramelkauh in napen tuan le nubalakin am, an netakarhiapatin in,
52An neterapas kalkauh maipuiapuia am makam.
53Netakarir Iesu marua to ieremera le nuhwasigenan, an ilar muka neremera le nuhwasigenan mene nerem kamatikun mene nerem asul netakarhwafugen.
54An Piter neteramoatisig in isou aken mua le nimwa te ieremera le nuhwasigenan. Neterawomata ilar nolatkokun nar mameroukam le nekam.
55An neremera le nuhwasigenan mene nerem asul min netakamaitkoigen nausitoan le Iesu to nuhwapninan, an netesaihman.
56Mero in ka neremim rapus kamani am neiwean lan, mero kasanian nar karena.
57An nevin netakailil mamani neiwean lan mamani,
58Kamar iemairou in rameni, Io tiafhwate nimwa ahwak uk kamol le nelimitil, an le nian kisil tiapol mun ker ierem kamesolan le nelimitil.
59An rol mok lan ilar mun kamesanian nar karena.
60An ieremera le nuhwasigenan neterail ilukan, netererhapuk to Iesu, mameni, Nesaraman meni nar ker? Neta neremim uk kamani Iam?
61Mero neterapnapen am mesaraman nar ker. Ieremera le nuhwasigenan netererhapuk mun ton, mameni ton, Ik Kristo Neri Ierem Keikei?
62An Iesu netereni, Io parhien, an tenepaihm Neri Ieremim rakamowata le nelimin matu te nesanenan makava le napua le neai.
63An ieremera le nuhwasigenan neterhapu nar rakava lan mameni, Retol takaitkoigen mun nerem takani nar lan?
64Neiknairou nakartetan kam Wuhgin? Nekimiar rakahmo neta? An ilar muka netakani, mama, Ramol tehwaga tat to nemisan.
65An nevin netakarwowun mamaighpen in, mamarviu nemrin, mamarep, mamani ton, Atikun. An nolatkokun nar netakarep autauta marir
66An Piter ramemarik lahau le nematan nimwa, an ker le neberewasuas min taha ieremera le nuhwasigenan neterua,
67An neterahm Piter rameroukam, neteramahmena in netereni, An ik mun nemamuavan kamilau Iesu le Nasareth.
68Mero neterapun mameni, Iakatiktik meshinatinan nar nakameni. An neterier ilua le nausilau. An menuk neterakaka.
69An beresuas neterahm, netererwowun mameni mun to nerem kamailil iwaket, In uk mun ker le ilar.
70Mero neterapun mun. An resolan moma ruhu mun, nerem kamailil iwaket netakani to Piter, Nuparhien ik ker le ilar, mero in ka ik ierem Kalili.
71Mero netererwowun mametat mamepawa, moma, Iakatiktik am ieremim uk nakamani in.
72An ihwe am menuk neterakaka mau kiu; an Piter nekin neterakahmo nakaran Iesu rameni ton, moma, Aupan in menuk terakaka mau kiu, ik nepapnin io mau kisil. An nekin neterakahmo neteramasak.
Currently Selected:
Mark 14: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
