I YOHANE 11
11
I Lasaru winangu
11:1-44
1 #
Luk. 10:38-39
Hinao asa mia kontongaano mahaki, neeno i Lasaru. Onae mo'ia i Betania, iniano i Maria ka uaino i Marita. 2#Yoh. 12:3 I Maria onaemo beine anu horio lumanaiakono mina-mina karu-Do i Ue ka ipahihiakono wuuno. 3Ka i Lasaru anu mahaki atuu onaemo pepaekompono. Beine orua ira atuu me'oliwiako Ira i Yesu, ”Ue, onae anu pinehohawa-Miu, mahaki.” 4Tempono Dorongeo i Yesu lele atuu, Dopotae, ”Haki atuu nahi ta mowawa matea, sine ta mokomengkaao maramba-Do Ue Ala, hangano haki atuu Ana-Do Ue Ala Ira pinokomaramba.” 5Ondae i Yesu lano Dopehohawa ira i Marita ka akano ka i Lasaru. 6Sine mansa-Do rumongeo, nine i Lasaru mahaki, Dope'inungakono mo'ia orua oleo mbo'u a mpo'ianga ba isua Dopo'ia; 7sine umarino atuu Dopotaeako ira ana guru-Do, ”Aiwa tompekule mbo'u i Yudea.” 8Dompotaeako Ira ana guru-Do, ”Guru, dasarai andio to Yahudi mpo'arahako wuno-Komiu, da behe Komiu koake mekule i ra'ai?” 9Sumangki Ira i Yesu, ”Komba hopulu ka orua langkuke i larono asa oleo? Isema anu melempa tempono meene, karuno nahi ta tetidu, hangano ikitao mewineno wawontolino andio. 10Sine tewala asa mia melempa tempono wongi, karuno tetidu, hangano nahina mewine a ngkoroino.” 11Kanandiomo pau-Do, ka umarino atuu Dopotaeako ira, ”I Lasaru, pepaekompoto, moturiomo, sine Aku lumako raane wanguo inso a mpoturino.” 12Ka mpotae iramo ana guru atuu ndi Ondae, ”Ue, tewala onae tekoturi, ta koa tompa.” 13Sine tinoo-Do i Yesu onaemo tekoturi anu pengkonaano mate, sine domengkolaro-laro pinau-Do i Yesu mongkona tekoturi anu pengkonaano tekoturi koa ntu'u. 14Onaemo pu'uno ka Dopauo i Yesu a manasaano, ”I Lasaru mateomo; 15sine Kupo'undeakono nahi Kukongko i tempo atuu, hangano kanandio moikoopo ndi omiu, ka impokompepaguru mpompe'ala-ala. Kanandio-andio aiwamo ka tomelako ndi onae.” 16Ka i'amba i Toma anu nineeako i Didimu, motaeako ira wali-walino, onaemo luwuno ana guru anu susua, ”Aiwamo ka tomelako ntada ka tomemate mperonga saru Ondae.”
17Ka tempono Dohawe i Yesu, Dohaweo i Lasaru opaa oleomo mepombole a laro ngkaburu. 18Inia Betania umpeda i Yerusale, bara'ura orua mili olaino. 19I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo. 20Tempono irongeo i Marita, nine hawe Ira i Yesu, lumakoomo tepohaweako Ira. Sine i Maria mo'ia i raha. 21Motaeomo i Marita ndi Ondae i Yesu, ”Ue, ba kanaano kongko Komiu i ndi'ai, manasa nahi ta mate pepaekompoku. 22Sine maupo kanandio-andio kuto'orio, nine Ondae Ue Ala Ira weea-Komiu luwuakoano anu inema-Miu ndi Ondae.” 23Motae Ira i Yesu ndi Marita, ”Pepaekompomu ta mewangu.” 24Motae i Marita ndi Ondae, ”Kuto'orio nine onae ta mewangu i tempono dompewangu mia a pokotampulaano wawontolino.” 25Sumangki Ira i Yesu, ”Ongkuemo pewangua ka tuwua; ba isema me'ala-ala Aku, onae ta tuwu maupo mateomo, 26ka sompo mia anu tuwu ka anu me'ala-ala Aku, nahi ta mate ranta nahina tampulaano. Upe'ala-alao koake mongkona andio?” 27Sumangki i Marita, ”Oo Ue, kupe'ala-alao, nine Omiumo i Mesia, Ana-Do Ue Ala, Ondae anu Ira hawe i wawontolino.” 28Ka umarino mepau kanandio lumakoomo moboio i Maria pepaekompono ka ipetanga-tangaakono, ”Ondae Guru kongko Ira i ra'ai ka Dopoboiko.” 29Rumongeo atuu montuturako i Maria mentade ka i'amba lumako tepohaweako Ira i Yesu. 30Sine tempo atuu Ondae i Yesu napi Dohaweako a laro inia atuu. Da kongko Ira a mpo'iangano i Marita tepohaweako Ira. 31Tempono to Yahudi anu mekongko saru i Maria a raha atuu mentareroo, mengkitao nine i Maria montuturako mentade ka ipeluarako, domentondao, hangano potaedo ta lumako a ngkaburu monsabangi i tu'ai. 32Sahaweno i Maria a mpo'ianga-Do i Yesu ka ikita Ira, menggolontuomo a mpuu karu-Do ka ipotaeako Ira, ”Ue, ba kanaano kongko Komiu i ndi'ai, manasa nahi ta mate pepaekompoku.”
33Tempono Dokitao i Yesu i Maria mengese ka to Yahudi mbo'u anu mehawe perongano, onaemo ka imasusa aroa-Do. Tedoa te'urense laro-Do ka Dopotae, 34”Isuake imempomboleo?” Mesangki ira, ”Ue, aiwamo ka Ikitao!” 35Ka mengese Iramo i Yesu. 36Dompotae to Yahudi, ”Kitaomo, tedoa Dopehohawao!” 37Sine ba opia mia i olodo mpotae, ”Ondae anu wileakono matano mia morawu, nahi polioke weweuo, ranta nahi mate mia andio?” 38Ka masusaomo mbo'u aroa-Do i Yesu, ka Do'amba lumako a ngkaburu atuu. Kaburu atuu onaemo aasa kunepo anu tinondoako watu. 39Dopotae i Yesu, ”Tandeomo watu atuu!” I Marita, pepaekompono mia anu mate atuu, motaeako Ira, ”Ue, onae mewooomo, hangano opaa oleomo imate.” 40Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?” 41Onaemo ka domentandeo watu atuu. Ka Do'amba i Yesu mentombu kontahane ka Dopotae, ”Ama, montarima kasi Aku ndi Omiu, hangano Iperorongea-Kunemo. 42Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.” 43Ka umari-Do mepau kakandio, mebooli Iramo meroku, ”Lasaru, aiwamo peluarako!” 44Mia anu mateomo atuu aiwa meluarako, karu ka kaeno da teponguako sawu tongono ka rupano tetutuwiako lenso. Motae Ira i Yesu ndi ondae, ”Imengkaleomo sawu atuudo ka impo'ineeo ka ilako.”
Morokoa ka dompepate Ira i Yesu
11:45-57
(Mat. 26:1-5; Mrk. 14:1-2; Luk. 22:1-2)
45Hadio i olodo to Yahudi anu mehawe suminggerahaio i Maria ka anu mensakosiio ondaedo hapa anu Doweweuomo i Yesu, mpompe'ala-ala ndi Ondae. 46Sine hinao anu lumako a nto Parisi ka tumutuluako ira, hapa anu Doweweuomo i Yesu atuu. 47Ka do'amba petewawado sando mpesomba ka to Parisi mpoboio Puu Mpobitara Agama ka dompepumpu ka dompotae, ”Hapake anu asalakono kita mpobio? Hangano mia atuu moweweu hadio anu kinohali-haliako. 48Tewala tompo'inee Ira, iramo mpompe'ala-ala luwu mia ndi Ondae ka ira mehawe to Roma merontuo po'ianga memporito saru tongkuto.” 49Sine asa mia i olodo, onaemo i Kayapa, Sando Mpesomba Langkai a nta'u atuu, motaeako ira, ”Nahina tino'orimiu hapa-hapa, 50ka nahi mpokompewowoloo, nine mentuduopo ndi omiu, tewala asa mia mate tiano tongkuto sekonopo domemate luwu tongkuto andio.” 51Mongkona atuu ipauo komba inso a ngkoroino onaeno, sine kana Sando Mpesomba Langkai a nta'u atuu onae mompau anu ta gagi, nine Ondae i Yesu Ira mate tiano tongku atuu, 52ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo. 53Mompu'u oleo atuu memoroko ka dompepate Ira.
54Onaemo pu'uno nami Dopesabaako mbo'u a mia hadio i olodo to Yahudi, melungka Ira inso i tu'ai lumako a wita umpeda i pada one, a aasa kota anu meneeako Eparai, ka i Tu'ai Dopo'ia saru ana guru-Do.
55I tempo atuu oleo langkai Pasado to Yahudi rangkuomo ka hadio mia inso i wita atuu mpelungka melako i Yerusale mpokomemporio koroido se'eluno napi haweako Pasa atuu. 56Kontongaado mpentade a Raha-Do Ue Ala dome'ungke Ira i Yesu, mpepau-pau ira pada ondaedo, ”Kana'umpe pohawemu? Ira koa hawe mbo'uke a mpogawea?” 57Tempo atuu petewawado sando mpesomba ka to Parisi mpeparenta iramo nine sompo mia anu tumo'orio po'ianga-Do ka domempinauako, ka dompokorako Ira.
Currently Selected:
I YOHANE 11: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
I YOHANE 11
11
I Lasaru winangu
11:1-44
1 #
Luk. 10:38-39
Hinao asa mia kontongaano mahaki, neeno i Lasaru. Onae mo'ia i Betania, iniano i Maria ka uaino i Marita. 2#Yoh. 12:3 I Maria onaemo beine anu horio lumanaiakono mina-mina karu-Do i Ue ka ipahihiakono wuuno. 3Ka i Lasaru anu mahaki atuu onaemo pepaekompono. Beine orua ira atuu me'oliwiako Ira i Yesu, ”Ue, onae anu pinehohawa-Miu, mahaki.” 4Tempono Dorongeo i Yesu lele atuu, Dopotae, ”Haki atuu nahi ta mowawa matea, sine ta mokomengkaao maramba-Do Ue Ala, hangano haki atuu Ana-Do Ue Ala Ira pinokomaramba.” 5Ondae i Yesu lano Dopehohawa ira i Marita ka akano ka i Lasaru. 6Sine mansa-Do rumongeo, nine i Lasaru mahaki, Dope'inungakono mo'ia orua oleo mbo'u a mpo'ianga ba isua Dopo'ia; 7sine umarino atuu Dopotaeako ira ana guru-Do, ”Aiwa tompekule mbo'u i Yudea.” 8Dompotaeako Ira ana guru-Do, ”Guru, dasarai andio to Yahudi mpo'arahako wuno-Komiu, da behe Komiu koake mekule i ra'ai?” 9Sumangki Ira i Yesu, ”Komba hopulu ka orua langkuke i larono asa oleo? Isema anu melempa tempono meene, karuno nahi ta tetidu, hangano ikitao mewineno wawontolino andio. 10Sine tewala asa mia melempa tempono wongi, karuno tetidu, hangano nahina mewine a ngkoroino.” 11Kanandiomo pau-Do, ka umarino atuu Dopotaeako ira, ”I Lasaru, pepaekompoto, moturiomo, sine Aku lumako raane wanguo inso a mpoturino.” 12Ka mpotae iramo ana guru atuu ndi Ondae, ”Ue, tewala onae tekoturi, ta koa tompa.” 13Sine tinoo-Do i Yesu onaemo tekoturi anu pengkonaano mate, sine domengkolaro-laro pinau-Do i Yesu mongkona tekoturi anu pengkonaano tekoturi koa ntu'u. 14Onaemo pu'uno ka Dopauo i Yesu a manasaano, ”I Lasaru mateomo; 15sine Kupo'undeakono nahi Kukongko i tempo atuu, hangano kanandio moikoopo ndi omiu, ka impokompepaguru mpompe'ala-ala. Kanandio-andio aiwamo ka tomelako ndi onae.” 16Ka i'amba i Toma anu nineeako i Didimu, motaeako ira wali-walino, onaemo luwuno ana guru anu susua, ”Aiwamo ka tomelako ntada ka tomemate mperonga saru Ondae.”
17Ka tempono Dohawe i Yesu, Dohaweo i Lasaru opaa oleomo mepombole a laro ngkaburu. 18Inia Betania umpeda i Yerusale, bara'ura orua mili olaino. 19I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo. 20Tempono irongeo i Marita, nine hawe Ira i Yesu, lumakoomo tepohaweako Ira. Sine i Maria mo'ia i raha. 21Motaeomo i Marita ndi Ondae i Yesu, ”Ue, ba kanaano kongko Komiu i ndi'ai, manasa nahi ta mate pepaekompoku. 22Sine maupo kanandio-andio kuto'orio, nine Ondae Ue Ala Ira weea-Komiu luwuakoano anu inema-Miu ndi Ondae.” 23Motae Ira i Yesu ndi Marita, ”Pepaekompomu ta mewangu.” 24Motae i Marita ndi Ondae, ”Kuto'orio nine onae ta mewangu i tempono dompewangu mia a pokotampulaano wawontolino.” 25Sumangki Ira i Yesu, ”Ongkuemo pewangua ka tuwua; ba isema me'ala-ala Aku, onae ta tuwu maupo mateomo, 26ka sompo mia anu tuwu ka anu me'ala-ala Aku, nahi ta mate ranta nahina tampulaano. Upe'ala-alao koake mongkona andio?” 27Sumangki i Marita, ”Oo Ue, kupe'ala-alao, nine Omiumo i Mesia, Ana-Do Ue Ala, Ondae anu Ira hawe i wawontolino.” 28Ka umarino mepau kanandio lumakoomo moboio i Maria pepaekompono ka ipetanga-tangaakono, ”Ondae Guru kongko Ira i ra'ai ka Dopoboiko.” 29Rumongeo atuu montuturako i Maria mentade ka i'amba lumako tepohaweako Ira i Yesu. 30Sine tempo atuu Ondae i Yesu napi Dohaweako a laro inia atuu. Da kongko Ira a mpo'iangano i Marita tepohaweako Ira. 31Tempono to Yahudi anu mekongko saru i Maria a raha atuu mentareroo, mengkitao nine i Maria montuturako mentade ka ipeluarako, domentondao, hangano potaedo ta lumako a ngkaburu monsabangi i tu'ai. 32Sahaweno i Maria a mpo'ianga-Do i Yesu ka ikita Ira, menggolontuomo a mpuu karu-Do ka ipotaeako Ira, ”Ue, ba kanaano kongko Komiu i ndi'ai, manasa nahi ta mate pepaekompoku.”
33Tempono Dokitao i Yesu i Maria mengese ka to Yahudi mbo'u anu mehawe perongano, onaemo ka imasusa aroa-Do. Tedoa te'urense laro-Do ka Dopotae, 34”Isuake imempomboleo?” Mesangki ira, ”Ue, aiwamo ka Ikitao!” 35Ka mengese Iramo i Yesu. 36Dompotae to Yahudi, ”Kitaomo, tedoa Dopehohawao!” 37Sine ba opia mia i olodo mpotae, ”Ondae anu wileakono matano mia morawu, nahi polioke weweuo, ranta nahi mate mia andio?” 38Ka masusaomo mbo'u aroa-Do i Yesu, ka Do'amba lumako a ngkaburu atuu. Kaburu atuu onaemo aasa kunepo anu tinondoako watu. 39Dopotae i Yesu, ”Tandeomo watu atuu!” I Marita, pepaekompono mia anu mate atuu, motaeako Ira, ”Ue, onae mewooomo, hangano opaa oleomo imate.” 40Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?” 41Onaemo ka domentandeo watu atuu. Ka Do'amba i Yesu mentombu kontahane ka Dopotae, ”Ama, montarima kasi Aku ndi Omiu, hangano Iperorongea-Kunemo. 42Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.” 43Ka umari-Do mepau kakandio, mebooli Iramo meroku, ”Lasaru, aiwamo peluarako!” 44Mia anu mateomo atuu aiwa meluarako, karu ka kaeno da teponguako sawu tongono ka rupano tetutuwiako lenso. Motae Ira i Yesu ndi ondae, ”Imengkaleomo sawu atuudo ka impo'ineeo ka ilako.”
Morokoa ka dompepate Ira i Yesu
11:45-57
(Mat. 26:1-5; Mrk. 14:1-2; Luk. 22:1-2)
45Hadio i olodo to Yahudi anu mehawe suminggerahaio i Maria ka anu mensakosiio ondaedo hapa anu Doweweuomo i Yesu, mpompe'ala-ala ndi Ondae. 46Sine hinao anu lumako a nto Parisi ka tumutuluako ira, hapa anu Doweweuomo i Yesu atuu. 47Ka do'amba petewawado sando mpesomba ka to Parisi mpoboio Puu Mpobitara Agama ka dompepumpu ka dompotae, ”Hapake anu asalakono kita mpobio? Hangano mia atuu moweweu hadio anu kinohali-haliako. 48Tewala tompo'inee Ira, iramo mpompe'ala-ala luwu mia ndi Ondae ka ira mehawe to Roma merontuo po'ianga memporito saru tongkuto.” 49Sine asa mia i olodo, onaemo i Kayapa, Sando Mpesomba Langkai a nta'u atuu, motaeako ira, ”Nahina tino'orimiu hapa-hapa, 50ka nahi mpokompewowoloo, nine mentuduopo ndi omiu, tewala asa mia mate tiano tongkuto sekonopo domemate luwu tongkuto andio.” 51Mongkona atuu ipauo komba inso a ngkoroino onaeno, sine kana Sando Mpesomba Langkai a nta'u atuu onae mompau anu ta gagi, nine Ondae i Yesu Ira mate tiano tongku atuu, 52ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo. 53Mompu'u oleo atuu memoroko ka dompepate Ira.
54Onaemo pu'uno nami Dopesabaako mbo'u a mia hadio i olodo to Yahudi, melungka Ira inso i tu'ai lumako a wita umpeda i pada one, a aasa kota anu meneeako Eparai, ka i Tu'ai Dopo'ia saru ana guru-Do.
55I tempo atuu oleo langkai Pasado to Yahudi rangkuomo ka hadio mia inso i wita atuu mpelungka melako i Yerusale mpokomemporio koroido se'eluno napi haweako Pasa atuu. 56Kontongaado mpentade a Raha-Do Ue Ala dome'ungke Ira i Yesu, mpepau-pau ira pada ondaedo, ”Kana'umpe pohawemu? Ira koa hawe mbo'uke a mpogawea?” 57Tempo atuu petewawado sando mpesomba ka to Parisi mpeparenta iramo nine sompo mia anu tumo'orio po'ianga-Do ka domempinauako, ka dompokorako Ira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021