WINEWEUDO TINENA 25
25
I Paulu i arono i Pesutu
Winuatako kara-kara a Datu
25:1-12
1Otolu oleo umarino hawe a poropensi atuu melungkaomo i Pesutu inso i Kaisarea lumako i Yerusale. 2I tu'ai petewawado sando mpesomba ka to Yahudi anu langkai tuwudo me'aiwa mpe'aro ndi onae ka domempohaweo pekalakido mongkona i Paulu. 3Ndi onae dome'emao pe'aroano, anu mokonsusao i Paulu, onaemo ka itenao i Paulu aiwa i Yerusale. Hangano mpontoo iramo ira mpepateo a nsala. 4Sine sumangki i Pesutu, nine i Paulu tinorungku mpiha i Kaisarea ka nine onaeno isa'a montoo ta ronga mekule i ra'ai. 5Ipotae, ”Onaemo pu'uno moikoomo mia anu hinao potorono i olomiu ka dome'aiwa mperonga saru ongkue ka domempauo pekalakido mongkona onae, tewala hinao salano.”
6I Pesutu nahi lalo oalu ke hopulu oleo ipo'ia i Yerusale. Umarino atuu mekule i Kaisarea. Tisomono onae moweweu pebitaraa, ka metena ka iwinawa i Paulu i arono. 7Mansano hawe i Paulu hawe i tu'ai, luwuno to Yahudi anu mehawe inso i Yerusale mpentade melimbuo ka dompompau hadio pontuluri mobea mongkona onae anu nahi domempolio mpotiso mengkaano. 8Sine i Paulu tumeahakono koroino, ipotae, ”Maupo tedei nahina salaku, moiko a songka Taurado to Yahudi maupo a Raha-Do Ue Ala ke ndi ondae Datu.” 9Sine i Pesutu anu mingki mo'ala-ala aroado to Yahudi, sumangkio i Paulu, ipotae, ”Beheko koake lumako i Yerusale, ka ubinitara i ra'ai i aroku mongkona kara-kara andio?” 10Sine motae i Paulu, ”Ongkue kanandio-andio mentade i ndi'ai i arono pobitaraado Datu ka i ndi'aimo asalakono kubinitara. Kana omiu ito'orio ntu'u, maupo tedei nahina wineweuku anu sala a nto Yahudi. 11Gaagi, tewala mentee ntu'u hinao salaku ka hinao wineweuku anu mosa'o anu metoto saru pohuku mate, po'ineeomo kumate, sine, tewala hapa anu domentuluriakune atuu mengkaa nahi mentee, nahina maupo te'asa mia anu tekona meweengakune gagi aasa pe'aroa ndi ondae. Aku mewuatako a mpobitaraado Datu!” 12Mansado nteriso saru luwudo anu mpentoro a mpobitaraa, sumangki i Pesutu, ”Omue mewuatakokomo a mpobitaraado Datu, gagi asalakono kolumako i arodo Datu.”
I Paulu i arono i Ageripa ka i Berenike
25:13-27
13Ba opia oleo umarino atuu haweomo mokole Ageripa saru i Berenike i Kaisarea mesingge raha pompelangkai ndi Pesutu. 14Hangano ba opia oleo tehineno dopo'ia i tu'ai, i Pesutu itutuluakono mokole atuu kara-karano i Paulu, ipotae, ”I ndi'ai hinao asa mia tinorungku anu binintano i Pelikisi tempono ilako. 15Tempono kukongko i Yerusale, petewawado sando mpesomba ka mia mempinemota'udo to Yahudi mpompau pekalakido mongkona mia atuu ka me'emao ka ihinuku. 16Kusangki ira, nine komba gaudo to Roma mompeweengako asa mia kinalaki gagi aasa pe'aroa ba napi pinopo'aro saru mia anu mentulurio ka pinoweeako tempo sumangkio pontuluri atuu. 17Onaemo pu'uno ka dome'aiwa ramai mperongaakune. Tisomono ronga aku moweweu pebitaraa ka metena ka iwinawa i arono mia atuu. 18Sine tempono luwuno anu mpekalaki mpentade melimbuo, nahina dompompau maupo te'asa pontuluri mongkona poweweuno anu mosa'o kana anu linolaropiku. 19Sine butu ira nteposisalaako mongkona agamado saru onae, ka mongkona asa mia anu meneeako i Yesu, anu mateomo, sine manasa ipauo i Paulu, nine tuwu Ira. 20Hangano nanta-nanta aku ba kana'umpe asalakono kuparesao kara-kara kanatuu, kusikenoo ba ineheno koa lumako i Yerusale, ka ibinitara kara-karano i tu'ai. 21Sine i Paulu iwuatakono pebitaraa. I'emao, ka ipo'ia a laro torungku ka mesikori, hawe ka dopakosio Datu kara-karano. Onaemo pu'uno ka kupetena tumorungkuo hawe ka kupoko'oliwio ndi ondae Datu.” 22Motae i Ageripa ndi Pesutu, ”Aku mingki rumongeo onaeno isa'a mia atuu.” Sumangki i Pesutu, ”Tisomo korumongeo.”
23Tisomono aiwa iramo i Ageripa ka Berenike mesangka maramba ka mansado mewinso a bolongko pobitaraa mperonga saru luwuno petewawa sorodadu ka mia anu hinao potorodo inso i kota atuu, i Pesutu meparenta, ka iwinawa i arono i Paulu. 24Motae i Pesutu, ”Oo mokole Ageripa saru luwuno anu mehawe i ndi'ai mperonga-ronga saru omami. Imengkitaomo mia andio, anu domentulurio luwuno to Yahudi, moiko anu i Yerusale, maupo anu i ndi'ai. Mehawe iramo ndi ongkue ka saru mengkokora-kora dompotae, nine onae ka si tuwu tehine mbo'u. 25Sine mengkaa ndi ongkue, nine nahina wineweuno maupo te'asa anu tekona saru pohuku mate ka hangano iwuatakono pebitaraa ndi ondae Datu, kupakosio aku umoliwio ka iwinawa i arodo Datu. 26Sine nahina hapa-hapa anu manasa anu asalakono kuburiako ira Datu mongkona onae. Onaemo pu'uno ka ku wawao i arono i ndi'ai ndi omiu luwu, tamoako ndi omiu, mokole Ageripa, mansano umari pomparesaa, ka ihina koa buriaku. 27Hangano pohaweku nahi mentee ba to'oliwio asa mia tinorungku ka nahina pinokomengkaa luwuno pontuluri anu pinau mongkona onae.”
Currently Selected:
WINEWEUDO TINENA 25: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
WINEWEUDO TINENA 25
25
I Paulu i arono i Pesutu
Winuatako kara-kara a Datu
25:1-12
1Otolu oleo umarino hawe a poropensi atuu melungkaomo i Pesutu inso i Kaisarea lumako i Yerusale. 2I tu'ai petewawado sando mpesomba ka to Yahudi anu langkai tuwudo me'aiwa mpe'aro ndi onae ka domempohaweo pekalakido mongkona i Paulu. 3Ndi onae dome'emao pe'aroano, anu mokonsusao i Paulu, onaemo ka itenao i Paulu aiwa i Yerusale. Hangano mpontoo iramo ira mpepateo a nsala. 4Sine sumangki i Pesutu, nine i Paulu tinorungku mpiha i Kaisarea ka nine onaeno isa'a montoo ta ronga mekule i ra'ai. 5Ipotae, ”Onaemo pu'uno moikoomo mia anu hinao potorono i olomiu ka dome'aiwa mperonga saru ongkue ka domempauo pekalakido mongkona onae, tewala hinao salano.”
6I Pesutu nahi lalo oalu ke hopulu oleo ipo'ia i Yerusale. Umarino atuu mekule i Kaisarea. Tisomono onae moweweu pebitaraa, ka metena ka iwinawa i Paulu i arono. 7Mansano hawe i Paulu hawe i tu'ai, luwuno to Yahudi anu mehawe inso i Yerusale mpentade melimbuo ka dompompau hadio pontuluri mobea mongkona onae anu nahi domempolio mpotiso mengkaano. 8Sine i Paulu tumeahakono koroino, ipotae, ”Maupo tedei nahina salaku, moiko a songka Taurado to Yahudi maupo a Raha-Do Ue Ala ke ndi ondae Datu.” 9Sine i Pesutu anu mingki mo'ala-ala aroado to Yahudi, sumangkio i Paulu, ipotae, ”Beheko koake lumako i Yerusale, ka ubinitara i ra'ai i aroku mongkona kara-kara andio?” 10Sine motae i Paulu, ”Ongkue kanandio-andio mentade i ndi'ai i arono pobitaraado Datu ka i ndi'aimo asalakono kubinitara. Kana omiu ito'orio ntu'u, maupo tedei nahina wineweuku anu sala a nto Yahudi. 11Gaagi, tewala mentee ntu'u hinao salaku ka hinao wineweuku anu mosa'o anu metoto saru pohuku mate, po'ineeomo kumate, sine, tewala hapa anu domentuluriakune atuu mengkaa nahi mentee, nahina maupo te'asa mia anu tekona meweengakune gagi aasa pe'aroa ndi ondae. Aku mewuatako a mpobitaraado Datu!” 12Mansado nteriso saru luwudo anu mpentoro a mpobitaraa, sumangki i Pesutu, ”Omue mewuatakokomo a mpobitaraado Datu, gagi asalakono kolumako i arodo Datu.”
I Paulu i arono i Ageripa ka i Berenike
25:13-27
13Ba opia oleo umarino atuu haweomo mokole Ageripa saru i Berenike i Kaisarea mesingge raha pompelangkai ndi Pesutu. 14Hangano ba opia oleo tehineno dopo'ia i tu'ai, i Pesutu itutuluakono mokole atuu kara-karano i Paulu, ipotae, ”I ndi'ai hinao asa mia tinorungku anu binintano i Pelikisi tempono ilako. 15Tempono kukongko i Yerusale, petewawado sando mpesomba ka mia mempinemota'udo to Yahudi mpompau pekalakido mongkona mia atuu ka me'emao ka ihinuku. 16Kusangki ira, nine komba gaudo to Roma mompeweengako asa mia kinalaki gagi aasa pe'aroa ba napi pinopo'aro saru mia anu mentulurio ka pinoweeako tempo sumangkio pontuluri atuu. 17Onaemo pu'uno ka dome'aiwa ramai mperongaakune. Tisomono ronga aku moweweu pebitaraa ka metena ka iwinawa i arono mia atuu. 18Sine tempono luwuno anu mpekalaki mpentade melimbuo, nahina dompompau maupo te'asa pontuluri mongkona poweweuno anu mosa'o kana anu linolaropiku. 19Sine butu ira nteposisalaako mongkona agamado saru onae, ka mongkona asa mia anu meneeako i Yesu, anu mateomo, sine manasa ipauo i Paulu, nine tuwu Ira. 20Hangano nanta-nanta aku ba kana'umpe asalakono kuparesao kara-kara kanatuu, kusikenoo ba ineheno koa lumako i Yerusale, ka ibinitara kara-karano i tu'ai. 21Sine i Paulu iwuatakono pebitaraa. I'emao, ka ipo'ia a laro torungku ka mesikori, hawe ka dopakosio Datu kara-karano. Onaemo pu'uno ka kupetena tumorungkuo hawe ka kupoko'oliwio ndi ondae Datu.” 22Motae i Ageripa ndi Pesutu, ”Aku mingki rumongeo onaeno isa'a mia atuu.” Sumangki i Pesutu, ”Tisomo korumongeo.”
23Tisomono aiwa iramo i Ageripa ka Berenike mesangka maramba ka mansado mewinso a bolongko pobitaraa mperonga saru luwuno petewawa sorodadu ka mia anu hinao potorodo inso i kota atuu, i Pesutu meparenta, ka iwinawa i arono i Paulu. 24Motae i Pesutu, ”Oo mokole Ageripa saru luwuno anu mehawe i ndi'ai mperonga-ronga saru omami. Imengkitaomo mia andio, anu domentulurio luwuno to Yahudi, moiko anu i Yerusale, maupo anu i ndi'ai. Mehawe iramo ndi ongkue ka saru mengkokora-kora dompotae, nine onae ka si tuwu tehine mbo'u. 25Sine mengkaa ndi ongkue, nine nahina wineweuno maupo te'asa anu tekona saru pohuku mate ka hangano iwuatakono pebitaraa ndi ondae Datu, kupakosio aku umoliwio ka iwinawa i arodo Datu. 26Sine nahina hapa-hapa anu manasa anu asalakono kuburiako ira Datu mongkona onae. Onaemo pu'uno ka ku wawao i arono i ndi'ai ndi omiu luwu, tamoako ndi omiu, mokole Ageripa, mansano umari pomparesaa, ka ihina koa buriaku. 27Hangano pohaweku nahi mentee ba to'oliwio asa mia tinorungku ka nahina pinokomengkaa luwuno pontuluri anu pinau mongkona onae.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021