Mareko 12
12
1Aipo voa U ipekinave. A’a uarokoakei’inave u aura kininave, vara leiaka‐avikinave ane; aroa u karikinave iri uru oinia auri eiai, marea mukua awku u la‐okanave. Aura oiviriai u iaki a’a ekinave, pani va’au e ama mere u aki‐enanave.
2Uru nepa pani ai aivara monou aura ai u okaivirinave, aura iaki a’a mere u uru miane‐iai.
3Ei aivara oro a’akinave, vaki‐awmi’inave, iri uru eria oro laoinave ane.
4Aivara mo aura ai u okaivirinave; oro rawre awpakinave, una uku awku oro awkoro ruawmi’inave, oro iara vaki‐awmi’inave ane.
5Aivara mo u moawku okaivirinave; oro a’anave, aivara aila mo ane; varomo vaki‐emimakei’inave, varomo e‐a’amakei’inave ane.
6Uku aura ai okaiviriai monou uapokoinave, una naumuki mere; u ika vaki u aura ai okaivirinave, erau voa kurumakei’inave, Na mere oro avioiakana.
7Aura iaki a’a erau voa ekinanave, Airavaki ukua eire; anene, enei a’anamaki, ei aura ene aura keiakana.
8Oro a’akinave, a’anave ane, una kape aura mere kai’inave ane.
9Aura anu amua oiama?-?limau? U aneakana, aura iaki a’a e‐avakana, aura a’a e u ekuakana ane.
10Iaa revareva noro oraiapeana; rawre marea la‐oka a’a inaka‐li’inave kurua rawre lauamea anu kovaivivi evere’eane euna:
11Ei lauamea anu kovaivivi Iehova mere anenave, ene lai laru ai U momo’ore keina?
12A’akiai oro ipia‐mi’inave, a’a aruru eiai oro kore kei’inave: uku oro ipali’inave U aipo voa kuruaka uku oro eiai: oro ave’enave, omo mako ai enanave ane.
13U ai voa ailiai Parisea a’a varomo, Herodia a’a ane, oro ekaivirinave.
14Oro aneaka’ane oro erau voa veve’enave, Amua e, enei ipali’ina Ni voa miki a’a, Ni kore eria mi’ina a’a eiai: Ni lai e e miape a’a e e eiai, Iehova anu opara Ni ipawkina kapoi: Opara anana ana, opara kaika ana, Kaisara kavani awkuai?
15Enei awkumau, enei awkuai, inaka‐lamau, oi opara ana? Omo ewaea voa U ipalimakei’inave, U erau voa kuruenave, Uku oiana noro voa veve’i’ina? seleni monou minane Nai inamu‐oiane‐iai.
16Oro mi‐anenave, U erau voa veve’einave, Ei avaea, kikiria ane, kono ana? Oro kurunave, Kaisara anu.
17Iesu erau voa kuruenave, Kaisara anu awku Kaisara awkura, Iehova anu awku Iehova awkura ane. Una voa eiai oro varua’anave.
18Sadukea a’a U ai anenave, ei kaupu a’a ipawkina a’a imua mere a‐la’anakea; oro erau voa veve’enave,
19Amua e, Mose enei eiai erau voa kikirinave, A’a anu aroa a’a imuane, a’e kepea, ukua eria, ave’eane, imua a’a anu aroa a’a ei a’e kepea una a’e miakana, imua vaki eiai ukua kiniakana ane.
20Aroa a’a 7 rokoakei’inave: airavaki a’e mi’inave, u imunave ukua eria ave’enave ane.
21Ovaki ei a’e kepea miaka, u imunave, ukua eria ave’enave ane, Orau awku aroa a’a rere kaiane vaki.
22Aroa a’a 7 ei a’e kepea miaka, oro imunave, ukua eria ave’enave, neko mere ai a’e kepea awku imunave.
23Imua mere la’ava pani ai ei a’e kono a’e ana u keiakana? Aroa a’a 7 a’a monou monou ei a’e miaka una a’e eiai.
24Iesu erau voa kuruenave, Noro voa miki mere kekeapeana uku iaa revareva, Iehova anu iva ane, noro ipapea?
25Uku a’a imua mere la’ane, oro a’e miapea, a’e miai evere’eiakeiapea; aivara‐avaea pani muku ai orau oro keiakana.
26A uku imua a’a oro imua mere la’ana: Mose enu buka laru ai noro oraiapeana kurua voa Iehova iri kokoro mere erau voa kurunave, Nai Aberahamo onu Iehova, Isako onu Iehova, Iakobo onu Iehova?
27U imua a’a anu Iehova peo, a rokoa a’a anu Iehova U uarokona: voa miki mere noro ama kekena.
28Kikiria a’a monou voa ekinamakei’inave e‐viriaka, u ipalimakei’inave ane Iesu kavani voa miki kurueaka, u anenave, erau voa veve’enave ane, Vupu uriria anu pinai vaki ekara’ana?
29Iesu erau voa kurunave, Vupu uriria anu pinai vaki eire, Virine, Isaraela a’a e, Amua ene Iehova U Amua monou uarokona:
30Ni umu iki, ni imunu iki, ni lai iki, ni iva iki, Amua ni Iehova ni umu‐awkavakana:
31Vupu rere vaki eire, Orau ni umu‐nikana ni a’a orau ni umu‐awkavakana. Vupu e eria keina ei vupu rere ipi’ipiakeina.
32Kikiria a’a erau voa kurunave, Voa miki Ni kuruane euna: Eloi monou ua?-?rokona; Eloi e eria keina.
33A’a anu umu iki, lai iki, iva iki, umu‐awkavai; una a’a umu‐awkavai orau u umu‐awkana, ei opara miki mi’ina kapoi, epie pei opara rurupu keina.
34Uku kikiria a’a lai evera kavani voa kuruaka, Iesu erau voa kurunave, Eloi inu eiei mere ni amai peo. A’a mo iviri‐a‐kei’inavea voa mo veve’eai.
35Iesu omoro marea laru ai ipawkimakei’inave, erau voa veve’einave, Uku oiana kikiria a’a kuruna Keriso Davida anu mere keina?
36I Avaea Iaa ipawkiakei’inave Davida erau voa kurunave, Amua na Amua kurunave, Na eve miki mekai pa’ane, anea’anea ni mani Nai pakara ekava’ane Ni are eiai.
37Davida Amua oroinave; eka’amali’i U Mere awku keina? A’a aruru Una voa kopai‐virinave.
38Una ipawkia voa U erau voa kuruenave, Naivirine kikiria a’a eiai, a’a kape va’au are rokoai oro umuli’ina, a’a anu kepoia voa awku viriai pai’iri inu kanikara ai,
39Amua a’a anu pakara miai omoro marea laru ai, paku pakara miai purai pani ai, oro umuli’ina:
40A’e kepea anu marea oro avapuli’ina, oro opara anana a’a auoiai oro nawki va’au awkana: omo lipi inu kavani ovara oro miakana.
41Omoro marea anu moni maua paku ai Iesu pa’anave, a’a moni maua laru ai eimakei’inave U inamu‐ei’inave: amua a’a aila moni mo’onu maua laru ai ei’inave.
42Aru eria a’e kepea anenave, moni mau’u rere u maua laru ai ei’inave.
43Una aivara U ai aneai U laea‐elau’unave, erau voa kuruenave ane, Nai kurunaina kapoi, Ei a’e kepea anu moni mau’u u maua laru ai eiane euna ima ovara keina, omo moni uriria rurupu keina;
44Uku oro moni varomo e omo moni mo’onu mere maua laru ai ei’inave; a ei a’e una moni iki, una pei inu moni ane, u maua laru ai eiane euna.
Currently Selected:
Mareko 12: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
Mareko 12
12
1Aipo voa U ipekinave. A’a uarokoakei’inave u aura kininave, vara leiaka‐avikinave ane; aroa u karikinave iri uru oinia auri eiai, marea mukua awku u la‐okanave. Aura oiviriai u iaki a’a ekinave, pani va’au e ama mere u aki‐enanave.
2Uru nepa pani ai aivara monou aura ai u okaivirinave, aura iaki a’a mere u uru miane‐iai.
3Ei aivara oro a’akinave, vaki‐awmi’inave, iri uru eria oro laoinave ane.
4Aivara mo aura ai u okaivirinave; oro rawre awpakinave, una uku awku oro awkoro ruawmi’inave, oro iara vaki‐awmi’inave ane.
5Aivara mo u moawku okaivirinave; oro a’anave, aivara aila mo ane; varomo vaki‐emimakei’inave, varomo e‐a’amakei’inave ane.
6Uku aura ai okaiviriai monou uapokoinave, una naumuki mere; u ika vaki u aura ai okaivirinave, erau voa kurumakei’inave, Na mere oro avioiakana.
7Aura iaki a’a erau voa ekinanave, Airavaki ukua eire; anene, enei a’anamaki, ei aura ene aura keiakana.
8Oro a’akinave, a’anave ane, una kape aura mere kai’inave ane.
9Aura anu amua oiama?-?limau? U aneakana, aura iaki a’a e‐avakana, aura a’a e u ekuakana ane.
10Iaa revareva noro oraiapeana; rawre marea la‐oka a’a inaka‐li’inave kurua rawre lauamea anu kovaivivi evere’eane euna:
11Ei lauamea anu kovaivivi Iehova mere anenave, ene lai laru ai U momo’ore keina?
12A’akiai oro ipia‐mi’inave, a’a aruru eiai oro kore kei’inave: uku oro ipali’inave U aipo voa kuruaka uku oro eiai: oro ave’enave, omo mako ai enanave ane.
13U ai voa ailiai Parisea a’a varomo, Herodia a’a ane, oro ekaivirinave.
14Oro aneaka’ane oro erau voa veve’enave, Amua e, enei ipali’ina Ni voa miki a’a, Ni kore eria mi’ina a’a eiai: Ni lai e e miape a’a e e eiai, Iehova anu opara Ni ipawkina kapoi: Opara anana ana, opara kaika ana, Kaisara kavani awkuai?
15Enei awkumau, enei awkuai, inaka‐lamau, oi opara ana? Omo ewaea voa U ipalimakei’inave, U erau voa kuruenave, Uku oiana noro voa veve’i’ina? seleni monou minane Nai inamu‐oiane‐iai.
16Oro mi‐anenave, U erau voa veve’einave, Ei avaea, kikiria ane, kono ana? Oro kurunave, Kaisara anu.
17Iesu erau voa kuruenave, Kaisara anu awku Kaisara awkura, Iehova anu awku Iehova awkura ane. Una voa eiai oro varua’anave.
18Sadukea a’a U ai anenave, ei kaupu a’a ipawkina a’a imua mere a‐la’anakea; oro erau voa veve’enave,
19Amua e, Mose enei eiai erau voa kikirinave, A’a anu aroa a’a imuane, a’e kepea, ukua eria, ave’eane, imua a’a anu aroa a’a ei a’e kepea una a’e miakana, imua vaki eiai ukua kiniakana ane.
20Aroa a’a 7 rokoakei’inave: airavaki a’e mi’inave, u imunave ukua eria ave’enave ane.
21Ovaki ei a’e kepea miaka, u imunave, ukua eria ave’enave ane, Orau awku aroa a’a rere kaiane vaki.
22Aroa a’a 7 ei a’e kepea miaka, oro imunave, ukua eria ave’enave, neko mere ai a’e kepea awku imunave.
23Imua mere la’ava pani ai ei a’e kono a’e ana u keiakana? Aroa a’a 7 a’a monou monou ei a’e miaka una a’e eiai.
24Iesu erau voa kuruenave, Noro voa miki mere kekeapeana uku iaa revareva, Iehova anu iva ane, noro ipapea?
25Uku a’a imua mere la’ane, oro a’e miapea, a’e miai evere’eiakeiapea; aivara‐avaea pani muku ai orau oro keiakana.
26A uku imua a’a oro imua mere la’ana: Mose enu buka laru ai noro oraiapeana kurua voa Iehova iri kokoro mere erau voa kurunave, Nai Aberahamo onu Iehova, Isako onu Iehova, Iakobo onu Iehova?
27U imua a’a anu Iehova peo, a rokoa a’a anu Iehova U uarokona: voa miki mere noro ama kekena.
28Kikiria a’a monou voa ekinamakei’inave e‐viriaka, u ipalimakei’inave ane Iesu kavani voa miki kurueaka, u anenave, erau voa veve’enave ane, Vupu uriria anu pinai vaki ekara’ana?
29Iesu erau voa kurunave, Vupu uriria anu pinai vaki eire, Virine, Isaraela a’a e, Amua ene Iehova U Amua monou uarokona:
30Ni umu iki, ni imunu iki, ni lai iki, ni iva iki, Amua ni Iehova ni umu‐awkavakana:
31Vupu rere vaki eire, Orau ni umu‐nikana ni a’a orau ni umu‐awkavakana. Vupu e eria keina ei vupu rere ipi’ipiakeina.
32Kikiria a’a erau voa kurunave, Voa miki Ni kuruane euna: Eloi monou ua?-?rokona; Eloi e eria keina.
33A’a anu umu iki, lai iki, iva iki, umu‐awkavai; una a’a umu‐awkavai orau u umu‐awkana, ei opara miki mi’ina kapoi, epie pei opara rurupu keina.
34Uku kikiria a’a lai evera kavani voa kuruaka, Iesu erau voa kurunave, Eloi inu eiei mere ni amai peo. A’a mo iviri‐a‐kei’inavea voa mo veve’eai.
35Iesu omoro marea laru ai ipawkimakei’inave, erau voa veve’einave, Uku oiana kikiria a’a kuruna Keriso Davida anu mere keina?
36I Avaea Iaa ipawkiakei’inave Davida erau voa kurunave, Amua na Amua kurunave, Na eve miki mekai pa’ane, anea’anea ni mani Nai pakara ekava’ane Ni are eiai.
37Davida Amua oroinave; eka’amali’i U Mere awku keina? A’a aruru Una voa kopai‐virinave.
38Una ipawkia voa U erau voa kuruenave, Naivirine kikiria a’a eiai, a’a kape va’au are rokoai oro umuli’ina, a’a anu kepoia voa awku viriai pai’iri inu kanikara ai,
39Amua a’a anu pakara miai omoro marea laru ai, paku pakara miai purai pani ai, oro umuli’ina:
40A’e kepea anu marea oro avapuli’ina, oro opara anana a’a auoiai oro nawki va’au awkana: omo lipi inu kavani ovara oro miakana.
41Omoro marea anu moni maua paku ai Iesu pa’anave, a’a moni maua laru ai eimakei’inave U inamu‐ei’inave: amua a’a aila moni mo’onu maua laru ai ei’inave.
42Aru eria a’e kepea anenave, moni mau’u rere u maua laru ai ei’inave.
43Una aivara U ai aneai U laea‐elau’unave, erau voa kuruenave ane, Nai kurunaina kapoi, Ei a’e kepea anu moni mau’u u maua laru ai eiane euna ima ovara keina, omo moni uriria rurupu keina;
44Uku oro moni varomo e omo moni mo’onu mere maua laru ai ei’inave; a ei a’e una moni iki, una pei inu moni ane, u maua laru ai eiane euna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.