WINEWEUDO TINENA 26
26
Peteahakono i Paulu i arono i Ageripa
26:1-11
1Motae i Ageripa ndi Paulu, ”Omue pinoweeako tempo ka uteakakono koroimu.” Itandeo i Paulu kaeno ka i'amba pompowee peteahako kanandio, 2”Oo mokole Ageripa, me'ura aku, hangano a oleo andio ineheako aku popauo i aromiu mongkona luwuno pontuluri anu pinaudo to Yahudi mongkona ongkue, 3tamoako ito'orio ntu'u gau ka teposisalaado to Yahudi. Onaemo pu'uno ku'emao ndi omiu, ka usabara merorongeakune.
4 #
Tin. 22:3-5
Luwuno to Yahudi mento'orio sala ntumuwuku mompu'u da kumongura, hangano inso a pompu'uano kutuwu i tonga-tongado tongkuku i Yerusale. 5#Tin. 23:6; Plp. 3:5 Tehineomo domento'ori aku ka bakanaano domebehe, ira mpokompesakosii, nine tuwu akumo kana aasa to Parisi montonda pompaguru ka gau anu moroso ntu'u a agamato. 6Ka kanandio-andio ongkue asalakono lumako i arono pebitaraa hangano kuperorohio te'ihiino dandi, anu Doweeako ira Ue Ala a uempu'uto, 7ka anu sinikorido hopulu ka orua sukuto, onaemo ka nahi dompenaa-naa mpesomba meene ka wongi. Ka hangano pomperorohimo atuu, oo mokole Ageripa, ka domentuluri aku to Yahudi. 8Tembio ka impotae nahi ta gagi, nine Dowangu ira Ue Ala mia mate? 9#Tin. 8:3 Maupo kana'umpe, hori aku ko'aro-aroa, nine asalakono aku umewaio ntu'u nee-Do i Yesu anu inso i Nasare. 10Anu kanatuu kuweweuo koa mbo'u i Yerusale. Ongkue komba butu mowinso hadio mia mempori a laro torungku, mansaku mohawe pabawa inso a mpetewawado sando mpesomba, sine kupemoikoo mbo'u, ba domehinuku mate. 11A luwuno raha tepumpua mararu kubobarasai ira ka dumadaio ka ihapuo pompe'ala-alano ka a laro ntekuda anu lansara kululu ira, tendeano hawe a ngkota susua.”
I Paulu tumutuluo tepidino ka poboino
26:12-23
12 #
Tin. 9:1-19a; 22:6-16 ”Ka i larono teweweu kanandio, tempono kupinoweeako pabawa ka anggaa inso a mpetewawado sando mpesomba tekonai a laro pelempaa lumako i Damasi, 13borono, oo mokole Ageripa, tempono ntonga oleo kukitao a ntonga nsala atuu wanta anu mewineopo sekono wantano mata oleo, metii inso i langi lumimbu aku saru wali-waliku a mpelempaaku. 14Ntebangku kami luwu a wita ka kurongeo aasa suara anu mepauakune a mpau Ibarani: Saulu, Saulu, tembio ka ubobarasai Aku? Motungko komesumpe a ntuko montaso. 15Sine sumangki aku, Isemake Omiu, Ue? Mepau Ira i Ue: Ongkuemo i Yesu, anu binobarasaimu atuu. 16Sine kanandio-andio, pewangumo ka pentademo. Mepopokita Aku ndi omue ka Kupakosiko gagi puu pompekakaako ka sakosii a luwuakoano anu ukitaomo inso ndi Ongkue ka mongkona hapa anu Aku mopokitaakomu lembuino. 17Aku lumiahakomu inso a tongku andio ka inso a luwuno tongku susua. Ka Aku tumenako ndi ondae, 18ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.
19Onaemo pu'uno, oo mokole Ageripa, a pongkita anu inso i suruga atuu nahi kuhori umewaio. 20#Tin. 9:20, 28-29 Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu. 21Onaemo pu'uno ka domerako aku to Yahudi a Raha-Do Ue Ala, ka mpo'arahako mpepate aku. 22Sine hangano pontulungi-Do Ue Ala ka kupokotuwu hawe kanandio-andio ka mesakosii a mia kodei ka a mia langkai. Ka hapa anu kupaleleo atuu nahina susua inso anu se'eluno domempauomo nabi ka ipauomo mbo'u i Musa, 23#Yes. 42:6; 49:6; 1Kor. 15:20 onaemo, nine i Mesia asalakono Ira mompembasai marasaia ka nine Ondaemo anu amba-ambano Ira mewangu inso i olodo mia mate, ka nine Ira paleleo mewine a tongku andio ka a luwuno tongku susua.”
Po'oluako ndi Ageripa ka ipompe'ala-ala
26:24-32
24Kontongaano i Paulu pauo luwuno atuu ta tumutuluo luwuno inanggano, mepauomo meroku i Pesutu, ”Mekombeko Paulu! Tino'orimu anu hadio atuu mokomekombeko.” 25Sine sumangki i Paulu, ”Ongkue komba mekombe, Pesutu anu pinelangkai! Kupauo menteeano inso a mpinewowolo anu moiko! 26Ondae mokole doto'orio koa mbo'u mongkona luwuno anu pinauku andio, onaemo pu'uno ka kumosia pauo a menteeano ndi ondae. Kupe'ala-alao, nine nahina maupo te'asa inso a luwuno andio anu napi dorongeo, hangano luwuno andio komba gagi a mpo'ianga anu tekansi. 27Ipe'ala-ala irake nabi, mokole Ageripa? Kuto'orio, nine ipe'ala-ala ira.” 28Sumangki i Ageripa, ”Tedeimo koa ka upokompompe'ala-ala aku gagi to Kerisituu!” 29Motae i Paulu, ”Aku mekakai ndi Ondae Ue Ala, ka ironga ke kotehi-tehineno komba butu omiu, sine luwuno mia mehano anu mehawe i ndi'ai ka anu merongeo pauku gagi mpengkena saru ongkue, sangkadio pongu andiodo.” 30Ka do'amba mpentade mokole ka petewawa i wita atuu saru i Berenike ka luwuno mia anu mpentoro saru ondae. 31Kontongaado mpeluarako, mpepau-pau iramo pada ondaedo, ”Mia atuu nahina hapa wineweuno anu metoto saru pohuku mate ke tinorungku.” 32Motae i Ageripa ndi Pesutu, ”Mia atuu bakanaano moikoomo ipinotola ba nahi iwuatakono kara-karano ndi ondae Datu.”
Currently Selected:
WINEWEUDO TINENA 26: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
WINEWEUDO TINENA 26
26
Peteahakono i Paulu i arono i Ageripa
26:1-11
1Motae i Ageripa ndi Paulu, ”Omue pinoweeako tempo ka uteakakono koroimu.” Itandeo i Paulu kaeno ka i'amba pompowee peteahako kanandio, 2”Oo mokole Ageripa, me'ura aku, hangano a oleo andio ineheako aku popauo i aromiu mongkona luwuno pontuluri anu pinaudo to Yahudi mongkona ongkue, 3tamoako ito'orio ntu'u gau ka teposisalaado to Yahudi. Onaemo pu'uno ku'emao ndi omiu, ka usabara merorongeakune.
4 #
Tin. 22:3-5
Luwuno to Yahudi mento'orio sala ntumuwuku mompu'u da kumongura, hangano inso a pompu'uano kutuwu i tonga-tongado tongkuku i Yerusale. 5#Tin. 23:6; Plp. 3:5 Tehineomo domento'ori aku ka bakanaano domebehe, ira mpokompesakosii, nine tuwu akumo kana aasa to Parisi montonda pompaguru ka gau anu moroso ntu'u a agamato. 6Ka kanandio-andio ongkue asalakono lumako i arono pebitaraa hangano kuperorohio te'ihiino dandi, anu Doweeako ira Ue Ala a uempu'uto, 7ka anu sinikorido hopulu ka orua sukuto, onaemo ka nahi dompenaa-naa mpesomba meene ka wongi. Ka hangano pomperorohimo atuu, oo mokole Ageripa, ka domentuluri aku to Yahudi. 8Tembio ka impotae nahi ta gagi, nine Dowangu ira Ue Ala mia mate? 9#Tin. 8:3 Maupo kana'umpe, hori aku ko'aro-aroa, nine asalakono aku umewaio ntu'u nee-Do i Yesu anu inso i Nasare. 10Anu kanatuu kuweweuo koa mbo'u i Yerusale. Ongkue komba butu mowinso hadio mia mempori a laro torungku, mansaku mohawe pabawa inso a mpetewawado sando mpesomba, sine kupemoikoo mbo'u, ba domehinuku mate. 11A luwuno raha tepumpua mararu kubobarasai ira ka dumadaio ka ihapuo pompe'ala-alano ka a laro ntekuda anu lansara kululu ira, tendeano hawe a ngkota susua.”
I Paulu tumutuluo tepidino ka poboino
26:12-23
12 #
Tin. 9:1-19a; 22:6-16 ”Ka i larono teweweu kanandio, tempono kupinoweeako pabawa ka anggaa inso a mpetewawado sando mpesomba tekonai a laro pelempaa lumako i Damasi, 13borono, oo mokole Ageripa, tempono ntonga oleo kukitao a ntonga nsala atuu wanta anu mewineopo sekono wantano mata oleo, metii inso i langi lumimbu aku saru wali-waliku a mpelempaaku. 14Ntebangku kami luwu a wita ka kurongeo aasa suara anu mepauakune a mpau Ibarani: Saulu, Saulu, tembio ka ubobarasai Aku? Motungko komesumpe a ntuko montaso. 15Sine sumangki aku, Isemake Omiu, Ue? Mepau Ira i Ue: Ongkuemo i Yesu, anu binobarasaimu atuu. 16Sine kanandio-andio, pewangumo ka pentademo. Mepopokita Aku ndi omue ka Kupakosiko gagi puu pompekakaako ka sakosii a luwuakoano anu ukitaomo inso ndi Ongkue ka mongkona hapa anu Aku mopokitaakomu lembuino. 17Aku lumiahakomu inso a tongku andio ka inso a luwuno tongku susua. Ka Aku tumenako ndi ondae, 18ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.
19Onaemo pu'uno, oo mokole Ageripa, a pongkita anu inso i suruga atuu nahi kuhori umewaio. 20#Tin. 9:20, 28-29 Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu. 21Onaemo pu'uno ka domerako aku to Yahudi a Raha-Do Ue Ala, ka mpo'arahako mpepate aku. 22Sine hangano pontulungi-Do Ue Ala ka kupokotuwu hawe kanandio-andio ka mesakosii a mia kodei ka a mia langkai. Ka hapa anu kupaleleo atuu nahina susua inso anu se'eluno domempauomo nabi ka ipauomo mbo'u i Musa, 23#Yes. 42:6; 49:6; 1Kor. 15:20 onaemo, nine i Mesia asalakono Ira mompembasai marasaia ka nine Ondaemo anu amba-ambano Ira mewangu inso i olodo mia mate, ka nine Ira paleleo mewine a tongku andio ka a luwuno tongku susua.”
Po'oluako ndi Ageripa ka ipompe'ala-ala
26:24-32
24Kontongaano i Paulu pauo luwuno atuu ta tumutuluo luwuno inanggano, mepauomo meroku i Pesutu, ”Mekombeko Paulu! Tino'orimu anu hadio atuu mokomekombeko.” 25Sine sumangki i Paulu, ”Ongkue komba mekombe, Pesutu anu pinelangkai! Kupauo menteeano inso a mpinewowolo anu moiko! 26Ondae mokole doto'orio koa mbo'u mongkona luwuno anu pinauku andio, onaemo pu'uno ka kumosia pauo a menteeano ndi ondae. Kupe'ala-alao, nine nahina maupo te'asa inso a luwuno andio anu napi dorongeo, hangano luwuno andio komba gagi a mpo'ianga anu tekansi. 27Ipe'ala-ala irake nabi, mokole Ageripa? Kuto'orio, nine ipe'ala-ala ira.” 28Sumangki i Ageripa, ”Tedeimo koa ka upokompompe'ala-ala aku gagi to Kerisituu!” 29Motae i Paulu, ”Aku mekakai ndi Ondae Ue Ala, ka ironga ke kotehi-tehineno komba butu omiu, sine luwuno mia mehano anu mehawe i ndi'ai ka anu merongeo pauku gagi mpengkena saru ongkue, sangkadio pongu andiodo.” 30Ka do'amba mpentade mokole ka petewawa i wita atuu saru i Berenike ka luwuno mia anu mpentoro saru ondae. 31Kontongaado mpeluarako, mpepau-pau iramo pada ondaedo, ”Mia atuu nahina hapa wineweuno anu metoto saru pohuku mate ke tinorungku.” 32Motae i Ageripa ndi Pesutu, ”Mia atuu bakanaano moikoomo ipinotola ba nahi iwuatakono kara-karano ndi ondae Datu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021