Mareko 13
13
1U omoro marea mere elemakei’inave, Una aivara monou erau voa kurunave, Amua e, Akoi’i, rawre momo’ore aku, marea oro awku momo’ore miki!
2Iesu erau voa kurunave, Ei marea ovara uriria ni inamu‐eiana? Oro enakavakeiakana, rawre monou rawre mo upa mere keiapea.
3U Oliveta akapu ai pa’amakei’inave omoro marea paku ai, Petero, Iakobo ane, Ioane, Anederea ane, erau voa vauavaua veve’enave,
4Akine, ekarapani ai ei awku evere’eakeiakana? Oi vupu ana ei awku unu evere’ea pani eiai?
5Iesu erau voa kuruenave, Naivirine a’a pawru naranavaia:
6Uku Na nawi mia‐a’a aila aneakana, erau voa kurumakeiakana, Keriso nai aku; a’a aila ewaea‐ekavakana ane.
7Noro apaki inu uru viriane, epo voa ane apaki eiai, kukupuna pa miai: uku ei awku oea‐rokoai limakina; a ika pani keiapea.
8Kaki a’a kaki a’a e paku ai mani‐lala’avakana, eiei awku eiei e eiai mani‐la’?-?avakana: mako e e pani va’au oioiliakana, pei oea keiakana, kukupuna ane: lai kukunu unu pinai awku eire.
9Naivirine: uku oro napiriakana sunederi a’a anu voa vevea eiai; omoro marea laru ai noro vakinamiakeia?-?kana: kavana a’a, amua a’a ane, paku ai noro oiakana uku Nai eiai, ione a’a omo paku ai Nai eiai.
10Iva voa pinai omoro kuruai limakina kaki a’a uriria paku ai.
11Voa vevenaiai oro narava’ane, lai kukupuna pa miai uku kavani voa noro kuruakana: pani anea’ane kavani voa eiai kurua voa nakuakeiakana; uku noro voa kuruapea, a Avaea Iaa voa kuruna.
12Uku avai aroa a’a una aroa a’a anai‐aviakana, mekai awku una mere; ukua‐mere lala’avakana omo a’e mai ane mani‐ekavai, oro imuai oro eiakana ane.
13I a’a uriria noro vai’i‐nakavakeiakana uku Na nawi eiai: a kurua a’a iviri‐keia’ane anea’anea ika pani ai u iawkavakeiakana.
14Kurua oava anu uku noro inamu‐oiane iaa mako oimakina, voa orau i Daniela laikorava a’a kuruakei’inave, (buka oraia a’a ei voa virinamoki) oro Iudea ai pokoina oro akapu ai area‐enanameki:
15U ane u marea i’i upa mere pokoina u pa liliai marea laru ai, pa ikiriai una marea mere aru iou‐miane‐iai:
16U ane u aura ai pokoina una a’a kape eiai marea ai u pa vairuai.
17Umu e, a’ero eiai kurua pani ai oro nemo keina, oro awku eiai oro upi ame ekuna!
18Nawki awkane noro e, ei pani kou’upua pani anenavaia.
19Uku kurua pani ai kukupuna keiakana, kukupuna orau pani va’au miape kurua pani mere Eloi pani va’au eanave anea’anea eai, kukupuna orau pani va’au moawku miapea opai keiakana.
20Eloi kurua pani uma liape liane, a’a kapeo rokoakana: a uku Una a’a eiai U ie’eane euna uku U eiai kurua lare pani U uma‐liane euna.
21A’a erau voa kurunaiane, Akoi’i, Keriso eu aku; Akoi’i, U iou aku: una voa pa pirimaroakoai:
22Uku arauau keriso lala’avakana, arauau laikorava a’a ane, vupu, momo’ore awku ane, oro ipekiakana, oro ipia‐miane‐iai Eloi inu ie’ea a’a ewaea‐ekavai.
23Noro oivirine, akoi’i, awku uriria Nai nakiane euna.
24Kurua kukupuna pani oailiakeia’ane, neko mere ai lare muru awkavakeiakana, ia awku pamea awkuapea,
25Rawpu oro kaia mere aravakana, kaia anu iva va?-?novano‐eiakeiakana.
26Ou pani ai A’a anu Mere oro inamu‐oiakana awporo ai anemakeiakana iva ovara, evao’evao kiripai ane.
27Una aivara‐avaea U ekaiviriakana, Una ie’ea a’a kaupukiai anu eiei mere, nara eiei mere, auanu eiei mere, maruru eiei mere.
28Uru iri mere aipo voa ipawkine; ilo‐erea pani ai, una aw awku ereane, noro ipali’ina aumeia pani arekamu ai keina:
29Orau noro awku, ei awku evere’eimakina noro inamu‐eiane, noro ipaliakana ei pani aneliviai anelia arekamu ai, lia, ei‐anena.
30Nai kurunaina kapoi, ei kiri a’a imuapea anea’anea ei awku evere’eiakeia’ane.
31Kaia, pani va’au ane, periakana, a Na voa periapea.
32A uku kurua lare, pani eiei ane, a’a kapeo ipali’ina, aivara‐avaea ane pani muku ai oro ipapeo, Mere awku U ipapeo, Mai U e ipali’ina.
33Naivirine, rokoa pokoine ane, nawki‐awkane ane, uku kurua pani noro ipapeo.
34Kurua pani a’a orau una marea u ave’eane euna, pani va’au e ama mere u pokoina, una aivara kavakava u awkiane euna una iaki eiai, kikau oiviria vaki rokoa‐pokoiai u awkiane euna ane.
35Ou uku eiai rokoa?-?pokoine, uku marea mai‐vaki inu vairua pani noro ipapeo, lare eua pani naea, kipere mokono pani naea, kokora viki pani naea, pani merea naea.
36Naivirine, u emoki anenavaia, noro awawkeimakina auinaiakana ane.
37Ei voa Nai kurunaina a’a uriria Nai kuruena, Ro?-?koa‐pokoine!
Currently Selected:
Mareko 13: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
Mareko 13
13
1U omoro marea mere elemakei’inave, Una aivara monou erau voa kurunave, Amua e, Akoi’i, rawre momo’ore aku, marea oro awku momo’ore miki!
2Iesu erau voa kurunave, Ei marea ovara uriria ni inamu‐eiana? Oro enakavakeiakana, rawre monou rawre mo upa mere keiapea.
3U Oliveta akapu ai pa’amakei’inave omoro marea paku ai, Petero, Iakobo ane, Ioane, Anederea ane, erau voa vauavaua veve’enave,
4Akine, ekarapani ai ei awku evere’eakeiakana? Oi vupu ana ei awku unu evere’ea pani eiai?
5Iesu erau voa kuruenave, Naivirine a’a pawru naranavaia:
6Uku Na nawi mia‐a’a aila aneakana, erau voa kurumakeiakana, Keriso nai aku; a’a aila ewaea‐ekavakana ane.
7Noro apaki inu uru viriane, epo voa ane apaki eiai, kukupuna pa miai: uku ei awku oea‐rokoai limakina; a ika pani keiapea.
8Kaki a’a kaki a’a e paku ai mani‐lala’avakana, eiei awku eiei e eiai mani‐la’?-?avakana: mako e e pani va’au oioiliakana, pei oea keiakana, kukupuna ane: lai kukunu unu pinai awku eire.
9Naivirine: uku oro napiriakana sunederi a’a anu voa vevea eiai; omoro marea laru ai noro vakinamiakeia?-?kana: kavana a’a, amua a’a ane, paku ai noro oiakana uku Nai eiai, ione a’a omo paku ai Nai eiai.
10Iva voa pinai omoro kuruai limakina kaki a’a uriria paku ai.
11Voa vevenaiai oro narava’ane, lai kukupuna pa miai uku kavani voa noro kuruakana: pani anea’ane kavani voa eiai kurua voa nakuakeiakana; uku noro voa kuruapea, a Avaea Iaa voa kuruna.
12Uku avai aroa a’a una aroa a’a anai‐aviakana, mekai awku una mere; ukua‐mere lala’avakana omo a’e mai ane mani‐ekavai, oro imuai oro eiakana ane.
13I a’a uriria noro vai’i‐nakavakeiakana uku Na nawi eiai: a kurua a’a iviri‐keia’ane anea’anea ika pani ai u iawkavakeiakana.
14Kurua oava anu uku noro inamu‐oiane iaa mako oimakina, voa orau i Daniela laikorava a’a kuruakei’inave, (buka oraia a’a ei voa virinamoki) oro Iudea ai pokoina oro akapu ai area‐enanameki:
15U ane u marea i’i upa mere pokoina u pa liliai marea laru ai, pa ikiriai una marea mere aru iou‐miane‐iai:
16U ane u aura ai pokoina una a’a kape eiai marea ai u pa vairuai.
17Umu e, a’ero eiai kurua pani ai oro nemo keina, oro awku eiai oro upi ame ekuna!
18Nawki awkane noro e, ei pani kou’upua pani anenavaia.
19Uku kurua pani ai kukupuna keiakana, kukupuna orau pani va’au miape kurua pani mere Eloi pani va’au eanave anea’anea eai, kukupuna orau pani va’au moawku miapea opai keiakana.
20Eloi kurua pani uma liape liane, a’a kapeo rokoakana: a uku Una a’a eiai U ie’eane euna uku U eiai kurua lare pani U uma‐liane euna.
21A’a erau voa kurunaiane, Akoi’i, Keriso eu aku; Akoi’i, U iou aku: una voa pa pirimaroakoai:
22Uku arauau keriso lala’avakana, arauau laikorava a’a ane, vupu, momo’ore awku ane, oro ipekiakana, oro ipia‐miane‐iai Eloi inu ie’ea a’a ewaea‐ekavai.
23Noro oivirine, akoi’i, awku uriria Nai nakiane euna.
24Kurua kukupuna pani oailiakeia’ane, neko mere ai lare muru awkavakeiakana, ia awku pamea awkuapea,
25Rawpu oro kaia mere aravakana, kaia anu iva va?-?novano‐eiakeiakana.
26Ou pani ai A’a anu Mere oro inamu‐oiakana awporo ai anemakeiakana iva ovara, evao’evao kiripai ane.
27Una aivara‐avaea U ekaiviriakana, Una ie’ea a’a kaupukiai anu eiei mere, nara eiei mere, auanu eiei mere, maruru eiei mere.
28Uru iri mere aipo voa ipawkine; ilo‐erea pani ai, una aw awku ereane, noro ipali’ina aumeia pani arekamu ai keina:
29Orau noro awku, ei awku evere’eimakina noro inamu‐eiane, noro ipaliakana ei pani aneliviai anelia arekamu ai, lia, ei‐anena.
30Nai kurunaina kapoi, ei kiri a’a imuapea anea’anea ei awku evere’eiakeia’ane.
31Kaia, pani va’au ane, periakana, a Na voa periapea.
32A uku kurua lare, pani eiei ane, a’a kapeo ipali’ina, aivara‐avaea ane pani muku ai oro ipapeo, Mere awku U ipapeo, Mai U e ipali’ina.
33Naivirine, rokoa pokoine ane, nawki‐awkane ane, uku kurua pani noro ipapeo.
34Kurua pani a’a orau una marea u ave’eane euna, pani va’au e ama mere u pokoina, una aivara kavakava u awkiane euna una iaki eiai, kikau oiviria vaki rokoa‐pokoiai u awkiane euna ane.
35Ou uku eiai rokoa?-?pokoine, uku marea mai‐vaki inu vairua pani noro ipapeo, lare eua pani naea, kipere mokono pani naea, kokora viki pani naea, pani merea naea.
36Naivirine, u emoki anenavaia, noro awawkeimakina auinaiakana ane.
37Ei voa Nai kurunaina a’a uriria Nai kuruena, Ro?-?koa‐pokoine!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.