IVA A’A ANU IAKI 4
4
1Oro orau a’a aruru omoro kuruemakei’inave ane, omoro a’a, omoro marea anu marevaki ane, Sadukea a’a ane, i‐anenave.
2Oro ia’ia ovara eiakei’inave uku oro a’a aruru ipekimakei’inave, i Iesu mere imua mere la’ava oro omoro kurumakei’inave ane.
3Oro epirinave, kipura marea laru ai ai’inave anea’?-?anea namai lare ai: uku lare eua kei’inave.
4A’a aruru unu a’a aila omoro voa virinave, pirimaroakoanave ane, oro a’a 5,000 akoakei’inave.
5Namai lare Ierusalema ai a’a aruru unu amua a’a, mai‐oro ane, vupu kikiria a’a ane,
6Ana omoro amua epe’epe ane, Kaiapa ane, Ioane ane, Alekana ane, omoro amua anu avai a’a e ane, kaupukiakei’inave.
7Iva a’a orere vimu ai oiai oro ekinave, erau voa veve’einave ane, Oi iva ana, kono nawi ana, norere ei awku liane euna?
8Petero Avaea Iaa evopoakei’inave, erau voa kuruenave ane, A’a aruru unu amua a’a e, Isaraela mai?-?vaki e,
9Ei lare ai enere voa veveaiakeia’ane uku paioka eiai are o’onu a’a liakei’inave, i kurua uku ane u aukarikavakeia’ane euna;
10Noro uriria ipali’ine, Isaraela a’a uriria ane, i Iesu Keriso Nasareta a’a anu nawi, kurua a’a iri keoa upa mere noro a’anave, U ane Eloi imua mere la‐okanave, uku U ei a’a aukarikavakeina noro paku ai oina.
11Ei Iesu kurua rawre noro la‐okava a’a inakali’inave, a kovaivivi rawre U karikiakeia’ane euna.
12A’a e kapeo laru ai iawka miki auiakeina: uku nawi e eria awkuakeina pani muku arau ai a’a awkono avao ai enei iakavakeia’ane‐iai.
13Oro Petero, Ioane ane, inamu‐ekiekamakei’inave, orere iviri kurunave, kore‐a‐li’inavea, oro inamu‐oinave ane orere lai evera a’a peo, oro varua’anave, oro ipali’inave ane orere Iesu kiripai rokoaka.
14A’a ane u aukarikavakei’inave oro inamu‐oimakei’inave orere kiripai i‐oimakei’inave, oro voa kuruai a‐li’inavea.
15Voa vevea marea eleai oro ekiaka’ane, oro erau voa ekinanave,
16Enei oiamalimau ei a’a rere eiai? uku iva veia re orere liane euna Ierusalema a’a uriria ipali’ina: ei voa enei inaka liai liapea.
17Ei uru upurukinavaia a’a aruru awkono avao ai, enei emoki ekinamaki orere neko mere voa pa kuruai uku ei nawi eiai.
18Oro laea‐elau’unave, ekinave ane, uku Iesu unu nawi orere pa omoro kuruai, pa ipawkiai.
19Petero, Ioane ane, erau voa kuruenave, Opara anana Eloi inu paku ai nomo voa kamaialiai naea, Eloi inu voa kamaialiai naea, noro e voa veve’ene.
20A uku enere eiai, enere omoro kuruai limakina uku awku enere inamu‐eiane euna, viriane euna ane.
21Voa vevea amua a’a voa mo kurueaka’ane uku kore ekavai, oro ururuenave, uku awku eria oro auiaka oro epiriai, uku a’a aruru uriria Eloi kepoinave kurua awku eiai liakei’inave.
22Uku a’a ei iva veia u eiai liakei’inave, una kinia pani mere u aumeia 40 rokoaka.
23Orere ururuakei’inave, orere enu kaupu a’a ai orere enanave, voa uriria omoro amua a’a, mai‐oro ane, kurueaka, orere kairinani kuruenave.
24Oro uru viriaka’ane, oro uriria erau voa kurunave, Amua Epe’epe e, Pani Muku, Pani Va’au ane, Ere Aura ane, Ni eiaka, urupei, inapei, uriria oro laru ai rokoamakina,
25I Avaea Iaa mere i Ni aivara Davida anu ane epo mere Ni erau voa kurunave, uku oiana kaki a’a iaraliane euna, a’a aruru avuavu laikora’ane euna?
26Pani va’au unu amua a’a, mai‐oro ane, mani kaupukiane euna Amua anu paku ai, Keriso paku ai ane.
27Ni iaa Mere Iesu, U ane Ni iaa‐awkava’ane euna, Una paku ai Heroda, Ponitio Pilato ane, lai unuku a’a kiripai, Isaraela kaki a’a ane, oro mani‐kaupukinave,
28Uku uriria liai Ni iva, Ni lai ane, eni evere’enave iru pani liakeiakana.
29Eai, Amua e, omo iara anara voa Ni virine: Ni aivara evere’eine, oro Ni voa iviri omoro kuruane‐iai.
30Ni eve oiokane a’a aukariekavai; iva veia, momo’ore awku ane, i Ni iaa Mere Iesu unu nawi lia?-?keia’ane‐iai.
31Oro nawki‐awkavaka’ane, marea vanovano‐awka?-?vakei’inave oro laru ai i‐kaupukiakei’inave; oro uriria Avaea Iaa evopoakei’inave, Eloi inu Iva voa oro iviri omoro kurunave.
32Oro ane oro pirimaroakoaka, oro umu monou, imunu monou, kei’inave; a’a kapeo kurunave aru u miaka una aru kei’inave; oro uriria aru aua‐mi’inave.
33Iva a’a voa iviri ioneli’inave Amua Iesu unu imua mere la’ava eiai; la’aruku ovara oro uriria upa mere kei’inave.
34Omo a’a kapeo oea‐rokoanave: omo a’a ka’e, marea ane, miaka, omo ka’e, marea ane, oro inaea‐elau’?-?unave, kavani inu moni oro mi‐anenave ane.
35Moni iva a’a anu are ai oro ai’inave; moni kokoravakei’inave a’a kavakava awkuakei’inave orau u oea‐rokoanave.
36Iose, i iva a’a nawi Baranaba oroiakei’inave, (kurua nawi inu miki, Umu unu Mere) u Levi kaupu a’a kei’inave Kupera eiei inu a’a,
37U ka’e mi’inave, una ka’e u inaeali’inave, ka’e kavani inu moni u mi‐anenave, iva a’a anu are ai u ai’inave ane.
Currently Selected:
IVA A’A ANU IAKI 4: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
IVA A’A ANU IAKI 4
4
1Oro orau a’a aruru omoro kuruemakei’inave ane, omoro a’a, omoro marea anu marevaki ane, Sadukea a’a ane, i‐anenave.
2Oro ia’ia ovara eiakei’inave uku oro a’a aruru ipekimakei’inave, i Iesu mere imua mere la’ava oro omoro kurumakei’inave ane.
3Oro epirinave, kipura marea laru ai ai’inave anea’?-?anea namai lare ai: uku lare eua kei’inave.
4A’a aruru unu a’a aila omoro voa virinave, pirimaroakoanave ane, oro a’a 5,000 akoakei’inave.
5Namai lare Ierusalema ai a’a aruru unu amua a’a, mai‐oro ane, vupu kikiria a’a ane,
6Ana omoro amua epe’epe ane, Kaiapa ane, Ioane ane, Alekana ane, omoro amua anu avai a’a e ane, kaupukiakei’inave.
7Iva a’a orere vimu ai oiai oro ekinave, erau voa veve’einave ane, Oi iva ana, kono nawi ana, norere ei awku liane euna?
8Petero Avaea Iaa evopoakei’inave, erau voa kuruenave ane, A’a aruru unu amua a’a e, Isaraela mai?-?vaki e,
9Ei lare ai enere voa veveaiakeia’ane uku paioka eiai are o’onu a’a liakei’inave, i kurua uku ane u aukarikavakeia’ane euna;
10Noro uriria ipali’ine, Isaraela a’a uriria ane, i Iesu Keriso Nasareta a’a anu nawi, kurua a’a iri keoa upa mere noro a’anave, U ane Eloi imua mere la‐okanave, uku U ei a’a aukarikavakeina noro paku ai oina.
11Ei Iesu kurua rawre noro la‐okava a’a inakali’inave, a kovaivivi rawre U karikiakeia’ane euna.
12A’a e kapeo laru ai iawka miki auiakeina: uku nawi e eria awkuakeina pani muku arau ai a’a awkono avao ai enei iakavakeia’ane‐iai.
13Oro Petero, Ioane ane, inamu‐ekiekamakei’inave, orere iviri kurunave, kore‐a‐li’inavea, oro inamu‐oinave ane orere lai evera a’a peo, oro varua’anave, oro ipali’inave ane orere Iesu kiripai rokoaka.
14A’a ane u aukarikavakei’inave oro inamu‐oimakei’inave orere kiripai i‐oimakei’inave, oro voa kuruai a‐li’inavea.
15Voa vevea marea eleai oro ekiaka’ane, oro erau voa ekinanave,
16Enei oiamalimau ei a’a rere eiai? uku iva veia re orere liane euna Ierusalema a’a uriria ipali’ina: ei voa enei inaka liai liapea.
17Ei uru upurukinavaia a’a aruru awkono avao ai, enei emoki ekinamaki orere neko mere voa pa kuruai uku ei nawi eiai.
18Oro laea‐elau’unave, ekinave ane, uku Iesu unu nawi orere pa omoro kuruai, pa ipawkiai.
19Petero, Ioane ane, erau voa kuruenave, Opara anana Eloi inu paku ai nomo voa kamaialiai naea, Eloi inu voa kamaialiai naea, noro e voa veve’ene.
20A uku enere eiai, enere omoro kuruai limakina uku awku enere inamu‐eiane euna, viriane euna ane.
21Voa vevea amua a’a voa mo kurueaka’ane uku kore ekavai, oro ururuenave, uku awku eria oro auiaka oro epiriai, uku a’a aruru uriria Eloi kepoinave kurua awku eiai liakei’inave.
22Uku a’a ei iva veia u eiai liakei’inave, una kinia pani mere u aumeia 40 rokoaka.
23Orere ururuakei’inave, orere enu kaupu a’a ai orere enanave, voa uriria omoro amua a’a, mai‐oro ane, kurueaka, orere kairinani kuruenave.
24Oro uru viriaka’ane, oro uriria erau voa kurunave, Amua Epe’epe e, Pani Muku, Pani Va’au ane, Ere Aura ane, Ni eiaka, urupei, inapei, uriria oro laru ai rokoamakina,
25I Avaea Iaa mere i Ni aivara Davida anu ane epo mere Ni erau voa kurunave, uku oiana kaki a’a iaraliane euna, a’a aruru avuavu laikora’ane euna?
26Pani va’au unu amua a’a, mai‐oro ane, mani kaupukiane euna Amua anu paku ai, Keriso paku ai ane.
27Ni iaa Mere Iesu, U ane Ni iaa‐awkava’ane euna, Una paku ai Heroda, Ponitio Pilato ane, lai unuku a’a kiripai, Isaraela kaki a’a ane, oro mani‐kaupukinave,
28Uku uriria liai Ni iva, Ni lai ane, eni evere’enave iru pani liakeiakana.
29Eai, Amua e, omo iara anara voa Ni virine: Ni aivara evere’eine, oro Ni voa iviri omoro kuruane‐iai.
30Ni eve oiokane a’a aukariekavai; iva veia, momo’ore awku ane, i Ni iaa Mere Iesu unu nawi lia?-?keia’ane‐iai.
31Oro nawki‐awkavaka’ane, marea vanovano‐awka?-?vakei’inave oro laru ai i‐kaupukiakei’inave; oro uriria Avaea Iaa evopoakei’inave, Eloi inu Iva voa oro iviri omoro kurunave.
32Oro ane oro pirimaroakoaka, oro umu monou, imunu monou, kei’inave; a’a kapeo kurunave aru u miaka una aru kei’inave; oro uriria aru aua‐mi’inave.
33Iva a’a voa iviri ioneli’inave Amua Iesu unu imua mere la’ava eiai; la’aruku ovara oro uriria upa mere kei’inave.
34Omo a’a kapeo oea‐rokoanave: omo a’a ka’e, marea ane, miaka, omo ka’e, marea ane, oro inaea‐elau’?-?unave, kavani inu moni oro mi‐anenave ane.
35Moni iva a’a anu are ai oro ai’inave; moni kokoravakei’inave a’a kavakava awkuakei’inave orau u oea‐rokoanave.
36Iose, i iva a’a nawi Baranaba oroiakei’inave, (kurua nawi inu miki, Umu unu Mere) u Levi kaupu a’a kei’inave Kupera eiei inu a’a,
37U ka’e mi’inave, una ka’e u inaeali’inave, ka’e kavani inu moni u mi‐anenave, iva a’a anu are ai u ai’inave ane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.