IVA A’A ANU IAKI 5
5
1A’a nawi Anania oroiakei’inave, una a’e Sapira ane, orere enu ka’e orere inaeali’inave.
2Vaki ka’e enu kavani moni varomo vaua‐awka?-?nave, una a’e una opara evere’enave, moni mo vaki mi‐anenave, iva a’a anu are ai u ai’inave ane.
3Petero Anania erau voa veve’enave, Uku oiana Satani ni umu mi’ina, ni Avaea Iaa ewaea‐awkavai ipia‐mi’ina ka’e enu moni varomo ni vaua‐awkava’ane?-?iai.
4Ka’e uakeia’ane, inaea?-?liakeiape, kurua ka’e ni ka’e peana? ka’e inaea‐liakeia’ane, ka’e kavani moni ni moni peana? Uku oiana ei kukia opara ni umu laru ai ni oiviriane euna? A’a anu paku ai peo, a Eloi inu paku ai ni arauau liane euna.
5Anania ei voa virimakei’inave, u ara’anave, imunave ane: a’a uriria ei voa virinave oro kore‐ekavakei’inave.
6Roropaea lala’anave, kape kapua pirinave, iki ai vakarunave, i’inave ane.
7Maura pani ai, una a’e pauapaua kei’inave ei awku eiai, u marea ikirimanenave.
8Petero erau voa kurunave, Sapira e, ikine, ka’e ei moni eiai norere inaea?-?ama‐li’e? A’e erau voa kurunave, Lia, moni ioure.
9Petero erau voa kurunave, Uku oiana norere lai monou miaka uku Amua anu Avaea ailiai? Akoi’i, a’a ni vaki i’iane euna oro kikau ai i‐pokoina, oro vakaruniakana iki ai.
10Una are ai a’e emoki ara’anave, imunave ane: roropaea ikirimanenave, a’e imua oro auinave ane; oro a’e kape vakarunave una vaki inu lauoi ai, i’inave ane.
11Ekalesia a’a uriria kore ovara ekavakei’inave ei awku eiai, a’a awku ei uru virinave oro kore‐eiakei’inave.
12Iva veia aila, momo’ore awku ane, i iva a’a liakei’inave a’a aruru awkono avao ai; (uku Solomona anu mapu ai kaupukiai oro uriria lai monou kei’inave.
13Oro kiripai kaupukiai a’a e kore kei’inave: a a’a aruru avieinave.
14Amua anu pirimaroakoa a’a aila akoakei’inave, aruru aruru, vakiro, a’ero ane.)
15Omo maia a’a pai’iri kanikara ai oro are’ekanave, kile upa mere ai’inave ane, Petero e’epemakei’inave una avaea kaipui‐kaipui maia a’a varomo ivawvoa’a liane‐iai.
16Pai’iri pai’iri mere a’a aruru elemanenave Ierusalema ai, maia a’a are’ekama?-?kei’inave ane, oro awku avaea upu miaka: oro kavakava aukariekavakei’inave.
17Ei opara omoro amua a’a ia’ia‐eakei’inave. U, una a’a uriria ane, oro Sadukea kaupu a’a, oro iara evopoakei’inave,
18Oro iva a’a epirinave, kipura marea laru ai ai’inave ane.
19Amua anu aivara avaea kipere pani ai kipura marea anu kikau auenave, iva a’a iki ai era’anave ane, erau voa kuruenave ane,
20Enara, omoro marea laru ai oira, ei rokoa anu Iva voa uriria a’a aruru unu paku ai noro omoro kurura.
21Ei voa oro viriaka’ane omoro marea oro ikirinave merea pani paku ai, omoro kurunave ane. Omoro amua a’a, una a’a ane, anenave, Sunederi a’a, Isaraela a’a anu mai‐oro ane, u kaupukinave; iva a’a u ai are’ekavai u kipura marea ai okaivirinave.
22Polikimani kipura marea ai aneaka’ane, iva a’a laru ai auieakape ane, oro vairunave, erau voa kurunave ane,
23Kipura marea anu kikau ekuakei’inave enei auienave, polikimani kikau iki ai oimakei’inave kikau paku ai: enei kikau auaka’?-?ane, marea laru ai a’a kapeo enei auinave.
24Omoro amua a’a, omoro marea marevaki ane, omoro a’a ane, ei voa viriaka’ane, oro lai kukupuna kei’inave, uku varuava awku mo liakeia’ane‐iai naea.
25Ei pani ai a’a monou i‐anenave, erau voa kuruenave ane, Akoi’i, a’a noro kipura marea laru ai ai’inave, oro omoro marea laru ai oimakina, a’a aruru ipekimakina ane.
26Marevaki polikimani kiripai omoro marea ai enanave, Iva a’a are’ekanave ane, iara eria ekanave: uku oro a’a aruru kore kei’inave oro rawre epakiakeinavaia.
27Oro Iva a’a are’ekavaka’ane, Sunederi a’a paku ai aiaka’ane: omoro amua a’a erau voa kuruenave,
28Enei nakipeana ei nawi eiai noro omoro pa kuruai? Akoi’i, nomo ipawkia voa Ierusalema noro evopoane euna, noro ipia‐mimakina a’a aruru ipekiai enei ei a’a anu avé a’a keina.
29Petero, iva a’a e ane, erau voa kurunave, Eloi, a’a peo, enei kamaia‐awkavai limakina.
30Ene mai‐oro onu Eloi Iesu imua mere la’oka’ane euna, U ane noro iri keoa upa mere a’anave.
31U Amua, Iawka ane, rokoai Eloi are’eane euna Una eve miki mekai ai, uku Isaraela a’a lai urukia, namea anu pauea ane, ekuai.
32Enei Una ione a’a keina ei awku eiai; Avaea Iaa awku, U ane Eloi ekuane euna oro ane oro kamaia‐awkana.
33Uku ei kavani voa eiai oro iara‐ekavakei’inave, Iva a’a e‐avai oro umuli’inave.
34Parisea a’a monou, nawi Gamaliela, vupu unu ipawkia a’a, u avioia a’a kei’inave a’a aruru uriria awkono avao ai, u oinave, iva a’a mau’u paku ai aiai u awkinave;
35U erau voa kuruenave, Isaraela a’a e, Oivirine noro kaika li’inavaia ei a’a eiai.
36Uku eni pani ai Teudeo erenave, voa meramera kurumakei’inave u amua a’a kei’inave; a’a 400 una kaupu a’a evere’einave: u avakei’inave, una kamaia a’a uriria lai‐ekavakei’inave, eria liakei’inave ane.
37A’a akoa pani ai Iuda Galilaia a’a erenave, una voa eiai a’a aila e’e’okanave: u awku avakei’inave; una kamaia a’a uriria lai‐ekavakei’inave ane.
38Nai erau voa kurunaina, Ei a’a ave’eine, keinameki: uku ei ipawkia voa, ei iaki ane, a’a mere anea’ane, uriria eria keiakana.
39Ei awku Eloi mere anea’ane kapoi, noro oavai liapea; oivirine noro Eloi mani apakinavaia.
40Una voa oro evere’enave: oro iva a’a laea’?-?elauaka’ane, vakiemiaka’ane, Iesu unu nawi oro pa omoro kuruai oro ekiaka’ane, oro ururuenave.
41Sunederi a’a mere oro elenave, kopailimakei’inave oro ima kei’inave makiri inu kukunu miai uku Una nawi eiai.
42Lare kavakava omoro marea laru ai, a’a anu marea laru ai, oro ipawkimakei’inave, omoro kurumakei’inave, Iesu Keriso eiai.
Currently Selected:
IVA A’A ANU IAKI 5: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
IVA A’A ANU IAKI 5
5
1A’a nawi Anania oroiakei’inave, una a’e Sapira ane, orere enu ka’e orere inaeali’inave.
2Vaki ka’e enu kavani moni varomo vaua‐awka?-?nave, una a’e una opara evere’enave, moni mo vaki mi‐anenave, iva a’a anu are ai u ai’inave ane.
3Petero Anania erau voa veve’enave, Uku oiana Satani ni umu mi’ina, ni Avaea Iaa ewaea‐awkavai ipia‐mi’ina ka’e enu moni varomo ni vaua‐awkava’ane?-?iai.
4Ka’e uakeia’ane, inaea?-?liakeiape, kurua ka’e ni ka’e peana? ka’e inaea‐liakeia’ane, ka’e kavani moni ni moni peana? Uku oiana ei kukia opara ni umu laru ai ni oiviriane euna? A’a anu paku ai peo, a Eloi inu paku ai ni arauau liane euna.
5Anania ei voa virimakei’inave, u ara’anave, imunave ane: a’a uriria ei voa virinave oro kore‐ekavakei’inave.
6Roropaea lala’anave, kape kapua pirinave, iki ai vakarunave, i’inave ane.
7Maura pani ai, una a’e pauapaua kei’inave ei awku eiai, u marea ikirimanenave.
8Petero erau voa kurunave, Sapira e, ikine, ka’e ei moni eiai norere inaea?-?ama‐li’e? A’e erau voa kurunave, Lia, moni ioure.
9Petero erau voa kurunave, Uku oiana norere lai monou miaka uku Amua anu Avaea ailiai? Akoi’i, a’a ni vaki i’iane euna oro kikau ai i‐pokoina, oro vakaruniakana iki ai.
10Una are ai a’e emoki ara’anave, imunave ane: roropaea ikirimanenave, a’e imua oro auinave ane; oro a’e kape vakarunave una vaki inu lauoi ai, i’inave ane.
11Ekalesia a’a uriria kore ovara ekavakei’inave ei awku eiai, a’a awku ei uru virinave oro kore‐eiakei’inave.
12Iva veia aila, momo’ore awku ane, i iva a’a liakei’inave a’a aruru awkono avao ai; (uku Solomona anu mapu ai kaupukiai oro uriria lai monou kei’inave.
13Oro kiripai kaupukiai a’a e kore kei’inave: a a’a aruru avieinave.
14Amua anu pirimaroakoa a’a aila akoakei’inave, aruru aruru, vakiro, a’ero ane.)
15Omo maia a’a pai’iri kanikara ai oro are’ekanave, kile upa mere ai’inave ane, Petero e’epemakei’inave una avaea kaipui‐kaipui maia a’a varomo ivawvoa’a liane‐iai.
16Pai’iri pai’iri mere a’a aruru elemanenave Ierusalema ai, maia a’a are’ekama?-?kei’inave ane, oro awku avaea upu miaka: oro kavakava aukariekavakei’inave.
17Ei opara omoro amua a’a ia’ia‐eakei’inave. U, una a’a uriria ane, oro Sadukea kaupu a’a, oro iara evopoakei’inave,
18Oro iva a’a epirinave, kipura marea laru ai ai’inave ane.
19Amua anu aivara avaea kipere pani ai kipura marea anu kikau auenave, iva a’a iki ai era’anave ane, erau voa kuruenave ane,
20Enara, omoro marea laru ai oira, ei rokoa anu Iva voa uriria a’a aruru unu paku ai noro omoro kurura.
21Ei voa oro viriaka’ane omoro marea oro ikirinave merea pani paku ai, omoro kurunave ane. Omoro amua a’a, una a’a ane, anenave, Sunederi a’a, Isaraela a’a anu mai‐oro ane, u kaupukinave; iva a’a u ai are’ekavai u kipura marea ai okaivirinave.
22Polikimani kipura marea ai aneaka’ane, iva a’a laru ai auieakape ane, oro vairunave, erau voa kurunave ane,
23Kipura marea anu kikau ekuakei’inave enei auienave, polikimani kikau iki ai oimakei’inave kikau paku ai: enei kikau auaka’?-?ane, marea laru ai a’a kapeo enei auinave.
24Omoro amua a’a, omoro marea marevaki ane, omoro a’a ane, ei voa viriaka’ane, oro lai kukupuna kei’inave, uku varuava awku mo liakeia’ane‐iai naea.
25Ei pani ai a’a monou i‐anenave, erau voa kuruenave ane, Akoi’i, a’a noro kipura marea laru ai ai’inave, oro omoro marea laru ai oimakina, a’a aruru ipekimakina ane.
26Marevaki polikimani kiripai omoro marea ai enanave, Iva a’a are’ekanave ane, iara eria ekanave: uku oro a’a aruru kore kei’inave oro rawre epakiakeinavaia.
27Oro Iva a’a are’ekavaka’ane, Sunederi a’a paku ai aiaka’ane: omoro amua a’a erau voa kuruenave,
28Enei nakipeana ei nawi eiai noro omoro pa kuruai? Akoi’i, nomo ipawkia voa Ierusalema noro evopoane euna, noro ipia‐mimakina a’a aruru ipekiai enei ei a’a anu avé a’a keina.
29Petero, iva a’a e ane, erau voa kurunave, Eloi, a’a peo, enei kamaia‐awkavai limakina.
30Ene mai‐oro onu Eloi Iesu imua mere la’oka’ane euna, U ane noro iri keoa upa mere a’anave.
31U Amua, Iawka ane, rokoai Eloi are’eane euna Una eve miki mekai ai, uku Isaraela a’a lai urukia, namea anu pauea ane, ekuai.
32Enei Una ione a’a keina ei awku eiai; Avaea Iaa awku, U ane Eloi ekuane euna oro ane oro kamaia‐awkana.
33Uku ei kavani voa eiai oro iara‐ekavakei’inave, Iva a’a e‐avai oro umuli’inave.
34Parisea a’a monou, nawi Gamaliela, vupu unu ipawkia a’a, u avioia a’a kei’inave a’a aruru uriria awkono avao ai, u oinave, iva a’a mau’u paku ai aiai u awkinave;
35U erau voa kuruenave, Isaraela a’a e, Oivirine noro kaika li’inavaia ei a’a eiai.
36Uku eni pani ai Teudeo erenave, voa meramera kurumakei’inave u amua a’a kei’inave; a’a 400 una kaupu a’a evere’einave: u avakei’inave, una kamaia a’a uriria lai‐ekavakei’inave, eria liakei’inave ane.
37A’a akoa pani ai Iuda Galilaia a’a erenave, una voa eiai a’a aila e’e’okanave: u awku avakei’inave; una kamaia a’a uriria lai‐ekavakei’inave ane.
38Nai erau voa kurunaina, Ei a’a ave’eine, keinameki: uku ei ipawkia voa, ei iaki ane, a’a mere anea’ane, uriria eria keiakana.
39Ei awku Eloi mere anea’ane kapoi, noro oavai liapea; oivirine noro Eloi mani apakinavaia.
40Una voa oro evere’enave: oro iva a’a laea’?-?elauaka’ane, vakiemiaka’ane, Iesu unu nawi oro pa omoro kuruai oro ekiaka’ane, oro ururuenave.
41Sunederi a’a mere oro elenave, kopailimakei’inave oro ima kei’inave makiri inu kukunu miai uku Una nawi eiai.
42Lare kavakava omoro marea laru ai, a’a anu marea laru ai, oro ipawkimakei’inave, omoro kurumakei’inave, Iesu Keriso eiai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.