Mataio 20
20
1Pani muku eiei mai‐vaki orau keina pani merea u elenave iaki a’a evoroai una aura ai iaki‐liai.
2U iaki a’a‐oro kiripai kuruei voa kuruaka’ane uku kavani peni monou lare monou unu iaki eiai, una aura ai u ekaivirinave.
3Lare upai pani ai u moawku elenave, a’a mo eria oimakei’inave kanikara ai u inamu‐ei’inave,
4U erau voa kuruenave, Noro awku enara aura ai, kavani anana nai nakuakana. Oro enanave.
5Lare iki pani ai, pukurua pani ai awku, u elenave, moawku u orau li’inave.
6Eua pani arekamu ai u moawku elenave, a’a mo eria oimakei’inave u inamu‐ei’inave, erau voa kuruenave ane, Noro oiamali’i lare iki eu ai noro eria pokoimakei’i?
7Oro erau voa kurunave, A’a kapeo iaki akuane euna, U ekinave, Enara aura ai, kavani anana nai nakuakana.
8Lare euakei’inave, aura anu maivaki una paioka vaki erau voa awkinave, Iaki a’a laea‐elaune, omo kavani ekune, ika a’a kavani pinai ekune, pinai a’a kavani ika ekune.
9Lare eua anea a’a aneaka’ane a’a kavakava peni monou mi’inave.
10Pinai anea a’a aneaka’ane oro laikoranave kavani mo oro miakana; oro awku a’a kavakava peni monou mi’inave.
11Oro kavani miaka’ane oro voa momou‐momou kurunave maivaki eiai,
12Erau voa kurumakei’inave, Ei ika anea a’a pani mau’u iakiliane euna, kavani ene kavani ipi’ipia ni ekuane euna, enei iaki mu’u lare enu iva ane, miane euna.
13Omo a’a monou mai?-?vaki erau voa kurunave, Mere e, nai ewaea a‐nikana?-?kea: enere kuruei voa kuruapeana kavani peni monou eiai?
14Ni kavani mi’ine, enara ane: ei ika a’a kavani ni kavani ipi‐ipia awkuai nai umuli’ina.
15Uku na awku eiai opara anana peana na awku awkuai orau nai umuli’ina? ni inamu lipi ana uku nai veruku keina?
16Orau ika a’a pinai keiakana, pinai a’a ane ika keiakana:
17Iesu Ierusalema ai inamakei’inave aivara 12 e U era’anave vauavaua mako ai, erau voa kuruenave ane.
18Akoi’i, enei Ierusalema ai inana; A’a anu Mere anai‐aviakeiakana omoro amua a’a, kikiria a’a, anu paku ai, U avai oro mua‐awkavakana,
19Lai unuku a’a awkuakana oro makiri‐awkava’ane?-?iai, vaki‐awmiane‐iai, iri keoa upa mere a’ane‐iai: rere kaiane enu lare ai U imua mere moawku la’avakana.
20Sebede enu a’e, una ukua‐oro ane, U ai anenave, avioimakei’inave ane, awku monou eiai nawki‐awkamakei’inave ane,
21U a’e erau voa veve’enave, Ni oiamalaikora’i? A’e erau voa kurunave, Evere’ene na ukua orere eire papa’avai monou ni eve miki mekai, monou Ni eve keau mekai, Ni eiei ai.
22Iesu erau voa kurunave, Noro pauapaua keina ei awku eiai noro nawki‐awkana. Koiri mere Nai navai awkamakina kurua koiri mere noro navai amali’i? Oro kurunave, Ene liai li’ina.
23U erau voa kuruenave, Na koiri mere noro navakana, a uku Na eve miki mekai, Na eve keau mekai, papa’avai, nomo nawki evere’eai Nai liapea, kurua mako uakeina oro eiai Na Mai evere’eane euna.
24Aivara e 10 kurua voa viriaka’ane oro ia’iakei’inave ei aroa a’a orere eiai.
25Iesu laea‐elau’unave, erau voa kuruenave ane, Lai unuku a’a anu amua rurupu‐ekana, omo mai‐oro ane amua‐ekana.
26A noro awkono avao ai orau liakeiapea: a nomo a’a kavakava amua a’a evere’eai umuliane, nomo aivara a’a u evere’enamoki.
27U ane u amua evere’eai umuliane noro awkono avao ai, nomo aivara u evere’enamoki.
28Orau A’a anu Mere aneakape kamaia‐awkava?-?keia’ane‐iai, a uku kamaia‐awkavai, Una rokoa awku awkuai a’a aila anu kavani eiai.
29Oro Ieriko ave’emakei’inave a’a aruru ovara e’e’okanave.
30Inamu apua a’a rere kapea ai papa’amakei’inave, orere viriaka’ane Iesu awpemakei’inave, orere voa araro erau voa laeali’inave, Amua e, Davida anu mere e, umu‐akane.
31A’a aruru orere rawre pa liai ekinave: orere moawku voa araro erau voa laea?-?li’inave, Amua e, Davida anu mere e, umu‐akane.
32Iesu uapokoinave, laea‐elau’unave ane, erau voa veve’einave ane, Norere oiamalaikora’i Nai liakana norere eiai?
33Orere erau voa kurunave, Amua e, Enere inamu lakavakeinameki.
34Iesu umu‐ekanave, orere enu inamu U nekenave ane: orere enu inamu emai emoki mi’inave, orere e’e’okanave ane.
Currently Selected:
Mataio 20: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
