IVA A’A ANU IAKI 20
20
1Rawre oailiakeiaka’ane, pirimaroakoa a’a u ai aneai Paulo ekinave: u iviri voa kurueaka’ane, u ave’einave Makedonia ai enavai.
2Eiei e e u aki enavaka’ane, pirimaroakoa a’a iviri?-?ekavaka’ane, Heleni ai u anenave.
3Ia rere kaiane u i‐pokoinave. Uku Isaraela a’a a’akiai aioiaka‐pokoinave, u Suria ai mapea enavai awkamakei’inave ane, Makedonia ai vairuai u laikoranave.
4Sopata Berea a’a u kiripai Asia ai enanave; Arisitako, Sekunu ane, Tesalonia a’a; Gaio Derebe a’a ane, Timoteo ane; Tutiku, Toropimo ane, Asia a’a.
5Oro paku ai enamakei’inave Toroa ai aiaiaka‐pokoinave.
6Pasova purai pani oailiakei’inave ane, Pilipi mere enei mapea area‐enanave lare 5 oailiakei’inave ane enei au‐ekunave Toroa ai: lare 7 enei i‐pokoinave.
7Ebedoma anu pinai lare ai, Iesu unu purai navai enei kaupukiaka’ane, pirimaroakoa a’a paku ai Paulo omoro kurumakei’inave, u omoro kuruoko anea’anea kipere mokono ai; pani merea u aki‐enamakei’inave.
8Marea lalava upa mere oro kaupukiakei’inave lamepa aila kei’inave.
9Roropaea nawi Eutuku lalava anu vapai ai pa’anave, Paulo pani va’au omoro kurumakei’inave ei roropaea inamu mu’u awawkei’inave. Vapai muku mere u ara’anave, imua u uakiakei’?-?inave ane.
10Paulo lilinave, are epo ai’inave, roropaea eve avikimakei’inave, u erau voa kurunave, Kukupuna pa nakavai, una rokoa u laru ai keina.
11U lalava upa mere moawku inavaka’ane, pei navaka’ane, voa ekinavaka’?-?ane anea’anea pani mereaka’ane, u enanave.
12Roropaea una marea ai rokoa oro arekavaka’ane, oro kopaili’inave.
13Ene a’a paku ai mapea lakeaka, Asoso ai enei area‐enanave, Paulo i‐au‐awkuai enei laikoramakei’inave: uku orau u evere’eaka: a are?-?rokoai u laikoramakei’inave pani va’au ai.
14Enei Asoso ai au‐aw?-?kuaka’ane, u mapea lakenave, enei Mitule ai anenave.
15Mitule mere area‐enamakei’inave, namai lare Kioso paku ai enei pai’inave. Lare mo enei Samo ai pai’inave, Torokilio rawre kai’inave: namai lare enei Miletu ai pai’inave.
16Uku Epeso awawpeai Paulo laikoravaka u Asia ai pokoinavaia: rokoroko enavai u umuli’inave u Ierusalema ai paiane‐iai Penekosa lare eiai.
17Miletu mere u Epeso ai okaivirnave, ekalesia mai‐oro u ai aneai ekiai.
18Oro u ai aneaka’ane, u erau voa kuruenave, Pinai lare mere nai Asia ai ikirimanenave, panipani ai noro kiripai na opara noro ipaliane euna,
19Nai lai kekapa Amua kamaia‐awkamakina, inamu‐ere ane, lai kukupuna ane Isaraela a’a mere evere’i’?-?iakei’inave:
20Paioka eria noro mere nai vaua‐awkava’ane euna, nomo marea laru ai, a’a anu paku ai ane, nai ipanakiane euna,
21Isaraela a’a, Heleni a’a ane, nai ipekiane euna Eloi i urukiai, Iesu ene Amua pirimaroakoai ane.
22Eai nai lai ailiakeina Ierusalema ai enavai, uku mani awku evere’i’iakeia?-?kana iou ai nai ipapea:
23Ei voa e nai ipali’ina, pai’iri pai’iri ai Avaea Iaa ikina nai i‐piriakeiakana, kukunu awku nai miakana.
24A ei awku kore‐a‐ika?-?nakea, na rokoa oiviriai uku nai eiai nai umu‐a‐li’inakea na iaki nai oailiai liane, iaki Amua Iesu mere nai miane euna uku Iva voa omoro kuruai Eloi inu la’aruku eiai.
25Nai eleane euna, ikirimaneane euna ane, noro awkono avao ai, Eloi inu eiei voa nai omoro kuruane euna, a nai ipali’inake nomo a’a kapeo na paku moawku inamu‐oiakana.
26Ou uku eiai noro ipaliane‐iai nai umuli’ina nai mua eria mi’ina a’a anu namea eiai.
27Uku nai kore‐liape Eloi inu voa miki iki ipanakiai.
28Naivirine, pirimaroakoa a’a kaupu uriria noro eivirine, uku Avaea Iaa are?-?naiane euna omo oiviria a’a eiai, noro oiviria a’a Eloi inu ekalesia a’a eiai, oro ane Una aro kavani U inaea‐ekava’?-?ane euna.
29Uku nai ipali’inake na ena pani neko mere ai, ewaea iara a’a noro awkono avao ai ikiriakana, oro umu eria miakana nomo kaupu a’a eiai.
30Nomo a’a kaupu mere awku a’a lala’avakana, ewaea voa oro kurumakeiakana a’a noro mere eravai.
31Ou uku eiai oivirine, laikoranakine ane aumeia rere kaiane, kipere pani, lare pani ane, nomo a’a kavakava e’ei ipawkiai nai inamu‐ere nanuku‐nakanave.
32Eai ovaki airavaki e, Eloi kiripai nai avenaina, Una la’aruku voa ane. U lanakavai li’ina, omoro aua nakuai li’ina ane, Una a’a awkono avao ai.
33A’a anu urupu moni, laiko moni ane, a’a kape ane, nai iawmiape.
34Noro ipali’inake na eve orere iaki liane euna na pei eiai, na paioka a’a eiai ane.
35Uku awku uriria opara anu aipo nai ipanakiane euna, ipanakimakina noro iaki limakina orau nai li’ina eapa a’a noro paiekavai limakina, Amua Iesu unu voa noro laikora‐nakiai limakina, U erau voa kurunave, la’aruku awkuai kopai ovara opara ioure. La’aruku miai kopai mau’u opara ioure.
36U orau kuruaka’ane, u are epo ai’inave, oro uriria kiripai u nawki‐awkanave.
37Oro uriria viki ovara vikirinave, Paulo onu ke avikinave oro epo‐awmi’inave ane,
38Omo lai kukunu miki uku u ekinave una paku oro moawku inamu‐oiapea. U kiripai mapea ai oro enanave.
Currently Selected:
IVA A’A ANU IAKI 20: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
